Categories

Дүйнө чемпиону Уланбек Касымбеков кайрадан спортто. Ал тагдыр сыноосун жеңди

Күчтүү адамдар суунун агымына каршы сүзө алат. Ал эми агым менен кошулуп агып кете берүү өлүү балыктын, же кесилген дөңгөчтүн да колунан келет. Жашоо – шар аккан дарыя сыяктуу. Кимдир бирөө сынат, жыгылат, жаңылат, кулайт. Кээ бирлер кулаган бойдон калса, айрымдары кайра күчтөнүп, толкунга каршы багыт алат. Алардын бири -биздин каарманыбыз, кикбоксинг боюнча дүйнө чемпиону Уланбек Касымбеков.

Чемпион өткөн жылы машыгуудан алган жаракатынан улам көзүнүн чел кабыгы жарылып, спорттон кетүүгө аргасыз болгон. Казакстандын Алмата шаарында көзүнө операция жасаткан. Бирок, кайра текшерткенде көзүнүн майда чел кабыктары кыскарып, кайрадан операция жасатууга туура келген. Кийин Москва шаарындагы дарыгерлер менен сүйлөшкөндө, операцияга 3 миң доллар акча керектелээри анык болгон. 

Спортчуларга мамлекет тарабынан эч кандай жардам көрсөтүлбөйт. Буга бир мисал, Уланбек Касымбеков оор кырдаалга туш болгондо спорт агенттиги мурдагы спортчу деп көңүл бурбай койгон.  

“Бул нерселер менин кайрадан спортко кайтып келишиме чоң түрткү болду”, – дейт дүйнө чемпиону.  

Уланбек Касымбековдун айтымында, операцияга демөөрчүлөрдү табууга “NewTV” каналынын ал тууралуу тарткан сюжетти чоң салым кошкон.  

Спорчунун кайрадан рингге кайтып келишине айрым гана адамдар ишеним көрсөткөн. Алардын бири – Азия чемпиону Адилет Бекжан уулу. Айтымында, спортчуларга мамлекет тарабынан колдоо көрсөтүлүшү зарыл. “Биринчи кезекте ден соолук болгондон кийин дарыгерлер убагында спортчуларды карап, витаминдерди берип турса, мындай көрүнүштөр аз болоор эле”, – дейт Адилет Бекжан уулу.  


Дүйнө чемпиону
1990-жылы 26-августта Жалал-Абад облусунун Аксы районунда туулган. Ал спорттон тышкары чыгармачылык менен да алектенет. Жаштар арасында “Кыргызстан”, “Жерим Кыргызстан” жана “Алга Кыргызстан” аттууырлары менен белгилүү. 

 Булак: NewTV

 
Categories

Дүйнө чемпиону NewTVге алкыш айтты

Үстүбүздөгү жылдын 1-майында NewTV телеканалынын обого чыгып баштаганына бир жыл толот. Бул аралыкта жаны канал озунун коруучулорун, каармандарын таап, телеканал аркылуу чагылдырылган ар кандай маселелер өз натыйжасын беруудо. Алсак, ата мекендик спорчу, кикбоксинг боюнча дуйно чемпиону Уланбек Касымбеков откон жылы машыгуудан алган жаракатынан улам, он козу корбой калып, спорттон кетууго аргасыз болгон. Чемпион тез

 
Categories

Эрежесиз эр уруш боюнча Кыргызстан чемпионаттыгы өтүүдө

Майрамбек Акилеев эрежесиз эр уруш менен 2 жылдан бери машыгып келет. Ал мындай масштабдуу чемпионатка алгачкы ирет катышып жаткандыгын айтат. Балбан мелдеште ийгилик жаратуу үчүн эки ай талыкпай даярданган.  

Чемпионатка катышабыз деп 100 мушкер билек түрүп турат. Өлкөнүн жети дубанынан келген спортчулар 8 категория боюнча ат салышат. Бүгүн алардын атаандаштары так аныкталды. Эми эртең беттештин биринчи күнү башталат. Күчтүү балбандарды тандоо үчүн Оруссиядан калыстар келген.  

