Categories

Атаханов 26-июнга чейин камакта калтырылды

«Мыйзамдагы ууру” аттыккан Азиз Батукевдин иши боюнча кармалган  Шамил Атаханов 26-июнга чейин камакта калтырылды. Мындай чечимди Биринчи май райондук соту чыгарды.

Эми ал №1 тергөө абагына которулат.

Эске сала кетсек, Азиз Батукаев бошотулган учурда Шамил Атаханов  коопсуздук маселелер боюнча вице-премьер-министрлик кызматты аркалап турган.

 
Categories

ИИМ: Атахановдун билдирүүсү чындыкка дал келбейт

Бир катар маалыматтык агенттиктерде кармалган Шамиль Атаханов ИИМдин кызматкерлеринин иш-аракетине нааразычылыгын билдирген билдирүү жарыяланган. Кыйноолорду алдын алуу улуттук борборунун директору Нурдин Сулайманов экс-вице-премьер-министрдин жактоочусунун кайрылуусу менен Убактылуу кармоочу жайга барган. Бул тууралуу ИИМдин Басма сөз кызматы билдирди.

Шамиль Атахановдо башка жарандар сыяктуу эле укугу бар жана жарандын конституциялык укугун тепселөөгө эч кимге жол берилбейт. Тилекке каршы, Убактылуу кармоочу жай курорт эмес, УКЖныны кызматкерлери тарабынан кармалган жарандын денесинде жаракаттар бар экендиги аныктала турган болгон учурда гана медициналык күбөлөндүрмөдөн өтөт. Убактылуу кармоочу жайга алып келгенде жана камерага киргизүүдөн мурда кармалуучунун денесинде ар кандай жаракаттардын жоктугу текшерилет, андан сырткары УКЖнын нөөмөт кызматкери тарабынан ден соолугунун абалы суралат. Ден соолуктун начарлап кетиши же оору белгилерин байкаган учурда УКЖнын нөөмөт кызматкери тез арада тез жардам кызматын чакырат.

Ошондой эле жактоочусу менен жолугушуу жөнүндө талабын аткарбай коюшкан деген билдирүүсү чындыкка дал келбейт. Жактоочуга болсо, өзүнүн кардарына саат таңкы алтыдан түнкү саат онго чейин каалаган убагында келип турса болоорун түшүндүрүштү. Камерада одеалдын жоктугу жалган. Кармалуучу киргизилген камерада матрац жана эки одеял бар болгон, бүгүн болсо дагы бир одеял берилди. Даары-дармектерди жана жеке буюмдарды жумуш күнү саат 09:00дон 19:00го чейин берүүгө болот. Ошондуктан, Убактылуу кармоочу жайда укук бузулгандыгы жөнүндө тараган билдирүү чындыкка дал келбегендигин билдиребиз.

 
Categories

Шамил Атаханов кармалды

“Мыйзамдагы ууру” Азиз Батукаевдин иши боюнча дагы үлкөн чиновник кармалды. Кечээ мурдагы экс-премьер- министр Шамил Атаханов ИИМдин тергөө бөлүмүнө чакыртылып, сурак берди.

Аталган министрликтин маалымат кызматы Шамил Атахановдун Бишкек шаардык ички иштер бөлүмүнүн убактылуу кармоочу жайына киргизилгенин маалымдады.

 
Categories

Дамир Мусакеев жактоочусу жок болгондуктан тергөөчүгө жооп берүүдөн баш тарткан

Экс-президент Алмазбек Атамбаевдин  мурдагы жан сакчысы Дамир Мусакеевди кечээ Аскер прокуратурасы чакырып суракка  алган. Бирок, ал жактоочусу жок болгондуктан жооп бербей турганын билдирген. Андан соң Аскер прокуратурасы кийинки сот качан, каерде болоору тууралуу бүгүн кабарлашаарын айткан.

Эскерте кетсек, буга чейин Дамир Мусакеевге УКМК «Мыйзамсыз баюу», кызмат абалынан кыянаттык менен пайдалануу беренелери менен кылмыш иши козголгон.

 
Categories

Атамбаевдин мурдагы жансакчысы Мусакеев Аскер прокуратурасына суракка чакыртылды

Экс-президент А. Атамбаевдин жансакчысы, УКМКнын 9-кызматынын мурдагы жетекчиси Дамир Мусакеев Аскер прокуратурасына суракка чакыртылды. Бул тууралуу КСДПнын өкүлү Кундуз Жолдубаева  «Фейсбуктагы» баракчасына жарыялады.

Ал маалыматтарга караганда, Мусакеев күбө катары бүгүн саат 15:00 гө чакырылган.

Ага мыйзамсыз байыгандыгы тууралуу айыптар тагылууда.

 
Categories

Аида Салянова: Батукаевдин дени сак экендигин тастыктаган документтердин негизинде гана дарыгерлерди жоопкерчиликке тартса болот

Эртеби-кечпи Батукаев боюнча маселе козголмок. Андыктан саясат деп айтуудан алысмын, Прокуратура жөнүндө айтсам, ал сунуш бере турган, же диагноз кое турган, же чечим чыгара турган орган эмес. Ал материалдардын жетиштүүлүгүн, мыйзамдуулугун карайт. Мындай пикирин мурдагы Башкы прокурор Аида Салянова «Майдан» гезитине берген маегинде айтты.

