Categories

Бажы кызматынын төрагасынын экс-орун басары Р. Матраимов: “Атамбаевдин кыйкырыктары түшүнүксүз жана орунсуз”

Бажы кызматынын төрагасынын экс-орун басары Райымбек Матраимов “Кабарлар” агенттигине маек берди. Ал: “Темир тор артына түшүп жаткан адамдар мыйзам алдында жооп бериши керек. Сапар Исаковбу, Кубанычбек Кулматовбу же башкабы  айрымасы жок. Алардын айыптары сотто далилдениши керек. Ошондуктан экс-президент буга саясый түс берүүгө жанталашпаш керек. Анын жардамы жок эле чын-бышыгына  жетишишет.

Мен экс-президент Атамбаевдин жаалданып жатканына түшүнбөйм. Анын досторун ар түрдүү кылмыш иштери боюнча камакка алышты. Сапар Исаковду Бишкек ТЭЦиндеги авария жана тендер өткөрүүдөгү уурдоолор боюнча кылмыш жоопкерчилигине тартып жатышат. Кубанычбек Кулматовго мектептин курулушундагы уурдоолор боюнча шек жараткан иштер боюнча мыйзамдуу суроолор бар. Жооп беришсин. Мындай учурда Атамбаевдин кыйкырыктары түшүнүксүз жана орунсуз, Атамбаев жана анын командасы жогоруда аталган долбоорлорду жеке өздөрү көзөмөлдөшкөн. Ошондуктан Атамбаевдин бардык жаңжалдарга мени аралаштыргысы келгени түшүнүксүз”, – деди.

Эске сала кетсек, кечээ экс – президент А. Атамбаев К. Кулматовдун, Сапар Исаков, Осмонбек Артыкбаевдын камакка алынышы боюнча өз оюн билдирген болчу. А. Атамбаев: “Бажыдагы уурулуктун масштабдарын ачып көрсөткөн мамлекеттик ишмерлерди камакка алуу туурасындагы кечээки чечим, бул иш жүзүндө бажы кызматынын көмүскөй кардиналы аты белгилүү “Раим-миллиондун” бийликтеги достору, колдоочулары тарабынан болуп жаткан өч алуу” – деген.

 
Categories

Экс – президент А. Атамбаев: “С. Исаковду, К. Кулматовду эптеп бир шылтоо таап, камоо милдети коюлганын көрүп турам”

 

КСДП партиясынын төрагасы, экс-президент Алмазбек Атамбаев  мурунку өкмөт башчы Сапар Исаковдун жана мурунку бажы кызматынын төрагасы Кубанычбек Кулматовдун камакка алынышы боюнча  билдирүү таратты.

«КРнын мурдакы премьер-министри, КСДП  төрагасынын орун басары Сапар Исаковду жана Мамлекеттик Бажы кызматынын мурдакы төрагасы, биздин партиянын саясий кеңешинин мүчөсү Кубанычбек Кулматовду камакка алуу туурасындагы кечээки чечим – бул коррупция менен күрөшүү эмес. Коррупция менен күрөштө айырмаланган так ушул адамдардын коррупцияга күнөөлөнүп камакка алынышы кадыресе акыл–эске сыйбайт. С.Ж.Исаковдун Өкмөтү ушул жылдын 4 айынын ичинде бюджеттин киреше бөлүгүнүн чыгаша бөлүгүнөн  5 миллиард сомго жогорулашын (профицит) камсыз кылды. Мындай көрсөткүчкө эгемендүү Кыргызстандын тарыхында алгачкы жолу жетишилди.  Мында Сапар Исаков менен Кубанычбек Кулматов коррупционерлерден тазалай баштаган бажы органдарынан түшкөн төлөмдөр негизги ролду ойноду.

Бажыдагы уурулуктун масштабдарын ачып көрсөткөн мамлекеттик ишмерлерди камакка алуу туурасындагы кечээки чечим, бул иш жүзүндө бажы кызматынын көмүскөй кардиналы аты белгилүү “Раим-миллиондун” бийликтеги достору, колдоочулары тарабынан болуп жаткан өч алуу.

