Categories

Алты депутат ант беришет

Бүгүн парламент жыйынында
Жогорку Кеңешке жаңы депутаттык мандатка ээ болгон алты депутат ант беришет.
Мөөнөтү аяктап бараткан парламентке ар кайсы фракциялардын депутаттары беш жыл боюу саргарып кезек күтүшкөн партиялаштарына бир айлык
мандаттарын өткөрүп беришүүдө.
Ошентишип бир чети депутаттыктын да кадырын ого бетер түшүрүп бүтүшү.
Жок дегенде жарым жыл мурун ушинтишсе болмок.

 
Categories

Жогорку Кеңешке жаңы депутат келди

Азыркы чакырылыштагы Парламенттин ишинин аякташына үч айга жетпеген убакыт калганда дагы бир жаңы депутат пайда болду.
КСДП партиясынан депутат болгон маркум Чыныбай Турсунбековдун бош турган мандатын Молдалиев Сталбекке ыйгарылгандыгын Борбордук шайлоо комиссиясы билдирди.
Молдалиев Сталбек жеке ишкерлик менен алектенип жүргөн КСДПнын мүчөсү экен.

 
Categories

Кезексиз жыйын кимге керек?

Жогорку Кеңештин айрым депутаттары парламенттин кезексиз жыйынын өткөрүүнү демилгелешүүдө.
Демилгечи депутаттардын жүйөсү азыркы эпидемиологиялык кырдаалды талкуулоо, Өкмөттүн бул жааттагы ишин талдоо имиш.
Эми ачык айтканда кезексиз жыйын болуп калса учурдан пайдаланып, эптеп эл алдында популисттик маанайда куру кооз сөздөрүн жаадырышып, өздөрүнө пиар упай топтоону көздөшүүдө.
Буга чейин нени кыйратышты дейсиңда.
Өкмөттүн ишин ар дайым канааттандыраарлык дешип добуш берип келишпеди беле.
Күйөсүң да…

 
Categories

Экс-спикер пневмониядан каза болду

Бүгүн, 6-июлда, Улуттук госпиталдын реанимация бөлүмүндө эки тараптуу пневмониядан экс-спикер жана учурдагы депутат Чыныбай Турсунбеков көз жумду.

Ал пневмония менен жабыркап, бир нече күндөн бери реанимацияда жаткан.

Турсунбековдун артында 3 баласы калды, ал ушул жылдын октябрь айында  60 жашка чыкмак.

Жакындарына терең кайгыруу менен көңүл айтабыз.

 
Categories

Жогорку Кеңеш каникулга тарады

Бүгүн 30 июнда Жогорку Кеңеш акыркы отурумун өткөздү.

ЖК бул сессия аралыгында 136 мыйзам, 614 токтом кабыл алууга үлгүргөндүгүн төрага Дастан Жумабеков билдирди.

Белгилей кетсек 1-сентябрда парламент кайрадан ишин баштайт.Жогорку Кеңеш каникулга тарады

 
Categories

“Кайрадан өзгөчө абал киргизүү мүмкүн эмес,”- С.Жээнбеков

Бүгүн өлкө башчысы С.Жээнбеков парламенттин отурумуна катышты. Мурда айтылгандай жаңы өкмөттүн курамы парламентте ант беришти. Ант берүү аземинин соңунда президент кыскача сөз сүйлөдү.

Өлкө башчысы өз сөзүндө азыркы өкмөттүн курамы кризистик шартта иштээрин белгилеп, абалды жөнгөрүүгө мүмкүн экенин айтты.

Ошондой эле өлкөдөгү эпидемиологиялык кырдаалга токтолуп, кайрадан өзгөчө абал киргизүү мүмкүн эместигин белгиледи.  Анткени экономикалык оор кырдаал ага жол бербестигин айтты.

Ошол эле учурда баардык карантиндик шарттарды күчөтүлгөн режимде кармоону эскертти.

