Categories

Бишкектеги Ботаникалык бактан 27 жаштагы жигиттин жансыз денеси табылды

Бишкек шаарындагы Ботаникалык бактан 9-ноябрда бир адамдын жансыз денеси табылган. Бул туурасында шаардык милициясы билдирди.

Маалыматта,  маркумдун өздүгү такталган, ал 1991-жылкы бала болуп чыккандыгы айтылат.  Каза болгон жарандын денесинен эч кандай күч колдонгон издер табылган эмес. Өлүмдүн себеби суицид. Туугандары маркумдун өздүгүн аныкташкан.

 
Categories

Кемероводо жеке менчик үйдөн чыккан өрт 6 баланын өмүрүн алды

Орусиянын Кемерово облусунда жеке турак үйдөн өрт чыгып, жалпы 8 адам каза тапты. Бул тууралуу орус басылмалары жазып чыкты.

Тилсиз жоо тууралуу кабар таңкы саат 4тө келип түшкөн. Бир саатта өрт чектөөгө алынып, бир өрт өчүрүүчү кызматкер жабыркаган.

Маалыматта айтылгандай, каза болгондордун баары бир үй-бүлө мүчөлөрү болгон.    Кырсыктан  42 жаштагы үй кожойкеси гана тирүү калып, аялдын 72- жаштагы апасы, 30 жаштагы бирге жашаган курбусу, 3 баласы жана 3 небереси көз жумган.

Кылмыш иши козголуп, тергөө иштери жүрүп жатканын басма сөз каражаттары маалымдайт.

 

 

 

 
Categories

Алматыда беш айлык наристени коляскага салып, көчөгө таштап кеткен

Казакстандын Алматы шаарында боору таш эне суукта 5 айлык баласын көчөгө таштап кеткен. Коляскадагы баланы жолдон өтүп бара жаткан адамдар таап алган. Бул  тууралуу казак басылмалары жазып чыкты.

Катуу үшүп, өпкөсүнө суук тийген наристе оор абалда ооруканага жеткирилген.

Андан бери бир айдай убакыт өтсө дагы баланы эч ким издеп келген эмес.

Балдар ооруканасынын дарыгерлеринин айтымында наристе көчөдө суукта көпкө жатып калган үчүн пневмонияга чалдыккан.

Баланын жанында эч кандай өздүгүн тактаган барак жок болгон,  эгер жакындары табылбаса балдар үйүнө өткөрүлүп берилет.

 
Categories

Жалал-Абад облуснда көлөмү болжол менен 50 м3 болгон жер кыртышы сүрүлгөн

2018-жылдын 4-ноябрь күнү саат 11:30 чамасында Жалал-Абад облусунун Сузак районунун Кыз-Көл айыл аймагына караштуу Сары-Булак айылында көлөмү болжол менен 50 м3 болгон жер кыртышы сүрүлгөн. Турак үйлөргө коркунуч жок. Бул тууралуу ӨКМнин басма сөз кызматы билдирди.

ӨКМнин Жалал-Абад облустук башкармалыгынын ыкчам тобу жерине барып маалыматты такташып, тургундарга түшүндүрүү иштерин жүргүзүшкөн.

 
Categories

Казакстандык актер муунган трюк жасагандан кийин каза болду (видео тасма)

Казакстандык белгилүү актер, каскадер Касым Жумагужин  4-ноябрда “Хэллоуин” майрамына арналган иш-чарада муунган трюкту көрсөтүп жатып, каза болгон. Бул тууралуу казак басылмалары билдирди.

Окуя Алматы шаарындагы барлардын биринде катталган.

Менеджеринин айтымында, актер сценарий боюнча ал арканда асылган мумияны туурап жаткан. Ал трюктарды аткарууда кийилчү атайын жилет менен болгон. Аны көтөрүшкөндө, баары жайында экенин билдирген.  15 мүнөттүк трюктан кийин аны 3 метрлик бийиктиктен түшүрүшкөн. Артист бул учурда тирүү болгон менен шалдырап калган.

Тез жардам чакырылып, биринчи жардам көрсөткөн. Дарыгерлердин аракетине карабай актер көз жумган. Соттук-медициналык экспертиза анын жүрөк  булчуңунун инфарктынан улам өлгөнүн аныктаган.

Интернеттен алынган тасма

 

 
Categories

Өлүм менен аяктаган үйлөнүү той

Американын Техас штатында эки жаш үйлөнүү тоюнан соң тик учак менен кырсыкка учурап, каза болду.

ABC13 телеканалынын маалыматында авиа кырсык  4-октябрь күнү Техастын түштүк тарабында катталган. Үйлөнүү салтанатын жакындары менен өткөргөн эки жаш андан ары  учакка олтуруп майрамды улантып кетишкен. Жарым саат өткөн соң каргашалуу окуя катталып,  жаштар менен бирге пилот дагы көз жумган.

