Categories

Ч.Айдарбеков Эстониянын жана Нидерланддардын ТИМ башчылары менен жолугушту

Братислава шаарында Тышкы иштер министри Чыңгыз Айдарбеков Эстония Республикасынын Тышкы иштер министри Урмас Рейнсалу жана Нидерланддар Королдугунун Тышкы иштер министри Стеф Блок менен эки тараптуу жолугушууларды өткөрдү.  Бул тууралуу ТИМдин маалымат кызматы билдирди.

Эстониянын тышкы саясий мекемесинин башчысы менен эки тараптуу күн тартибинин актуалдуу маселелерин, ошондой эле 2020-жылга пландаштырылган өз ара сапарларды уюштурууну талкуулашты. Тараптар эки тараптуу өз ара аракеттенүүнүн маанилүү багыты IT-чөйрө болуп саналарын белгилешти, ушуга байланыштуу, Кыргызстандагы эстониялык долбоорлорду, ошондой эле «Түндүк» ЭВӨСтү ишке ашыруунун алкагында мүмкүн болгон жаңы долбоорлорду талкуулашты.

Нидерланддардын ТИМ башчысы менен жолугушуунун жүрүшүндө эки тараптуу күн тартибинин актуалдуу маселелери талкууланды.

Тараптар өлкөлөрдүн ортосундагы келишимдик-укуктук базаны кеңейтүүнүн маанилүүлүгүн жана кызматташтыктын бардык спектри боюнча эки тараптуу байланыштарды активизациялоо үчүн ар кандай деңгээлдердеги өз ара сапарларды уюштуруунун зарылчылыгын белгилешти.

Ушул жылдын 15-17-октябрында Нидерланддар Королдугунун айыл чарбалык соода мисииясынын Бишкек шаарына болгон сапарынын маанилүүлүгү, ошондой эле сапардын алкагында тегерек столдун иши белгиленди.

 
Categories

Борбордук Азия мамлекет башчыларынын кийинки Консультативдик жолугушуусу Кыргызстанда өтөт

Борбордук Азия мамлекет башчыларынын кийинки, үчүнчү  Консультативдик жолугушуусу 2020-жылы Кыргызстанда өтөт. Бул тууралуу Кыргыз Республикасынын Президенти Сооронбай Жээнбеков бүгүн, 29-ноябрда, Ташкент шаарында Борбордук Азия мамлекет башчыларынын экинчи Консультативдик жолугушуусунда билдирди.

Сооронбай Жээнбеков бүгүн мамлекет башчылары ишенимдүү маанайда аймактык кызматташтык маселелеринин кеңири спектри боюнча конструктивдүү диалог жүргүзгөнүн белгиледи.

Белгиленген позитивдүү аракеттерди улантууну абдан маанилүү деп эсептейм. Буга байланыштуу кийинки Консультативдик жолугушууну Кыргызстанда 2020-жылы өткөрүүгө даярдык билдирем», — деп жыйынтыктады Кыргызстандын Президенти.

 
Categories

Президент Сооронбай Жээнбеков Борбордук Азия мамлекет башчыларынын жолугушуусуна катышууда

Президент Сооронбай Жээнбеков бүгүн, 29-ноябрда, Ташкент шаарында Борбордук Азия мамлекет башчыларынын экинчи Консультативдик жолугушуусуна катышууда. Өлкө башчысынын маалымат кызматынын билдиргенине караганда, күн тартибинде кызматташууну кеңейтүү жана аймактагы өлкөлөрдүн жакынкы келечекке карата артыкчылыктуу багыттарын аныктоо маселелери турат.

Консультативдик жолугушуу тар курамда башталарда делегация башчыларынын чогуу сүрөткө түшүүсү болду. Андан кийин жыйын кеңейтилген курамда улантылат.

Экинчи Консультативдик жолугушууга Тажикстан Республикасынын Президенти Эмомали Рахмон, Түркмөнстан Президенти Гурбангулы Бердымухамедов, Өзбекстан Республикасынын Президенти Шавкат Мирзиёев жана Казакстан Республикасынын Туңгуч Президенти Нурсултан Назарбаев катышып жатышат.

 
Categories

ЖККУнун кийинки жылдагы саммити Орусияда өтөт

Жамааттык коопсуздук келишим уюмунун кийинки жылдагы саммити Орусияда өтөт. 

Президент Сооронбай Жээнбеков Орусиянын президенти Владимир Путинди ЖККУга төрагалыкты өткөрүп алышы менен куттуктады.

Белгилей кетсек, ЖККУга Армения, Белоруссия, Казакстан, Кыргызстан, Россия жана Тажикстан мүчө.

 

 
Categories

Орусия Кыргызстанга аскердик 2 тик учак берди

Орусия Кыргызстанга жардам катары 2 тик учак белек кылды.  Бул тууралуу Куралдуу  Күчтөрдүн Башкы штабынан билдирди.

