Categories

Чоң мелдешке катышып, күлүктөр менен жарышкан милициянын капитаны Майрамбек Арзыбаев

Майрамбек Арзыбаев жыл сайын чоң мелдештерге катышып, күлүктөр менен жарышып, ар дайым байгелүү орундарды жеңип алып келет. Анда көп алыска барбай эле былтыркы жылдан берки жеңиштерине токтоло кетели.

2018-жылдын февраль айында Бишкек ШИИББнын кызматтык спорттун көп түрү боюнча өткөн спартакиадада 2-орунга татыктуу болсо, апрель айында Бишкек шаардык мэриясынын “Жаз деми “аттуу 5 чакырым аралыкка чуркаткан жарышта, 40-50 жаш курактагы күлүктөрдүн арасынан суурулуп чыгып, биринчи келе алган. Акчалай байгеге ээ болгон.

Май айында Чолпон-Ата шаарында өткөн эл аралык Сатымкул Жуманазаровдун жаркын элесине арналган марафондо 10 чакырым аралыкка чуркап, 45-55 жаштагы күлүктөрдүн арасынан экинчи келип, дагы байге алган. Быйыл дагы так ошол ийгиликтерин кайталап, февраль айында өткөн Бишкек ШИИББнын кызматык спорттун көп түрү боюнча өткөрүлгөн олимпиадасында биринчи байгелүү орунду жеңип алган.

Май айында жыл сайын өтүүчү Сатымкул Жуманазаровдун атындагы марафондо экинчи орунга чыккан. Бул мелдешке чет өлкөлүк 20 мамлекеттен келген мен – мен деген күлүктөр катышып, таймаш абдан курч мүнөздө өткөндүгүнө карабастан Майрамбек бир гана күлүктөн калып, калганына чаң жуткурган. Ошентип Майрамбек тынбай чуркап келет.

Үсөнбек Дайырбеков ИИМдин Басма сөз кызматы

 
Categories

Тажикстан менен беттеште Кыргызстан утат! Спорттук журналисттердин божомолу

Кыргызстандын футбол боюнча улуттук курамасы 19-ноябрь күнү Тажикстандын футболчулары 2022-жылдагы дүйнө чемпионатынын экинчи тандоо турунун алкагындагы беттешет. Оюн Бишкектеги Дөлөн Өмүрзаков атындагы стадиондо өтөт.

Бир нече футболдук беттештерде комментаторлук кызматты аркалап келе жаткан спорттук журналисттердин алдыдагы оюн тууралуу пикирлерин билдик.

Алымбек Адылбеков, спорттук баяндамачы:

“Кыргызстан менен Тажикстан курама командаларынын оюну оңой болбойт. Бирок, биздин “Ак шумкарлар” жеңишке жетет. Анткени Кыргызстандын футболчулары Мьянманы 7:0 эсебинде жеңип алган, ал эми Тажикстан курамасы дал ушул Мьянмага 3:4 эсебинде жеңилди. Биз буга чейин Тажикстанга утулуп калганбыз, себеби биздин курам анда толук эмес болчу. “Ак шумкарлар” өзүбүздүн стадиондо жакшы оюн көрсөтөт, деп ишенебиз. Себеби аларга күйөрмандардын да колдоосу чоң көмөк болот”.

Нурсултан Турусбеков, спорттук журналист:

“Тандоо этабын эле карап көрсөк Кыргызстан Тажикстанга караганда бир топ жакшы көрсөткүчтөрдү көрсөтүп келе жатат. Бул оюнда да “Ак шумкарлар” күйөрмандардын ишеничин актайт. Дөлөн Өмүрзаков атындагы стадионду биздин тумарыбыз деп айтсак да болот. Себеби, курама командабыз өз үйүндө оңойлук менен жеңилбейт. Жапония менен болгон оюнда жеңилдик деп капаланууга болбойт. Анткени футболчуларыбыз алар менен тең тайлашып эле  оюн көргөздү. Анын үстүнө бир топ мыкты футболчуларыбыз бул беттешке ар кандай себептерден улам катышпай калган. Тажикстан менен болгон оюнда буйруса алар чыгат”.

 
Categories

Футболдон кийин күйөрмандар стадионду тазалап кетишти

Бишкекте Кыргызстан курамасы менен Жапония футболчуларынын оюнунан кийин күйөрмандар 18 миң адам баткан стадионду тазалап кетишти. 

Оюн кечээ 14-ноябрда болуп өттү.

