Categories

Өкмөттүн ЖКдагы өкүлү Ашырбек Темирбаев көз жумду

Бүгүн,16-июлда Өкмөттүн Жогорку Кеңештеги өкүлү Ашырбек Темирбаев дүйнөдөн кайтты.  Бул туурасында анын кесиптештери билдирди.

Ал борбор шаарыбыздагы ооруканалардын биринде дарыланып жаткан.

Темирбаев Ашырбек Мойдунович –1952-жылы Жалал-Абад облусунун Таш-Көмүр шаарында туулган.

Билими жогору. 1975-жылы кен инженери адистиги боюнча Фрунзедеги политехникалык институтту, 1990-жылы Ташкенттеги Жогорку партиялык мектепти, 1997-жылы юриспруденция адистиги боюнча Кыргыз мамлекеттик улуттук университетин бүткөн.

Эмгек ишмердүүлүгү:

1973-1973-жж. – Челябинск облусундагы Бакал шахта башкармасы, өткөөлчүнүн жардамчысы

1974-1974-жж. – Кемеров облусундагы Дзержинский атындагы шахта, өткөөлчүнүн окуучусу

1975-1980-жж. – “Таш-Көмүр” шахта башкармасы, өткөөлчү, кен мастери, участоктун начальнигинин орун басары

1980-1980-жж. – Таш-Көмүр” шахта башкармасынын комсомол комитетинин секретары

1980-1984-жж. – Кыргазстан КПнын Таш-Көмүр шааркому, өнөр жай бөлүмүнүн башчысы

1984-1987-жж. – Кыргызстан Компартиясынын БК, уюштуруу бөлүмүнүн инспектору

1987-1987-жж. – Кыргызстан Компартиясынын БК, уюштуруу бөлүмүнүн инспектору

1987-1991-жж. – Кыргызстан Компартиясынын БК экинчи секретарынын жардамчысы

1991-1991-жж. – Кыргызстан КПнын Таш-көмүр шааркомунун биринчи секретары

1991-1991-жж. – Таш-Көмүр шаар кеңеши, төраганын орун басары

1991-1993-жж. – Кыргыз Республикасынын Жогорку Совети, Төраганын жардамчысы

1993-1995-жж. – КР Жогорку Кеңешинин Президиуму, Аппарат жетекчиси

1995-1996-жж. – КР Жогорку Кеңеши, Аппарат жетекчиси

1996-2005-жж. – КР Жогорку Кеңешинин Мыйзам чыгаруу жыйыны, Аппарат жетекчиси

2005-2008-жж. – КР Жогорку Кеңеши, Аппарат жетекчиси

2009-2009-жж. – КР Өкмөтүнүн Аппараты, Жетекчинин орун басары

2009-2011-жж. – КР Өкмөтүнүн КР ЖКдагы Өкүлчүлүгү, Өкүлдүн орун басары

2011-2012-жж. – Кыргыз Республикасынын Башкы прокуратурасы, Иш башкаруучу

07.09.2012-ж. – КР Өкмөтүнүн КР Жогорку Кеңешиндеги Туруктуу өкүлү Кыргыз Республикасынын Өкмөтүнүн Аппаратынын Жетекчисинин биринчи орун басары рангында

Кошумча маалымат:

Мамлекеттик кызматтын 2-класстагы мамлекеттик кеңешчиси класстык чини бар.

Сыйлыктары: «Манас-1000» юбилейлик медалы, «Даңк» медалы, КМШнын Парламенттер аралык ассамблеясынын Ардак грамотасы.

 
Categories

КРнын эмгек сиңирген артисти Жаркын Балыкбаева көз жумду

КРнын эмгек сиңирген артисти Жаркын Балыкбаева узакка созулган оорудан улам бүгүн, 6-апрелде 77 жашында дүйнө салды. Бул тууралуу Маданият, маалымат жана туризм министрлигинен билдирди. 

Маалыматка ылайык, актриса көптөн бери бөйрөгүнөн жабыркап жүргөн. Балыкбаеваны акыркы сапарга узатуу зыйнаты 8-апрель күнү Токтоболот Абдымомунов атындагы Кыргыз улуттук драма театрында саат 10.00дө өтөт. Анын сөөгү “Ала-Арча” көрүстөнүндө жерге берилет.

