Categories

COVID-19 илдетин ынтымак менен жеңебиз! Депутаттар флешмоб баштады

Жогорку Кеӊештин депутаттары “COVID-19 илдетин ынтымак менен жеӊебиз! #Ынтымак менен жеӊебиз” аттуу флешмобун баштады.

Бүгүнкү жалпы жыйында эл өкүлдөрү дал ушундай ураан жазылган барактарды көрсөтүп, элди дүрбөлөӊ салбоого жана биримдикке чакырды.

COVID-19 илдетин ынтымак менен жеңебиз! Депутаттар флешмоб баштады COVID-19 илдетин ынтымак менен жеңебиз! Депутаттар флешмоб баштады COVID-19 илдетин ынтымак менен жеңебиз! Депутаттар флешмоб баштады COVID-19 илдетин ынтымак менен жеңебиз! Депутаттар флешмоб баштады COVID-19 илдетин ынтымак менен жеңебиз! Депутаттар флешмоб баштады

 
Categories

Бакыт Төрөбаев карантинге алынган айылына барды

Жогорку Кеңештеги Өнүгүү фракциясынын лидери Бакыт Төрөбаев ушул тапта өзүнүн кичи мекени Сузактын Благовещенка, Орто-Азия жана Бостон айылдарында жүрөт.

Маалым болгондой бүгүн, 18-мартта өлкөбүздө алгачкы жолу ааламды каптаган таажылуу вирус да ушул айылдагы үч кишиден чыккан. Ошонун негизинде Сузак районуна өзгөчө кырдаал жарыяланып, эки айыл карантинге жабылган.

Аталган аймактагы элди дүрбөлөңгө түшүрбөй, азык-түлүктөрдөн таңкыстык болтурбоого өз көмөгүн көрсөтүү максатында Бакыт Төрөбаев заматта айылына жетип барганы, ушундай оор абалда айыл эли менен бирге болуусу алкышка арзыйт.

 

 

 

 

 
Categories

Жээнбеков таажылуу вирус боюнча чукул жыйын өткөрдү

Бүгүн,14-мартта президент Сооронбай  Жээнбеков таажылуу вирус боюнча Коопсуздук кеңешинин чукул жыйынын өткөрдү.

Мамлекет башчысы экономикалык кыйынчылыктардын келип чыгаарына карабай, ар бир мамлекет өзүнүн элинин саламаттыгын биринчи орунга коюп, чек араларды, каттамдарды жаап жатканын белгиледи.

“Биз да, Кыргызстан, ошол багытта иштеп жатабыз. Ачыгын айтышыбыз керек, экономикага терс таасири тиет. Республикалык бюджеттен чыгашаларды экономдоо режимине өтүп, чакырыктарга, кыйынчылыктарга даяр болушубуз керек. Жакынкы коңшу мамлекет Казакстанда бул илдет катталды дегенден кийин, бизде да кооптонуу күчөйт. Бул табигый көрүнүш. Мындан ары да ишти күчөтүп, эң негизгиси коомчулукка маалыматты ачык, ыкчам берип туруу керек. Зарыл болгон иш-чаралар тиешелүү деңгээлде ишке ашырылбаса, эң катуу чаралар көрүлөт“,- деди Жээнбеков.

 

 
Categories

Өмүркулов: “Дары-дармектин баасы жума сайын өсүүдө” (видео)

Кыргызстанда дары-дармектердин баасы ай сайын эмес, жума сайын өсүп жатат. Муну өкмөт көзөмөлгө алабы? Мындай пикирин бүгүн Жогорку Кеңештин жыйынында депутат Иса Өмүркулов билдирди.

“Таажылуу вирус коркунучта турат деген мезгилде, бизде дарылар кымбаттап жатат. Дары-дармекти жеткирип турган компаниялар учурдан пайдаланып байып жатышат. Муну өкмөт көзөмөлгө алып жатабы? Ар бир дарыканаларда баалар ар кандай, ал эми мөөнөтүн айтпай эле коёюн. Көбү мөөнөтү өтүп кеткендер дагы болушу мүмкүн. Баасы бюджеттен акча алгандар үчүн өтө кымбат”,- деди Өмүркулов.

Мындан тышкары, азык-түлүк рыногунда баалардын өсүшүнө Өкмөт ыкчам чара көрүүсү керек деди.