Ошондой эле Президенттин Аппаратынын мурдакы бөлүм башчысы С.Ж. Исаков да, Бишкектин мэри болуп турган К.К. Кулматов да тергөө тарабынан коюлуп жаткан айыптоолордун негизин түзгөн чечимдерди өз алдынча кабыл алууга ыйгарым укуктары болбогонун расмий түрдө билдирем. Укук коргоо органдарына иштин маңызын өз алдынча териштирип алууга мүмкүнчүлүк бериш үчүн мен ушул убакка чейин ачык билдирүүлөрдү жасоодон карманып келдим. Бирок мен бүгүн аларга С.Ж. Исаковду жана К.К. Кулматовду эптеп бир шылтоо таап, камоо милдети коюлганын көрүп турам.

ЖЭБди КЭРнын кредитинин эсебинен реконструкциялоо, анын ичинде подрядчикти кытай тараптын тандоосуна макулдук берүү, жана ошондой эле гранттык каражаттарды “Калыс Ордо” конушундагы мектептин курулушуна багыттоо жөнүндөгү  чечимдер тийиштүү мамлекеттик органдардын жетекчилери менен ар тараптуу талкуулангандан кийин мамлекет Башчысы Атамбаев А. Ш.  жана өлкөнүн Өкмөтү тарабынан кабыл алынган.

Мындай чечимдерди кабыл алууда өлкө Президентинин негизги ролу, мамлекеттик органдардын жана мамлекеттик кызматкерлердин жоопкерчилигинин таңкыстыгы, мамлекет Башчысынын тышкы саясаттагы милдеттери, ошондой эле туруктуу өнүгүүнүн Улуттук стратегиясынын талаптарын ишке ашыруу менен шартталган.

Максаты Кыргыз Республикасынын мамлекеттик көз карандысыздыгын жана эгемендүүлүгүн чыңдоо болуп эсептелген башка улуттук долбоорлор жөнүндө да ушуну айтса болот. Анын ичинде: “Датка-Кемин” ЭЛЧ, “Датка” жана “Кемин” көмөкчү чордондорунун курулушу, “Түндүк-Түштүк” альтернативалык жолунун курулушу, “Кыргызгаздын” инфраструктурасын “Газпром” компаниясына өткөрүп берүү, ГЭСтердин Жогорку-Нарын каскадынын курулушу, Токтогул жана Ат-Башы ГЭСтерин реконструкциялоо, Бүткүл дүйнөлүк Көчмөндөр Оюндарына карата объектилердин курулушу, 1916-жылдагы окуялардын 100 жылдыгына карата масштабдуу иш-чараларды өткөрүү, Тарых музейин реконструкциялоо жана башка көптөгөн стратегиялык объектилер жана иш-чаралар бар.

КСДПнын активдүү башка мүчөлөрүн, анын ичинде Жалал-Абад шаарынын экс-мэри Салайдин Авазовду жана Жогорку Кеңештин депутаты Осмонбек Артыкбаевди куугунтукка алууну да негизсиз деп эсептейм.

Коррупция менен күрөшүү деген кыйкырыктардын астында иш жүзүндө, өз пикири, өз позициясы барларга аңчылык башталды.  Буга далил болуп, мисалы, өткөн 2017-жылдагы коррупция менен күрөшүүнүн алкагында, эч кандай куру кыйкырыгы жок эле бюджетке 9 миллиард сом кайтарылган болсо, ал эми бул жылдын көрсөткүчтөрү азырынча алда канча төмөн.

Жоопко, Сапар Исаковду эмес, эгерде тергөөнүн жүрүшүндө тийиштүү фактылар аныкталса, ЖЭБдин эски бөлүгүндөгү аварияга жол берип, Бишкектин тургундарын тоңдурган күнөөкөрлөрдү, материалдарды, жабдууларды жогорулатылган баалар менен сатып алгандарды тартыш керек

Коррупцияга каршы күрөшүү кызматынын жетекчиси сыяктуу элпек достору өлкө президенти С.Ш. Жээнбековду опуртал жолго түртүп жатышат. Мен ага өзүнө мурун эскерткен элем, ушул жылдын мартында дагы бир жолу өзүмдүн маалымат жыйынымда айтканга аргасыз болдум.