Аида Салянова: “Эгерде бир нече медкомиссиянын корутундусунун негизинде жаза аткаруу мекемесинен сотко сунуш түшүп жатса, прокуратурада каршылык көрсөтүүгө эч негиз жок. Менин оюм боюнча, эгерде бүгүн Батукаевдин дени сак болуп, аны тастыктай турган документтер бар болгондо гана врачтарды “орулуу деп туура эмес корутунду бергенсиңер” деп жоопкерчиликке тартса болот”,-деди.

 
Categories

КСДП Саясий кеңешинин мүчөсү Э. Океновдун үйүнө автоматчан адамдар кирип келишкен

КСДПнын Саясий кеңешинин мүчөсү Эрмек Окенов милицияга арыз жазгандыгы тууралуу  “ Апрель” сайты маалымдады. Ал маалыматтарга караганда,  Окенов үйүнө милиция формасын кийген  куралчан адамдардын кирип келишине арызданган. Бишкектин Ленин райондук ИИББи арызды каттады.

Маалым болгондой, 12-май күнү эртең менен КСДП Саясий кеңешинин мүчөсү Эрмек Океновдун үйүнө милиция формасын кийген автоматчан адамдар кирип келишкен. Бул учурда үйдө аялы менен кичинекей кызы гана болгон. Милиционерлер жубайына Окенов зордуктоого шектелип жатканын маалымдашкан.

Ал эми Эрмек Окенов мунун баарын КСДПдагы ишмердүүлүгү менен байланыштырып, бийлик партиянын мүчөлөрүнө карата чагымчыл аракеттерди көрүп жатканын билдирген.

 
Categories

Эл аралык арбитраждык сот Өзбекстандын Ысык-Көлдөгү эс алуу жайлары боюнча арызын карап жатат

Өзбекстандын Ысык-Көлдөгү төрт пансионаты боюнча ызы чуу Эл аралык арбитраждык сотко жеткендиги белгилүү. Учурда бул эс алуу жайлары боюнча доо арыз териштирилүүдө. Андагы  маалыматтарга караганда, далилдер базасын түзүү, доогердин жүйөлөрүн изилдөө иштери жүргүзүлүп жатат.

Эске сала кетсек, 2016-жылы кыргыз өкмөтү совет учурунда Ысык-Көлдө Өзбекстан пайдаланып келген төрт пансионатты менчиктештирүү боюнча токтом кабыл алган.

Бир жылдан соң  Өзбекстан доо арыз менен Эл аралык арбитраждык сотко кайрылган.

 
Categories

Д. Мусакеев өзүнө карата козголгон кылмыш ишке кыжырдануусун билдирди

Мамлекеттик күзөт кызматынын экс-башчысы Дамир Мусакеев башкы прокуратура тагып жаткан айыптарга макул эместигин билдирген маалымат таратты.

Анда: «Мунун баары калп. Баарын оңой эле текшерсе болот. Менде ушунчалык мүлк болгондо 2016-жылга чейин келинчегим, үч балам менен УКМКнын жатаканасындагы бир бөлмөдө эптеп баш калкалап жүрмөк белем? Мен азыр деле кызматтык батирде жашап жатам, менчигимде кандайдыр бир үйүм да, батирим да жок. Мен эч качан эч кимди алдаган эмесмин, бирөөнүн же мамлекеттин чөнтөгүнө да кол салган эмесмин. Ак үйдөгүлөр мени айыпка жыгуу үчүн эмне ойлоп табуу керек экенин билбей да калышты. А.Ш. Атамбаевди сатпагандарды кантип болсо да каралоо керек болуп турат».

Мен өзүмдүн таза атымды гана коргобой, мындай мыйзамсыздык менен чектен чыккандыкты уюштургандарды, мунун баарына кол кабыш кылгандарды жоопкерчиликке тарттырам деп ант берем. Буга кыжырдангандан эмес, принцип үчүн жетишем. Акыркы жылда мен көп нерсени көрдүм. Бийликтеги жана укук коргоо органдарындагы чириктерди түп-тамырынан бери соолутуу керек экенин түшүндүм”-деп айтылат.

Эске сала кетсек, кечээ, 8-майда Башкы көзөмөл орган Мусакеевге «Мыйзамсыз баюу» беренеси менен кылмыш ишин козгогон.  Маалыматта, 2010-2017-жылдары кыймылсыз мүлк сатылып алынып, бардыгы тең Мусакеевдин туугандарына (атасы, апасы жана аталаш агасына) каттатылганы айтылган. Мүлктүн баасы 20 миллион сомдун тегерегинде болгон.

 
Categories

Дастан Догоев кармалганы тууралуу ача пикирлер айтылууда

Президенттин кеңешчиси Дастан Догоевди УКМКнын кызматкерлери кармап кеткендиги тууралуу маалымат интернет булактарында пайда болду. Мындай маалыматты  «Интернет саясатынын жарандык демилгеси» коомдук фондунун жетекчиси Таттуу Мамбеталиева билдирүүдө

Ал маалыматтарга караганда, учурда Дастан Догоев УКМКда кармалып турат. Ал жактоочу сурап жаткандыгы тууралуу келинчеги кабарлаган.

Ал эми УКМКнын маалымат кызматы ал кармалбаганын кабарлады. Анда: “Аны эч ким кармаган жок”,- деп айтылат.

Ал биометриялык паспортторду даярдоодогу коррупциялык иштер боюнча сурак бериши мүмкүндүгү кабарланууда.