Categories

АКШ: КЫРГЫЗ-ТАЖИК ЧЕК АРАСЫНДАГЫ ЧЫР АЯГЫНА ЧЫККАН ЖОК

АКШнын мамлекеттик департаменти кыргыз-тажик чек арасындагы жаңжал соңуна чыккан жок деп эсептейт. Бул тууралуу Атлантика кеңешинин онлайн-семинарында сүйлөп жатып мамлекеттик катчынын Түштүк жана Борбордук Азия боюнча жардамчысынын орун басары Жонатан Хеник билдирди. Анын айтымында, Америка бийлиги кыргыз-тажик чек арасында болуп өткөн окуяларды тынчсыздануу менен кабыл алды.

“Бирок биз кырдаал жөнгө салынды деп эсептебейбиз. Эл үйлөрүнө кайтып, куралдуу кол салуу болгон аймакты калыбына келтирүү үчүн тынчтык жана туруктуулук керек”, — деди Хеник.

Ошондой эле ал АКШ Тажикстандын кол салуусунан улам курчуп кеткен Кыргызстан менен Тажикстан чек арасындагы кырдаалды жөнгө салууга көмөктөшүүгө даяр.
“Биз Бишкек жана Дүйшөмбүдөгү элчиликтер аркылуу эки өлкөнүн жетекчилиги менен тең байланыштабыз. Алардын Вашингтондогу элчиликтери менен дагы сүйлөштүк. Мүмкүн болгон бардык аракеттер менен абалды жөнгө салуу зарыл”, — деди АКШ өкүлү.

Сөзүнүн аягында өкүл эки өлкөнүн лидерлерин жоопкерчиликти өз мойнуна алып, мындай окуялардын кайталанышына жол бербөөгө чакырды.

 
Categories

“ЧЕК АРАНЫ ТАЛКУУЛОО – СОГУШТУ ТАЛКУУЛОО…”

Президент С. Жапаровдун 2010-жылдагы каргашалуу Ош окуясын кайрадан иликтөө тапшырмасы коомчулукта кызуу талкуу жаратты. Адегенде эле 2010-жылы 7-апрелде сексендей бейкүнөө бей-бечаранын кан азабы менен бийликке келген Убактылуу Өкмөттүн мүчөлөрү чөкөтаандай чурулдашып, актанышып, айрымдары “жатып өлгөнчө атып өл” ыкмасына өтүшүп, жаңыдан чечилип жаткан кыргыз-өзбек чек ара маселесин көтөрө чуркашып, “бул келишим Кыргызстандын кызыкчылыгына дал келбейт” деп чыгышты. Албетте, алардын  мындай “коргонуунун эң жакшы ыкмасы – чабуулга өтүү” деген аракеттерин түшүнсө болот.

Президент С. Жапаров Ош окуясын кайра кароону бекеринен көтөрбөгөнү анык. Мында чоң сыр катылып жатат. Анын үстүнө каргашалуу  Ош окуясы карапайым элдин каалоосу менен эмес, бир ууч саясатчылардын, сепаратисттердин айынан келип чыккан. Ошол кезде Убактылуу Өкмөттүн бул багытта жүргүзгөн иш-аракеттерине толук, ачык-айкын баа берилбей, чыныгы күнөөлүүлөр аныкталбай, “жабылуу аяк жабылуу бойдон калган”. Болбосо С. Жапаровго эски жараны кайра козгоонун кандай кажети бар эле?! Муну Убактылуу Өкмөттүн мүчөлөрү жакшы түшүнүшкөндүктөн түн уйкулары качып жатат. Анын үстүнө бул маселе бүгүн эле көтөрүлүп жаткан жери жок.

