Categories

ЖК СУРАБАЛДИЕВАНЫ ВИЦЕ-ПРЕМЬЕРЛИК КЫЗМАТКА БЕКИТТИ

Социалдык маселелер боюнча вице-премьерликке Элвира Сурабалдиева, ал эми буга чейин бул кызматты аркалап келген Аида Исмаилова Социалдык өнүктүрүү министрлигине жетекчиликке сунушталды. Экөөнүн тең талапкерлиги 28-октябрда Жогорку Кеңештин Конституциялык мыйзамдар, мамлекеттик түзүлүш, сот-укук маселелери жана парламенттин регламенти боюнча комитетинде колдоого ээ болду. Бул тууралуу парламенттин басма сөз кызматы кабарлады. Жогорку Кеңештин депутаттары Элвира Сурабалдиеваны вице-премьерлик кызматка бекитти. Сурабалдиеванын депутаттык мандатын тапшырганы 27-октябрда белгилүү болгон. Исмаилова өкмөт башчынын орун басарлыгына быйыл 1-апрелде дайындалган. Социалдык өнүктүрүү министри Улукбек Кочкоров ээлеген кызматынан 27-октябрда алынган.

 
Categories

АКЫЛБЕК ЖАПАРОВ 3 КҮН КАЙДА ЖҮРДҮ?

Президенттин милдетин аткаруучу жана премьер-министр Садыр Жапаровдун иштен бошотулган коомдук башталыштагы кеңешчиси Акылбек Жапаров аны издешкен үч күнү ооруп калгандыгын айтты. “Мен ооруп калдым эле. Кемчилигим, Садыр Жапаровго кабарлап койбогондугум болду”, – деди ал бүгүн. Буга чейин премьер-министр жана президенттин милдетин аткаруучу Садыр Жапаров анын жаңы дайындалган коомдук кеңешчиси жок болуп кеткендиктен аны бошоткондугун айткан.

 
Categories

Башкы прокурор Өткүрбек Жамшитов кызматтан кетти

Башкы прокурор Өткүрбек Жамшитов кызматтан кетти. ЖK комитети анын билдирүүсүн жактырды

21-октябрда Жогорку Кеңештин Конституциялык комитети Өткүрбек Жамшитовдун баш прокурорду кызматтан алуу жөнүндө арызын карады.

Комитеттин жыйыны 21-октябрда “Ала-Арча” мамлекеттик резиденциясында өттү.

Комитеттин төрагасы Канат Керезбековдун айтымында, 19-октябрда Жамшитов президенттин милдетин аткаруучу С. Жапаровдун атына кызматтан кетүү тууралуу арыз жазган.

Комитет арызды карады, эми маселе парламенттин талкуусуна коюлат.

Курманкул Зулушев: «Прокурор болуп ал жакшы иштеди. Болгону чуулгандуу иштерге анча маани берген жок », – деди депутат .

Өткүрбек Жамшитов

1975-жылы 4-сентябрда Ош облусунун Кара-Суу районундагы Төлөйкөн айылында туулган.

Билими жогорку. 1996-жылы Кыргыз улуттук университетин “юриспруденция” адистиги боюнча бүтүргөн.

Эмгек жолу:

— 1997-1999 — Талас шаардык прокуратурасында прокурордун жардамчысы;

— 1999-2008 — Талас шаардык, Бакай-Ата райондук жана Ош облустук прокуратураларында тергөөчү;

— 2008-2011 — Кадамжай районунун прокурорунун орун басары;

— 2011-2015 — Лейлек районунун прокурору;

— 2015-жылдын ушул тапка чейин Жалал-Абад облусунун прокурору.

Юстициянын 2-класстагы кеңешчиси.

 

 
Categories

С.Жапаров: Россия менен стратегиялык өнөктөштүктү жана союздук мамилелерге чоң маани берет

Кыргыз Республикасы мурдагыдай эле Россия Федерациясы менен стратегиялык өнөктөштүктү жана союздук мамилелерди чыңдоого жана кеңейтүүгө чоң маани берет. Бул туурасында Кыргыз Республикасынын Президентинин милдетин аткаруучу, Премьер-министр Садыр Жапаров Россия Федерациясынын Кыргыз Республикасындагы Толук жана Ыйгарым укуктуу Элчиси Николай Удовиченко менен жолугушууда билдирди.

