Categories

Фарид Ниязовдун абакта калуу мөөнөтү узартылды

Президенттин аппаратынын мурунку жетекчиси Фарид Ниязовдун абакта калуу мөөнөтү узартылды. Бул тууралуу КСДПнын төрагасынын орун басары Кундуз Жолдубаева билдирди.

Биринчи Май райондук соту Ниязовду № 1 тергөө абагында 2020-жылдын 9-февралына чейин камакта калтыруу чечимин чыгарды.

Эске салсак, Фарид Ниязовго расмий түрдө массалык башаламандык уюштуруу жана кишилерди барымтага алуу боюнча айып тагылган.

 

 
Categories

Жээнбеков Өзбекстанга учуп кетти

Бүгүн, 29-ноябрда  Сооронбай Жээнбеков Ташкент шаарына Борбордук Азия мамлекет башчыларынын экинчи Консультативдик жолугушуусуна катышуу үчүн учуп кетти. Бул тууралуу президенттин басма сөз кызматынан билдирди.

Жолугушуунун күн тартибине саясий, соода-экономикалык, инвестициялык, транспорт жана коммуникациялык, маданий-гуманитардык жана башка тармактардагы аймактык кызматташууну кеңейтүү маселелери киргизилген.

Экинчи консультативдик жолугушуунун алкагында Сооронбай Жээнбековдун Өзбекстандын президенти Шавкат Мирзиёев менен эки тараптуу жолугушуусу болот.

Эске салсак, Биринчи консультативдик жолугушуу 2018-жылдын 15-мартында Нур-Султан шаарында өткөн.

 
Categories

Абылгазиев: “Айрым мугалимдердин айлыгына 13 миң сомго чейин кошулду” (видео)

Үстүбүздөгү жылы октябрь айынан баштап мугалимдердин айлыгы көтөрүлүп, айрым тоолуу аймактардагы кызматкерлердин маянасына 11-13 миң сомго чейин кошулду.  Бул туурасында премьер-министр Мухаммедкалый Абылгазиев парламенттин бүгүн, 28-ноябрдагы жыйынында спикер Дастан Жумабековдун суроосуна жооп берип жатып билдирди.

“Быйыл мугалимдердин айлыгына аябай жакшы кошулду. Себеби тоолуу жерлердеги билим берүү кызматкерлеринин маянасына 13 миңге чейин кошулса, тажрыйбасы жана сааты аздарга 3500, 4500-5000 сомдун тегерегинде кошумчаланды. Ошондой эле 2020-жылкы бюджетте педагогдордун кошумча маянасы үчүн 8 миллиард сом каралды“,-деди Абылгазиев.

Бүгүн депутаттар 2019-2020-жылдарга карата өлкө бюджетин бекитүү мыйзамын талкуулашууда.

 

 

 
Categories

ЖККУнун кийинки жылдагы саммити Орусияда өтөт

Жамааттык коопсуздук келишим уюмунун кийинки жылдагы саммити Орусияда өтөт. 

Президент Сооронбай Жээнбеков Орусиянын президенти Владимир Путинди ЖККУга төрагалыкты өткөрүп алышы менен куттуктады.

Белгилей кетсек, ЖККУга Армения, Белоруссия, Казакстан, Кыргызстан, Россия жана Тажикстан мүчө.

 

 
Categories

Кыргызстан менен Казакстандын ортосунда кол коюлган документтердин тизмеси

Казакстандын президенти Касым-Жомарт Токаевдин Кыргызстанга болгон мамлекеттик сапарынын алкагында кол коюлган документтердин тизмеси:

– Кыргызстан жана Казакстандын мамлекет башчыларынын биргелешкен Декларациясы;

– Кыргызстан менен Казакстандын ортосундагы кызматташтыктын 2020-2022-жылдарга комплекстүү программасы;

– “Ак-Тилек” жана Казакстандын “Карасу” өткөрмө пункттарынын ортосуна жаңы көпүрө куруу жана азыркы көпүрөнү реконструкциялоо боюнча биргелешкен өз ара аракеттер жөнүндө Макулдашуу;

– Кыргыз өкмөтү менен казак өкмөтүнүн ортосундагы миграция чөйрөсүндө кызматташуу жөнүндө Макулдашуу;

