Баткенде эски шахтадан өрт чыгып, жергиликтүү тургундардын жүздөгөн малы кырылды. Өзгөчө кырдаалдар министрлигинин басма сөз кызматы кабарлагандай, окуя 3-февралда Кадамжайдагы сурма комбинатынын аймагындагы иштетилбеген шахтада болгон. Шахтанын ичин жергиликтүү тургундар мал кармоо үчүн пайдаланып келишкен. Өрттүн кесепетинен 243 кой-эчки өлдү. Куткаруучулар тосмо орнотуп, кырылган малды тургундардын макулдугу менен шахтанын ичине көмүп кетишти. Адамдар жабыркаган жок. Соңку бир күн ичинде Кыргызстандын аймагында 11 өрт кырсыгына 11 куткаруучу бригада тартылды.

If you have found a spelling error, please, notify us by selecting that text and pressing Ctrl+Enter.