Categories

Ташиевди кимдер “кечирим суратты?”

Деги биздин коомчулук чындап эле кокуй болуп бараткандыгы абдан өкүнүчтүү.
Башкасы бүтүп эми кыргыз – тажик чек ара жаңжалынан ар кандай айла амалдар менен арам “упай” алгысы келгендер арбып баратыр.
Учурда кайсы бир нойон соцтүйүндөргө “Ташиев тажиктерден кечирим сурады” деген монтаждалган арсыз видеону таратып өзүнчө жыргап отурат.
Мынчалык акылга сыйбаган арсыз жорук менен атайылап Камчыбек Ташиевдин кадыр баркына доо кетиргиси келген адамдар Ыйык рамазан айында абдан оор күнөө иш кылып жаткандыктарына кейибешке аргасызбыз.
Аттиң десе, ушунчалык караөзгөйлүк менен Камчыкеге кыянатчылык кылуу абдан осол иш болууда.
Эми ошончолукка баргандар жок дегенде элди бир аз болсо да ишендиргилери келсе жакшылап эле монтаждаса болмок экен.
Анткен менен калптын казаны кайнабайт дегендей элибиздин дээрлик көпчүлүгү чын менен калпты айдан ачык ажыратып билген учур азыр.
Ананда Камчыкенин катаал мүнөзү, элим жерим деп соккон жүрөгү душмандардан эзели кечирим сурагыс экендигин кыргыз эли жакшы билет…

 
Categories

ТАШИЕВДИ КИМДЕР “КЕЧИРИМ СУРАТТЫ?”

Деги биздин коомчулук чындап эле кокуй болуп бараткандыгы абдан өкүнүчтүү.

Башкасы бүтүп, эми кыргыз-тажик чек ара жаңжалынан ар кандай айла-амалдар менен арам “очко” алгысы келгендер арбып баратыр.

Учурда кайсы бир нойон соцтүйүндөргө “Ташиев тажиктерден кечирим сурады” деген монтаждалган арсыз видеону таратып, өзүнчө жыргап отурат.

Мынчалык акылга сыйбаган арсыз жорук менен атайылап Камчыбек Ташиевдин кадыр-баркына доо кетиргиси келген адамдар ыйык Рамазан айында абдан оор күнөө иш кылып жаткандыктарына кейибешке аргасызбыз.

Аттиң десе, ушунчалык кара өзгөйлүк менен Камчыкеге кыянатчылык кылуу абдан осол иш болууда.

Эми ошончолукка баргандар жок дегенде элди бир аз болсо да ишендиргилери келсе жакшылап эле монтаждаса болмок экен.

Анткен менен «калптын казаны кайнабайт» дегендей, элибиздин дээрлик көпчүлүгү чын менен калпты айдан ачык ажыратып билген учур азыр.

Анан да Камчыкенин катаал мүнөзү, элим-жерим деп соккон жүрөгү душмандардан эзели кечирим сурагыс экендигин кыргыз эли жакшы билет…

 
Categories

ШАШЫЛЫШ БИЛДИРҮҮ!

Аба ырайынын кескин өзгөрүшүнө байланыштуу ашууларда көчкү түшүп, айрым аймактарда сел жүрөт. Бул тууралуу Сейсмология институту маалымдады. Бүгүн, 6-майда тоолуу райондордо, Төө-Ашуу, Чоң-Ашуу, Ала-Бел ашууларында, Каракысмак капчыгайында көчкү жүрүшү ыктымал.

Унаалардын ортосундагы 500 метр аралык кыймыл чектелиши зарыл. 6-7-майда боло турган жаан-чачынга байланыштуу дарыялар, өзөндөр ташып, айрым өрөөндөрдө сел жүрүшү мүмкүн.

 
Categories

10-МАЙ ИШ КҮНҮ ДЕП ЖАРЫЯЛАНДЫ

Кыргызстанда 10-май иш күнү деп жарыяланды. Бул тууралуу Өкмөттүн басма сөз кызматы кабарлады. 9-май – Жеңиш майрамы жекшемби күнүнө туш келгендиктен эс алуу күнү кийинки күнгө, тагыраагы, дүйшөмбүгө жылдырылмак. Бирок Өкмөт ал эс алуу күнүн 30-августка жылдыруу чечимин кабыл алган.