Жана дагы алдыда өтүүчү шайлоолорго кыска токтолуп, шайлоо ачык-айкын, баардык партияларга бирдей шартта болоорун айтты. Өлкө башчысы катары бардык партияларга тегиз мамиле кыларын айтып, жеңген партиялар менен иштеше берээрин билдирди.

 
Categories

Вице-премьер-министр Эркин Асрандиев таажылуу вирус жуктуруп алды

Бүгүн премьер-министр Кубатбек Боронов жана өкмөттүн мүчөлөрү ант беришет. Бирок  вице-премьер-министр Эркин Асрандиев коронавирус жуктуруп алгандыгына байланыштуу  бул иш-чарага катышпайт.  Анын анализинен вирус табылганын  өкмөттүн маалымат кызматы билдирди.

Өкмөттүн маалыматында, вице-премьер-министр үйдөн иштеп жатат.  Оорусу жеңил өтүүдө.

Ошондой эле Өкмөттүн аппарат башчысы — Таалайбек Темиралиев, Маданият, маалымат жана туризм министри Азамат Жаманкулов, Юстиция министри Марат Жаманкулов, транспорт жана жол министри Жанат Бейшеновдор дагы ант берүү аземине катышпайт. Алардын жоктугу Эркин Асрандиев менен байланышта болгондугу менен түшүндүрүлөт.

 
Categories

Дастан Догоев отставкага кетти

Маалымат технологиялары жана байланыш боюнча мамлекеттик комитеттин төрагасы Дастан Догоев отставкага кетти.

Анын кызматтан кетүүсүнө Гарвард университетине билим алууга кетип жаткандыгы себеп болгон. Гарвард дүйнө жүзү боюнча белгилүү болгон жогорку окуу жайлардын бири. Догоевден сырткары аталаган университетке дагы 4 кыргызстандык өткөн.

 

 
Categories

Эски жүздөрдөн куралган “Жаңы дем”

Негизи турмушта күтүлгөндөн күтүлбөгөн окуялар көп болот. Айрыкча биздин өлкөдө. Дегенибиз бүгүн, 5-июнда “Жаңы дем” аттуу саясий топ түзүлгөндүгү жарыя болду.

Анткен менен атына заты анча жарашпай турат. Көпчүлүгү саясатта урулуп-согулган, аркы жээк, берки жээкте жүргөндөн зерикпеген- эрикпеген саясатчылар.

Айталы, Текебаев, Сариев, Момбеков өңдүү чаалыгып- чарчаган саясатчылардан кайдагы жаңы дем? Кыска аралыкта тынымсыз илбирстей узун секирген Жанардын деми канчалык?  Эң кызыгы, консерватордук көз карашты бекем карманып, жаңыча реформаларды жасайбыз дегендерин кыргызча жаңы түшүнүк катары кабылдоо керекпи?

Айтор, алдыдагы парламенттик шайлоого дагы кандай “сүйрү приздер” бизди күтөрү кызык…

 

 

 

 
Categories

Жумалиевге жана анын жакындарына таандык көп сандаган мүлк аныкталды

Жогорку Кеңештин депутаты Кубанычбек Жумалиевге жана анын жакындарына таандык көп сандаган мүлк аныкталды. Бул тууралуу  Экономикалык кылмыштуулукка каршы күрөш боюнча мамлекеттик кызматынын басма сөз кызматы билдирди.

“Башкы прокуратура каттаган сотко чейинки териштирүүнүн алкагында кыймылдуу жана кыймылсыз мүлк табылды. Аларда Жумалиевдин уставдык капиталда үлүшү бар жана ал түзүүчү, жетекчи болуп саналат экен. Ошондой эле Жумалиевдин жакын туугандарынын көп сандаган мүлкү аныкталды. Учурда сотко чейинки териштирүү уланып жатат”,- деп айтылат маалыматта.

Белгилей кетсек, эл өкүлү Кубанычбек Жумалиевге Финансы полициясы “Мыйзамсыз баюу” беренесинин негизинде териштирүү жүргүзүп жатат.