«Өлкөдөгү ички саясий абал турукташты. Буга катар бийликтин бардык бутактарынын жана мамлекеттик аппараттын өлкөнүн социалдык-экономикалык абалын калыбына келтирүүгө, анын ичинде коронавирустук инфекция пандемиясынын ыктымалдыгы болжолдонуп жаткан экинчи толкунуна даярдык көрүүгө багытталган иши активдешти. Мында Россия Федерациясынын Кыргызстандагы ички саясий абалдын турукташуусундагы, анын катарында Россия Президентинин атайын өкүлү Дмитрий Козактын өзгөчө ролун белгилеп кетким келет. Мурдагыдай эле Россия биздин өлкөнүн ишенимдүү стратегялык өнөктөшү болуп келген жана ал боюнча кала берет. Убакыттан пайдалануу менен россиялык тарапка өлкө үчүн коронавирустук инфекциянын жайылышына байланыштуу кыйын кырдаалда колдоо көрсөтүүсү, анын ичинде Кыргызстанга гуманитардык көмөк көрсөткөндүгү үчүн ыраазычылык билдирип кетким келет», – деди Садыр Жапаров.

Россия Федерациясынын Кыргыз Республикасындагы Толук жана Ыйгарым укуктуу Элчиси Николай Удовиченко Садыр Жапаровду Кыргыз Республикасынын Премьер-министри кызматына дайындалышы менен куттуктады.

«Кыргыз Республикасы жана Россия Федерациясы өзгөчө тыгыз жана жылуу мамиледе. Россия тарап өз ара пайдалуу экономикалык кызматташтыкка жана Кыргызстанда тил саясатын улантууга кызыкдар. Кыргыз Республикасында бир катар олуттуу программалар ишке ашырылууда. Маанилүү элементтердин бири катары Россиянын кошумча инвестицияларын тартуу, ошондой эле өлкөлөр ортосундагы экономикалык кызматташтыкка басым жасоо болуп саналат. Россия Федерациясы салык тутумун модернизациялоого жана товарларга байкоо жүргүзүүчү маркировкалоо тутумун ишке киргизүүгө көмөктөшүүгө даяр», – деп белгиледи элчи.

Өз кезегинде Кыргыз Республикасынын Президентинин милдетин аткаруучу, Премьер-министр Садыр Жапаров Кыргыз Республикасынын Конституциясына ылайык, орус тили расмий тил боюнча калат жана анын макамын өзгөртүү боюнча ой жок экенин белгилеп, буга байланыштуу ал Кыргызстандын айылдарында жашаган жарандарга сабак берүү үчүн орус тили мугалимдеринин санын көбөйтүү өтүнүчүн билдирди.

Тараптар Кыргыз Республикасына финансылык көмөк берүү, өлкөлөр ортосундагы үзгүлтүксүз каттамдарды көбөйтүү мүмкүнчүлүгү маселесин жана өлкөдөгү социалдык-экономикалык абалды талкуулады. Маалымдалгандай, Өкмөттөр аралык соода-экономикалык, илимий-техникалык, гуманитардык кызматташтык боюнча кыргыз-россия комиссиясынын мындан аркы ишин Кыргыз Республикасынын Биринчи вице-премьер-министри Артем Новиков алып барат. Жолугушуунун жыйынтыгында тараптар кыргыз-россиялык кызматташтыгынын күн тартибинде турган актуалдуу маселелерди чечүү үчүн активдүү диалогду улантууга даярдыгын билдирди.

С.Жапаров: Россия менен стратегиялык өнөктөштүктү жана союздук мамилелерге чоң маани берет С.Жапаров: Россия менен стратегиялык өнөктөштүктү жана союздук мамилелерге чоң маани берет С.Жапаров: Россия менен стратегиялык өнөктөштүктү жана союздук мамилелерге чоң маани берет

 
Categories

Азиз Суракматов кызматтан кетти

Бишкек шаарынын мэри Азиз Суракматов кызматтан кетти. Бул тууралуу мэрдин кеңешчиси Гуля Алмамбетова билдирди.

