Categories

Баткендин багы ачылат

Баткендин багы ачылатБүгүн Кыргыз Республикасынын президенти Сооронбай Жээнбеков Баткен облусуна жумушчу сапары менен барды.
Өлкө башчысынын иш сапарындагы негизги жаңылык Баткен шаарында өрүктү кайра иштетүүчү логистикалык борбордун курулушу менен заманбап текстил фабрикасынын пайдубалына капсула салынышы болду.

Баткендин багы ачылатМындай үлкөн долбоорду “Каганат инвест” холдингинин негиздөөчүсү Нурбек Осмонов демилгелеп, ишке ашырмакчы.
Барыбызга белгилүү болгондой Баткен өрүгүнүн түшүмүн көбүн эсе жергиликтүү эл арзан баада коңшу өлкөлөргө сатышчу.
Азыраак бөлүгү өзүбүздүн керектөөбүзгө калып келген.
Эми аталган логистикалык борбор ишке кирсе дээрлик баардык түшүм ошол жерде кайра иштетүүгө берилип, багбандардын кирешеси арбыйт.
Анда жылына сегиз миң тонна өрүк кайра иштетилет.
Эң башкысы эки жүздүн тегерегинде жумушчу орун пайда болот.
Аталган долбоорго 8 миллион АКШ доллары жумшалат.
Ал эми текстил фабрикасы курулуп бүткөндө 1000 кишиге жумуш берилет.
Фабрика ушул жылы курулуп бүтүп, эмки жылдын башынан иштеп баштайт.
Анда жылына орточо 400 миллион сомдук продукция чыгарылмакчы.
Фабриканын курулушуна жалпысынан 6 миллион АКШ доллары сарпталат.
Андыктан чек арада жашаган Баткен элине абдан маанилүү эки чоң долбоорду ишке ашырууга бел байлаган Нурбек Осмоновго алкыш айтып, иштерине ийгилик каалайбыз.
Баткендин багы ачылатБелгилей кетсек Ош шаарындагы жаңыдан ишке кирген “Кыргыз унаа курулуш”
машина куруу заводунун жана курулушу аяктап жаткан жети миң орундуу “Кыргыз текстил” фабрикасы да дал ушул Нурбек Осмоновго таандык.

Баткендин багы ачылат Баткендин багы ачылатБаткендин багы ачылат

Баткендин багы ачылатБаткендин багы ачылатБаткендин багы ачылат

 
Categories

Токтогул толбойт, жарык өчпөйт

Токтогул толбойт, жарык өчпөйт
Улуттук электр тармактар ишканасынын маалыматына ылайык жылытуу сезону башталгыча Токтогул суу сактагычына алдын ала болжол менен 14 млрд 900 млн куб суу жыйналмакчы.
Бүгүнкү күндө суу сактагычта 14 млрд 411млн куб суу бар.
Бул көрсөткүч өткөн жылдын ушул мезгилине салыштырмалуу 2,2 млрд кубка аз.
Анткен менен маал маалы менен жарыкты өчүрүү болбойт экен.
Ушул тапта кийинчерээк тартыш боло турган электр энергиясын коңшу Казакстандан импорттоо боюнча сүйлөшүүлөр болуп жатыптыр.
Албетте калк тарабынан да электр энергиясын үнөмдөө аракети жасалышы шарт.

 
Categories

Айткандын оозу жаманбы?..

Айткандын оозу жаманбы?..

Кечээ 11- августта белгилүү журналист, саясат талдоочу Айданбек Акматов Ички иштер министрлигине суракка чакырылыптыр.
Ага себеп мындан эки айча мурун социалдык тармактарда жарыяланган посту болгон.
Ал ” Олигархат же үч баштуу ажыдаар деген” темада болгон.
Анда азыркы бийликтин алдыдагы парламенттик шайлоого карата аракеттерине баа берилген.
Негизи Айданбек Акматов акыркы кезде өлкөдө жана коомдо болуп жаткан саясий экономикалык окуяларга калыс, таамай талдоолорун айтып, билдирип келет.
Ошон үчүн анын жазгандары, айткан пикирлери коомчулук тарабынан оң бааланып, кайсы бир деңгээлде коомдук пикир жаратууда.
Эми ошентип өз көз карашын ачык билдирген журналисттер, саясат талдоочулар сурактарга чакырылып, кандайдыр бир кысымдарга алынганы абдан кейиштүү терс көрүнүш.
Эгерде бийлик ушул ыкманы мындан ары да уланта берсе аягы жакшы болбойт.
Кыргызда “Баш кесмек бар, тил кесмек жок” дейт.
Жэ бийликке калыс сын айткандардын баары эле “оозу жаман” боло береби?..
Анан албетте жок жерден каралап, чындап эле жалган жалаа жапкандар болсо алардын жоопкерчилиги мыйзам чегинде каралышы керек.

