Эл аралык Олимпиада комитети кечээ Лозанна шаарында өткөн 134-сессиясында 2026-жылдагы Кышкы Олимпиада оюндары Италияда өтө тургандыгын жарыялады.
Олимпиада оюндарын өткөрүүгө Италия менен кошо Швеция мамлекети талапкер болгон.
Италия буга чейин үч ирет Олимпиада оюндарын өткөргөн. 1956-жылы Кортина-д’Ампеццо шаарында (кышкы), Рим шаарында 1960-жылы (жайкы) жана Турин шаарында 2006-жылы кышкы олимпиада оюндарын өткөргөн.
Ал эми XXIV кышкы Олимпиада оюндары 2018-жылы Кореянын Пхенчхан шаарында өткөн. 2022-жылы болсо дүйнөлүк ири мелдешти Кытай өлкөсү Пекин шаарында кабыл алат.
Ош шаарында кечээ, 23-июнда “Дени сак улут- күчтүү мамлекет” аталышындагы масштабдуу марафон болуп өттү. Бул тууралуу Ош шаардык Кеңешинин маалымат кызматы билдирди.
Марафонго Ош шаардык Кеңешинин депутаттары жана Кыргызстандын миңге жакын спорт ышкыбоздору катышты.
Иш-чаранын негизги максаты дени сак жашоону даңазалоо жана достук мамилени бекемдөө болуп саналат.
Белгилүү кыргызстандык мушкер Валентина Шевченконун кезектеги беттешинин күнү белггилүү болду. Бул туурасында ал өзүнүн инстаграмм баракчасына жазып чыкты.
Таймаш UFC on ESPN+14 мелдешинин алкагында 10-августта Уругвайдын борбору Монтоведео шаарында өтөт.
Жеңил салмактагы чемпиондук титул үчүн кыргызстандык Валентина Шевченко менен америкалык Лиз Кармуш беттешет.
Кармуш менен Шевченко буга чейин 2010-жылы ММА мелдешинде беттешкен. Анда дарыгер Шевченко беттешти уланта албайт деп таймашты токтотуп, америкалык мушкер айым жеңүүчү болуп табылган.
Валентина Шевченко 9-июнда Чикагодо чемпиондук титулун коргоо боюнча беттешке чыгып, америкалык Джессика Айды эсин оодара тээп, нокаут менен жеңишке жеткен.
Чүй облусунда 6-июль күнү “Кара-Булак Trail Fest” марафону өтөт. Бул тууралуу Жаштар иштери, дене тарбия жана спорт боюнча мамлекеттик агенттигинин басма сөз кызматы билдирди.
Марафон коомчулукту спорт менен дайыма машыгып турууга чакыруу, Кыргызстандын таза абасы менен жаратылышынын кооздугун даңазалоо, эл аралык туризмди жана достукту бекемдөө жана туристерди тартуу болуп саналат.
Спорттук иш-чарага Германия, АКШ, Австралия, Орусия, Казакстан, Польша, Чехия, Кыргызстан жана башка өлкөлөрдүн тажрыйбалуу спортчулары жана спорт ышкыбоздору катышмакчы.
Катышуучулар “Кашка-Суу” лыжа тебүү базасынан баштап, “Кара-Булак ECO-RESORT” эс алуу жайына чейин чуркашат.
Жеңүүчүлөр акчалай сыйлыктар жана баалуу белектер менен сыйланат.
Куралдуу күчтөрүнүн аскер кызматкери Кайратбек Рапиев Бишкектен Жалал-Абад шаарына чейин жүгүрүүнү көздөп жатат. Ал бул тууралу өзү АКИpress агентигине кабарлаган.
Ал маалыматтарга караганда, мындай идея ага өткөн жылы келген. Ал убакта физикалык жактан даяр болбогондуктан быйыл чуркоону туура көргөн.
Кайратбек Рапиев: “Мен быйыл даярдана баштадым. Үч ай даярдангандан кийин өзүмдү текшерүү максатында Бишкектен Балыкчыга чейин чуркадым. 22 саттын ичинде 190 чакырымды басып өттүм”,-деди.
Анын даярдануусуна машыктыруучусу Александр Золотухин жардам берүүдө. Бишкек менен Жалал-Абаддын ортосу болжол менен 580 чакырым. Чуркоо учурунда автоунаа башынан аягына чейин видеого тартат. Ал уктабай чуркайт.
80 саатын ичинде бул чакырымды басып өтүүнү максат кылып жатат. Чуркоо Бишкек шаарынын чегинен башталат. Кайратбек Балыкчыга чуркаганда физикалык жактан даяр экендигин байкаган.
ММА мушкери 24 жаштагы Муса Юсуповду Чүйдүн Виноградное айылында сабап, телефону менен жанындагы 500 000 сомун тоноп кетишкен. Бул туурасында Чүй облустук милициясынан билдирди.
Алдын ала маалыматтар боюнча ,мушкерди сабап кеткендер менен мурда өз ара келишпестик болгон. Жада калса тууган болуп кетери да айтылууда.
Аталган факты боюнча Кылмыштар менен жоруктардын реестрине катталып, сотко чейинки тергөө башталган. Териштирүүнүн натыйжасында шектүү катары 42 жаштагы жаран кармалган.
Тийиштүү экспертизалар дайындалып, тергөө уланууда.
Оюн Ирандын Тебриз шаарында өтүп, ага жалпысынан 12 өлкө катышууда. Алар: Иран, Ооганстан, Гонконг, Тайланд, Ливан, Кыргызстан, Япония, Вьетнам, Тажикстан, Ирак, Индонезия, Кытай мамлекеттери. Мындай маалыматты Азия футбол федерациясы жазып чыкты.
Бүгүн турнирдин алгачкы күнү Кыргызстан жаштары менен Таиланд беттешет. Беттеш Бишкек убактысы менен саат 18:30да башталат.
Буга чейин жаштар арасындагы Азия биринчилиги 2017-жылы Таиландда өткөрүлгөн.
Кыргызстандын футбол боюнча курама командасы 11-июнда Палестина менен жолдоштук беттешин өткөрүп, 2:2 эсебинде тең чыккан. Анда атаандаштардын дарбазасына алгачкы топту Турсунали Рустамов киргизип, экинчи эсепти Бекжан Сагынбаев ачкан.
Азия Кубогунда өзгөчө голу менен эсте калган чабуулчу Мирлан Мурзаев менен оюндан соң биздин кабарчыбыз мектешип келген.
Кыргызстандык мушкер, UFCнин жеңил салмактагы чемпиону Валентина Шевченко чемпиондук курун сактап калуу үчүн 20 – июлдаСан-Антониодо америкалык мушкер Лиз Кармуш менен беттешет. Бул тууралуу чет элдик басылмалар жазып чыкты.
Эске салсак, Шевченко 2010 – жылы Оклахомдогу беттеште Лиз Кармушдан техникалык нокаут менен жеңилип калган.
Кыргызстан Палестина жолодоштук футбол беттеши ит жыгылыш менен аяктады. Жыйынтыгы 2:2 эсебинде тең чыкты. Оюндун алгачкы башталышы кыргыз футболчуларынын үстөмдүгү менен башталган болчу. Биринчи тайм 1:0 эсебинде аяктаган. Атаандаштардын дарбазасына алгачкы топту Турсунали Рустамов киргизген.
Ал эми экинчи таймда палестиналыктар оюнду 2:1 кылууга жетишти. Оюндун аяктарына саналуу мүнөттөр калганда палестиналыктар пенальтиде гол киргизишип, 2:2 менен бүттү.
