Categories

Арменияда Пашинян өкмөт башчысы болуп шайланды

Армян өлкөсүндө бир нече күн оппозициялык митингдерди өткөзүп жаткан оппозициялык лидер Никол Пашиняндын талапкерлигин Армян парламентинде 59 депутат колдоп добуш берди. 43 киши «каршылыгын» билдирди.

Пашиняндын жеңгени белгилүү болгондон кийин аянттагы эл бирин-бирин куттуктап, майрамдай башташты.

Бир апта мурун парламенттеги көпчүлүк, экс-прмьер-министр Серж Саргсяндын Республикалык партиясы Пашиняндын талапкерлигин өткөрбөй койгон.

Булак: NewTV

 
Categories

В. Путин премьер – министрликке кайра эле Д. Медведевди сунуш кылды

Россия президентти В. Путиндин кайрадан шайланышы менен Д. Медведев өкмөт башчылыктан кетет- деген, имиш – имиштер эл аралык ММКларда айтылып баштаган эле. Мындай божомолдорду жокко чыгарып, В. Путин инаграциясынан кийин саналуу саттардын ичинде өкмөттүн отставкасын кабыл алып, премьер-министрликке кайра эле Дмитрий Медведевди сунуш кылды. Шейшембиде бул маселе Мамлекеттик думанын жыйынында талкууланат.

Алдын ала маалыматтарга караганда, Мамлекеттик Думадагы айрым фракция өкүлдөрүнөн колдоо таппайт деген жоромолдор да жок эмес. негизгиси В. Путин менен Д. Медведев саясаттагы ынак өнөктөштөр катары тарыхта калары шексиз.

Булак: NewTV

 
Categories

Д. Медведевтин кетиши эмнени каңгуулайт?

Россиянын өкмөт башчысы Дмитрий Медведевтин бийликтен кетери тууралу “Интерфакс” маалымат агенттиги Мамлекеттик думадагы кабарларга таянып, жазып чыкты. Мындай маалыматты В. Путиндин 18 жылдык падышалык тарыхындагы олуттуу саясый кадам катары бааласак болот. Мындан мурда 2012-жылы премьер-министрликке талапкер Дмитрий Медведев экени президент Владимир Путиндин инаугурациясынан кийин эки саатка жетпей белгилүү болгон. Бүгүн Орусиянын президенти Владимир Путиндин инаугурациясы өтөт. Мында да инагурациядан кийин жаңы өкмөт башчынын ысмы белгилүү болуп калышы айтылууда.

Бул тууралуу “Интерфакс” маалымат агенттигине Мамлекеттик думадан төмөнкү палата 7-майда Владимир Путиндин инаугурациясынан кийин министрлер кабинетинин төрагалыгына президенттен сунуш келет деп күтүп жатканын билдирди. Шейшембиде бул маселе Мамлекеттик думанын жыйынында талкууланат.

Мамлекеттик думанын төрагасы Вячеслав Володин Орусиянын президенти премьер-министрликке талапкерди сунуштаса, бул маселе 8-майда каралаарын ырастады.

Негизигиси Д. Медведевтин кетишинин себебин, ар кандай жоромолдор менен түшүндүрсө болот. Ошону менен катар эле Алексей Навальный баштаган оппозициянын таасири да болбой койгон жок. Россияда жылдан жылга нааразычылык акциялары өсүп келет. Айрыкчам мындай нааразычылык акциялары быйыл Россиянын көптөгөн шаарларына кулачын жайды.

Орусиянын президенти Владимир Путиндин инаугурациясынын алдында өткөн Алексей Навальный уюштурган “Ал бизге падыша эмес” деп аталган акция учурунда учурунда өлкө боюнча 1600 адам кармалганын буга чейин “ОВД-инфо” укук коргоо порталы жазып чыккан. Алардын алды 25 суткага камакка алынды.

Экинчиден, В. Путин саясаттагы өнөктөшү Д. Медведевти садага чабуу менен коомчулукта тынчтыктын жаралуусуна көмөк көрсөтмөкчү. Өкмөт башчылыкка жаңы демилгелүү кадрдын келиши менен Россиянын экономикасын алга жылдырууга жол ачылышы мүмкүн.