Эске салсак, Эрежесиз эр уруш боюнча Кыргызстан чемпионаты өткөн жылы экинчи борбор аталган Ош шаарында өтүп, 80 спортчу катышкан. Жалал-Абад шаарында өтө турган Кыргызстандын 4-чемпионатында жеңишке жетишкен балбандар Азия жана Дүйнө чемпионатына жолдонмо алышат.  

(Фото интернеттен алынды)

Булак: NewTV

 
Categories

Мушкерлер футбол ойношту

Бишкек шаарында эрежесиз эр уруш боюнча клубдар арасында кичи футбол боюнча мелдеш өттү. Турнирге спорттун МАА түрү боюнча өлкө намысын коргоп жүргөн балбандар катышууда. Мелдешке Бишкек шаарынан 10 команда катышты.  

Мындан тышкары жана Ысык-Кол облусунан 1 тайпа келген. Балбандар арасында кичи футбол алгачкы ирет өтүп жатат.

Иш-чаранын максаты мушкерлерди дайым эле мушташтыра бербей, ынтымакка чакырып, бири-бири менен достукту чыңдоо болуп саналат. Оюнда жеңишке жеткен командалардын оюнчулары “мыкты дарбазачы”, “мыкты чабуулчу”, “мыкты коргоочу” деген дипломдор менен сыйланышты.

Булак: NewTV 

 
Categories

«Абдыш-Ата» менен «Алай» тең чыкты

“Абдыш-Ата” жана “Алай” футбол клубдары  Кыргызстандын футбол боюнча чемпионаттыгында ойношту. Бул тууралуу футбол лигасынан  билдиришти. 

Улуттук биринчиликтин экинчи туру Кант шаарында өткөрүлгөн.  Беттештин аяктаарына 30 мүнөт калганда “Абдыш-Атанын” мүчөсү  оюн талаасынан чыгарылгандыктан, азчылыкта калышты. 

Топтун дарбазачылары Калысбек Акималиев менен Абдуазиз ишенимдүү ойношуп, жыйынтык 0:0 болду. 

Белгилей кетсек, учурда чемпионаттыкта “Дордой” менен “Нефтчи” алдыда баратат. 

(Сүрөт интернеттен алынды)

Булак: NewTV 

 

 
Categories

Быйыл оор атлетика боюнча дүйнө биринчилиги Түркмөнстанда өтөт

Быйыл 28-октябрдан 10-ноябрга чейин Ашхабадда оор атлетика боюнча дүйнө чемпионаты өтөт. Ага дүйнөнүн 70 өлкөсүнөн спортчулар катышат.

Эл аралык оор атлетика федерациясынын (IWF) аткаруу комитети былтыр ноябрда дүйнө биринчилигин Түркмөнстандын борбору Ашхабадда өткөрүү чечимин кабыл алган. 

Алгач чемпионат Перунун борбору Лимада өтүшү керек болчу. Бирок Перу тарап мелдештерди өткөрүүдөн баш тартып, ал укукту башка өлкөгө берүүгө даяр экенин билдирген. 

Былтыр сентябрда Түркмөнстан Уруш искусстволору боюнча жабык имараттардагы V Азия оюндарын өткөргөн. Түрдүү маалыматтар боюнча, анда өлкө спорттук имараттарды жана инфраструктура куруу үчүн 10-15 миллиард доллар короткон.​ 

 
Categories

ФОТО – Жалал-Абадда Польша жоокерлери эскерилип, футболдук мелдеш өткөрүлдү

Жалал-Абадда Польша Республикасынын көз карандысыздыгынын 100 жылдыгына, экинчи дүйнөлүк согуш убагындагы Польша армиясынын генералы Владислав Андерсти эскерүүгө арналган шаар мектептеринин окуучуларынын арасында футболдук мелдеш өткөрүлдү. Ага Польша өлкөсүнүн Казакстандагы элчиси Селим Хазбиевич жана шаардын виц-мэри Руслан Алтымышов катышты.

Шаардын виц-мэри Р. Алтымышовдун айтымында,согуш убагында Польша армиясынын 5-дивизиясы шаарда жайгашкан. Жыл сайын Польша өкмөтүнүн өкүлдөрү шаарга келишип, ал кездеги жоокерлерди эсеришет жана шаар четиндеги көрүстөнгө зыярат кылышат.