Беттешке билеттер калбай калган соң, футбол сүйүүчүлөрү үчүн эски аянтка да атайын экран орнотулган. Ал жерде да миңдеген адамдар болгонуна карабай, тазалыкты сакташкан.   Бул албетте, көңүл жылытаарлык нерсе.

Белгилей кетсек, 2022-жылы Катарда өтө турган дүйнө чемпионатына тандоо оюндарынын алкагында Жапония Кыргызстанды 2:0 менен утуп алды.

На изображении может находиться: 1 человек, стоит и на улицеНа изображении может находиться: один или несколько человек

 
Categories

“Ак шумкарларга” күйөрмандык кылган түрк жараны (видео)

Али Ифлез Оглу 15 жылдай убакыттан бери Кыргызстанда жашап келет. Анын Бишкекте чакан бизнеси бар. Калаадагы кафелердин биринде башкы ашпозчу болуп эмгектенет. Али мырза футболдун чыныгы фанаты. Ал көп жылдардан бери Кыргызстандын курама командасына күйөрмандык кылып, ар бир оюнунда стадиондо желегин желбиретип турат.

 
Categories

“Самурайлар” “Ак шумкарларды” 2:0 эсебинде жеңди

Жапония курамасы Кыргызстанды 2:0 эсебинде жеңип алды. “Самурайлар” алгачкы голун биринчи таймда, ал эми 2-топту экинчи бөлүктө киргизди.

Оюн бүгүн, 14-ноябрда Бишкектеги Дөлөн Өмүрзаков атындагы стадиондо болуп өттү.

“Ак шумкарлар” эми 19-ноябрда Тажикстан курамасы менен беттешет.

 
Categories

Жапония курамасы Кыргызстандын дарбазасына 2-голун киргизди

Жапония курамасы экинчи бөлүктүн 50-мүнөтүндө Кыргызстандын дарбазасына экинчи голун киргизди. Буга чейин “Самурайлар” биринчи бөлүктө эсеп санын ачкан болчу.

Учурда “Ак шумкарлар” өз үйүндө болсо дагы Кыргызстандын куржунуна гол сала элек. Бирок алдыңкы мүнөттөрдө киргизет деген үмүттөбүз.

 

 
Categories

“Самурайлар” Кыргызстандын дарбазасына гол киргизди

Жапония курамасы Кыргызстандын дарбазасына пеналти тээп, алгачкы голду киргизип, эсеп санын биринчи бөлүктө ача алды.

Азырынча Кыргызстандын эсеп саны ачыла элек. Экинчи бөлүктө “Ак  шумкарлар” үмүттү актайт деген ишеничтебиз.

Белгилей кетсек, учурда Кыргызстан футбол курама командасы Жапония менен Катар-2022 Дүйнө чемпиондугуна тандап алуу оюндарынын алкагында  беттешүүдө.

 

 
Categories

ТҮЗ ЭФИР: Кыргызстан-Жапония

Кыргызстан жана Жапония курама команларынын беттешинен түз эфир

Футбол. Кыргызстан – Япония (14.11.19)

Опубликовано МТРК "ЭлТР" Четверг, 14 ноября 2019 г.

 
Categories

Бүгүн Кыргызстандын дарбазасын Кутман Кадырбеков коргойт

Бүгүн Жапония менен болгон оюнда Кыргызстандын дарбазасын Кутман Кадырбеков коргойт. Ал жаракат алганы үчүн бир нече айдан бери беттештерге чыкпай жаткан.

Учурда Бишкектин Дөлөн Өмүрзаков атындагы стадионунда Кыргызстандын курамасы Жапониянын футболчулары менен ойноп жатат.

 
Categories

Баткен шаарындагы медреселер аралык футбол боюнча таймаш өттү

Баткен шаарындагы  Муаз ибни Жабал медресесинин 1-2-3-4 курс студенттери арасында спорттун кичи футбол оюну боюнча мелдеш өттү. Муфтияттан алынган маалыматка караганда, спорт оюнун жыйынтыгында 1-орунду 3-курстун, 2-орунду 1-курс, 3-орунду 2-курстун  студенттери камсыз кылышты. Ар бир командага  уюштуруучулар тарабынан баалуу белектер тапшырылды.

Медресе мүдүрү Исираев Султанмурат ажы: «Спорт ден соолукту эле эмес, ынтымакты, достукту бекемдейт. Ошондой эле динибизда сергек жашоого чакырат. Андыктан студенттердин ар тараптан өнүктүрү үчүн аталган иш-чара уюштурулду»,-деди.