2016-жылы 31-августтагы Эгемендүүлүк күнүнө арналган  майрамдык салтанатта  мурдагы президент А. Атамбаев агынан жарылып: “2010 –жылкы апрель ыңкылабынан кийин бийлик башына келген  Убактылуу Өкмөттүн айрым  мүчөлөрү мародерчулук,  банк ячейкаларына кол салганы, мыйзамсыз байыгандары жана  Кадыржан Батыров  башында турган сепаратисттер менен болгон тыгыз байланышы үчүн жооп берүүлөрү керек”, – деп ичине каткан ачуу чындыгын айтып салган. Ошол учурда күч-кубатына толуп турган ажо мындай сөздү жөн жерден айтпаса керек. А. Атамбаевде  Убактылуу Өкмөттүн айрым  мүчөлөрүнүн саткынчылыгы тууралуу толук маалымат болгонун айгиленейт. Ачуусуна алдырган Атамбаев: “Силерди билем, кандай былык иштерди жасаганыңарды, тарых силерди жазалайт”, – деп тишин кайраганда экс-президент Роза Отунбаева трибунадан түшө качканына элдин баары күбө болгон. Андыктан каргашалуу Ош окуясы толук, адилеттүү иликтенбеген болсо, иликтениши, күнөөлүүлөр жазасын алышы зарыл. Анткени бул каргашада беш жүздөй бейкүнөө адам көз жумган. Алардын ата -энелери, балдары, тууган-уруктары  дале болсо адилетүүлүктөн үмүт кылып келишет.

Экинчи маселе, кыргыз-өзбек чек арасы боюнча жетишилген келишимде Кыргызстандын кызыкчылыгы канчалык корголду, муну эксперттер жакшылап иликтеп чыгышаар. Бирок бир урунттуу маселе – өткөн кылымдын 40-жылдарынан баштап Кыргызстандын аймагында курулган суу сактагычтар (Кемпир-Абад, Орто-Токой, Керкидан) Совет доорунда да, андан кийин да эч качан Кыргызстан үчүн кызмат кылбаган. Суу сактагычтарды куруу максаты да Өзбекстандын эгин талааларын суу менен камсыз кылуу болгон. Суу сактагычтар Кыргызстан эгемендүүлүк алган акыркы 30 жыл ичинде да ошол эле кызматты аткарып келет. Мындан ары да аткара бермек. Өзбекстан эч качан бул суу сактагычтардан баш тартпайт.  Демек, бул маселеде бир чечимге келүү керек. Кыргызстанга кызмат кылбаган бул суу сактагычтарды биротоло жоюп (агызып) салуу керек же эки өлкө ортосунда суу ресурстарын биргеликте пайдалануунун башка механизимдерин иштеп чыгуу зарыл. Азыркы “жумурткадан кыр издеген” кызыл тилдүү саясатчылар муну мыкты түшүнүшөт, бирок өздөрү жогорку кызматтарда иштеп турушканда өзбек президенти И. Каримовдун каарынан коркушуп, ооздоруна талкан салып алышкан.

Эми минтип чек ара маселесин чечүүгө кадам таштаганда “эски патефондорун” ырдатып киришти. Ташиевге чабуул жасалып жаткандыгы абдан көрпенделик. Андан көрө алар ушул чек ара маселесин чечүүгө жардам беришсе кандай жакшы болмок!

Үчүнчү маселе, азыр кыргыз-тажик чек арасы кызуу талкууланып жаткан учур. Айрым козуткуч саясатчылар “Кыргызстандан кийин Тажикстан да аскердик машыгуу баштады, эми эки өлкөнүн ортосунда согуш болобу?” дегендей ойлорун айтып, элдин үрөйүн учурууда. Аскердик машыгуулар ар дайым эле согушту көздөбөйт.

Байыркы Римдин атактуу мамлекеттик ишмери, полководец Гай Ю́лий  Цезардын  “тынчтыкты кааласаң согушка даярдан” («хочешь мира, готовься к войне») деп таамай айтканындай, аскердик машыгуулар өлкөнүн тынчтыгын, эгемендүүлүгүн, коопсуздугун камсыз кылуу максатында өткөрүлөт. Анткени өлкө сырткы коркунучка аскерий жактан даяр болбосо, мунун кесепети өтө оор болот. Камырабастыктын кесепетин 1998-2000-жылдар аралыгындагы “Баткен коогалаңында” жон терибиз менен сездик. “Бизге аскердин кереги жок” деп кооз сүйлөп келген ошол кездеги президент А. Акаев ошол учурда алапайын таппай калган. Ошол кезде мен Коргоо министрлигинин «Ыйык Милдет» гезитинин редактору элем. Андыктан “Баткен окуясынын” чоо-жайын сыртынан эмес, ичинен билем десем да болот. Ал учурдагы биздин аскерлердин күжүрмөн даярдыгынын өтө начардыгы чоң жоготууларга алып келген. Анын үстүнө А. Акаевдин коогалаң (согуш) учурундагы көлөкөсүнөн корккон саясаты биздин аскерлерди артка чегинүүгө, террористтерге каршы чабуулга өтпөй, коргонуу позициясында турууга аргасыз кылган.  Бул башыбыздан өткөн сабак. Андыктан ар кандай ички жана сырткы коркунучка даяр турушубуз керек.