Апрель ыңкылабынан кийин Кыргызстандын Социал-демократиялык партиясы өлкөдө стабилдүүлүктү орнотууга жана Кыргызстандын туруктуу өнүгүү жолуна түшүүсүнө ири салымын кошту. Биз тынччылыкты жана элибиздин биримдигин ар тараптуу коргоого милдеттүүбүз. Мунун кепилдиги – адилет бийлик. Бул дайыма эсибизде болууга тийиш.

КСДП иш-аракеттерин мыйзам жана КРнын Конституциясынын алкагында гана жүргүзөт, мыйзамдуулукту талап кылат, жарандардын, партия мүчөлөрүнүн укуктарын жана мыйзамдуу кызыкчылыктарын коргойт. Ошол эле маалда урматтуу мекендештер, чагымчылдыкка жол бербөө үчүн мен сиздерди укуксуз ыкмаларга барбоого чакырам.

Кыргыз эли жогоруда көрсөтүлгөн кылмыш иштеринин козголушунун чын себептерин эртедир-кечтир билет жана өз калыс баасын берет».

 
Categories

Президент Сооронбай Жээнбеков мамлекеттик расмий сапар менен Кытайга учуп кетти

Президент Сооронбай Жээнбеков бүгүн, 6-июнда мамлекеттик сапар менен Кытай Эл Республикасына учуп кетти. Ал ШКУга мүчө-мамлекеттердин башчыларынын Кеңешинин кезектеги жыйынына катышат. Бул маалыматты президенттин пресс кызматы билдирди.

Мамлекеттик визиттин алкагында Мамлекет башчысы Кытай Эл Республикасынын Төрагасы Си Цзиньпин, КЭР Мамлекеттик Кеңешинин Премьери Ли Кэцян жана Эл өкүлдөрүнүн Бүткүл кытайлык жыйынынын Туруктуу комитетинин Төрагасы Ли Чжаньшу менен жолугушат. Сапардын жүрүшүндө бир катар эки тараптуу документтерге кол коюлары күтүлүүдө. Анын ичинде Ар тараптуу стратегиялык өнөктөштүктү орнотуу жөнүндө Кыргыз Республикасы менен Кытай Эл Республикасынын ортосундагы биргелешкен декларация бар.

Андан соң Президент Сооронбай Жээнбеков 2018-жылдын 9-10-июнунда өтө турган ШКУга мүчө-мамлекеттердин башчыларынын Кеңешинин кезектеги жыйынына катышуу үчүн Циндао шаарына  учуп кетет.

ШКУга мүчө-мамлекеттердин башчыларынын Кеңешинин жыйынында Шанхай Кызматташтык Уюмун мындан аркы өнүгүүсүнө тийешеси бар бир катар чечимдерди талкуулап, кабыл алуу, саясий, экономикалык, маданий-гуманитардык чөйрөлөрдөгү, ошондой эле коопсуздук жана тышкы байланыш жаатындагы документтерди бекитүү мерчемделген.

Саммитте кытай тарап ШКУга мүчө-мамлекеттердин башчыларынын Кеңешине төрагалыгын аяктап, аны 2018-2019-жылдарга Кыргызстанга өткөрүп берет.

Саммиттин алкагында Президент Сооронбай Жээнбеков Тажикстан Республикасынын Президенти Эмомали Рахмон, Индиянын Премьер-министри Нарендра Моди, Монголиянын Президенти Халтмаагийн Баттулга менен эки тараптуу жолугушууларды өткөрөт.

 
Categories

К. Кулматов кайрадан Улуттук коопсуздук комитетине суракка чакырылды

Бишкек шаарынын мурдагы мэри жана Мамлекеттик бажы кызматынын мурдагы башчысы Кубанычбек Кулматов кайрадан Улуттук коопсуздук комитетине суракка чакырылды

Сурак бүгүн саат үчтө башталганын  КСДП партиясынын расмий өкүлү Кундуз Жолдубаева кабарлады. 18-майда Кулматовго Кылмыш-жаза кодексинин 303-беренесинин 1-бөлүгү (“Коррупция”) боюнча айып тагылган, кийин үйү тинтүүгө алынып, мүлкү камакка алынган. Бир нече УКМКга сурак берип чыккан.

Тергөө маалыматтарына караганда, ал 2014-жылы калаанын башчысы болуп турган кезде Кытайдын ТВЕА компаниясы Жылуулук электр борборуна жана Калыс-Ордо конушундагы мектептин курулушуна берген акчаны мыйзамсыз коротууга тиешеси бар экени айтылууда.