 
Categories

Жээнбеков: Чек ара маселеси элдин пикирин эске алуу менен чечилиши керек

Чек ара маселелери жергиликтүү элдин пикирлерин эске алуу менен чечилиши керек. Мындай пикирин президент Сооронбай Жээнбеков бүгүн, 11-мартта, Баткен облусунун Лейлек районунун жана Сүлүктү шаарынын тургундары менен жолугушуусунда баткендиктердин суроолоруна жооп берип жатып билдирди.

«Бардык көйгөйлөр жергиликтүү элдин пикирлерин эске алуу менен чечилиши керек. Чек аранын бекемдиги — армиянын күчү менен гана эмес, ушул жерде жашаган элдин эрки, кичи мекенине болгон патриоттук мамилеси менен өлчөнөт. Албетте, сүйлөшүү процесси убакытты талап кылат жана кыска мөөнөттө эле бүтө калбайт. Андыктан, бизден акыл-эстүүлүк гана эмес, сабырдуулук да талап кылынат», — деп баса белгиледи Президент.

 
Categories

Эрдогандын Москвадагы жеңиши

Түркиянын президенти Эрдоган менен Орусиянын өлкө башчысы Путиндин өткөн апта соңунда болуп өткөн Москвадагы алты сааттык сүйлөшүүлөрүндө, Эрдоган орус-иран бийлигинин колдоосундагы асаддык аскер күчтөрүнүн Идлибдеги баскынчылыгын токтотту. Чындыгында акыркы убакта болгон Идлибдеги согуштук аракеттер түрк-сириялык аянтта өтө зор өзгөрүүлөргө жол ачты десек болот. Идлибде түрктөр дүйнөлүк коомчулуктун алдында Сириядагы өздөрүнүн аскердик аракеттерин биротоло ачыктап, бекемдөө менен Москва-Тегеран-Дамаск үчилтигинин Сириядагы акыркы “кооптуу аймакты тазалоо” максаттарын талкалады. Сирия багытында Путинди чегинүүгө Түркиянын аскер күчтөрүнүн Идлибдеги чекиндүүлүгү жана согуштук чеберчилиги аргасыз кылды. Ооба, ал эмес бул факторлор болбогондо Путин-Эрдоган жолугушуусунун өзү да болмок эмес. Сүйлөшүүлөрдүн соңунда орусиялык жана орусияга ыктаган серепчилер, албетте – Эрдоган Москва менен жакшы мамилелерди сактоого аракеттенгендигин бир тараптуу баса белгилешкени менен Орусия менен Түркиянын ортосунда мурдагыдай мамиле эми болбойт. Мурдагы мамилелер болсо да жакын арада эмес, себеби, Анкара Батыш менен болгон мамилелери бузулган шарттан улам Москва менен жакындашууга мажбур болгон деп, орустар “эң чоң стратегиялык ката кетиришкен”. Экинчиден, Сириядагы түрк жоокерлеринин өлүмүнөн кийин Москва менен Тегеран ассаддык режимди колдоп чыгышы, Түркияны мындан ары Астана форматына да, Сочидеги меморандумга да ишенүүгө болбой тургандыгына ынандырат десек болот. Ошондуктан мындан ары Анкара Орусия жана Иран менен мурдагыдай масштабдуу кызматташууларга барбайт. Албетте булардын баары биздин гана пикирибиз болгону менен, Кремлдеги Путин менен Эрдогандын биргелешкен маалымат жыйынынын өтө эле салкын маанайда өтүшү – түрк жоокерлеринин Идлибдеги өлүмүнөн кийинки жагдайдан улам эле жаралган көрүнүш эмес экедиги байкалып турду. Мындан келди, Анкара Москва менен болгон мамилелерин анын ичинде Сирия боюнча да мамилелеринин “философиясын” өзгөртүүсү толук мүмкүн деп боолголосок болот.

PS: Москвадагы сүйлөшүүлөрдүн жыйынтыгында согуштук аракеттерди токтотууга жана абалды “биргеликте көзөмөлдөөгө” жетишүүнүн өзү – Сириядагы согушта Путиндин, ошол эле мезгилде Асаддын ким экендигин жана кимдин марионеткасы экендигин дагы бир жолу “көзгө сайып” көрсөтүп турду.

 
Categories

Үй-бүлөлүк зомбулукка каршы митингге Отунбаев катышты

Бүгүн, 10-мартта Бишкекте өткөн үй-бүлөлүк зомбулукка каршы митингге өткөөл мезгилдин президенти Роза Отунбаева дагы катышты.

