Categories

Оштун Мады айылындагы эшек ферма (видео)

Интернетке 400-500дөй эшектин бир чоң короодо кармалып турган видеосу жарыяланды.

Аны тартып жаткан адамдын айтуусунда аталган жай Оштун Мады айылы. Бир нече аянттагы жер тосмо менен тосулуп, ичинде эшектердин жайнап жүргөнүн көрүүгө болот.

Эске салсак, мындан 3-4 жыл мурда Кыргызстанда эшек этине байланыштуу бир нече чуулгандуу иштердин бети ачылган.

 
Categories

ЖЭБ боюнча камалгандарга соттун чечими чыкты

Бишкек ЖЭБиндеги коррупция боюнча айыпталып жаткандарга Свердлов райондук сотунун чечими чыкты.

Анда мурдагы премьер-министр Сапар Исаков 15 жылга, «Улуттук энергохолдинг» компаниясынын мурдагы төрагасы Айбек Калиев 17 жылга эркинен ажыратылды. Ал эми мурдагы өкмөт башчысы Жантөрө Сатыбалдиев 7 жыл 6 айга, «Электр станциялары» ишканасынын мурдагы жетекчиси Салайдин Авазов 11 жыл 3 айга камалды.

Калган айыпталуучулар чыгымды төлөп,жаза мөөнөтүн өтөп бүткөнү үчүн бошотулду.

 
Categories

Кыргызстан Өзбекстанга майда мүйүздүү мал экспорттой баштады

Кыргызстан Өзбекстанга майда мүйүздүү мал жана картошка экспорттой баштады. Бул туурасында Кыргызстандын Өзбекстандагы элчилигинен билдирди.

Кыргызстандын Өзбекстандагы  Элчилигинин  колдоосу менен «Кей Эм Джей» (КыргызРеспубликасы) жана «YOSHG’AYRAT AGRO»(Өзбекстан Республикасы) компанияларынын ортосунда кол коюлган 1,2 млн. АКШ доллар суммасындагы Өзбекстан Республикасына ири жана майда мүйүздүү малдарды (уйлар, койлор) экспорттоо контрактысына ылайык 2019-жылдын 6-декабрында “Достук-автожол” көзөмөлдөө-өтүү өтмөгү аркылуу майда мүйүздүү мал экспорттоло башталды.

Андан сырткары, 1 млн. АКШ доллар суммасындагы келишимдин негизинде Өзбекстанга картошканы экспорттоо башталып, жакынкы аралыкта алманы экспорттоо күтүлүүдө.

 

 

 
Categories

И.Болжурова: “Айылдык деп жаман көрүп аткандардын эне-атасы да айылдан келген” (видео)

Белгилүү коомдук ишмер, мурдагы Билим берүү министри Ишенгүл Болжурова экс-президент Роза Отунбаеванын коомчулукта кызуу талкуу жаратып жаткан сөзүнө пикирин билдирди.

Айылдык деп жаман көрүп аткандардын эне-атасы айылдан келген. Карап көргүлө, кыргыз маданиятын, илим, билимин түптөгөндөрдүн баары айылдык. Бир дагы шаардык жок арасында. Мурда түндүк-түштүк, кыргыз-киргиз деп бөлүнүү бар эле, эми айылдык-шаардык деп элди бөлүшүп, ортого от жаккандар чыкты. Мындай карама-каршылык жакшылыкка алып келбейт. Мен дагы айылдан келгенмин. Белгилүү дүйнөлүк композиторлордун музыкасын, сүрөтчүлөрдүн чыгармасын түшүнө аламын. Ааламга жол айылдан баштала тургандыгын билебиз. Элди айылдыксың, шаардыксың деп бөлүү, өз тарыхына түкүрүү болуп да саналат”,- дейт Болжурова. 

 
Categories

Кышында ун жетпей калабы? (видео)

Сентябрь айынан тартып ун жана ун азыктарына болгон баа кымбаттады. Мындай жагдай баягы эле карапайым калктын чөнтөгүнө оор келүүдө. Пенсия, жөлөк пул сыяктуу акчаларга күн көргөн жарандарга бир топ эле кыйын болуп жаткандыгын жашырышпайт.

 Бул маселени чечүү үчүн монополияга каршы жөнгө салуу мамлекеттик агенттиги жергиликтүү ун өндүрүүчүлөр менен жолугушууларды өткөрүп жаткандыгы билдирди.

 
Categories

ВИЧ менен жабыркаган мигранттардын саны өсүүдө

Мигранттар арасында ВИЧ менен жабыркагандардын саны өсүүдө. Бул тууралуу Жогорку Кеңештин жыйынында депутат Сагындык Келдибаев билдирди.

Айтымында, Орусиядагы медицина борборунун дарыгерлери мигранттардын ден соолугуна камсанап жатышат.