Кулматов өзүнө тагылган айыпка макул эместигин билдирген.

 
Categories

ЖКнын депутаты Жанар Акаев: “Сен А. Атамбаевди сатып кеттиң дегендер, Атамбаев ЖЭБди жеп кетти дешип кыйкырышты”

Жанар Акаев: “Мени КСДПдан чыгарып жатканда депутаттар сен А. Атамбаевди сатып кеттиң. Аны кайрадан президент кылып, шайлашыбыз керек дегендер, кийин Атамбаев ЖЭБди жеп кетти –дешип, кыйкырышты.

Мени КСДПдан чыгарат дегенде Алайда элем. Ал жактан түнү менен учуп келгем.Келбей койсом деле болмок. Бирок, мен жыйынга келип, мени КСДПдан чыгарганга макул деп, добуш бергиле. Силерге кыйын болуп калбасын деп, ар бир депутат менен сүйлөшкөм. Жыйын жабык түрдө өткөн. Ал жерде айтылгандардын баарын ошондо жашыруун жаздырып алгам. Анын  баары менде сакталып турат” – деди, “Марал” радиосуна маек берип жатып.

Ал “Алардын көбү бизнесмендер. Жеке кызыкчылык менен депутат болуп келишкен. И. Масалиев экс – президентердин статусун алабыз дегенде бир ооз ачып коюша алган жок. Болбосо, КСДП ЖКда депутаты көп,  эң чоң коалиция. Жетекчисин коргош керек эле да” – деди.

 
Categories

Равшан Жээнбеков: “Өзгөчө оор кылмыштан бир дагы адамда, анын ичинде Атамбаевде да кол тийбестик иммунитет жок”  

Кыргызстанда кылмыштан, өзгөчө оор кылмыштан бир дагы адамда кол тийбестик иммунитет жок. Бир дагы мамлекеттик кызматчыда иммунитет жок. Бул дүйнөлүк практика. Эгерде кайсы бир президент өзүнө мыйзамды ылайыкташтырып, өзү бийликте отурганда жазып алса, ал ага кандайдыр бир иммунитет берет деген, акылсыздык болуп эсептелет. Мындай маалыматты саясатчы Равшан Жээнбеков ММКларга берген маегинде айтты.

Экинчиден дүйнөлүк практикада мындай нерсе жок. Маселен, Франциянын мурдагы президентти Н. Саркози азыр мурда пара алган деген айып менен кылмыш жоопкерчилигине тартылып жатат.

Ал эми бизге окшогон авторитардык мамлекеттерде бийлигинин күчтүү болуп турган убагында каалаганын кылат. Бийликтен кетип жатканда өзүнө каалагандай мыйзам жазып алышканы бул алдын ала өзүнө баардык кылмыштардан качуу аракети.

Дүйнөлүк практикада бир дагы мыйзам, бир дагы мамлекет, бир дагы эл аралык мыйзам кимге гана болбосун алдын ала коррупциядан, адам өлтүрүүдөн, системалуу түрдө адам укугун бузуудан жана бийликти узурпациялоодон – кылмыш жоопкерчилине тартуу гарантиясын бербейт.

Ошондуктан биз бүгунку күндо айтсак болот. Баш мыйзамга, мыйзмага да таянып мурдагы президенттерде да, президент Атамбаев, азыркы президенттерде да эч убакта ушул төрт кылмыш боюнча эч кимисинде иммунитет жок. Баардыгы бирдей жоопкерчиликтүү. Эгерде биз ошол адамдардын күнөөсүн тергөө аркылуу так, кынтыксыз, түз далилдер менен далилдей турган болсок.

Азыркы саясый оор абал бир караганда Атамбаев бийликтен кетип, жеңилип жатат деген менен эртеңки күнү мамлекеттеги саясый абал башка нукка кетип калат деген аябагандай  чоң коркунуч бар. Бүгүн жогорку деңгээлдеги мамлекеттик кызматчылар ошол саясый абалдан коркуп турушат. Экинчиден, өздөрүнө жоопкерчилик алгылары келбей жатат. Ошон үчүн жанагинтип элге же парламентке салыш керек дешүүдө.Президенттин кол тийбестигин референдум же парламент аркылуу алуу жолдорун айтып жатышат.