– Кыргызстандын Куралдуу күчтөрүнүн Генералдык штабы менен Казакстандын Коргоо министрлигинин ортосундагы Кыргыз Республикасынын Куралдуу күчтөрүнүн жана Казакстан Республикасынын Куралдуу күчтөрүнүн аскер-аба майдандарында аскер аба кемелерин кабыл алууну, аэродромдук-техникалык камсыздоону жана кайтарууну уюштуруу тууралуу Келишим;

– Кыргызстандын Экономикалык кылмыштар менен күрөшүү боюнча мамлекеттик кызматы менен Казакстандын Финансы министрлигинин Финансылык мониторинг боюнча комитетинин ортосундагы экономикалык жана финансылык кылмыштарга каршы күрөшүүдө кызматташуу тууралуу Келишим;

– Кыргызстындын Саламаттык сакто министрлиги менен Казакстандын Саламаттык сактоо министрлигинин ортосундагы өз ара кызматташуу тууралуу Келишим;

– Кыргызстандын Экологиялык жана техникалык коопсуздук боюнча мамлекеттик инспекциясы менен Казакстандын Соода жана интеграция министрлигинин техникалык жөнгө салуу жана метрология боюнча комитетинин ортосундагы метрологиялык көзөмөл жүргүзүү чөйрөсүндө тажрыйба алмашуу боюнча өз ара кызматташуу тууралуу Меморандум;

– Кыргызстандын Инвестицияларды коргоо боюнча агенттиги менен Казакстандын “КазахИнвест” УК акционердик коомунун ортосундагы Келишим;

Мамлекеттер аралык Жогорку Кеңештин V отурумунун жыйынтыгы боюнча төмөнкү чечимдерге кол коюлду:

– Кыргыз-казак эки тараптуу кызматташтыгын мындан ары карай өнүктүрүү жөнүндө;

– Кыргыз-казак мамлекеттик чек арасынын өткөрмө пункттары жөнүндө;

– Логистика чөйрөсүндө кызматташуу жөнүндө;

– Кыргызстан менен Казакстандын ортосундагы маданий-гуманитардык кызматташуу жөнүндө.

 

 
Categories

Президенттин басма сөз катчысы Толгонай Стамалиева: Президент Сооронбай Жээнбековдун Х.Абдукадыр менен чогуу бизнес-долбоорлору болгон эмес

ММК өкүлдөрүнүн «Азаттык» жана «Клооп» медиаресурстарынын журналисттик иликтөөсүнүн айланасында комментарий сурап кайрылгандыгына байланыштуу Кыргыз Республикасынын Президентинин басма сөз катчысы  Толгонай Стамалиева төмөнкүлөрдү билдирет:

Кыргыз Республикасынын Президенти Сооронбай Жээнбековдун 2019-жылдын 2-ноябрындагы ММК өкүлдөрү менен болгон жолугушуусунда «Азаттык» радиосунун Бишкектеги бюросунун жетекчиси Айзада Касмалиева С. Жээнбековдун Хабибулла Абдукадыр менен болгон тааныштыгы тууралуу суроо берип, жооп алган.

Кийин биз кененирээк комментарий берип, анда белгиленгендей, Сооронбай Жээнбеков Ош облусунун губернатору болуп иштеп турган 2012-жылы Ош шаарында инвесторлорду тартуу максатында «Кичи жана орто бизнести өнүктүрүү» деген Инвестициялык форум болгон.

Ага 300дөн ашык адам катышкан. Эл аралык уюмдардын өкүлдөрүнөн тышкары Россия, Кытай, Иран, Тажикстан, Казакстан, Өзбекстан, Түштүк Кореядан расмий өкүлдөр жана ири ишкерлер келишкен.

Ош областы экономикалык, гуманитардык кызматташуусун тереңдетүү максатында жакынкы өлкөлөрдүн облустары менен байланыштарды чыңдаган. Алардын катарында КЭР Кызыл-Суу Кыргыз автономдук областы менен достук мамиле түзгөн.

Жогоруда аталган 2012-жылы өткөн инвестициялык форумга Кызыл-Суу Кыргыз автономдук облусунун губернатору Фархат Турду менен чогуу Х. Абдукадырдын иниси келген, ошондо таанышкан.

Форумдан кийин С. Жээнбеков ал экөө менен чогуу ошол кездеги өлкөнүн Президенти А.Атамбаевдин кабыл алуусунда болушкан. Кийин, 2017-жылы иниси аркылуу А.Атамбаев жана С. Жээнбековдун Х.Абдукадыр менен жалпы таанышуусу болгон. Андан кийин алардын А.Атамбаев менен мамилеси кандай өнүктү, бул тууралуу Жээнбековго белгилүү эмес.