 
Categories

Түлөбаев Түптүн акимин алмаштырды

Ысык-Көл облусунун башчысы Балбак Түлөбаевдин кызматка келгенине араң эле эки жума болду.
Эки жума ичинде Ысык-Көл району менен Түп райондорунун акимдерин алмаштырды.
Кезекте дагы үч район турат дейт.
Ал эми өзүнүн орун басарлары менен жардамчыларын эки күндөн кийин эле алмаштырган.
Балбак мырза бул жүрүшүндө облустагы жетекчилердин баарын түгөтөт өңдөнөт.
Кыйын жетекчи өз командасын толук алып келбей эле ошол иштеп аткандарды команда кылып алуусу менен кыйындыгын көрсөтөт.
Албетте арасында чабалдар болсо аларга айла жок.
Көп катуу кете берип, көлдү толкутуп албаңыз Балбак мырза!..

 
Categories

Президент түштүктү кыдырат

Мамлекет башчысы Сооронбай Жээнбеков 12-13-августта Баткен, Ош, Жалал-Абад облустарына жумушчу сапары менен болот.
Эки күндө аталган облустардагы жол, өнөр жай курулуштары ошондой эле иригациялык курулмалардын абалын көрүп, таанышып чыгат.
Ошондой эле таажылуу вирус пандемиясы менен күрөшүүдөгү иштерди көрмөкчү.

 
Categories

Кургуйга кеткен курулуш

Акыркы жылдары өлкөбүздүн экономикасындагы өсүштүн бир өңүтү курулуш тармагынын эсебинен болуп жаткан.
Курулуштагы эң чоң үлүш Бишкекте андан кийин Ош шаары менен Ысык-Көлдө болчу.
Пандемиядан улам аталган тармак катуу жабыркап, акыркы алты айда 8,9 пайызга ылдый кулаган.
Кыргызстандагы жумуш орундары да дал ушул курулуштун эсебинен аз да болсо чечилип келген.
Айрыкча турак жай курулушу алсырады.
Курулуп жаткан көп кабаттуу үйлөрдүн батирлерин көбүнчө Орусиядагы эмгек мигранттарыбыз сатып алышчу.
Азыр алардын көпчүлүгүнүн акыбалы батир сатып алууга эмес эптеп жан багууга араң жетүүдө.
Алардан сырткары алыскы чет өлкөлөрдө иштеп жаткан мекендештерибизда Бишкектен үй сатып алууга далалат кылышчу.
Мына ушундай жагдайдан улам курулуштун темпи жайлап, айрымдары такыр токтоп калды.
Жаңы баштайбыз дегендер арасат абалда ойлонуп олтурушат.

 
Categories

Алсыраган сом, “кутурган” доллар

Акыркы эки күндө АКШ доллары дээрлик бир сомго жакын кымбаттады.
Улуттук банк белгилеген бүгүнкү курс менен 1 доллар 77.61 сомго бааланды.
Ал эми валюта алмаштыруу жайларында 1 доллар 78 сомду чапчыды.

 
Categories

Мурдагы тышкы иштер министри каза болду

Кезинде Кыргыз ССРнин тышкы иштер министри болуп иштеген кыргыздын чыгаан кыздарынын бири Ташыбекова Жамал Чоюбековна 83 жашында каза болду.
Жамал айым 1980 – 1986 – жылдарда бир эле учурда Кыргыз ССРнин министрлер кеңешинин төрагасынын орун басары жана тышкы иштер министри болуп эки ишти айкалыштырып иштеп турган.
Ошол убакта Кыргызстан менен Кытайдын алака мамилелерин арттырууда чоң салым кошкон.
Жамал эже өмүрүн элге жана өлкөгө арнап, ардактуу эс алууда жүргөн учурунда да бир катар мамлекеттик жана коомдук иштерде иштеп жүрдү.

 
Categories

Экономика ылдый кулады

Улуттук статистика комитетинин акыркы маалыматына ылайык Кыргызстандын улуттук дүң өнүмү жарым жылда 282 миллиард сомду түздү.
Былтыркы жылдын жарым жылдыгына салыштырмалуу 6,1 пайызга төмөндөп кеткен.
Негизинен экономиканын баардык тармактарында 4 пайыздан 20 пайызга чейин төмөндөө болгон.
Албетте мындай терс көрүнүштөр пандемиядан улам болгону айтпасак да белгилүү.

 
Categories

Кытайдын башчысы тамак-ашты үнөмдөөгө үндөдү

Кытай Эл Республикасынын төрагасы Ци Цзиньпин элди тамак-ашты ысрап кылбоого чакырды.
Ал тамак-аш калдыктарынын көлөмү өсүп бараткандыгына кейип, пандемия маалында азык-түлүктүн кадыры арткандыгын белгиледи.
Кытай жылдан жылга азык-түлүктүн өндүрүшүн өстүрүп жаткандыгына карабай келечекте маселе татаалданышы мүмкүндүгүн эскертти.
Калкынын саны 1,5 миллиард болгон Кытайда азык -түлүк маселеси келечекте кооптуу болору шексиз.