Атамбаев андан башка президенттерди дагы бүгүн жоопко тартса болот. Ал үчүн тергөөчүлөр аябагандай тыкан, мыйзамдын чегинде эч бир саясый топко тартпай иш алып барышы зарыл.  Экс президент Атамбаевдин коррупцияга тийешеси бар экендигин өзгөчө мен так билем. Бийликти узурпациялоого тийешеси бар.  Экс президент А. Атамбаев кыргызстандагы эң негизги узурпатор. Анын КТРКнын Ала Тоо программасында жети жылдык далили жазылып турат. Башка эч нерсенин кереги жок. Ушунун негизинде ал кишини жоопко тарта берсек эч кандай мыйзамга каршы келбейт.

 
Categories

М. Абылгазиев “Эки тараптуу соодадагы тоскоолдуктарды четтетүү үчүн шарттарды түзүү керек”

Премьер-министр Мухаммедкалый Абылгазиев Дүйшөмбү шаарында Казакстан Республикасынын Премьер-министри Бакытжан Сагинтаев менен жолугушту.

Эки жактуу жолугушуу  бүгүн, 1-июнда өтүүчү Көзкарандысыз мамлекеттер шериктештигинин Өкмөт башчылар кеңешинин кезектеги жыйынынын алкагында өттү. Бул маалыматты Өкмөттүн  маалыматтык камсыздоо бөлүмү билдирди.

Премьер-министр Мухаммедкалый Абылгазиев: «Кыргыз-казак союздаштык мамилелери тиешелүү көрсөткүчкө жетишти. Саясий-экономикалык кызматташуу сакталып, талашсыз түрдө эки жактуу өнөктөштүктү мазмундук толтурууну шарттаган бардык деңгээлдеги байланыштар жүргүзүлүүдө. Казакстан менен стратегиялык өз ара байланыштарды бекемдөө Кыргызстандын тышкы саясатынын артыкчылыктуу багыттарынын бири. Биздин президенттерибиз тарабынан өз ара сооданы 1 млрд АКШ долларына чейин көбөйтүүгө багытталган милдеттер коюлган. Бул бизди өз ара товар айлантууну өстүрүү жана соодадагы тоскоолдуктарды четтетүү үчүн шарттарды түзүү максатында өз ара тыгыз аракеттешүүгө түртөт», – деди.

Өкмөт башчы эки жактуу товар жүгүртүүнү көбөйтүү жана эки өлкөнүн ортосундагы соода-экономикалык байланыштарды өстүрүү мүмкүнчүлүктөрү зор экенин баса көрсөттү.

Ошону менен катар эле  өз кезегинде Казакстандын Премьер-министри Бакытжан Сагинтаев эки мамлекеттин башчылары тарабынан Өкмөттөрдүн алдына коюлган максаттарды жүзөгө ашыруу зарылдыгын белгиледи.

Ал «Казак тарап эки жактуу алакаларды өнүктүрүүгө жана бекемдөөгө багытталган ар кандай демилгелерди дайыма колдоого даяр», – деди.

Жолугушуунун жыйынтыгы боюнча Өкмөт башчылар Казакстанда Премьер-министрлердин төрагалыгы алдында 7-чи Кыргыз-Казак өкмөттөр аралык кеңешинин жыйынын өткөрүү жөнүндө макулдашууларга жетишишти.

 
Categories

Экс–президенттердин кол тийбестигин алуу боюнча мыйзам долбоору коомдук талкууга коюулду

ЖЭБдеги чуудан улам экс – президенттердин кол тийбестигин алуу боюнча ЖК депутаттары тарабынан көтөрүлгөн демилгени ишке ашыруу депутаттардын жайкы эс алууларына чейин бүткөрүлүшү керек экени айтылган эле. Ал үчүн атайын мыйзамдык шарттарды даярдоо керек болгон.

Атайын маалыматтарга караганда, парламентте экс-президенттердин кол тийбестигин алып салуу боюнча мыйзам долбоору иштелип чыгып, коомдук талкууга коюлганы маалым болду. Бул мыйзам долбоорунда “Кыргыз Республикасынын президентинин ишмердигинин кепилдиктери жөнүндө” мыйзамдагы экс-президенттин кол тийбестиги тууралуу 12-берене толугу менен өзгөртүлгөн.