Булак: NewTV

 
Categories

Президент Земан Чехияда “Новичок” уулу заты өндүрүлгөнүн айтты

Чехияда изилдөө иштери үчүн анча чоң эмес көлөмдө нервди шал кылуучу А-320 газы колдонулган. Ал “Новичок” ууландыруучу затынын катарына кирет. Бул тууралуу Barrandov телеканалынын эфиринде Чехия президенти Милош Земан билдирди.

Эксперимент 2017-жылы ноябрда Коргоо министрлигинин Бронодогу Аскер иликтөө институтунда жүргүзүлгөн. Ал Чехиянын Коопсуздук жана маалымат кызматынын баяндамасына таянуу менен сыноо жүргүзүлгөндөн кийин уулуу зат жок кылынганын айтты. 

“Менин бүтүмүм төмөндөгүдөй: бизде “Новичок” аз санда болсо да өндүрүлдү жана сыноо жүргүзүлүп, андан соң жок кылынды. Билип туруп, билбегендей түр көрсөтүү эки жүздүүлүк болуп калмак”, – деди Чехия президенти. 

Ошол эле маалда Коопсуздук жана маалымат кызматынын баяндамасында караганда, сыноо жүргүзүлгөн зат “Новичок” болгон эмес. 

Буга чейин Орусия ТИМинин расмий өкүлү Мария Захарова Улуу Британия, Словакия, Чехия, Швецияда “Новичок” уулуу заты чыгышы мүмкүн экенин билдирген. Чехия коргоо министри Карл Шлехтов өлкөнүн ууландыруучу затты чыгарууга тиешеси жок экенин айтып, мындай билдирүүлөрдү абсурд деп атаган. 26-мартта Милош Земан контрчалгындоого бул заттын өлкөдө өндүрүлүшү тууралуу маалыматты текшерүүнү тапшырган. 

Орусиялык мурдагы чалгын офицери Сергей Скрипал менен анын кызы Юлиянын 4-мартта ууландырылганы үчүн расмий Лондон Москваны айыптаган жана “аларды ууландырууда адамдын нервин шал кылган “Новичок” деген уу зат колдонулган” деген бүтүмгө келген. Москва муну четке кагууда. 

 
Categories

Жапон стрести, Түштүк Кореядагы узак жумуш убактысы эмнелерге алып келүүдө?

Жапония өлкөсү өз жанын өзү кыйган жагынан алдыңкы өлкөлөрдүн катарында турат. Жашоо шарты эң жакшы, дүйнөлүк технологиянын үлгусү болгон бул өлкөдө эмне себептен мындай көрүнүш деген да суроо туулбай койбойт. Жапонияда “жумуштагы өлүм” деген сөз бар – “кароси” – деп аталат. 2015-2016-жылдарда Жапонияда “каросинин” рекорддук саны 1456 адамга жеткен. Жумушчулардын укугун коргогон уюмдардын айтымында, чыныгы көрсөткүчтөр расмий статистикадан айырмаланышы мүмкүндүгү айтылып келет.

Анын себептери катары, жумушта жүрүп, стрестен же жүрөк, кан тамыр сыяктуу илдеттерден көбүрөк каза табышкандыгы аныкталган. Айрым учурда жумуштун оордугунан өз жанын кыйгандар бар.

Орточо эсептегенде жапондор жылына болжолу 1713 саат жумушта болот. Бирок мыйзам, эреже деген башка, реалдуу турмушта такыр башкача. Жапонияда жумуш убактысын чектеген мыйзам жок. Ошондуктан мынча саат жумуш деген менен жапондордун көбү андан алда канча көп убакытысын жумушка арнашат.

Ал эми күнүмдүк жумуштун терс таасиринен арылуу максатында 2018-жылдын мартында Түштүк Кореянын Улуттук ассамблеясы жумушчу саатын кыскартып, эс алууга көбүрөөк убакыт берген мыйзамды кабыл алды. Түштүк Корея жумуш күнүнүн узактыгы боюнча өнүккөн өлкөлөрдүн сап башында турат. Мыйзамга ылайык бир апталык жумуш убактысы 68 сааттан, 52 саатка кыскарды.