-Польша өлкөсүнүн эркиндигине салым кошкон жоокерлерин эскерүүнүн алкагында Польша Республикасынын каржылоосу менен жаштарды өнүктүрүү боюнча бир катар долбоорлор каралган. Айрым мектептерди компьютердик техника менен жабдуу жагынан да колдоо көрсөтүшкөн. Ал эми бүгүн шаар мектептеринин окуучуларынын арасында футболдук мелдеш өткөрүлүүдө. Мектеп окуучулары арасында өткөрүлүп жатканмындай иш-чараларкыргыз жаштарынын польшалыктар, алардын тарыхы менен кенен таанышууга шарт түзөт, – дейт вице-мэр.

Ал эми Польша элчиси Селим Хазбиевичтин айтымында, экинчи дүйнөлүк согуш башталганда фашисттик Германия Польшага кол салып, аны ээлеп алган. Польшалыктар сырттан армия түзүп, мекенин бошотуп алууга аракет жасашкан. Генерал Владислав Андерстин башчылыгында СССРдин аймагында бир катар дивизиялар түзүлүп, анын ичинде 5-дивизия Жалал-Абад шаарында жайгашып турган. Бүгүнкү күндө Польша Республикасы ошол кездеги жоокерлерин унутпай, жыл сайын аларды эскерип турушат.

-Бүгүнкү күндө Жалал-абад шаарынын жаштарына да бул маалыматтарды жеткирүү менен өз ара карым-катнашты түзүү жана жаштардын спортко болгон кызыгуусун арттыруу менен эки элдин ортосундагы ар тараптуу байланыштарды бекемдөө үчүн аракет кылабыз, – дейт ал.

Мелдешке шаар боюнча алты комманда катышып, жыйынтыгында биринчи орунду шаардагы №1 Михаил Бабкин атындагы мектеп-гимназиясынын окуучулар окмандасы алса, экинчи жана үчүнчү орунга Раатбек Санатбаев атындагы адистештирилген балдар жана жаш жеткинчектердин олимпиадалык резерв спорт мектебинин командалары жетишти.

Эске сала кетсек, 1939-жылы 1-сентябрда фашисттик Германия Польшага кол салып, 200 миңге чукул польшалык жарандар Кыргызстан аркылуу Иранга жана башка өлкөлөргө өтүшкөн. Ал эми Жалал-Абад шаарында 2011-жылдан тарта Польшанын расмий өкүлдөрүнүн катышуусу менен жоокерлерди эскерүү иш-чаралары жүргүзүлүп келет.


Булак: NewTV

 
Categories

Депутат 60 жана андан ашкан курактагыларды чуркатат

Жогорку Кеңештин КСДП фракциясынын депутаты Дастан Бекешев  сергек жашоону колдоо максатында  60 жаштагы жарандар үчүн марафон өткөрөт. Марафонго 60 жаша андан ашкан курактагы адамдар катыша алышат. Катышуучуларга эки аралыктагы: 500 жана 1000 чакырымга чуркоо сунушталат.  

Марафон ушул жылдын 7-апрелинде Э. Гареев атындагы Ботаникалык бакта саат 09:00дө башталат.

Финалга жеткен бардык катышуучуларга сыйлыктар берилет, а жеңүүчүлөр медаль жана мыкты белектердин ээси болушат. Иш чара аяктагандан кийин чайлашуу болот. Катышууну каалагандар: 0312 434416, 0555 434416 номерлерине чалуулары кажет.

Белгилей кетсек, марафон алгач 1-апрелде өткөрүүгө болжолдонгон, бирок аба ырайынын өзгөрүшүнөн улам 7-апрелге жылдырылган.

Булак: NewTV

 
Categories

Көк-бөрү: “Ынтымак” кайрадан жеңүүчү аталды

Бир жумадан бери өтүп жаткан көк бөрү боюнча беттеш жыйынтыкталды. Нооруз майрамына белгиленген финалдык таймашта 2:1 эсеби менен “Ынтымак” тайпасынын көк бөрүчүлөрү жеңүүчү аталды.