Шаар мэри Суракматовдун маалымат жыйыны бүгүн саат 14: 00дө өтөт, анда болжол менен ал кызматтан кетээрин жарыялайт.

Мэр кызматтан кеткен учурда биринчи вице-мэр автоматтык түрдө убактылуу мэр болуп калат. Бишкек шаарынын биринчи вице-мэри Нариман Түлеев.

 
Categories

ЖК ЖЭЭНБЕКОВДУН ОТСТАВКАСЫН КАБЫЛ АЛДЫ

 Бүгүн “Ала-Арча” мамлекеттик резиденциясында Жогорку Кеңештин кезексиз жыйыны өтүп, анда Сооронбай Жээнбековдун отставкасы каралды. Жогорку Кеңешке келген Сооронбай Жээнбеков депутаттардын алдында сүйлөп жатып 6-октябрдагы окуядан кийин өлкөнү мыйзам нугуна кайтаруу, элдин тынчтыгы үчүн болгон күч-аракетин жумшаганын айтты. Жарандык коом менен жалпыга маалымдоо каражаттарынын аракети үчүн ыраазычылык билдирди. Бишкек шаарын кайтарган элдик кошуунчуларга рахматын айтты. Орусия, Казакстан, АКШ, Британия өлкөлөрүнө, Бириккен улуттар уюмуна, Европа Биримдигине кайдыгер карабагандыгы үчүн ыраазычылыгын айтты. Элдин биримдиги, ар бир адамдын өмүрү кызмат ордунан кымбат экенин белгилеп, “Кудай алдында жана элдин алдында жүзүм жарык”,- деди. Жаңы бийликке ийгилик каалап, Кытай менен байланыштырган темир жолун куруу боюнча иш башталганын, бул долбоор Кыргызстан үчүн керек экенин айтып, аны ийгиликтүү ишке ашырууга чакырды.

 
Categories

«ЖАПАРОВГО ЖАРДАМ БЕРЕМ»

Жаш саясатчы, «Социал-демократтар» партиясынын тең төрагасы Темирлан Султанбеков премьер-министр Садыр Жапаров менен жолугушту. Бул тууралуу мурдагы президент Алмазбек Атамбаевдин уулу Кадыр Атамбаев Фейсбуктагы баракчасына жазды. «Мен Садыр Жапаровду элдин көпчүлүгү колдоп, үмүт артып жатканын айтып, өлкө үчүн кыйын болуп турган учурда кризис-менеджер болуу жоопкерчигин алса, ага жардам береримди айттым», -деп жазылат билдирүүдө. Темирлан Султанбеков 14-октябрда үй камагына чыгарылды. Ал массалык башаламандык уюштурууга шектелип, 9-октябрдагы митингден соң кармалган.

 
Categories

Саясатчылар элди ойлойбу?..

Соңку күндөрү өлкөбүздө саясат жогорку чыңалууда турат.
Парламенттик шайлоону ыплас мыйзам бузуулар менен өткөргөн бийлик эл тарабынан жарым жартылай жазаланды.
Мындай дегеним президент Сооронбай Жээнбеков Акүйдөн куулганы менен дачасына жашынып иштеп жатат.
Өлкөбүздөгү кырдаал турукташып, баары мыйзам талаасына түшкөндө кызматымдан кетем деген президентти айрым саясатчылар менен жакын адамдары айткан сөзүнөн кайтууга үндөп жатат.
Эгер андай болсо анын кесепети канчалык кайгылуу жана өкүнүчтүү болоорун президент сезбей жатса анда чын эле абдан кейиштүү.
Кечээ Канат Исаевди Жогорку Кеңештин төрагасы кылып шайлоого жетишкен президент жана анын жан жөкөрлөрү кайра күчтөнүп баштадык дешсе чоң жаңылышат.
Парламенттен премьер-министр болуп бекиген Садыр Жапаровго жарлык чыгаруудан баш тартып, артка кайтаруусу чоң чырдын башталышына жол ачпаса болду.
Анткен менен президенттин антип артка кайтарууга укугу жок. Баш мыйзамда андай норма каралбаган.
Баш мыйзамда президент дайындайт же дайындабайт деген эле так эреже бар.
Үч күн ичинде президент кол койбосо автоматтык түрдө дайындалды деп эсептелип өкмөт иштей берет.
Демек Садыр Жапаровдун өкмөтү мыйзамга ылайык ишке киришти.
Демек президент жаңы эреже тапты.
Ушундан улам президент кырдаалды турукташтырмак түгүл кайра курчутууга жол ачты.
Өкүнүчтүү…
Анткени элдин маанайы такыр башка.
Жээнбековдун эл арасындагы кадыр баркы төмөндөгөндөн төмөндөп баратат.
Демек анын мындан ары өлкөнү башкарууга такыр моралдык укугу калбады.
Ал азыр жаңы парламенттик шайлоону өткөрүп коюуп кетем деген ойго келди.
Өткөн парламенттик шайлоону дал ушул президент таза, ачык өткөрө албай шерменде болдуго.
Анан эми кантип кайра шайлоо өткөрүүгө укуктуу болмок.
Бүгүн Садыр Жапаровдун тарапташтары кайрадан борбордук аянтка чогулууда.
Кайрадан кооптуу абал жаралууда.
Саясатчылар бир пикирге келип, бардык саясий оюндарды токтотпосоңор болбойт.
Элди кыйнабагыла!
Элдин жашоосун, өлкөнүн экономикалык абалын ойлонгула!
Ансыз да көйгөйлөр өтө көп…

