Categories

“Чоң-Кемин” мамлекеттик жаратылыш паркына коюлган фото капканга бугу түшүп калган(фото)

Муну “Чоң-Кемин” мамлекеттик жаратылыш паркына 10 фото капкан коюлган. Фото капканга түшкөн сүрөттөрдөн  өзгөчө корголуучу аймакта дээрлик баардык жапайы жаныбарлардын, канаттуулардын байыр алгандыгы байкалат.

“Чоң-Кемин” мамлекеттик жаратылыш паркына коюлган фото капканга бугу түшүп калган(фото)

“Чон-Кемин” мамлекеттик жаратылыш паркынын жалпы аянты 123 миң 654 гектарды түзөт. Мында сейрек кездешүүчү жапайы жаныбарлардын 45тен ашуун, канаттуулардын 122 ден ашуун түрлөрү байырлаган. Ал эми келгин куштардын саны 100 дөн ашуунду түзөт. Мындан Кыргызстандын Кызыл китебине кирген бугу, аюу, суусар, орок тумшук чулдук, Грейна, (тюльпан Грейга), Колпаковский (тюльпан Колпаковский), Зинаид (тюльпан Зинаиды) мандалактарын, Семенов пиязын (лук Семенова), Чыраш (эремурс Зои) ж.б. ошондой эле даарылык касиетке ээ бир катар чай чөптөрдүн түрлөрүн кездештирүүгө болот.

“Чоң-Кемин” мамлекеттик жаратылыш паркына коюлган фото капканга бугу түшүп калган(фото)

“Чоң-Кемин” мамлекеттик жаратылыш паркына коюлган фото капканга бугу түшүп калган(фото)

“Чоң-Кемин” мамлекеттик жаратылыш паркына коюлган фото капканга бугу түшүп калган(фото)

 
Categories

Бишкектеги абанын булганычы нормадан 12 эсе жогору – деген маалымат чындыкка дал келбейт

Маалымат каражаттарына тараткан “Мув Грин” коомдук уюмунун өкүлдөрүнүн “Бишкек шаарынын абасынын булганычы нормадан 12 эсе жогору”,-деген маалыматы чындыкка дал келбейт. Мындай маалыматты Курчап турган чөйрөнү коргоо жана токой чарба мамлекеттик агенттиги билдирди.

Ал маалыматтарга караганда, борбор калаабыздын абасынын булганычы нормадан 2 эсе гана жогору болууда. Ал эми “Мув Грин” коомдук уюмунун датчиктери Кыргызстандарттан аккредитациядан өткөн эмес. Мындан тышкары алардын анализдеринин жыйынтыктары эч нерсеге негизделген эмес.

Ушундан улам Мамлекеттик агенттик коомдук, өкмөттүк эмес уюмдарга, жарандык активисттерге такталбаган чийки маалыматтарды таратып элди дүрбөлөңгө салбоону суранат. Бишкек шаарында атайын 7 пост коюлган. Алар абанын химиялык курамын анализдеп, өлчөп турат.

Кыргызгидрометтин маалыматы боюнча ноябрь айында Кыргызстандын шаарларындагы абанын булгануу деңгээли бир аз өзгөргөн. Бирок абанын өтө кирдеп кеткен учуру аныкталган эмес. Бишкек шаарынын борбордук бөлүгүндө абанын булганычы шаар боюнча алып караганда ортодон жогору. Күкүрт диоксидинин бир айдагы орточо көлөмү кубметри белгиленген норманын чегинде 0,02 миллиграммды, азот диоксидиники 0,02 миллиграммды, формальдегиддин кубометрине болгон катышы 4,3 миллиграммды түзгөн.

Атмосферанын булганышын көзөмөлдөгөн автоматташтырылган станциялардан алынган маалыматка ылайык, абадагы көмүртек оксидинин, күкүрт диоксидинин, азоттун оксиди менен диоксиди белгиленген норманын чегинде.

Учурда автотранспорт абаны булгаган эң биринчи булактын катарына кирет. Жыл сайын Бишкектин атмосферасына 240 миң тонна уулуу газ чыгат, анын 180 миңин автоунаадан чыккан уулуу заттар түзөт. Ал эми өнөр жайдан чыккан уулуу заттар болгону 10 пайызды гана түзөт.

 
Categories

Иса Өмүркулов: Ысык-Көлдөгү Көк-Жайык жайлоосунда карагай-бактар кыйылууда

Токой чарбасынын кызматкерлеринин, егерлердин айлык акыларынын аздыгы аларды жаратылыш мыйзамдарын бузууга, браконьерчиликке көмөктөшүүгө түртүп жатат. Мындай пикирин эл өкүлү Иса Өмүркулов Жогорку Кеңеште  КСДП фракциясынын жыйынында Айлана-чөйрөнү коргоо жана токой чарбасы мамлекеттик агенттиктин ишмердүүлүгү каралып жатканда айтты.

