Эки күндөн бери жааган жамгыр бийик тоолуу райондордо бир топ кыйынчылыктарды жаратты. Нарын облусунда, Суусамыр өрөөнүндө жамгыр карга айланып, айрым эгин аянттарын басып калды. Суусамырда калыңдыгы 15 см. кар жаап, 5 миң гектар арпа кар алдында калгандыгын Жогорку Кеңештин депутаты Тынчтыкбек Конушбаев айтып чыкты.

Анын маалыматтарына караганда, Суусамырда быйыл 6 миң гектарга арпа айдалган, анын 5 миң гектары кар алдында калып, жергиликтүү элдер бийлик бутактарына кайрылышууда. Алардын айрымдары насыя алышып, арпа айдашкан. Андыктан өкмөт ал жактан кабар алып, тийиштүү чараларды көрүүсү зарыл.

If you have found a spelling error, please, notify us by selecting that text and pressing Ctrl+Enter.