МИ-8МТ  жана П-18 учактарын тапшыруу аземи  КР Куралдуу күчтөрүнүн Абадан коргонуу бөлүгүнүн Кант шаарындагы авиа-техникалык аймагында өттү.

 
Categories

Президент Сооронбай Жээнбеков Армения Премьер-министри Никол Пашинян менен жолугушту

Бул тууралуу өлкө башчысынын маалымат кызматы билдирди. Жолугушуу Жамааттык коопсуздук жөнүндө келишим уюмунун Жамааттык коопсуздук кеңешинин кезектеги сессиясынын алкагында өттү. Саммит бүгүн, Бишкек шаарында Кыргыз Республикасынын төрагалыгы алдында өтөт.

Жолугушуунун жүрүшүндө Сооронбай Жээнбеков жана Никол Пашинян эки тараптуу кызматташтык маселелеринин кеңири чөйрөсүн, кыргыз-армян мамилелеринин, анын ичинде эл аралык уюмдардын жана интеграциялык бирикмелердин алкагында өз ара аракеттенүүнүн келечегин талкуулашты.

Президент Сооронбай Жээнбеков жана Армения Премьер-министри Никол Пашинян өлкөлөр ортосундагы кызматташтыкты мындан ары карай бекемдөөгө өз ара даярдык билдиришти.

 
Categories

Владимир Путин Кыргызстанга келди

Орусия президенти Владимир Путин бүгүн, 28-ноябрда, Жамааттык Коопсуздук жөнүндө келишими  уюмунун Жамааттык коопсуздук кеңешинин кезектеги сессиясына катышуу үчүн келди.

«Манас» эл аралык аэропортунан Путинди Сооронбай Жээнбеков тосуп алды.

ЖККУнун Жамааттык коопсуздук кеңешинин кезектеги сессиясына катышуунун алкагында Сооронбай Жээнбеков жана Владимир Путиндин эки тараптуу жолугушуусу болот.

 
Categories

Армениянын өкмөт башчысы жана Беларус президентти Кыргызстанга келишти

Беларус Республикасынын Президенти Александр Лукашенко жана Армения Республикасынын Премьер-министри Никол Пашинян Жамааттык коопсуздук жөнүндө келишим уюмунун (ЖККУ) Жамааттык коопсуздук кеңешинин сессиясына катышуу үчүн Кыргызстанга келишти.

«Манас 2» эл аралык аэропортунан аларды  Премьер-министр Мухаммедкалый Абылгазиев тосуп алды.

Жамааттык коопсуздук жөнүндө келишим уюму – «тынчтыкты, эл аралык жана аймактык коопсуздукту жана туруктуулукту бекемдөө» максатын көздөгөн эл аралык уюм.

Уюмга Россия Федерациясы, Армения Республикасы, Беларусь Республикасы, Казакстан Республикасы, Кыргыз Республикасы жана Тажикстан Республикасы мүчө болуп саналат.

 
Categories

Президент Сооронбай Жээнбеков Тажикстандын Президенти Эмомали Рахмон менен жолугушту

Мамлекеттер башчылары Кыргызстан менен Тажикстан ортосундагы кызматташтыктын олуттуу маселелеринин кеңири спектрин талкуулашты, эки тараптуу өз ара аракеттенүүнүн келечегин аныкташты.

Сооронбай Жээнбеков жана Эмомали Рахмон эки өлкө ортосундагы кызматташтыктын кеңири маселелери боюнча, анын ичинде кыргыз-тажик мамлекеттик чек араны делимитациялоо жана демаркациялоо боюнча кызматташтыкты мындан ары карай бекемдөө зарылчылыгына көңүл бурушту.

 
Categories

Токаев Кыргызстанга келди

Казакстан Республикасынын Президенти Касым-Жомарт Токаев бүгүн, 27-ноябрда Кыргыз Республикасына мамлекеттик сапар менен келди. Бул тууралуу Өлкө башчысынын маалымат кызматы билдрди.

«Манас» эл аралык аэропортунда Казакстандын Президентин Кыргыз Республикасынын Президенти Сооронбай Жээнбеков тосуп алды. Аэропортто Кыргыз Республикасынын жана Казакстан Республикасынын мамлекеттик желектери илинип, Ардактуу кароол тизилген.

Мамлекеттик визиттин алкагында Касым-Жомарт Токаев Президент Сооронбай Жээнбеков менен жолугушат. Ошондой эле Кыргыз Республикасынын жана Казакстан Республикасынын Жогорку мамлекеттер аралык Кеңешинин 5-жыйыны өтөт жана анын жыйынтыгында бир катар эки тараптуу документтерге кол коюлат.

Казакстандын Президентинин Мамлекеттик визитинин алкагында Сооронбай Жээнбеков жана Касым-Жомарт Токаев «Ата-Бейит» тарыхый-мемориалдык комплексине жана Чыңгыз Айтматовдун үй-музейине барышат. Мындан тышкары, Касым-Жомарт Токаев 28-ноябрда Бишкекете боло турган ЖККУнун Жамааттык коопсуздук кеңешинин кезектеги отурумуна катышат.