«Мага Орусияда дарыгер болуп иштеп жаткан биздин мекендештер кайрылышты. Алардын айтымында, мигранттар арасында жугуштуу оорулардын саны көбөйүп жатат. Ушундай эле көйгөйлөр Тажикстан менен Өзбекстандын мигранттарында бар. Акыркы 4 айда ишке орношобуз деп справка алуу үчүн кайрылган 480 мигранттан ВИЧ табылган. Алардан аба майданга келгенде экспресс-анализ алууну сунуштайм”,- деди Келдибаев.

 
Categories

Журналисттик иликтөө боюнча тергөө коомчулука ачык маалымдалып турат

Журналисттик иликтөөнүн материалдарынын негизинде  Кылмыш-жаза кодексинин 39-жана 130-беренесинин 1-бөлүгү (Киши өлтүрүүгө аракет жасоо) боюнча  Башкы прокуратурасы тарабынан кылмыштардын жана жоруктардын бирдиктүү реестрине катталып, сотко чейинки териштирүүлөрдүн алкагында, ведомстволор аралык тергөө тобу тарабынан тергөө иш чаралары уланууда. Бул тууралуу УКМКнын маалымат кызматы билдирди.

Сотко чейинки териштирүүлөрдүн алкагында УКМКга   депутаттар А.Сулайманов, Д.Торокулов, экс-депутат Ш.Айтматова, Мамлекеттик бажы кызматынын мурунку орун басары Р.Матраимов сурак беришти. Кыргызстандын Стамбул шаарындагы мурунку консулу Э.Сопоковдун катышуусунда тергөө иштери жүргүзүлүп, ал УКМК убактылуу кармоочу жайына киргизилди.

Ошондой эле «Азаттык медианын» журналисттери Мухамедали (Али) Токтакунов жана Ыдырыс Исаковдоркүбө катары сурака чакырылышкан. Тергөө иштери калыс жана ар тараптуу өтүшүн камсыз кылуу максатында иликтөө иштери калыс жүргүзүлүп жатат. Тергөө иштеринин жүрүшү коомчулука ар дайым ачык маалымдалып турат.

 
Categories

Кыргызстандын Өзбекстандагы элчиси Ибрагим Жунусов “Artel” компаниясынын директору Дильмурад Гаипов менен жолугушту

 Кыргызстандын Өзбекстандагы ыйгарым укуктуу элчиси Ибрагим Жунусов “Artel” компаниясынын башкы директору Дильмурад Гаипов менен жолугушту.

Жолугушуунун жүрүшүндө жалпы суммасы 10 млн. АКШ долларлык инвестициялык долбоорлордун аткарылышы тууралуу кеңири сөз болду. Алсак 2018-жылы Ош облусунда жүзөөгө ашырылган 1 млн. АКШ доллар суммасындагы “IMZO” брендинин алдындагы терезелердин жана эшиктердин өндүрүшү, 1 млн. АКШ доллар суммасындагы “Artel” брендинин алдындагы кир жуугуч машиналарды чогултуу долбоорлору, ошондой эле 5 млн. АКШ доллар суммасындагы “MEDIAPARK” соода-оюн зоок борборун жана 3 млн. АКШ доллар суммасындагы “Artel Technical School” мамлекеттик эмес мекеменин филиалын ачуу долбоорлорунун аткарылышы.

Кыргызстандын Өзбекстандагы элчиси Ибрагим Жунусов "Artel" компаниясынын директору Дильмурад Гаипов менен жолугушту

 

 
Categories

Р.Казакбаев: “Журналисттердин коопсуздугуна ким жооп берет?”

Журналисттерди сабап, коркууп кеткен фактылар бар. Алардын коопсуздугуна ким кепил болот? Мындай пикирин депутат Руслан Казакбаев Жогорку Кеңештин жыйынында Ички иштер министри Кашкар Жунушалиевге суроо берип жатып билдирди.

“Журналисттер тарабынан чоң иштер жасалды. Кыргызстандагы коррупция менен күрөшүүдө, көп кылмыштардын бетин ачууда алардын орду чоң. Журналисттер депутаттарга да, өкмөткө дагы чоң үлгү болду. Ошол эле учурда аларга кол салуу болгон учурлар да жок эмес, Жакында эле “NewTV” телеканалынын журналисттерин жаңы конушта сабап кетти, коркутуулар болду деген фактылар бар. Алардын коопсуздугуна ким кепил боло алат?”,-дейт Казакбаев.

Депутаттын берген суроосуна Кашкар Жунушалиев жооп берип жатып, журналисттер арыз менен кайрылышса коопсуздугун коргоп берүүгө даяр экендигин билдирди.

“Биз журналисттерге өзүбүздүн жарыялообузду жасаганбыз. Эгер жогоруда сиз айткандай фактылар катталса, биз алардын коопсуздугун коргоп бербиз. Ал эми “NewTV” телеканалынын журналисттери боюнча эки адам кармалып, бирдиктүү реестрге катталды”,-дейт Жунушалиев.

 

 

 

 
Categories

От менен ойногон Отунбаева, арданган айылдыктар (видео)

От менен ойногон Отунбаева, арданган айылдыктар (видео)