Бишкекте өткөн республикалык айтышта баш байгени Идрис Айитбаев, ал эми биринчи орунду Баян Акматов алды. Бул тууралуу “Айтыш” коомдук фонду кабарлады.

Аталган фонддун 20 жылдыгына жана акын Тоголок Молдонун 160 жылдыгына арналган айтыш кечээ, 28-мартта Улуттук филармонияда өттү. Айтыштын финалына чыккан Акматбек Султан уулу экинчи орунду, ал эми Тынчтык Эсенбай уулу үчүнчү орунду ээлеген.

Байге фонду бир миллион сом болгон айтышка жалпысынан 12 акын катышкан. Тандоо турунда 42 акын өнөрүн көрсөткөн.

Анын жыйынтыгында Идрис Айитбаев 200 миң сом, Баян Акматов 150 миң сом, Акмат Султан уулу 100 миң сом, Тынчтык Эсенбай уулу 50 миң сом, калган сегиз акынга 30 миң сомдон кызыктыруучу сыйлык берилген.

If you have found a spelling error, please, notify us by selecting that text and pressing Ctrl+Enter.