Categories

Түндүк-Түштүк жолунун курулушу текшерилип жатат

Башкы прокуратуранын өкүлү Түндүк-Түштүк альтернативдүү жолу боюнча текшерүү жүрүп жатканын, Транспорт жана жол министрлигине коррупциялык чийимдерди жоюу боюнча жол каратасы берилгенин билдирди. Түндүк-Түштүк жолу боюнча текшерүү жыйынтыгында юридикалык баа берилет. Бул тууралуу Башкы прокурордун орун басары Нурлан Дүйшөмбиев Жогорку Кеңештин КСДП фракциясынын жолдорду куруу жана калыбына келтирүү үчүн алынган насыялардын жана чет өлкөлүк жардамдардын натыйжалуулугу жөнүндө маалымат угулуп жатканда билдирди.

Ал эми Транспорт жана жол министри Жанат Бейшенов узундугу 33 чакырымга созулган Ош-Баткен-Исфана жолу 2020-жылы бүткөрүлө турганын,а токтолду. Жанат Бейшенов: «Жолдун 20 чакырымына биринчи катмардагы асфальт төшөлдү, эми кыщында көпүрөлөр менен жол нугуна шагыл төшөлөт. Долбоор келерки жылы аягына чыгарылып, пайдаланууга берилет”,-деди.

 
Categories

Президенттин басма сөз катчысы Толгонай Стамалиева айрым медиаресурстарынын эсептеринин камакка алынганына байланыштуу билдирүү таратты

Президент Сооронбай Жээнбековдун сөз эркиндигин коргоо принциптерин карманып, күчтүү жарандык коомдун болушун колдогону белгилүү. Мамлекет башчысы бул тууралуу эл алдына чыгып сүйлөгөндө да, массалык маалымат каражаттарынын өкүлдөрү менен жолугушканда да, өлкөнүн жана чет элдик ММКга берген маектеринде да баса белгилеп келет. Кыргыз Республикасынын Президенти дал ушул жагдайлар өлкөнү өнүктүрүүдө маанилүү роль ойнойт деген көз карашынан кайтпайт.

Мамлекет башчысы азыркы абалга кандай гана реакция кылбасын, коомчулук тараптан сот иштерине жана соттун чечимине басым жасоо аракети катары кабыл алынышы мүмкүн. Бардык соттук териштирүүлөр, анын ичинде медиага карата дагы — укуктук гана талаада жүргүзүлүшү керек.

Ошого карабастан, бул жагдай ар дайым сөз эркиндигинин принциптерин карманып келген Кыргыз Республикасынын Президентинин гана эмес, биздин демократиялык өлкөнүн аброюна шек келтирээрин так кесе билдиребиз.

 
Categories

“Коопсуз шаар” долбоорунун маалыматтарын сыртка чыгаргандар жумуштан бошотулду

ИИМдин Ички иликтөө кызматы ЖМКда “Мерседес” үлгүсүндөгү 01KG 578 ACD мамлекеттин номерлүү автоунаанын фотоколлажынын чагылдырылышы боюнча кызматтык иликтөө жүргүздү. ИИМдин Басма сөз кызматынын маалыматына караганда,кызматтык иликтөөнүн жыйынтыгы менен кызматтык маалыматтарды кызматтан тышкары колдонуу максатында адамдардын сүрөтүн бөлөк адамдарга тараткандары үчүн Мониторинг борборунун жалданма-оператор кызматкерлери А.А. менен К.К. жумушунан бошотулду.

Ошондой эле алардын ишмердүүлүгүн көзөмөлдөбөгөндүктөрү үчүн Мониторинг борборунун 4 кызматкери ар кандай тартиптик жазага кириптер болушту.

Андан сырткары, аталган факт боюнча ИИМдин ЖКККББнын айрым кызматкерлерине карата сотко чейинки өндүрүш жүргүзүп жатат.

 
Categories

Кой- Таш окуясынан кийинки “сериалдар,”… Равшан Жээнбеков дагы кимдер?…

7-8- август күндөрү болгон Кой- Таш окуясын иликтеген мамлекеттик комиссия кечээ Жогорку Кеңештин жалпы жыйынында жыйынтыгын чыгарганы маалым. Анда Атамбаевдин тарапташтары болушкан бир топ депутаттарга карата саясий жана юридикалык баа берүү укук мекемелерине сунушталган. Андан кийин мурдагы депутат Равшан Жээнбеков камакка алынганы маалымдалган болчу. ИИМдин маалыматына караганда, Жээнбековго Жазык кодексинин 244-беренеси («Барымтага алуу») жана 264-беренеси («Массалык башаламандык уюштуруу») боюнча айып коюлган.