 
Categories

Президент Сооронбай Жээнбеков Садыр Жапаров менен жолугушту

Кыргыз Республикасынын Президенти Сооронбай Жээнбеков бүгүн, 13-октябрда, Садыр Жапаров менен жолугушту.
Өлкөдөгү азыркы коомдук-саясий кырдаал талкууланды.
Мамлекет башчысы өлкө Өкмөтүнүн түзүмү менен курамын аныктоо, программасын бекитүү тууралуу Кыргыз Республикасынын Жогорку Кеңешинин токтому боюнча өз позициясын билдирди.
Президент Сооронбай Жээнбеков парламенттин токтомун кайрадан Жогорку Кеңешке кайтарарын белгиледи.
«Өлкөдөгү туруктуулукту сактоо жана бекемдөө үчүн биздин чечимдерибиздин баары легитимдүү болушу керек жана алар күмөн жаратпашы зарыл», – деп баса белгиледи Президент Сооронбай Жээнбеков.
Мамлекет башчысы аталган маселени Кыргыз Республикасынын аракеттеги мыйзамдарынын бардык талаптарын сактоо менен кароосу үчүн парламентке кайрылат.
 
Categories

Элдин чыдамы кетүүдө

Акыркы күндөрү өлкөдөгү саясий кырдаалдын кооптуу бойдон калышы элди тынчсыздандырууда.
Азыр ар кандай саясий интригаларды токтотуп, ынтымакка келип, элдин өлкөнүн тагдырын баарынан жогору коюуну эл талап кылып жатат.
Ал үчүн Президент С. Жээнбеков менен С. Жапаров тез арада жолугушуп сүйлөшүп кырдаалды жөнгө салуулары зарыл.
Антпесе өлкөбүздө эки баштуу бийлик өкүм сүрүп, натыйжасы абдан кейиштүү болуп калат.
Ортодо өз кызыкчылыктарын элдикинен жогору көрүшкөн саясатчылар ар кандай кутум уюуштуруулары толук мүмкүн.
Андыктан ачык айтып ак сүйлөп, баарын эл алдында бир беткей чечип, бир жактуу бийлик жүргүзүү керек.
Мындай баш аламандык дагы көпкө узарса анда элдин чыдамы түгөнүп, баардык демилге элге өтүп кетсе эч ким эч нерсеге жооп бере албай калат.
Ошого жеткирбөө зарыл.
Өлкөбүздөгү бардык саясий күчтөр тезинен бир столго олтуруп, баарын укуктук талаага киргизүү зарыл.
Учурда мурда болуп көрбөгөндөй ынтымак биримдик өтө керек болуп турат.
Антпесек башка өлкөлөргө биз кыргыздар бийликти кулатууга гана күчтүү болуп, мамлекеттин бүтүндүгүнө келгенде алсыз жагыбызды көрсөтпөшүбүз зарыл.