Ал өзгөртүүлөргө ылайык, “экс-президент кызматта турган учурдагы аракети жана аракетсиздиги үчүн жоопко тартылбайт” деген бөлүгү толугу менен алынып салынып, экс-президентти жоопкерчиликке тартуу Баш прокуратуранын сунушу менен Жогорку Кеңеште добуш берүү аркылуу жүзөгө ашырылары киргизилген. Эгерде мурда иштеп кеткен президент кандайдыр бир кылмыш ишине тиешеси бар деп айыптала турган болсо, анда аны изилдөө үчүн депутаттык комиссия түзүлөт.

 
Categories

“ИХЛАС” ийилсе да сынбайт

Акыркы убактарда айрым белгилүү да, белгисиз да тараптардан «Ихлас» курулуш компаниясына карата атайын бир беткей каралоо, чагымчылдык иш- аракеттери активдүү жүргүзүлүүдө. Албетте, мындай жийиркеничтүү, арам иш-аракеттер атайын бир кара ниет Аллахтан коркпогон арсыз адамдардын бир тобу тарабынан уюштурулуп, коомчулукту удургутуп, козутуу максатын көздөйт. Анткен менен адал эмгек, аруу тилек, акыйкаттыкты бек тутуп акырет үчүн астейдил ак мээнетибиз менен күн санап өсүп бараткан биздин курулуш мекемебиздин бедели түшүп же, белибиз бошоп калбайт!

Тек гана коомчулуктун башын айлантып, кардарларыбызды күдүк ойлорго түртүп, түрдүү шек саноолорго жем ташталууда. Ошондуктан, биз мындай ыплас каралоо компаниясын  “көрө албастык жана көрпенделик” деп атап, кескин айыптайбыз! Бизди өкүндүргөнү, аталган каралоо компаниясына айрым Эл өкүлдөрү, тактап айтканда, Жогорку Кеңештин илим- билимдүү аттуу-баштуу, биз сыйлаган кээ бир депутаттардын жагдайды, маселенин чоо-жайын аңдап талдабай аралашып, парламент трибунасынан үстүккө-босток улам кайталап көтөрүп жатышат. Тактап айтканда, баш калаабыздын түштүк магистралынын аймагындагы 2, 8 га жер жөнүндө көбүрөөк сөз болууда. Бул жер маселеси алгач көтөрүлгөндө эле баары мыйзам  чегинде жасалган иш экендигин айтып, так маалымат бергенбиз. Ошондой эле ал жер тилкесиндеги курулуш иштери да бардык уруксат берүүчү органдардын мыйзамдуу уруксаты менен жүргүзүлүп жаткандыгын шаар мэри Албек Ибраимов да, курулуш агенттигинин жетекчилиги да бир нече жолу бышыктаган.