Ал эми бүгүн депутат Асел Кодуранованы кайрадан суракка чакырылганы маалымдалууда. Жогорку Кеңеш депутаттарынын ичинде же болбосо мурдагы бийлик билермандарынын арасынан дагы эмне болуп кетээр экен, мамлекеттик комиссия тарабынан аты аталгандары, аталбагандарынын да бүлкүлдөп отургандары арбын. Кой союп кошомат кылган, өгүз союп төңкөрүш болуп кетеби деп, үмүттөнгөн Сегизбаев, Коеналиев сыяктуулар дагы бир “колотто” бекинип жатса керек. Мамлекет дегениңдин колу узун эмеспи, кайда качпа кокту-колоттон бир күнү таап сүйрөп түшөт.

Айтор,  Атамбаевди адашып ээрчип алгандыгын кечирээк сезип жатышса да керек. Алардын ичинде Атамбаевге карата кол менен болбосо да моралдык колдоо кылып коелу дешип, бийик трибунадан бир нече ирет байма – бай  үн каткандары да жок эмес. Ал эми айрымдарга дагы убакыт көргөзөт. Атамбаев канчалык ак же кара иш жасагандыгы тез эле байкалат дечи.

 
Categories

Ак калпакты жасоо жана кийүү маданияты ЮНЕСКОго кирди

ЮНЕСКОнун маданий мурастар тизмесине кыргыздын ак калпакты кийүү жана жасоо маданияты кирди. Бул тууралуу “Кийиз дүйнө” коомдук фонду Instagram баракчасына жарыялады.

https://www.instagram.com/p/B5-mnojnxv-/?igshid=13lbhx8g1bd5m

Кечээ, 12-декабрда, Колумбиянын Богота шаарында ЮНЕСКО уюмунун мамлекеттер аралык бейзаттык маданий мурастарды сактоо сессиясы өткөн. Аталган иш-чарада кыргыздын ак калпагы маданий мурастар тизмесине киргизилген.

 
Categories

Баңгизаттарды сатып жүргөн бир нече адам кармалды

Жалал-Абад облусунун Бишкек-Ош трассасындагы атайын тергөө аракеттерин өткөрүүнүн жардамы аркасында 1975-жылы туулган  Н.Н. кармалып, ага өздүк кароо жүргүзүү учурунда 820 гр. салмактагы баңгизат табылып алынган. Бул тууралуу ИИМдин маалымат кызматы билдирди. Эксперттердин маалыматына ылайык алынган зат «гашиш» баңги каражаты деп аныкталган. Мындан аркы БМЖКККнын кызматкерлери тарабынан Жалал-Абад облусунда кошумча ыкчам-тергөө иш-чараларын жүргүзүүдө баңгизаттарды ташып жаткан учурунда 1975-жылы туулган С.Б. кармалган. Ал буга чейинки кармалган Н.Н.дин жолдошу болгон. Натыйжада мыйзамсыз жүгүртүүдөн 445 гр «гашиш» баңги каражаты алынган.

Үстүбүздөгү жылдын 9-декабрында Кыргыз Республикасынын ИИМдин БМЖКККнын кызматкерлери тарабынан дагы бир сатуунун туруктуу каналы аныкталган. «Сосновка» айылындагы ЖКККББнын стационардык постунан атайын тергөө аракетин өткөрүүдө 1990-жылы туулган жаран Ж.К. таандык автоунаасындагы сумкасынын ичинен 104 гр «гашиш» баңги каражаты табылып алынган. Экинчи 1972-жылы туулган жаран К.Н. жүргүнчүсүнө өздүк кароо жүргүзүү учурунда 980 грамм «гашиш» баңги каражаты табылып алынган. Алынган маалыматтарга ылайык шектүү К.Н. 2012-жылдан тартып Кыргыз Республикасынын ИИМдин ыкчам каттоосунда уюшкан кылмыштуу топтордун биринин мүчөсү катары турат. Ошондой эле анын үй-бүлө мүчөсү кылмыш жоопкерчилигине тартылып, ушул эле жылы баңгилик кылмыш үчүн соттолгон.

Жогоруда көрсөтүлгөн учурлар КЖБРге катталып, Кыргыз Республикасынын Жазык кодексинин 267-беренеси “Сатуу максатында баңгикаражаттарды, акыл-эске таасир берүүчү заттарды жана алардын окшошторун мыйзамсыз даярдоо” боюнча сотко чейинки өңдүрүш ишин баштаган. Шектүүлөр УКЖга киргизилди.