Фракция лидери Иса Өмүркулов: «Силер 4200 га жерге токой көчөттөрүн отургуздук дедиӊер. Бул өтө чоӊ аймак. Бирок анын көпчүлүгү жөн эле сөз. Аламүдүн, Ысык-Ата райондорунда бир дагы жаӊы тигилген бак көргөнүм жок.

Ал эми Ысык-Көлдөгү Көк-Жайык жайлоосунун абалын көргүлө. Заповедник аймагы толугу менен талкаланууда, карагай-бактар кыйылып, алардын ордуна жаӊы бозүйлөр менен чатырлар пайда болуууда»,- деди.

 
Categories

Төө-Ашуу ашууда кардын орточо бийиктиги 55 см ге чейин жетти

Бишкек-Ош автоунаа жолундагы Төө-Ашуунун түндүк тарабында кардын орточо бийиктиги 10-35 см, түштүк тарабында 132-137 чакырымдарында 15-55 см түзөт. Жолдордун айрым жерлери тайгак жана муз тонгон. Бул тууралуу ӨКМдин маалымат кызматы билдирди.

Өтмөк-Талас автоунаа жолундагы 0-14 чакырымдары, Өтмөк ашуусунда кардын орточо бийиктиги 8-37 см түзөт. Жолдордун айрым жерлери тайгак жана муз тонгон.

Бишкек-Ош автоунаа жолунун 198-246 чакырымдары тактап айтканда, Ала-Бел ашуусу жана Чычкан капчыгайында жолдун айрым жерлеринде тайгак болуп муз тоңгон, кардын орточо бийиктиги 10-42см түзөт.

 

 
Categories

Эл аралык уюмдар Кыргызстандын токойлорун калыбына келтирүүгө 1,2 млн. доллар бөлөт

Бүткүл дүйнөлүк банк жана Глобалдык экологиялык фонд тарабынан “Кыргызстандын токой экосистемасын интеграциялоо” долбоорунун алкагында 1,2 млн. америка доллары бөлүнмөкчү. Мындай маалымат Курчап турган чөйрөнү коргоо жана токой чарбасы мамлекеттик агенттигинде координациялык кеңештин кезектеги кеңешмесинде айтылды.

Кеңешменин жыйынтыгында Мамлекеттик агенттиктин директору Токтогул, Ноокен, Чүй райондорунун акимдери менен Мамлекеттик токой фондунан жана өзгөчө корголуучу аймактардан тышкары жайгашкан токой ресурстарын башкарууну иреттештирүү боюнча кызматташуу меморандумуна кол коюшту.

Белгилеп кетүүчү жагдай, биринчи улуттук инвентаризациялоонун жыйынтыгында 277 миңден ашуун гектар токой аянты мамлекеттик токой фондусуна кирбей калгандыгы аныкталган. Бул токойлор жергиликтүү айыл өкмөттүн жана башка чарбалардын аймагында жайгашкандыктан кароосуз калып, натыйжада деградацияга учураган.

 
Categories

“Жети-Өгүз” токой чарбасында шамалдан 18 даана тянь-шань карагайы жыгылган

“Жети-Өгүз” токой чарбасында мыйзамсыз бактар кыйылып жатат”-деген массалык маалымат каражаттарына жарыяланган маалымат боюнча  “Жети-Өгүз” токой чарбасынын директору Максат Рыспаев башында турган атайын комиссия түзүлүп,  жерине барып текшеришти. Токой чарбасы мамлекеттик агентигинин маалыматына караганда, текшерүүнүн жүрүшүндө комиссия мүчөлөрү “Жети-Өгүз” токой чарбасынын аймагынын баарысын кыдырып көрүштү.

Жыйынтыгында массалык маалымат каражаттарына жарыяланган мыйзамсыз бактарды кыюуу далилденген жок. Болгону комиссия тарабынан катуу шамалдан жабыркап, жыгылган 18 даана тянь-шань карагайын аныкташты. Жаратылыш кырсыгынын кесепетинен келтирилген жалпы чыгым 26 миң сомду түздү. Протокол түзүлүп, тийиштүү материалдар Жети-Өгүз ички иштер бөлүмүнө өткөрүлүп берилди.

“Жети-Өгүз” токой чарбасынын жалпы аянты 90 миң 388 гектарды түзөт.

