Республиканын тышкы соода ишмердиги, алдын ала маалыматтар боюнча 2019-жылдын январ-мартында тышкы соода жүгүртүүнүн көлөмү 1,5 миллиард АКШ долларынан ашыкты түзүп, 2018-жылдын январ-мартына салыштырмалуу 3,3 пайызга төмөндөгөн. Ошону менен бирге, импорттук  келип түшүүлөр 8,7 пайызга төмөндөгөн, ал эми экспорт 13,7 пайызга жогорулаган.

ЕАЭБке мүчө мамлекеттер менен, 2019-жылдын январ-мартында өз ара соода жүгүртүүнүн көлөмү 509,5  миллион АКШ долларын түзүп, 2018-жылдын январ-мартына салыштырмалуу  3,5 пайызга төмөндөгөн. Анын ичинде, экспорт 18,7 пайызга төмөндөгөн, ал эми импорт 1,9 пайызга жогорулаган.

ЕАЭБ мүчө-мамлекеттер менен республиканын соода жүгүртүүсүндө эң чоң үлүштөр Россия менен 61,0  пайызды жана Казахстан менен 37,8  пайызды түзгөн.

Мындай маалымат Улуттук стат комитетинин билдирүүсүндө белгиленди.

Эгерде сайттан катачылык тапсаңыз, текстти тандап, Ctrl+Enter баскычтарын басып, бизге жөнөтүнүз