Жаңы мыйзам 2018-жылдын июль айында күчүнө кирет. Башында ири компаниялардын кызматкерлери ушул тартипке өтөт, анчейин чоң эмес ишканалар акырындык менен жаңы стандарттарга өтмөкчү.

Алгач аталган мыйзамга ишкерлер каршы чыкты. Бирок өкмөт бул мыйзам зарыл экенин айтып, ал кишилердин жашоо шартын жакшыртууга жардам берери тууралуу түшундүрүү иштерин жүргузушкөн. Андан сырткары апталык жумушчу убактысынын кыскарышы жаңы жумуш орундарын да жаратат деп күтүлүүдө.

Дагы бир жаңылык, жумуш убактысынын кыскарышы балдардын төрөлүү көрсөткүчүн жогорулатат. Түштүк Кореяда акыркы ондогон жылдар ичинде балдардын төрөлүүсү кескин төмөндөп кеткендиги маалым. Кыргыз кыздарына кызыгышып жаткандыктары да белгилүү эмеспи.

Экономикалык кызматташтык жана өнүгүү уюмунун (ЭКӨ) маалыматына таянсак, ар бир Түштүк Корея жараны жылына орточо эсеп менен 2069 саат жумуш ордунда болуп, жумуш күнүнүн узактыгы боюнча өнүккөн өлкөлөрдүн сап башында турат.

Булак: NewTV

 
Categories

Орусиялыктар Путинден качып, Трамптан башпаанек сурашууда

2017-жылы АКШдан 2664 орусиялык башпаанек сурап, алардын саны акыркы 24 жылдагы рекорддук деңгээлге чыккан. Бул көрсөткүч 2016-жылга салыштырмалуу 39% көп.

Бул боюнча расмий статистикалык маалыматты «Настоящее Время» телеканалы АКШнын Ички коопсуздук министрлигинен алды. 

Буга чейинки рекорд 1994-жылы катталган. Анда 2127 орусиялык арыз менен кайрылган. 

АКШдан саясий башпаанек сурап кайрылган орусиялыктардын саны беш жылдан бери катары менен өсүүдө. Алгачкы өсүш 2012-жылы, Владимир Путин үчүнчү жолу президент болуп шайлангандан кийин башталган. 2016-жылы мындай өтүнүч менен 1912 адам кайралган. Бул андан мурунку жылга салыштырмалуу 31% көп болгон. 

Бирок Путиндин басма сөз катчысы Дмитрий Песков Кремль бул сандарга «ишенбей турганын» билдирди: 

«Азыр жалган маалыматтар абдан көп, бардыгына этияттык менен кароо керек», – деди ал. 

 
Categories

Дүйнөдөгү эң таза абалуу өлкө аныкталды

Иликтөө 2008-жылдан 2016-жылга чейин дүйнөнүн жүз өлкөсүнө жүргүзүлгөн. 

Бүткүл дүйнөлүк саламаттыкты сактоо уюму Финляндияны дүйнөдөгү эң таза абалуу өлкө деп тапты. Бул тууралуу аталган уюм жарыялады. 

Маалым болгондой, Финляндияда чаңды камтыган микробөлүк куб метрге алты микрограммдан туура келет. Тизмеде Эстония, Швеция, Норвегия жана Исландия да бар. 

Абанын начар сапаты Жакынкы жана Ыраакы Чыгыш, ошондой эле Африкада катталган. 

Булак: NewTV 

 
Categories

Кытайлар көп иштейт экен десек, Мексикалыктар алардан ашып түшөт экен?

Биз кытайлар эле түшкү тамакты туруп жешет, тынбайт деп айтабыз. Ал турсун бир ирет Кытай өлкөсүнүн жергебиздеги элчиси кытайлар силердин айыл чарбаңарга келишип, иштечү болсо силерге жумуш калбай калат – деп, тамашалаганы бар. Көрсө дүйнөдө Кытай өлкөсүнөн башка да кумурскадай болуп иштеген мамлекеттер бар экен.

Экономикалык кызматташтык жана өнүгүү уюмунун (ЭКӨ) маалыматына караганда, дүйнөдө жумуш күнү эң узак өлкөгө Мексика кирет. Алардын жумуш убактысы эң узак болгону аз келгенсип, эмгек өргүүсү абдан кыска – 10 күндөн ашпайт. Ушундай эле кыска эмгек өргүүсү Нигерия, Жапония жана Кытайда бар.