Ал аталган акцияны колдоого аларын билдирип, 8-март күнкү митингдин күч менен кууп таркатылышын сынга алды.

“Зомбулук Кыргызстанды кекиртектен кармап турат. Эмнеге биз аны көрбөйбүз? 8-марттагы митинггдин күч менен таркатылышы абдан уят. Биз канча жылдан бери демократия деп жүрсөк, министр Кыргызстандын кашыктап топтогон аброюн чачып таштады.  Кашкар Жунушалиев кызматтан алынышы керек”, — деди ал.

 

 

 

 
Categories

Маматалиев: “Аэропортто адамдардын ар бирин текшерген киши жок”

Аэропортто учуп келгендердин ар бирин токтотуп алып текшерген киши жок. Муну көргөн соң мен күмөн санап калдым. Мындай пикирин Жогорку Кеңештин бүгүнкү жыйынында депутат Марлен Маматалиев билдирди.

“Эки күн мурда сырттан учуп келтп, аэропорттогу айрым кемчиликтерди байкадым. Эки тепловизор туруптур, биз келгенде бирөөсүнүн кубаты өчүп калды. Бирөөсү эле калды. Жоон топ менен келген элди бирден токтотуп алып, текшерген эч ким жок. Мындай нерсеге кайдыгер мамиле кылууга болбойт. Азыр бул өтө маанилүү маселе ,- дейт Маматалиев

 

 
Categories

Жээнбеков сот системасынын кызматкерлерин куттуктады

Кыргыз Республикасынын президенти Сооронбай Жээнбеков бүгүн, 5-мартта, Кыргыз Республикасынын сот системасынын кызматкерлерин кесиптик майрамы менен куттуктады. Бул тууралуу президенттин аппаратынын маалыматтык саясат бөлүмү билдирет.

Мамлекет башчысынын куттуктоосунун тексти:

«Урматтуу судьялар жана сот системасынын кызматкерлери!

Сиздерди Кыргыз Республикасынын Сот системасынын кызматкеринин күнү менен куттуктайм!

Өлкөбүздө жүрүп жаткан соттук-укуктук реформалардын максаты — жарандарыбыздын укуктарын натыйжалуу коргой ала турган, мыйзамдуулукту бекем сактаган, адилет, көз карандысыз соттук корпусту түзүү.

Бул реформанын ийгилиги — элибиздин ишенимине арзыган, адамдардын укуктарынын сакталышын кынтыксыз камсыздаган акыркы инстанцияны калыптандыруу жана коомдун талаптарына жооп берген, улуттук кызыкчылыктарды коргоого жөндөмдүү сот системасын орнотуу менен өлчөнөт.

Мамлекет тарабынан артылган судьялык жогорку жана ардактуу милдеттерге жоопкерчиликтүү мамиле кылып, элибиздин үмүтүн актап, мыйзамды бийик сыйлаган кесипкөй адис болосуздар деп ишенем.

Сиздерге чың ден соолук, бакты-таалай, ишиңиздерде ийгиликтерди каалайм!»

 
Categories

Масабиров: “Дүйнөлүк көчмөндөр оюндарында казактардын көкпары ойнолобу?”

Дүйнөлүк көчмөндөр оюндарында казактардын көк пары ойнолобу? Тийиштүү мамлекеттик органдар азыртан ушул маселенин башын чечип алышы керек. Мындай пикирин бүгүн, 5-мартта Жогорку Кеңештин жыйынында депутат Таалайбек Масабиров билдирди.

“Быйыл Дүйнөлүк көчмөндөр оюндары Түркияда өтөт. Сентябрда болот дейт, бирок кайсы датада экендиги али так эмес экени айтылууда. Кандай даярдыктар болуп жатат? Канча акча каражаты бөлүнгөн? Мен токтоло турган маселе көк бөрү оюну. Айрым ММКларда айтылып жатат. Дүйнөлүк көчмөндөр оюндарынын алкагында казактардын көкпары ойнолот деп. Тийиштүү мамлекеттик органдар азыртан ушул маселенин башын чечип алышы керек. Алдын ала макулдашууларга ылайык, Түркияда өтчү Дүйнөлүк көчмөндөр оюнунда көк бөрү ойнолмок. Макулдашуу болгондон кийин көк бөрү негизги оюн болушу керек. Ал эми көкпар кошумча оюн катары ойноло берсин”, – деди Масабиров.