 
Categories

Президент Сооронбай Жээнбеков БАЭде жашаган мекендештер менен жолугушту

Президент Сооронбай Жээнбеков бүгүн, 12-декабрда Бириккен Араб Эмираттарына расмий визитинин алкагында БАЭде жашаган мекендештер менен жолугушту. Бул тууралуу Өлкө башчысынын маалыматк ызматы билдирди.

Араб өлкөлөрүнүн ичинен кыргызстандыктардын эң чоң диаспорасы БАЭде жайгашканын. Президент БАЭге болгон визитинин жыйынтыктары жөнүндө кыскача айтып берип,  жетишилген макулдашуулардын алгачкы жемиштери жакынкы убакта көрүнө баштаарына  ишеним билдирди.   Жолугушуу суроо-жооп форматында өттү. Мекендештер визалык шарттарды жөнөкөйлөштүрүү, билим берүүгө жаңы тил программаларын киргизүү, коррупция менен күрөшүү, медиаресурстардын Кыргызстандан  чыгарылып кетти делген акча каражаттары жөнүндө иликтөөсүнө реакция, соттук реформа, билим берүү системасындагы жаңычылдыктар, экономиканы өнүктүрүү, БАЭ менен соода-экономикалык мамилелерди өстүрүү чаралары, мекендештерди колдоо, эмгек миграциясын азайтуу, ишкерлик үчүн шарттарды түзүүгө байланышкан жана башка суроолорду беришти.

Мекендештердин суроолоруна Президент Сооронбай Жээнбеков, расмий делегациянын мүчөлөрү жооп беришти.

 
Categories

Равшан Жээнбеков камалды

Белгилүү саясатчы Равшан Жээнбеков бүгүн, 12-декабрда камакка алынды. Бул туурасында ишенимдүү булактар билдирди.

Жээнбековго “массалык башаламандыкты уюштуруу жана барымтага алуу” беренелери менен айып тагылууда.

Учурда ал Бишкек ШИИББнин убактылуу кармоочу жайында.

 
Categories

Түркиянын Анкара шаарында Айтматовдун эстелиги ачылды

Түркиянын  Анкара шаарында бүгүн, 12-декабрь күнү улуу жазуучу Чыңгыз Айтматовдун эстелиги анын атын алып жүргөн сейил бакта ачылды. Бул туурасында Анкара шаарында окуп жүргөн Мира Абдылдаева билдирди.

Иш-чарага Кыргыз Республикасынын Түркиядагы Атайын жана Толук Ыйгарым Укуктуу Элчиси Кубанычбек Өмүралиев, Элчилик кызматкерлери, Түрксойдун кызматкерлери, башка мамлекеттердин Анкара шаарындагы элчиликтери, Анкара жана Сакарья шаарында окуган кыргыз студенттер катышты.

Түркиянын Анкара шаарында Айтматовдун эстелиги ачылдыТүркиянын Анкара шаарында Айтматовдун эстелиги ачылдыТүркиянын Анкара шаарында Айтматовдун эстелиги ачылдыТүркиянын Анкара шаарында Айтматовдун эстелиги ачылдыТүркиянын Анкара шаарында Айтматовдун эстелиги ачылдыТүркиянын Анкара шаарында Айтматовдун эстелиги ачылдыТүркиянын Анкара шаарында Айтматовдун эстелиги ачылды

 
Categories

Үсөн Ниязбековго Атамбаевге таандык снайперден ок атылган

Кой-Таш окуясында каза болгон “Альфа” атайын түзүмүнүн кызматкери, полковник Үсөнбек Ниязбеков Атамбаевге таандык “Карабин СВД” куралынан атылган октон каза тапкан. Бул туурасында ички иштер министринин орун басары Памир Асанов Жогорку Кеңеште депутат Зиядин Жамалдиновдун суроосуна жооп берип жатып билдирди.

“Экспертизинанын жыйынтыгына ылайык Үсөн Ниязбековго ок “Карабин СВД” снайперинен атылган. Ал мурунку президент Алмазбек Атамбаевге таандык”,-деди Асанов.

Бүгүн, 12-декабрда парламент Кой-Таш окуясы боюнча комиссиянын бүтүмүн талкуулап жатат. Жыйынга вице-премьер-министр Жеңиш Разаков, Улуттук коопсуздук боюнча мамлекеттик комитеттин (УКМК) жетекчиси Орозбек Опумбаев, ички иштер министри Кашкар Жунушалиев катышууда.