АКШнын кара жумуштарын аткаргандар да дал ушул Мексикалыктар. Мексикалыктардын көмүскө миграциясынан жадаган АКШнын президентти Доналд Трамп ири каражатка эки мамлекетин ортосуна дубал куруп баштаганы маалым. АКШнын айыл чарбасына иштеген Мексикалыктар күнүнө 100 долларга иштешет. АКШ фермерлери үчүн бул акы албетте, аз. Андыктан Мексикалыктарды иштетүү алар үчүн бир топ ыңгайлуу.

Мексикалыктар жылына орточо 2 225 саатан иштешет экен.

Булак: NewTV

 
Categories

АКШда өзбек жараны терроризмге байланышкан кылмышка айыпталууда

АКШнын федералдык соту Өзбекстандан барган качкын Бахтияр Жумаевди терроризмге байланышкан эки кылмышка күнөөлүү деп тапты.

The Denver Post гезити Жумаев «Ислам жихадынын биримдиги» аттуу террордук топко каржылык жардам көрсөткөн жана ал уюмдун катарына кирүүгө аракет кылган деп айыпталган. Прокурорлордун маалыматы боюнча өзбекстандык качкын атайын коддор аркылуу террордук топтун эсебине 300 АКШ долларын которгон. 

30-апрелдеги сот отурумунда адвокат Дэвид Савиц (David Barry Savitz) Бахтияр Жумаевге тагылган айыптарды четке кагууга аракет кылып, ал 300 долларды карызынан кутулуу үчүн которгонун айтты. 

Бирок прокурордун жардамчысы Грегори Холлоуэй (Gregory Holloway) 2012-жылы Федералдык иликтөөлөр бюросунун агенттери тарабынан жүргүзүлгөн сурак маалында өзбек жараны акчаны аталган уюмдун эсебине которгонун моюнуна алганын билдирди. 

Өз кезегинде адвокат анда Жумаевден жалган көрсөтмө алынганын белгиледи. 

Анын айтымында, Жумаев көрүстөндө иштеп чыккандан кийин кармалган. «Ошондуктан ал үч сааттык сурак маалында чарчаган жана корккон абалда болгон. Ал анда өзүн капканга түшүп калгандай сезген», – деди адвокат сотто. 

The Denver Post гезитинин маалыматына караганда, Бахтияр Жумаевге карата өкүм 18-июлда чыгат. 

Акыркы жылдары АКШда бир нече өзбек жараны терроризмге байланышкан кылмыштарга айыпталган. Алсак, Кошмо Штаттарга Өзбекстандан барган Сайфулло Саиповго Нью-Йоркто адамдарды унаа менен сүзүп өлтүргөн деген айып тагылган. 

 
Categories

1-майда Парижде башаламандыктар болду

1-майда Парижде француз кесиптик кошуундары президент Эммануэль Макрондун экономикалык реформаларына каршы акция уюштуруп, ал массалык башаламандыктарга айланды. Беткапчан 1200гө жакын экстремист полицияга таш жана «Молотов коктейлдерин» ыргытышты.

Эл аралык француз радиосунун маалыматына караганда, кесиптик кошуундар тобу Бастилия аянтынан Италия аянтына чейин жүрүш жасашы керек болчу. Бирок демонстранттардын кыймылы жүрүшкө кошулган «Кара блок» кыймылынын активисттери тарабынан үзгүлтүккө учуратылган. Солчул радикалдар жолдогу дүкөндөр менен банктардын айнектерин талкалашып, таштанды челектерди өрттөшкөн. Башаламандыктар маалында жол жээгинде жайгашкан «Макдоналдс» ресторанына бөтөлкөгө куюлган өрттөнө турчу суюктук ыргытылган. 

«Кара блок» 2017-жылы жайында Гамбургда «Чоң жыйырма» өлкөлөрүнүн лидерлери жолуккан күндөрү уюштурулган башаламандыктарга тиешеси бар экендиги менен белгилүү. Анда 70тен ашык полициячы жаракат алган.