Журналисттик иликтөөдө «бул иштердин активдүүлүгү 2012-2016-жылдарга тиешелүү» деп белгиленген, тактап айтканда бул А.Атамбаевдин президент болуп турган маалы.

Коомчулукка белгилүү болгондой, 2018-жылдын 8-февралындагы Коопсуздук кеңешинин жыйынында Кыргыз Республикасынын Президенти Сооронбай Жээнбеков укук коргоо органдарынын ишин ачык сынга алган.

Иш жүзүндө, жалпысынан системаны жана иликтөөдө келтирилген схемаларды жаңы Мамлекет башчысы кабыл алган эмес.

Анын жыйынтыктары белгилүү — бүгүнкү күндө А.Атамбаев ага коюлган 5 айып боюнча тергөөдө.

Ар кандай күчтөр Президент Сооронбай Жээнбековду бул журналисттик иликтөөдө айтылган чөйрө менен байланыштырууга аракет кылат деген пикирдебиз.

Ошондуктан, Президент Сооронбай Жээнбековдун Х.Абдукадыр менен чогуу бизнес-долбоорлору болгон эмес жана жок экендигин расмий билдиребиз.

Андай байланыштары болсо, иликтөөнүн авторлору буларды тастыктаган өз жүйөөлөрүн сөзсүз келтирмек.

Материалда маанилүү аргумент катары Х.Абдукадырдын С. Жээнбековдун инаугурациясынан тартылып алынган сүрөтү келтирилип жатат. Мында элдин эмоциялык кабыл алуусуна таасир этүү аракети көбүрөөк. Бирок, бул эмоционалдык штрих дагы негизсиз.

Анткени, өлкөнүн шайланган Президенти С. Жээнбековдун инаугурациясын уюштуруу иштери, анын ичинде чакырылгандардын тизмесин түзүү жана отургузуп, жайгаштыруу маселелерин толугу менен Кыргыз Республикасынын Президентинин, тактап айтканда А.Атамбаевдин Аппараты тескеген.

С.Жээнбековго бөлүнүп берилген орундар чектелүү болгондуктан, ал туугандарын гана чакырган.

Белгилүү болгондой, Президент С. Жээнбеков журналисттик иликтөөлөр коомчулукка, укук коргоо органдарына жана Президентке өлкөнү өнүктүрүүгө тоскоол болгон башкы көйгөй — коррупция менен күрөшүүгө жардам берерин ар дайым белгилейт.

Ошондуктан материалда келтирилген жагдайларга көңүл бурулат.

Албетте, укук коргоо органдар материалда айтылган жүйөөлөрдү эске алат.

Буга чейин Кыргыз Республикасынын Башкы прокуратурасы Түркиянын Башкы прокуратурасына А. Саймаитинин өлтүрүлүшү боюнча ишти иликтөөдө көмөк көрсөтүү өтүнүчү менен кайрылган.

А.Саймаитинин ысмы Кыргызстан менен байланышып жаткандыктан, анын Кыргыз Республикасынын жараны эмес экендигине карабастан, кыргыз тарап анын өлтүрүлүшүн иликтөө иштерине катышат.

 
Categories

Жээнбеков: “Аймактарды өнүктүрүү эң башкы максатыбыз”

Аймактарды өнүктүрүү  эң башкы максатыбыз бойдон калат. Бул тууралуу Бишкекте эл аралык донордук уюмдардын, эл аралык финансы институттарынын, өнүгүү боюнча өнөктөштөрдүн катышуусу менен өтүп жаткан форумда президент Сооронбай Жээнбеков билдирди.

Анын айтуусунда, аймактарды өнүктүрүү 2023-жылга карата жасала турчу иштердин катарына киргизилген. Туруктуу жумуш орундарын түзүү үчүн региондук долбоорлорду колдоо максатында финансы институттарынын жана фонддордун иши күчөтүлөт.

