Бариста Жоодарбек Жалил уулу кофе тууралуу кызыктуу маалыматтар менен бөлүштү. Бариста – бул кофе кайнатуунун адиси. 

Дүйнөдө кофенин кеңири тараган 5 түрү бар. Алар: эспрессо, макиато, американо, капучино жана латте. Эспрессо эң күчтүү кофе болуп саналат. Макиатодо эспрессо менен сүт көбүгүнүн өлчөмү бирдей болот. Американо – даяр эспрессого суу кошулат. Муну менен кофедеги ачуу даам жумшарат. Капучинону даярдоодо эспрессо,ысык сүт, сүт көбүгү бирдей өлчөмдө кошулат. Латте – төрттөн бир бөлүгү эспрессо, калгандары ысык сүт, сүт көбүгүнөн турат. 

Кофе сүйүүчүлөр үчүн: түрлөрү жана жасалышы

(Американо)

 Кофенин мекени

Кофенин 80ге жакын сорту бар, сатылышы боюнча дүйнөдө нефтиден кийинки эле экинчи орунда турган товар. 2016-жылдын көрсөткүчү боюнча кофени эң көп өстүргөн 5 өлкө аныкталган. Алар: Бразилия, Вьетнам, Колумбия, Индонезия жана Эфиопия. Тарых барактарында кофенин мекени болуп Эфиопиянын аты жазылган.

Кофе сүйүүчүлөр үчүн: түрлөрү жана жасалышы

(Капучино)

«Кофе» Эфиопиянын Каффа аймагынын атынан аталып калган делет. Ал эми Кыргызстанда кофе ичүүнүн маданияты 1995-жылдан тарта өнүгө баштаган. Акыркы беш жылда аталган суусундукка кызыккандар көбөйүп, кофе жасоочу жайга түштө, кечинде кофе ичүүгө көп келишет.  

Кофе сүйүүчүлөр үчүн: түрлөрү жана жасалышы

(Латте)

Эң кымбат кофе заңдан алынат

Дүйнөдө эң кымбат кофелер пилдин жана мусанг жаныбарынын заңынан алынат. Жаныбарлар заңдаган соң кофе мөмөлөрүн терип алышып, жууп-тазалап, андан кийин өндүрүштө пайдаланышат. 32 килограмм кофе мөмөсүнөн 1 килограмм «кара тумшук» алынат да, баасы 1100 долларга жетет.

Кофе сүйүүчүлөр үчүн: түрлөрү жана жасалышы

(Макиато)

Ал эми даяр 1 кружка кофе 50 долларга бааланат. Европада дүң баасы 1 килограмм 400 доллар турат.  

Булак: NewTV

If you have found a spelling error, please, notify us by selecting that text and pressing Ctrl+Enter.