Белгилей кетсек, Жаркын Балыкбаева Сокулук районунун Жыламыш айылында жарык дүйнөгө келген. Ал өмүр бою Кыргыз улуттук драма театрында эмгектенген.

 

 
Categories

Бабырбек Жээнбеков дүйнө салды

Мындай кабарды кесиптешибиз Элнура Кулиева өзүнүн фейсбуктагы баракчасына жазды.

Анда: “Арман күн ай.. . Колумдан кармап ыраазычылыгыңызды билдирип , арманыңызды айттыңыз эле. Жашайм деген толо үмүтүңүз бар эле…..Бир чымчым өмүрдө сыйлашып өтөлү деп көп нерсеге өкүнгөнсүз. Кош …Бабырбек байке!!!!!!!!!!! Бир өмүр жок…..Аттиң суук ажал дагы бир жакшы адамды арабыздан алып кетти”-деп, айтылат.

 
Categories

“Электр станциялары” ишканасынын башчысы Аскар Эшимбеков көз жумду

“Электр станциялары” ишканасынын башкы директору Аскар Эшимбеков каза болду. Бул туурасында  аталган ишкананын кызматкерлери билдирди.

Маалыматка ылайык, ал бүгүн, 20-мартта узакка созулган оорудан улам каза болгон.

Эшимбеков былтыр май айынан бери “Электр станциялары” ишканасын жетектеп келген.

 

 

 

 
Categories

С.Жапаровго энесине топурак салууга уруксат берилди

Садыр Жапаровго апасын акыркы сапарга узатууга уруксат берилди. Бул тууралуу анын жакын санаалаштары, мамлекеттик кызматкерлер социалдык баракчаларына жазып чыкты.

Талгарбеков эркиндике чыгыптыр! Садыр Жапаровго каза болгон апасына топо салганга уруксат беришиптир! …

Опубликовано Алмазбеком Акматалиевым Четверг, 7 марта 2019 г.

Ошондой эле саясатчы Камчыбек Ташиев Жапаровго берилген мындай мүмкүнчүлүк үчүн президент Сооронбай Жээнбековго ыраазылыгын билдирген.

Садыр учун рахмат Ажообузга!!!

Опубликовано Камчыбеком Ташиевым Четверг, 7 марта 2019 г.

Эки жыл мурун Жапаровдун атасы дүйнөдөн кайткан, бирок абактагы экс-депутатка атасынын акыркы сапарга узатуу зыйнатына катышууга уруксат берилген эмес.

 

 
Categories

Садыр Жапаровдун апасы көз жумду

 Саясатчы, Садыр Жапаровдун апасы Кадижан Максүтова узакка созулган оорудан улам көз жумду. Бул туурасында Жапаровдун жактоочусу Шарабидин Токтосунов билдирди.

Ал ошондой эле учурда ЖАМКнын жетекчиси Мелис Турганбаевге кайрылуу жазып жатканын айтып. Садыр Жапаровду апасын акыркы сапарга узатууга уруксат берүүсүн өтүнөрүн кабарлады. 

Маркумду жерге берүү 9-март күнү саат 11:00дө Ысык-Көлдүн Кең-Суу айылында болот.

 
Categories

Коомдук ишмер Теңдик Аскаров көз жумду

Мамлекеттик жана коомдук ишмер, профессор Теңдик Аскаров узакка созулган оорудан улам, 82 жашында дүйнөдөн кайтты. Бул тууралуу Жазуучулар союзунан билдирди.

Маркумду акыркы сапарга узатуу зыйнаты эртең, 6-мартта, Бишкекте өтөт.

Теңдик Аскаров 1937-жылдын 18 –декабрында Жалал-Абад облусуна караштуу Токтогул районунун Коңур-Өгүз (Өзгөрүш) айылында туулган

Эмгек жолунда Жазуучулар союзунун төрагасы (1971-1986), Кыргыз ССР Жогорку Кеңешинин төрагасы (1980-1985), 1986-жылдан тарта КР Улуттук илимдер академиясынын азыркы философия жана саясий-укуктук изилдөөлөр институтунда сектор башчысы, окумуштуу катчы, социалдык философия, эстетика жана этика бөлүмүнүн башчысы сыяктуу кызматтарда иштеген.