Мындан улам 10-май жумушчу күн деп жарыяланды. Ал эми август айында 4 күн катары менен эс алуу болот.

 
Categories

УКМК «ТАЖИК ЖАРАНДАРЫ АЭРОПОРТТОН КАРМАЛУУДА» ДЕГЕН МААЛЫМАТТЫ ТӨГҮНДӨДҮ

УКМКнын Чек ара кызматы укук коргоочу Валентина Чупиктин “Бишкек жана Ош аэропортторунда Тажикстандын жарандары кармалып, аларга туура эмес мамиле жасалып жатат” деген видео кайрылуусунда айтылгандар чындыкка туура келбесин билдирди. Укук коргоочу буга чейин YouTube каналы аркылуу Кыргызстандын чек арачылары транзиттик негизде өтүп бара жаткан тажик жарандарын себепсиз кармап жатат деген билдирүү тараткан.

“Укук коргоочунун айткандары жалган жана улуттар аралык кастыкты козутуу катары бааланат. Чек ара кызматынын өкүлдөрү эл аралык укуктук келишимдердин жана Конституциянын негизинде иш алып барышат. Мамлекеттик чек арадан өткөрүүдө адамдын жарандыгы, улуту, расасы маанилүү эмес”, – деп айтылат УКМКнын билдирүүсүндө.

Ошондой эле кыргыз-тажик чек арасындагы жаңжалдан кийин жарандардын коопсуздугу үчүн өткөрүү пунктунан адамдарды, автоунааларды жана жүк өткөрүү убактылуу токтотулган.

“Мындан улам аэропорттун кызматын пайдаланган тажик жарандарынын коопсуздугун камсыздоо үчүн кыргыз тарап аларды эки жол менен өлкө аймагынан чыгарып коюуда. Өзбекстан аркылуу кетүүнү каалагандар коңшу өлкөнүн чек арасындагы өткөрүү пунктуларына жөнөтүлүп жатат. Ал эми дароо өз өлкөсүнө өтүүнү каалагандар “Бордөбө” жана “Карамык” өткөрүү пунктуларына жеткирилип, тажик чек арачыларына өткөрүп берилүүдө”, – деп айтылат түшүндүрмөдө.

 
Categories

ЧЕК АРАДА АБАЛ ТЫНЧ

Баткен облусунда жана бардык райондордо, ошондой эле кыргыз-тажик чек арасында абал тынч. Бул тууралуу ИИМдин маалымат кызматы кабарлады. Билдирмеге караганда, чек арага жакын жайгашкан айылдар аскер кызматкерлери, милиция жана башка күч органдарынын көзөмөлүндө.

Алар жергиликтүү тургундарга түшүндүрүү иштерин жүргүзүп жатат. Тергөө кызматынын өкүлдөрү чек арадагы куралдуу кол салуудан жабыркаган социалдык жана башка объектилер боюнча иликтөө иштерин жүргүзүп жатканы айтылды. Күч органдары күчөтүлгөн тартипте иштеп жатканы кошумчаланды.

 
Categories

Садыр Жапаров Түркиянын TRT AVAZ телеканалына маек берет

Кыргыз Республикасынын президенти Садыр Жапаров
5-май, шаршемби күнү Стамбул убагы менен 13:00дө Түркиянын TRT AVAZ телеканалына маек берет.
Президенти Жапаров ТРТ Аваз экрандарында бүтүндөй түрк дүйнөсүнө кайрылуу жасайт.
Акыркы убакта, өлкөнүн стратегиялык жайгашуусу жана региондогу өлкөлөр менен болгон мамилеси Кыргызстанды болуп көрбөгөндөй эл аралык коомчулуктун көңүл борборуна айландырды. Жапаров Кыргыз Республикасына байланыштуу орчундуу маселелерден тышкары, күндөн-күнгө өнүгүп келе жаткан Түркия-Кыргызстан мамилелерине баа берет.
Булак: trthaber
 
Categories

АМЕРИКАДАГЫ КЫРГЫЗ ДИАСПОРАСЫ ТАЖИК ТАРАПТЫ АЙЫПТАДЫ

Америка Кошмо Штаттарындагы кыргыз диаспорасы 3-майда Бириккен Улуттар Уюмунун Нью Йорк шаарындагы башкы кеңсесинин алдына акциясына чыгышты. Алар 28-29-30-апрель күндөрү чек арада болгон куралдуу кол салууда тажик тараптын карапайым калкка ок атканын айыпташты.