Шаарыбыздын ушул эле аймагында канчалаган курулуштар курулуп жатат. Акыркы 10-15 жыл аралыгында жүздөгөн ар түрдүү имараттар курулду. Атап айтканда, бир катар турак үйлөрдөн сырткары бир нече чет өлкөлөрдүн элчиликтеринин жаңы кеңселери курулду. Ошондой эле чет элдик белгилүү бир университетке 100 га тегеригиндеги эбегейсиз чоң жер тилкеси бөлүнүп берилгендигин баарыбыз көрүп-билебиз. Эмнеге ошолор боюнча бир сөз жок. Ал эми бизге окшогон ата-мекендик кыргыз мекемесин баса калышат? Эгерде дал ошол бизге берилген жер тилкесинде дагы да чет элдик элчилик, же чет өлкөлүк курулуш компаниясына берилип, курулуштар курулса эч ким ооз ачмак эмес. Азыркы бизге асылып жаткан жарма патриоттордун мекенчилдик сезимдери неге козголуп, эмнеге эбегейсиз көп сандаган гектар жерлер башкаларга берилгенде унчугушпаган? Кейиштүү жагдай, ушундай удургугуган ушактардын айынан курулуш иштерибиз аксап, түрдүү текшерүүлөргө туш болуп отурабыз. Керек болсо аталган жер тилкесиндеги курулуш иштери да убактылуу токтотулууда. Мында иштеп, туруктуу маяна алышып, үй-бүлөсүн баккан миңдеген адамдар ишсиз калышууда. Алардын көпчүлүгү көр оокаттын айынан Орусия өңдүү өлкөлөргө үй-бүлөлөрүн таштап, иш издеп кетүүгө аргасыз болушууда. Алардын убал-сообунан корксоңор боло, көрө албас көр пенделер! Ушинтип катуу айтууга аргасызбыз. Өз өлкөбүздө жумушчу орундарын түзүп, жаштарды иш менен камсыздап, миграция агымын азайтууга эбегейсиз зор салым кошуп, өлкөбүздүн экономикасына миллиондогон салык төлөмдөрүн төлөп жаткан бизге ушундай кыянаттык кыласыңарбы, бай болгурлар?! Карасанатайлыктын да чеги болот да! Кыргыз эли, айрыкча шаарыбыздын тургундары азыркыдай заманбап үйлөрдө жашап, таза абада жашоосуна неге кам көрбөшүбүз керек? Же ошол жерге да чет элдиктерге “чоң имараттарды” курууга берип коюп унчукпай олтура берсек боло береби? Дагы бир өкүнүчтүүү жагдай, биздин “Ихлас” курулуш компаниясына айтылуу шоопур Икрамжан Илмияновдун такыр тиешеси эзели болбогонун жана жоктугун биз бир нече ирет тилибиз тешилгенче безилдеп айтсак да айрым ушакчы маалымат каражаттары такыр ишенгилери келишпейт. Ошол эле учурда Икрам Илмиянов өзү дагы биздин компанияга тиешеси жок экенин тынбай айтып келет. Таң калычтуу жагдай, бул жалган дүйнөдө коомубуздагы айрым адамдар кашкайган чындыкты көрүп, билип турса да акыйкатка ишенбей, куру доомат, жалган жалаага ишенип жатышы өкүндүрөт. Азыр улуу рамазан айы. Аллах кармаган орозолорубузду кабыл кылып, берекесин берсин! Орозо кармаган бардык мусулман бир туугандарыбызды орозоңор кабыл болсун дейбиз. Рамазандын аякташы менен бизди ыксыз каралаган бардык тараптар менен, айрыкча маалымат айдыңындагы бир нече адамдар менен укуктук талаада күрөшөбүз. Тактап айтканда, сотко кайрылып, өзүбүздүн чындыгыбызды жана акыйкатыбызды далилдейбиз!

“Ихлас” компаниясынын негиздөөчүсү- Нурбек Осмонов.

 
Categories

Бүгүн Садыр Жапаровдун соту болот

Саясатчы Садыр Жапаровдун бүгүнкү сотун коомчулук күтүп жатат. Бул сот жараяны мурдагы бийликтин саясий жарлыгы менен соттолушкан деген Аида Саляновадан кийинки эле чуулгандуу экинчи сот. Эксперттер жана анын жактоочулары Садыр мырзанын акталышына негиз бар экенин айтышууда.

Садыр Жапаровдун коомдук жактоочусу Улан Жээналиевдин маалыматына караганда, шаардык соттун чечиминен соң Жогорку сотко кайрылууга жаңы президент келгенден кийинки сот акыйкат карайт – деген үмүт бар.

Улан Жээналиевдин: “Мурунку губернатор Эмил Каптагаев да “эч кандай доом жок” деп жүрөт. Ошондуктан, азыр Жапаров камакта жөн эле, эч кандай негизсиз жатат. Жээнбековдун сот реформасы тууралуу сөзүнөн, аткарып жаткан ишинен соң, үмүтүбүз бар, эгер жогорку бийликтен сотторго эч кандай көрсөтмө болбосо Садыр Жапаров акталып чыгат” – дейт.

Эске сала кетсек, Садыр Жапаров 2013-жылы 7-октябрда Караколдогу митингди уюштуруп, ошол кездеги губернаторду барымтага алуу боюнча айыпталып кармалган. Бишкектин Биринчи Май райондук соту былтыр 2-августта Жапаровду Кылмыш-жаза кодексинин 227-беренеси (“Бийлик өкүлүн барымтага алуу”) боюнча күнөөлүү деп таап, он бир жыл алты айга күчөтүлгөн тартиптеги абакка кескен.

Кийин Бишкек шаардык соту бул чечимди күчүндө калтырган.