Жыйынтыктап айтканда, чек ара маселеси жеке эле биздин көз карашыбыз менен чечилбейт. Ошондуктан “чек араны талкуулоо – согушту талкуулоо” (обсуждение границы – обсуждение войны…) деп бекер айтылбайт. Кыргыз элине, мамлекетине күйгөн бардык жарандар коңшу мамлекеттер менен болгон чек араларыбызды тынчтык жолу менен чечүүгө өз салымын кошууга тийиш.

Сакы Садыков, журналист

 
Categories

КООМЧУЛУКТУ КОЗУТКАН УШАКЧЫЛАР

Бүгүн жергиликтүү интернет сайттардын бири такталбаган, тескери маалымат таратып, УКМКнын укуругундагы Жогорку Кеңештин депутаты Кубанычбек Жумалиевди «УКМКнын тергөө абагынан ооруканага которулду» деп жазды.

Тескерисинче, Жумалиевдин жүрөгүнө операция жасалып, дарылоо курсу аяктаганына байланыштуу ооруканадан чыгарылып, УКМКнын тергөө абагына кайра алынып келгендигин атайын кызматтагылар билдиришти.

Тактап айтсак, Улуттук коопсуздук боюнча мамлекеттик комитет тарабынан депутат Жумалиев жемкорлукка шектелип кармалып, тергөө аяктаганга чейин камакка алынган.

Андыктан коомчулуктун башын айландырып, ар кандай такталбаган маалыматтарды таратууну кээ бирөөлөр кесипке айландырып алышкандыктары өкүнүчтүү…

Арийне, атайылап коомчулукту козутуу үчүн жалган маалыматтарды таратууну адатка айландырган ушакчыларды жоопкерчиликке тартуу зарыл болуп турат!

Мыйзам чегинде ушакчылардын оозун тыйбаса, алардын жоопкерсиз, арам аракеттери коомго бүлүк салып, элдин эсин эки кылып, өлкөбүздүн өсүп-өнүгүшүнө чоң зыян алып келет.

Сөз эркиндиги деп эле оозго келгенди оттой берүү жарабайт!

 
Categories

Президент Өкмөттүн бир катар мүчөлөрүн кызматтан бошотуу боюнча Жарлыкка кол койду (тизме)

Кыргыз Республикасынын Президенти Садыр Жапаров кол койгон Жарлык менен «Кыргыз Республикасынын Өкмөтү жөнүндө» Кыргыз Республикасынын конституциялык мыйзамынын 13-беренесинин 4-бөлүгүнө ылайык:

— Мамытканов Максат Сүйүналиевич вице-премьер-министрдин кызматынан бошотулду;

— Сурабалдиева Эльвира Жыргалбековна вице-премьер-министрдин кызматынан бошотулду;

— Сабиров Равшанбек Азатович вице-премьер-министрдин кызматынан бошотулду;

— Аманбаев Бактыбек Абдилашимович Өкмөттүн Аппаратынын Жетекчиси — министрдин кызматынан бошотулду;

— Мукашев Кыялбек Белекович Финансы министринин кызматынан бошотулду;

— Жаманкулов Марат Тургунбаевич Юстиция министринин кызматынан бошотулду;

— Муканбетов Санжар Турдукожоевич Экономика министри кызматынан бошотулду;

— Токтогазиев Тилек Мурсалиевич мурда дайындалган Айыл чарба, тамак-аш өнөр жайы жана мелиорация министринин кызматынан бошотулду;

