Categories

Пентагон: АКШнын Сириядагы ИМ тобуна каршы күрөшүү боюнча саясаты өзгөрүүсүз калууда

Кошмо Штаттардын Сириядагы «Ислам мамлекети» террордук тобуна каршы күрөшүү боюнча аскердик саясаты өзгөрүүсүз калууда. Бул тууралуу АКШ Куралдуу күчтөрүнүн өкүлү, генерал-лейтенант Кеннет Маккензи билдирди.

Ал президент Дональд Трамп исламчыларга каршы күрөшүү үчүн америкалык аскерлерди Сирияда калтыруу мөөнөтүн узартууга макул болгонун белгиледи. Мурдараак Трамп Сирияда «Ислам мамлекети» деп аталган топко каршы күрөш дээрлик аяктаганын жана америкалык аскерлерди ал өлкөдө калтыруу зарыл эмес экенин билдирген. 

АКШ баштаган эл аралык коалиция Сириядагы радикал исламчыларга каршы 2014-жылдан бери күрөш жүргүзүп келет. Анда америкалык аскерлердин саны эки миңдей кишини түзөт. Коалиция сирия демократиялык оппозициясын колдойт.

 
Categories

Түркмөнстандык кыз-келиндер купальник жана шорта менен “кош айтышты”

Түркмөнстанда аялдардын купальниктерин жана шорталарын  өлкөгө алып кирип сатууга тыюу салынды.

“Азаттыктын” түркмөн кызматы кабарлагандай, учурда жеке дүкөндөрдө тыюу салынганга чейин алынып келген товарлар сатылууда. 

“Бажы кызматкерлери суу кийимдерин жана чолок шымдарды алып өтүүгө уруксат бербей жатышат. Күн жылыгандан бери бул товарларга суроо-талап өсүүдө. Бирок бажычылар буга эмне себептен тыюу салынып жатканын түшүндүрүшкөн жок”, – деди “Азаттыктын” түркмөн кызматынын кабарчысы. 

Анын айтымында, акыркы жылдарда жай мезгилинде эркектер менен катар аялдар арасында дагы чолок шымдар өлкөдө кеңири колдонула баштаган. 

Буга чейин “Түркмөнстан хроникасы” Ашхабадда мекеме-ишканалардын кызматкерлерине тырмак, кирпик өстүрүүгө, чачтарын боёого жана алтын жасалгаларды тагынууга тыюу салынганын кабарлаган. Басылма Түркмөнстадын бажы кызматы ачык боёкторду жана өң кетирүүчү каражаттарды алып кирүүгө бөгөт койгонун жазган. 

(Фото интернеттен алынды)

Булак: NewTV

 

 
Categories

АКШ Орусияга карата басымды күчөтүүгө чакырууда

Кошмо Штаттар союздаштарын жана башка өлкөлөрдү Орусияга карата саясатты катаалдаштырууга жана мурдагы супердержава дүйнөлүк айдыңда “абийирдүү оюнчу” болгонго чейин басым көрсөтүүнү улантууга чакырды.

Бул тууралуу Акүйдүн маалымат катчысы Сара Сандерс билдирди. Ал АКШ президенти Дональд Трамптын эгер Москва менен мамилени оңдоого мүмкүн болсо, бул бүтүндөй дүйнө үчүн жакшы болот деген сөзүн эске салды. 

Муну менен Сандерс улуттук коопсуздук боюнча кеңешчи Герберт Макмастердин билдирүүсүнө комментарий берди. 

Макмастер Орусияны “дүйнө жүзү боюнча агрессиясын күчөтүп жатат” деп айыптаган. АКШ Орусиянын мизин болушунча кайтара албаганын, буга байланыштуу “Кремлдин өзүнө ишеними күчөп баратканын ” белгилеген. 

Макмастер АКШ Орусиянын Башкы чалгындоо башкармалыгынын мурдагы полковниги Сергей Скрипаль менен кызынын ууланышына байланыштуу орусиялык дипломаттарды өлкөдөн чыгарганын кубаттады. 

Анын айтымында, өлкөдөн чыгарылган дипломаттар Американын саясатына кийлигишүүгө аракет кылышкан жана аларды кууп таштоо Орусия тараптан жалган маалыматтардын тарашына бөгөт болот. 

 

 
Categories

АКШ Сириядагы аскерлерин дагы үч жылга калтырат

Дональд Трамп АКШнын Сириядагы аскерлерин үч жылга чейин калтырууга макул болду. Кошмо Штаттардын президенти муну Улуттук коопсуздук кеңешинин жыйынында тастыктап, Вашингтон Сирия алдында узак мөөнөттүү милдеттенмелерди алгысы келбегенин белгиледи. Бул тууралуу Reuters кабарлады.