“Бюджеттер аралык мамилени реформалайбыз, биринчи кезекте, жергиликтүү бюджеттин дараметин жогорулатып, дотациялык аймактарды азайтууга басым жасалат. 20 таяныч шаарларды даректүү колдоо менен, бул шаарларда индустриалдык парктарды жана өнөр жай кластерлерин түзүү — маанилүү багытыбыз болот. Келечекте туруктуу иштеп кете турган долбоорлорду жер-жерлерде ишке ашырууга түрткү беребиз. Ар бир регионду адистештирүү аркылуу анын ички жана тышкы рыноктогу атаандаштыкка жөндөмүн күчөтөбүз”, – деди Жээнбеков.

Региондорду өнүктүрүү, инфраструктураны оңдоо, аймактардагы ишкерлерди колдоо, социалдык объектилерди куруу, жолдорду оңдоо иштерине ички резервдерди толук пайдаланып жатабыз, – деп кошумчалады президент.

 
Categories

Жээнбеков: “Бүгүнкү ишибиздин максаты — өнүгүүнү камсыз кылуучу реформаларды тездетүү”

Бүгүнкү ишибиздин максаты — өнүгүүнү камсыз кылуучу реформаларды тездетүү, инвестицияларды зарыл болгон багыттарга буруу жана финансылык салымдардын натыйжалуулугун камсыз кылуу. Мындай пикирин бүгүн, 19-ноябрда, Бишкекте өткөн “Туруктуу өнүгүү үчүн реформаларды тездетүү” аттуу форумда президент Сооронбай Жээнбеков билдирди.

Ошондой эле өлкө башчысы эгемендүүлүктү алган жылдардан бери өнөктөштөрдүн жардамы менен ири долбоорлор ишке ашырылгандыгын баса белгиледи. 

“Азия өнүктүрүү банкынын каржылык колдоосу менен ири инфраструктуралык долбоорлорду колдонууга бердик. Дүйнөлүк банк менен тыгыз кызматташуунун негизинде энергетика, жолдорду куруу, инфраструктураны өнүктүрүү долбоорлору ишке киргизилди. Эл аралык валюта фонду жана Евразиялык өнүктүрүү банкы финансылык туруктуулукту камсыздоо маселелери боюнча арбын көмөк көрсөттү. БУУнун агенттиктери Өлкөнү туруктуу өнүктүрүүдө баа жеткис салымын кошту. Учурда билим берүү, саламаттыкты сактоо, социалдык коргоо жана экология маселери боюнча региондордо иш алып барышууда. Таза суу жана ирригация долбоорлору боюнча Дүйнөлүк банк, Азия өнүктүрүү банкы, Европа реконструкция жана өнүктүрүү банкы, Ислам өнүктүрүү банкы жана башка донордук уюмдар аркылуу ишке ашырылууда. Эки тараптуу негизде Россия Федерациясы, Кытай Эл Республикасы, Түркия, Европа мамлекеттери, Япония, Түштүк Корея, АКШ, Швейцария, Сауд Аравиясы, Катар, Кувейт жана башка өлкөлөр менен иш алып баруудабыз”,-деди Жээнбеков.

 
Categories

Брежневдин  айдоочулук күбөлүгү 1 миллион 550 миң рублга сатылды

КПСС БКнын башкы катчысы Леонид Брежневдин айдоочулук күбөлүгү аукционго коюлуп, 1 миллион 550 миң рублга сатылды. Бул тууралуу “Российская газета” жазып чыкты.

Аукционго Леонид Брежневдин айдоочулук күбөлүгүнөн тышкары эскертүүчү талону да сатыкка коюлган. Алганына канча жыл өтсө дагы Брежневдин күбөлүгү жапжаңы боюнча сакталып калган.

Брежневдин  айдоочулук күбөлүгү 1 миллион 550 миң рублга сатылдыБрежневдин  айдоочулук күбөлүгү 1 миллион 550 миң рублга сатылды

 

 

 

 
Categories

Садыр Жапаров президенттен ырайым сурады

Абактагы саясатчы Садыр Жапаров президент Сооронбай Жээнбековдон ырайым сурады. Бул тууралуу анын жактоочусу Шарабидин Токтосунов өзүнүн “Фейсбук” баракчасына жазды.

Жактоочу кошумчалагандай, туура бир айдан ашса да азырынча жооп келе электигин белгиледи.

Урматтуу эл журт! Садыр Жапаровду ырайым берүү боюнча президентке арыз жаздырышканына мына бүгүн туура бир ай болду….

Опубликовано Шарабидином Токтосуновым Пятница, 15 ноября 2019 г.