— Бердалиев Бакыт Чырмашбаевич Транспорт жана жолдор министри кызматынан бошотулду;

— Кадырбеков Нуржигит Кадырбекович Маданият, маалымат жана туризм министри кызматынан бошотулду;

— Солтонбекова Ализа Карыпбековна Эмгек жана социалдык өнүгүү министри кызматынан бошотулду;

— Тердикбаев Эрлис Жекшенович Мамлекеттик коргоо комитетинин төрагасы кызматынан бошотулду;

— Сагынбаев Жыргалбек Калмуратович Өнөр жай, энергетика жана жер казынасын пайдалануу мамлекеттик комитетинин төрагасы кызматынан бошотулду;

— Исмаилов Алтынбек Жапарович Маалыматтык технологиялар жана байланыш мамлекеттик комитетинин төрагасы кызматынан бошотулду

 

 
Categories

МИРБЕК АТАБЕКОВ: “ШАОЛИНЬ БРАТ ЭМНЕСИ МЕНЕН ЖАКПАДЫ?”

Кыргыз  Республикасынын эмгек сиңирген артисти Мирбек Атабеков өзүнүн инстаграм баракчасы аркылуу азыркы бийликти сындады.  Ал – “Шаолинь брат эмнеси менен жакпады?”-деп билдирүү калтырып, Тилек Токтогазиевди белгилеп, — “Андай бовойт да” деген постун жарыялады. 

Бул ырчынын оюна түрдүү пикирлер жаралып, түндүк-түштүк маселесин көтөрүп, «Оштуктарды кемсинтип жатасың!», «Белгилүү аты чыккан адам ушундай жазса жарашпайт экен», «Эсиңе кел эртерээк» -деген билдирүү калтырышууда. Эске салсак, октябрь айындагы ызы-чуу митингде “Жээнбеков досун саткан,элин да сатат”-деген сөзү үчүн кечирим сураган эле. Ырчы учурда Америкада үй-бүлөсү менен көчүп кеткен.

Булак: Mir24.kg

 
Categories

У.МАРИПОВ ФИНПОЛ ИИМДИН КАРАМАГЫНА ӨТПӨЙ ТУРГАНЫН АЙТТЫ

Экономикалык кылмыштуулукка каршы күрөшүү кызматы (Финпол) Ички иштер министрлигинин карамагына өтпөйт. Бул тууралуу Жогорку Кеңештин жыйынында премьер-министр кызматына талапкер Улукбек Марипов билдирди.

“Финполиция ИИМдин карамагына өтпөйт. Ал өзүнчө орган болушу мүмкүн. Бирок алардын текшерүүлөрүнө көптөгөн суроолор жаралууда. Финполдун функциясын карап чыгуу керек”, – дейт ал.

Ал эми депутат Улан Примов Финполиция Салык кызматынын алдында департамент катары түзүлүшү керектигин белгиледи.

 
Categories

ЭКС-ПРЕЗИДЕНТ СООРОНБАЙ ЖЭЭНБЕКОВ ҮЙ-БҮЛӨӨСҮН АЛЫП, КЫРГЫЗСТАНДАН ЧЫГЫП КЕТТИ

Экс-президент Сооронбай Жээнбеков үй-бүлөсү менен Кыргызстандан чыгып кетти. Бул тууралуу 24.kg маалымат агенттигине мурунку мамлекет башчынын чөйрөсүндөгү маалымат булактары тастыктады.  Анда, Жээнбеков Стамбулга бир күн мурун “Манас” эл аралык аэропортунан учуп кеткени көрсөтүлгөн.

Эске салсак, Сооронбай Жээнбеков 2020-жылдын 15-октябрында башаламандыктардан улам кызматтан кетүүгө аргасыз болгон. Ошондой эле Жакында Сооронбай Жээнбеков экс-вице-премьер-министр Дүйшөнбек Зилалиевдин иши боюнча көрсөтмө берүү үчүн Бишкек шаарынын Биринчи Май райондук сотуна чакырылганы белгилүү. Мындан тышкары, Октябрь окуясынын катышуучулары Жээнбековду Ички иштер министрлигине жана УКМКга кылмыш жоопкерчилигине тартуу талабын коюшкан. Алар экс-президенттин 5-октябрдагы митингди күч менен таркатуу боюнча буйрук чыгарууга укугу жок деп эсептешет.