Буга чейин Трамп америкалык аскерлерди Сириядан алып чыгып кетүүнү каалай турганын билдирип, бирок кандайдыр бир мөөнөт тууралуу ооз ачкан эмес. Президенттин кеңешчилери анын бул ниетин сынга алышкан. Алардын көз карашында, “Ислам мамлекети” террордук тобун жок кылуу көп ишти талап кылат. Мамлекеттик департамент жана АКШнын Коргоо министрлигиндеги аткаминерлер дагы бул пикирди колдошот.

Бул арада Иран президенти Хасан Роухани Орусия, Түркия жана Иран каршылаштардын аракетине карабай, Сириянын аймактык ажырымына жол бербей турганын билдирди.

Ал америкалыктар менен израилдиктер Сирияны бөлүп-жарып, террорчуларга башкартууну каалашат деп айтты. ” Биздин аймакта географиялык конфигурация өзгөрбөшү керек”, – деди Роухани.

Январдын соңунда түрк аскерлери күрт кошуундарына каршы Сирияда “Зайтун бутагы” деген операция баштаган. Анын жүрүшүндө Манбидж калаасы көзөмөлгө алынышы керек болчу. Анкара Вашингтондон аскерлерин шаардан чыгарууну сураган, бирок АКШ баш тарткан.

Түрк бийлиги Күрддөрдүн элдик коргонуу кошуунун террорчулардын шыкакчылары деп эсептейт. Күрд кошуундары АКШ коалициясынын жетекчилиги алдында “Ислам мамлекетинин” жихадчыларына каршы согушууда.

АКШ жетекчилиги алдындагы эл аралык коалиция Сириядагы террорчуларга каршы 2014-жылдан бери күрөшүүдө. Америкалык аскерлердин саны эки миңдей кишини түзөт. Коалиция сирия демократиялык оппозициясын колдойт.

 
Categories

YouTube компаниясында ок аткан аялдын ысымы белгилүү болду

Сан-Брунодо YouTube компаниясынын башкы кеңсесинде ок аткан аял Калифорния штатынын жашоочусу Насим Агдам экени аныкталды. Бул тууралуу Си-Эн-Эн компаниясы укук коргоо органдарындагы булактарына таянуу менен билдирди.

Алардын айтымында, Агдам Калифорниядагы Риверсайд жана Сан-Диего шаарларында жашаган. Алдын ала маалыматтарга караганда, анын YouTube компаниясы менен кандайдыр бир байланышы болгон эмес. CNBC билдиргендей, Агдам 39 жашта. Ал пистолет менен куралданган.

Буга чейин Сан-Бруно полициясы ок аткан аял өз жанын кыйганын маалымдаган. Кол салуудан төрт киши жаракат алды, алардын үчөө ооруканага жаткырылды. Жарат алгандардын биринин абалы оор. Сан-Бруно полициясынын башчысы Эд Барберини кол салуунун себеби аныктала электигин айтты.

Бийлик окуянын терроризм менен байланышы жок экенин билдирүүдө.

 
Categories

Сауд ханзаадасы: израилдиктердин «өз жеринде тынчтыкта жашоого» укугу бар

Израил жашоочуларынын «өз жеринде тынчтыкта жашоого укугу бар». Мындай пикирин Сауд Арабиянын мураскор ханзаадасы Мохаммед бин Салман америкалык The Atlantic басылмасына берген маегинде еврей мамлекети болушу керекпи деген суроого жооп берип жатып билдирди.

Палестиналыктардын дагы ушундай эле укуктары бар экенин белгилеген ханзаада бул үчүн жакынкы чыгышта жаңжалдашкан тараптар ортосунда тынчтык келишими түзүлүшү керектигин айтты.

Сауд Арабиясы Израилди расмий тааныган эмес жана аны менен эч кандай мамилеси жок. Бирок байкоочулардын көбү ханзаада Мохаммеддин ысымын акыркы кездери жалпы кызыкчылыктар (аймакта позициясын бекемдеп жаткан Иранга каршы туруу) үчүн Израил менен кызматташууга багыт алган Эр-Рияддын саясатындагы бурулуш менен байланыштырышууда. Ханзаада The Atlantic басылмасына берген маегинде эгер Израил палестиналыктар менен тынчтык тууралуу макулдаша алса, анда «Израил менен Перс булуңундагы өлкөлөрдүн жалпы кызыкчылыктары көп болорун» билдирди.

Reuters агенттиги белгилегендей, Сауд Арабиясы учурда жакынкы чыгыштагы жаңжалды жөнгө салуу боюнча жаңы мамиленин үстүнөн иштеп жаткан Ак үйдүн аракеттерин колдоодо.

 
Categories

Акүй: АКШ жана Орусия президенттери ыктымал жолугушууну талкуулашты

Трамптын администрациясынын басма сөз катчысы Сара Сандерс эки лидердин 20-марттагы телефондук сүйлөшүүсүндө ыктымал жолугушууну өткөрүү үчүн бир нече имарат, анын ичинде Ак үй тууралуу да сөз болгонун айтты.

Сара Сандерс ыктымал жолугушуунун датасын атаган жок, жакынкы келечекте болушу мүмкүн экенин билдирди.