 
Categories

Түп районунун Сары-Булуң айылындагы “Мурас” Кыргыз-Россия борборунда 130 жуп ителги кармалууда

“Мурас” Кыргыз-Россия борбору Ысык-Көл облусунун Түп районунун Сары-Булуң айылында жайгашкан. Жалпы аянты 12 гектарды түзөт. Учурда мында 130 жуп ителги кармалууда. Жакынкы арада Аравия, Европадан алынып келинген ителгилер менен алардын санын дагы да көбөйтүү болжолдонууда. Мындай маалымат  Кыргызстанга расмий жумушчу иш сапары менен Россиянын экология жана жаратылыш ресурстары министри Дмитрий Кобылкин башында турган делегациянын Курчап турган чөйрөнү коргоо жана токой чарбасы мамлекеттик агенттигинин жетекчилиги менен болгон жыйыны учурунда айтылды.

Андан алынган маалыматтарга караганда, мында ителгилерди кармоо жана алардын санын көбөйтүү үчүн климаттык шарт ыңгайлуу, жакшы болгондуктан учурда мында ителги кармоочу кошумча жайларды салуу иштери жүрүп жатат. Таза кандуу ителгилерди алуу максатта инкубатор иштейт. Келечекте ителгилердин курама командасын түзүп эл аралык мелдештерге катышуу боюнча максаттар бар.

 
Categories

Орто-Токой суу сактагычынын аймагына Казакстандан жейрен алып келинет

Курчап турган чөйрөнү коргоо жана токой чарбасы мамлекеттик агенттиги Кыргызстанда жоголуп кеткен жейренди кайрадан калыбына келтирүүнү, көбөйтүүнү көздөөдө. Ысык-Көлдүн Орто-Токой суу сактагычынын чөлдүү түштүк-батыш жерине жакынкы убакта жоголуп кеткен жейренди калыбына келтирүү, анын санын көбөйтүү максатында 50 баш жейренди кое берүү болжолдонууда. Бул тууралуу Ысык-Көл облусуна болгон жумушчу иш сапарынын алкагында Мамлекеттик агенттиктин директору Мирслав Аманкулов билдирди.

М. Аманкулов: «Бул аймак жейрендин байырлашына, алардын санынын көбөйүшүнө ыңгайлуу аймак. Жапайы жаныбарлардын суу ичүүсүнө мындан алыс эмес жерде Орто-Токой суу сактагычы жайгашкан. Анын үстүнө мында 30-70-жылдары жейрен байырлап келген”,-деди.

Учурда Кыргыз-Казак эки тараптуу кол коюлган протоколдун алкагында Казакстандан Кыргызстанга кайтарымсыз 50 баш жейренди алып келүү маселеси каралууда.  Жейрен Кыргызстандын Кызыл китебине кирген. Жейренге мыйзамсыз аңчылык кылгандар үчүн 1 млн. сом өлчөмүндө айып пул каралган.

 
Categories

Аманкулов: Ысык – Көлдөгү экологиялык посту кайрадан ачуу керек

Бүгүн Жогорку Кеңештин жыйынында Курчап турган чөйрөнү коргоо жана токой чарбасы мамлекеттик агенттигинин директору Мирслав Аманкулов токой чарбасында жасалып жаткан иштер боюнча маалымат берди.

Аманкулов Мирслав: “Ысык – Көлдөгү экологиялык посту алуу туура болбой калган. Себеби, акча биосфераны кармаганга түшүп турчу.  Аны ачуу максатында иш алып барышыбыз керек”,-деди.

Анын маалыматтарына караганда, Кыргызстан боюнча бир эле биосфера бар. Ал төрт зоонага болүнөт. 23 өзгөчө корголуучу аймактар бар. Алар биосферага кирбейт. Ал эми Ысык- Көл биосферасынын абалын жогорулатуу зарыл.

Андан соң эл өкүлдөрү тарабынан учурунда экологиялык посттон түшкөн  каражаттар биосферанын муктаждыгына жумшалбагандыгы анын жабылуусуна себеп болгонун айтышты. Ал жерде каражат алууда адам фактору болбошу керектигине токтолушту.

 
Categories

100 гектарга бадам жана фисташки көчөттөрү отургузулат

Чүй облусуна караштуу Фрунзе токой чарбасынын Аламүдүн токойчулугундагы Боз-Бөлтөк участкасынын жалпы аянты 514 гектарды түзөт. “Токой экосистемасын башкарууну интеграциялоо” долбоорунун алкагында 2019-2020-жылдарда 142 гектарга токой көчөттөрү отургузулмакчы.  Бул тууралуу Токой чарбасы мамлекеттик агентигинин маалымат кызматы билдирди.

Анын 100 гектарына бадам жана фисташки көчөттөрүн отургузуу болжолдонууда. Ал эми 5,5 чакырым жамгырлатып сугаруу үчүн суу түтүктөрү тартылып келмекчи. Учурда мындагы 142 гектар аянтка токой көчөттөрүн отургузууга даярдык иштери жүрүүдө.