“Bell 206B” үлгүсүндөгү тик учактын эмнеден улам кырсыкка кабылганы жөнүндө учурда маалымат жок. Окуя катталган жерде териштирүү жүрүп, бир нече куткаруу кызматтары тартылганын жергиликтүү басылмалар маалымдады.

 

 

 

 

 
Categories

Кара-Суу шаарында 2 кабаттуу үй өрттөндү

Кечээ  кечки саат он бирден элүү мүнөт өткөн чамасында Ош облусунун Кара-Суу районуна караштуу Кара-Суу шаарынын Ленин көчөсүнүн №179 дарегинде жайгашкан 2 кабаттуу үйдүн 1-кабатында жайгашкан 2 ашкана күйгөн. Жабыркагандар жок. Бул тууралуу  ӨКМнин басма сөз кызматы билдирди.

Өрттү өчүрүүгө КР ӨКМнин  Кара-Суу райондук №25 Аскерлештирилген өрт-куткаруу бөлүгүнөн 2 бөлүм, КР ӨКМнин Кара-Суу райондук №102 Өрт-куткаруу бөлүмүнөн 1 бөлүм тартылган. Ошондой эле ИИМнен 2 кызматкер тартылган.

Тартылган күчтөрдүн жардамынын негизинде саат 00:54тө  өрт чектөөгө алынып, саат 02:10до толук өчүрүлгөн. Өрттүн кесепетинен1-кабаттагы 2 ашкана  жана 2-кабаттагы 3 бөлмө чатыры менен күйгөн. Өрттүн жалпы аянты  болжол менен 610 м2 . Өрттүн келип чыгуу себеби жана келтирилген материалдык чыгымдар такталууда.

 
Categories

Өзбекстанда шишкебекке ууланып, 4 бир тууган каза тапты

Ташкент шаарына караштуу Чилонзар аймагында тамакка ууланып бир бүлөдө 4 бала каза болду. Бул тууралуу жергиликтүү өзбек басылмалары жазып чыкты. 

Маалыматка караганда,  балдардын апасы Умида Хаитова 30-октябрь күнү кечинде үйүнө 5 даана шишкебек сатып алып барган. Тамакты 3 кызы жана 1 уулу менен жеген.

Аялдын өзүнүн айтымында түнкү саат 23:30дар чамасында башы катуу ооруп, көңүлү айланган. Ошол эле учурда балдары жаткан үйдүн эшигин ачып караса, ооздорунан көбүк чыгып, эс-учун жоготкон абалда көрөт. Ыкчам түрдө тез жардам кызматына чалып чакырган. Ак xалатчандар келген учурда Хаитованын кыздары 22 жаштагы Азиза Акбарова, 17 жаштагы  Эзоза, 15 жаштагы Ирода Акбарова жана 6 жаштагы Фарруx Акбаров эчак эле жан бергендиги айтылат.

Аталган окуя боюнча учурда  Башкы прокуратура, ИИМ ошондой эле Санэпидемилогия кызматтарынын адистери биргеликте коммиссия түзүп, териштирүү иштери уланууда. 

 
Categories

Индонезияда кыйраган учактан тирүү жүргүнчүлөр табылган жок

Индонезияда өзгөчө кырдаалдар агенттигинин өкүлү “Боинг-737” кулаган суунун тереңдиги 30-40 метрди түзөрүн билдирди.

Lion Air авикомпаниясына таандык учактын ири сыныктары деңизден табылганы тууралуу маалыматты биринчилерден болуп кырсык болгон жерде өтүп бараткан кемедегилер билдирген.

Жакартадан Индонезиянын Банка аралындагы Панкалпинанг шаарына жол тарткан лайнер учуп чыккандан болжол менен 13 мүнөт өткөндөн кийин радардан жоголгон. Учак Ява аралынын батыш жээктеринде деңизге кулаган. Анын бортунда 189 жүргүнчү жана экипаждын мүчөлөрү болгон.

“Lion Air” – Индонезиядагы эң чоң менчик авиакомпания. Анын карамагында 100дөн ашык учак бар жана өлкөнүн 126 шаарына, андан тышкары Сингапур, Вьетнам, Малайзия жана Сауд Арабиясына каттайт. Кыйраган учак 2018-жылдын август айынан бери ырааттуу түрдө уча баштаган. Boeing 737 MAX 8 модификациясы 2016-жылы пайдаланууга берилген жана фирманын тарыхында эң көп сатылган учактардан болуп калган.

 
Categories

Алай районунун Нура, Иркештам айылдарында 3 баллга жеткен жер силкинүү болду

Кыргыз-кытай чек арасында жер титирөө катталды. Бүгүн эрте менен сегизден жыйырма эки мүнөт өткөндө  Кытай Эл Республикасынын аймагында очогунда күчү 6 баллга жеткен жер титирөө катталган. Бул маалыматты Сейсмология институту кабарлады.

Жер титирөө Алай районунун Нура, Иркештам айылдарында 3 баллга чейин сезилген.

Азырынча алдын ала алынган маалымат боюнча жер титирөөдөн жабыркагандар жана кыйроолор катталган жок.