Буга чейин Кремлдин жогорку кеңешчиси АКШ президенти Дональд Трамп Орусиянын лидери Владимир Путинди Ак үйгө келип кетүүгө чакырганын билдирди. Орус президентинин жардамчысы Юрий Ушаков 2-апрелде жаңылыктар агенттиктерине кабарлагандай, Трамп мындай сунушун өткөн айда Путинди президенттик шайлоодогу жеңиши менен куттуктаганы чалганда айткан.

Дональд Трамптын Путинге телефон чалганы карама-каршылыктуу пикирлерди жараткан. Себеби анын алдында Трамптын кеңешчилери орус шайлоосундагы мыйзам бузууларды жүйө кармап, Путинди куттуктабоого үндөгөнүн маалымат каражаттары жазып чыгышкан.

Өткөн аптада Кремлдин маалымат кызматы орус президенти Владимир Путин АКШдан 60 орус дипломатынын чыгарылышына карабай, Дональд Трамп менен жолугууга даяр экенин, бирок “бардыгы америкалык кесиптештерге көз каранды” экенин маалымдаган.

 
Categories

Өзбекстанда иштен мыйзамсыз алынган медайым өз жанын кыюуга аракет кылды

28-мартта Өзбекстандын Үчкудук районундагы Тоо-металлургия комбинатынын медициналык-санитардык бөлүмүнүн медайымы Гулрух Дустова өз жанын кыюуга аракет кылган.

Маалыматка караганда, ал мындай кадамга жетекчиликтин медайымдыктан кетирип, пол жуучу болуп иштөө сунушунан кийин барган.

– Былтыр октябрда биздин бөлүмгө бир киши халатсыз кирип келген. Мен анда ымыркайлар бар экенин айтып, халатсыз кирүүгө болбой турганын айткам. Бирок анын артынан кирген башкы дарыгердин орун басары мени урушуп, жумушта калтырбай турганын айтып кыйкырган. Ошол окуядан кийин мени жазалооөнөктүгү башталган», — деди учурда райондук оорукана жаткан Гулрух Дустова.

Ал жумуштан мыйзамсыз алынганына даттанып жогорку бачкычтарга, анын ичинде президенттин порталына дагы кайрылганын, бирок эч ким көңүл бурбаганын кошумчалады.

Мекеменин башкы дарыгеринин орун басары Эркин Нормуродов медайымга системалуу түрдө басым жасалып келгендиги жана анын жумуштан мыйзамсыз алынгандыгы боюнча Дустованын айыптоолорун четке какты.

(Сүрөт интернеттен алынды)

 
Categories

Өзбекстанда иштен мыйзамсыз алынган медайым өз жанын кыюуга аракет кылды

28-мартта Өзбекстандын Үчкудук районундагы Тоо-металлургия комбинатынын медициналык-санитардык бөлүмүнүн медайымы Гулрух Дустова өз жанын кыюуга аракет кылган.

Маалыматка караганда, ал мындай кадамга жетекчиликтин медайымдыктан кетирип, пол жуучу болуп иштөө сунушунан кийин барган.

– Былтыр октябрда биздин бөлүмгө бир киши халатсыз кирип келген. Мен анда ымыркайлар бар экенин айтып, халатсыз кирүүгө болбой турганын айткам. Бирок анын артынан кирген башкы дарыгердин орун басары мени урушуп, жумушта калтырбай турганын айтып кыйкырган. Ошол окуядан кийин мени жазалооөнөктүгү башталган», — деди учурда райондук оорукана жаткан Гулрух Дустова.

Ал жумуштан мыйзамсыз алынганына даттанып жогорку бачкычтарга, анын ичинде президенттин порталына дагы кайрылганын, бирок эч ким көңүл бурбаганын кошумчалады.

Мекеменин башкы дарыгеринин орун басары Эркин Нормуродов медайымга системалуу түрдө басым жасалып келгендиги жана анын жумуштан мыйзамсыз алынгандыгы боюнча Дустованын айыптоолорун четке какты.

(Сүрөт интернеттен алынды)

 
Categories

NBC: Трамп курал-жарак жарышында Путинден ашарын билдирди

Эгер жаңы курал-жарак жарышы башталса, анда АКШ жеңишке жетет. Бул тууралуу Дональд Трамп Орусия президенти Владимир Путин менен 20-мартта телефондо сүйлөшкөн маалда айтканын NBC телеканалы Ак үйдөгү өз булактарына таянып билдирди.

Маалыматка караганда, Трамптын кеңешчилери Орусия менен алаканы оңдоо үчүн президентти катаал мамиле керек экенине көндүрүшкөн. Булактын билдиришинче, Украинага ракетадан коргонуучу Javelin комплекстерин жеткирүүгө да дал ушундай мамиле негиз болгон.

NBCнин көз карандысыз эки булагы кабарлагандай, Путиндин өзөктүк куралдын жаңы түрлөрү тууралуу 1-мартта Федералдык жыйындагы билдирүүсү Трампка катуу тийген.