1964-жылы кандидаттык, 1993-жылы докторлук диссертацияларын жактаган, ал эми 2000-жылы КР УИАнын корреспондент-мүчөсү болуп шайланган.

Аскаровдун илимдин өнүгүүсүнө кошкон салымы мамлекет тарабынан жогору бааланган. Ал “Эл достугу”, “Ардак Белги” ордендери, Кыргыз ССРинин Жогорку Кеңешинин Ардак грамотасы, “Даңк” медалы менен сыйланып, “Кыргыз Республикасынын маданиятына эмгек сиңирген ишмер” ардактуу наамына ээ болгон.

 
Categories

Корчубек Акназаровдун сөөгү жерге берилди

Бүгүн, 3-февралда көрүнүктүү мамлекеттик ишмер Корчубек Акназаровду акыркы сапарга узатуу зыйнаты болуп өттү. Иш-чарага президент Сооронбай Жээнбеков, Жогорку Кеңештин төрагасы Дастан Жумабеков, депутаттар, өкмөт өкүлдөрү, коомдук ишмерлер катышышты. Корчубек Акназаровдун сөөгү Ала-Арча көрүстөнүндө жерге берилди.

Эске салсак, 1-февраль күнү Улуу Ата Мекендик согуштун ардагери, Социалисттик эмгектин баатыры Корчубек Акназаров 97 жашында көз жумган.

Ал 1922-жылы Талас районунун Кызыл-Жар айылында туулган. Ал 1-Белорус фронтунда согушуп, Варшавага чейин жетип, Висла дарыясын кечип өтүү учурунда жарадар болгон. 1946-жылы мекенине кайтып, Чаткал районундагы К. Маркс атындагы мектепте окуу бөлүмүнүн башчысы болуп иштеген. Андан соң ал бүт өмүрүн партиялык ишке арнап, 30 жылдан ашуун жетекчилик кызматтарда – Кыргызстан Компартиясынын Ак-Талаа, Жумгал жана Кочкор райондук комитеттеринин биринчи катчысы болуп эмгектенген.

Кочкор районундагы Чолпон айлындагы мектеп Акназаровдун атын алып жүрөт, Баетов айылында  бюсту жана Талас облусунун Бакай-Ата районунда бюст- эстелиги орнотулган.

 
Categories

Корчубек Акназаров көз жумду

Улуу Ата Мекендик согуштун ардагери, Социалисттик эмгектин баатыры Корчубек Акназаров 97 жашында көз жумду. Бул тууралуу анын жакындары билдирди.

Корчубек Акназаров 1922-жылы Талас районунун Кызыл-Жар айылында туулган. Ал 1-Белорус фронтунда согушуп, Варшавага чейин жетип, Висла дарыясын кечип өтүү учурунда жарадар болгон. 1946-жылы мекенине кайтып, Чаткал районундагы К. Маркс атындагы мектепте окуу бөлүмүнүн башчысы болуп иштеген. Андан соң ал бүт өмүрүн партиялык ишке арнап, 30 жылдан ашуун жетекчилик кызматтарда – Кыргызстан Компартиясынын Ак-Талаа, Жумгал жана Кочкор райондук комитеттеринин биринчи катчысы болуп эмгектенген.

Кочкор районундагы Чолпон айлындагы мектеп Акназаровдун атын алып жүрөт, Баетов айылында  бюсту жана Талас облусунун Бакай-Ата районунда бюст- эстелиги орнотулган.

 
Categories

Канттагы авиабазада орусиянын аскери каза тапты

Кант шаарындагы авиабазада иштеген кызматкердин жансыз денеси табылды. Алдын ала маалыматтар боюнча маркумдун спирт ичимдигине ууланып каза болгону айтылууда.

Окуя 15 – декабрь күнү болгон. Канттагы Орусиянын авиабазасында иштеген Владимир.Ш аттуу жаран ал күнү жумушка келген эмес. Издөө жүрүп, анын денесин өзү жашаган батирден табышкан. Экспертизанын жыйынтыгы боюнча ал аракка ууланып каза болгону аныкталган.