Акцияга чыккандар чек арада өмүрү кыйылган жеткинчек кыз Мадинанын жана чырдын айынан ооруканага жетпей каза болгон беш жаштагы баланын сүрөтүн кармап турушту. Уюштуруучулардын айтымында, кыргыз диаспорасы Баткенде жапа чеккен тургундарга жардам катары 86 миң доллар чогултушкан.

 
Categories

БАТКЕНДИ КАЛЫБЫНА КЕЛТИРҮҮ ИШТЕРИНЕ ӨКМӨТ 700 МЛН. СОМ БӨЛДҮ

Тажикстандын агрессиялык аракеттеринен улам кыйраган Баткен облусундагы айылдарды калыбына келтирүү иштерине 700 млн. сом бөлүндү. Бул тууралуу премьер-министр Улукбек Марипов Баткен облусунун Лейлек районунун Сада айылынын тургундары менен жолугушуу учурунда билдирди.

Анын айтымында, анын 500 млн. сому социалдык объектилерди курууга жана ремонттоого жумшалат. Ал эми калган 200 млн. сому талкаланган жана өрттөлгөн турак-жайларды калыбына келтирүүгө багытталат.

“Учурда келтирилген зыян көлөмүн баалоо боюнча атайы комиссия иш алып барууда, анын ишинин жыйынтыгы боюнча биз калыбына келтирүү ишинин активдүү фазасына киришебиз”, – деп кошумчалады ал.

Эскерте кетсек, Баткен облусунда бир катар социалдык объектилерди куруу пландаштырылууда. Атап айтканда, Кызыл-Бел, Ак-Сай, Моргун жана Борбордук айылдарында типтүү жалпы билим берүү мекемелери курулат, Максат айылында өрттөнүп кеткен мектеп калыбына келтирилип, бала бакча курулат, ошондой эле Кулунду айылында мектепке чейинки балдар мекемеси курулат.

Мындан тышкары, бөлүнгөн каражаттар жаңы жолдорду курууга жана Миң-Булак – Чорго – Ак-Сай, Кок-Таш – Ак-Сай –Тамдык жолдорун оңдоого жумшалып, Ак-Сай – Рават, Кулунду – Максат – Арка, Чайхана – Ак-Сай, Кызыл-Бел – Достук жолдоруна асфальт төшөлөт.

 
Categories

БАТКЕН: ЖАБЫРКАГАНДАРДЫН САНЫ 189ГА ЖЕТТИ

Баткендеги кол салуудан жабыркагандардын саны 189 адамга жетти. Бул тууралуу Саламаттыкты сактоо жана социалдык өнүктүрүү министринин биринчи орун басары Ализа Солтонбекова билдирди.

Ал эми 36 адам курман болду. Учурда ооруканаларда 100 адам дарыланууда. Буга чейин Бишкекке 59 жабырлануучу жеткирилген. Баткен облусундагы бейтапканаларда 41 киши жатат, калгандары амбулатордук түрдө дарылануусун улантууда.

Солтонбекова Баткенде 81 медкызматкер, 20 психолог иштеп жатканын белгиледи. Алар жеринде 11-майга чейин иштээри белгилүү болду.

Эскерте кетсек, 28-апрелде Баткен районунун Көк-Таш айылындагы суу бөлүштүрүүчү жайга Тажикстандын жарандары видеокөзөмөл орното баштаган. Ага кыргызстандыктар каршы чыгышкан, көп өтпөй эки элдин жарандары бири-бирине таш ыргытуудан абал курчуп кеткен.

Өзгөчө кырдаалдар министрлигинен билдиришкендей, Баткен аймагында жалпы 107 турак үй, 2 мектеп, 1 ФАП, 1 бала бакча, 10 май куюучу жай, 8 дүкөн, 4 соода түйүнү, 4 социалдык объект жана 5 башка мамлекеттик имарат өрттөнгөн жана талкаланган.