 
Categories

КАДЫРБЕКОВДУН ОРДУНА ИМАНАЛИЕВ КЕЛЕБИ?

Учурда саясатта кадр алмашуулар жүрүп, бир нече мамлекеттик кызматтардын саны кыскарып жатканы баарыбызгы маалым. Буга чейин Айыл чарба жана мелиорация министри менен Билим берүү министринин орду алмаша турганы коомдук талкууга түшкөн эле.

 

Күтүүсүздөн Маданият маалымат жана туризм министир Нуржигит Кадырбеков да кызмат ордун тапшыра турганы маалым болду.  Ал эми Кадырбековдун ордуна Кайрат Иманалиев дайындалып жатканы тууралуу шыбыш кептер тарады. Буга көпчүлүк маданият ишмерлери Кадырбековдун жакшы иштеп жатканын айтып чыгышты. Ал эми анын ордуна Иманалиев дайындаларына да каршы эмес экенин ачыкташты.

Булак: kompromiss.kg

 

 
Categories

ФИНПОЛИЦИЯ ДЕПУТАТ КУБАНЫЧБЕК ЖУМАЛИЕВДИН ЖАКЫНДАРЫН КАРМАДЫ

Кечээ, 28-январда Экономикалык кылмыштага каршы күрөшүү боюнча мамлекеттик кызматы, Кыргыз Республикасынын Жазык- процесстик кодексинин 98-беренесинин негизинде Кылмышка шектүү деп Жогорку кеңештин депутаты Кубанычбек Жумалиевдин жакын тууганы “ А.Ю.К” ЖЧКнын деиретору М. С.М кармалып, Бишкек шаадык ички иштер башкармалыгынын убактылуу кармоочу жайына киргизилген.

Кылмышка ылайык, чет өлкөлүк инвестор- Германиянын Б.Ф деген жарандын арызы боюнча ЖК депутаты Кубанычбек Жумалиев жана башка адамдары анын ишенимине кирип, минералдык суу куюучу  1 миллион АКШ доллар турган турган жабдууларды алышкан. Бул тууралуу Финполициянын басма сөз кызматы билдирди.

Натыйжада бул адамдардын мыйзамсыз атакеттеринин негизинде чет өлкөлүк Германиялык жаран “ Б.Ф” нын  “М.Г. БВ” компаниясына 800 миң АКШ доллар суммасындагы ири өлчөмдөгү зыян келтирген.

Ошондой эле бүгүн 29-январда КР Жазык-прцесстик кодексинин 98- беренесине ылайык, “С.К” ЖЧКнын директору Ж.Э.С кармалды. Бул кылмыштарга ылайык, сотко чеийнки өндүрүш иштери башталды.

Мындан тышкары учурда Жумалиевдин үй-бүлөсүнө таандык универиситеттин аймагында жайгашкан фирмалык кеңселеринде кечиктирилгис тинтүү иштери жүргүзүлүп жатат.

 

 
Categories

БЕКЕШОВ: “ӨКМӨТ БАШЧЫЛЫККА НОВИКОВ ЖЕ ТАШИЕВ БАРАТ”

Жогорку Кеңештин депутаты Дастан Бекешов премьер-министрликке Камчыбек Ташиев же Артем Новиков барарын айтты.

Бекешовдун айтымында киийнки жумада ким өкмөт башчы болоору белгилүү болот деди.

“ Менден сурашып жатат КСДП фракциясы качан жыйын өткөрүп, ким жаңы өкмөт башчы болорун аныктайт деп. Биринчиден КСДП фракциясы көптөн бери жыйындарды өткөрбөй калган, эми деле жыйын өткөрүшүнө күмөнүм бар. Менин оюмча көпчүлүк коалиция премьер- министрликке кимдир бирөөнү сунуштабайт. Өкмөт башчыны президент сунуштайт, бул Новиков же Ташиев болот. Көпчүлүк коалиция аны бекитип гана берет”,- дейт Бекешов

Булак: репартер.кж