Categories

ГҮЛЧӨДӨГҮ ТИЛСИЗ ЖОО: ӨРТТӨН БИР КИШИ КАЗА БОЛДУ

Алай районунун Гүлчө айылындагы турак үйдө өрт чыгып, 56 жаштагы киши каза болду. Бул тууралуу ӨКМдин маалымат кызматынан кабарлашты. Билдирүүгө караганда, өрт 8-апрель күнү түшкө маал чыккан.

“Саат 13:33тө Гүлчө айылындагы борбордук базарынын артында жайгашкан үйдөн өрт чыккандыгы тууралуу маалымат түшкөн. ӨКМ кызматкерлери кырсык болгон жерге 13:40та барып, саат 13:44тө тилсиз жоону чектөөгө алган”, – деп айтылат билдирүүдө.

Кийин үйдүн ичинен эркек кишинин сөөгү табылып, куткаруучулар аны Алай райондук милициясына өткөрүп берген. Тилсиз жоо 103 чарчы метрге жайылган. Учурда өрттүн чыгуу себеби такталууда.

 
Categories

ӨСПҮРҮМДҮН ӨЛҮМҮ: ШЕКТҮҮ КАРМАЛДЫ

Ош шаарында окуучуну бычактап өлтүрүүгө шек саналган 17 жаштагы өспүрүм жана окуя болгон учурда анын жанында болгон эки шериги кармалды. Бул тууралуу Ош шаардык ички иштер башкармалыгынын басма сөз кызматы билдирди. Милициянын маалыматында, шектүү кармалган учурда жанында кастет болгон. Шектүү күнөөсүн моюнуна алып, бул оор кылмышка жабыр тарткан балдар менен айтыша кеткени үчүн барганын айткан. Каршылашын жанында салып жүргөн бүктөмө бычагы менен сайып жиберген.

Кечээ, 11-февралда түш чендерде экинчи борбор калаадагы өспүрүмдөрдүн мушташында Оштогу Нариман мектебинин 9-классынын окуучусу бычактан оор жараат алган. Ал ооруканага жеткирилип, операция жасалгыча кансырап каза тапкан. Анын жанында жүргөн Юридикалык коллеждин студенти да жабыр тартып, жандандыруу бөлүмүнө түшкөн.

 
Categories

ЭСКИ ШАХТАДАН ӨРТ ЧЫГЫП, КОЙ-ЭЧКИ КЫРЫЛДЫ

Баткенде эски шахтадан өрт чыгып, жергиликтүү тургундардын жүздөгөн малы кырылды. Өзгөчө кырдаалдар министрлигинин басма сөз кызматы кабарлагандай, окуя 3-февралда Кадамжайдагы сурма комбинатынын аймагындагы иштетилбеген шахтада болгон. Шахтанын ичин жергиликтүү тургундар мал кармоо үчүн пайдаланып келишкен. Өрттүн кесепетинен 243 кой-эчки өлдү. Куткаруучулар тосмо орнотуп, кырылган малды тургундардын макулдугу менен шахтанын ичине көмүп кетишти. Адамдар жабыркаган жок. Соңку бир күн ичинде Кыргызстандын аймагында 11 өрт кырсыгына 11 куткаруучу бригада тартылды.

 
Categories

Volkswagen Golf-2 үлгүсүндөгү автоунаа дарыяга түшүп кетти

Кече 28-январь күнү 16:00 чамасында Ысск-Көл облусуна караштуу Каракол-Түп унаа жолунун 13-чакырымында Volkswagen Golf-2 Үлгүсүндөгү жеңил унаанын айдоочусу рулга ээ боло албай Жыргалаң суусуна түшүп кеткен. Бул тууралуу КР ӨКМдин басма сөз кызматынан кабарлашты.

Кырсыктын кесепетинен унаанын айдоочусу жабыркап, Ыссык-Көл облустук ооруканасына жеткирилген. Кырсык болгон жерге Каракол шаардык №15 өрт куткаруучу бөлүгүнөн 4 куткаруучу тартылып, сууга түшүп кеткен автоунааны Ак-Суу райондук жол кайгуул кызматкерлерине өткөрүлүп берилген.

 
Categories

ТАЛАС: КЫРСЫКТЫН СЕБЕБИ АЙТЫЛДЫ

Таласта 11 адам күйүк алган өрттүн себеби аныкталды. Бул тууралуу 5-январда Өзгөчө кырдаалдар министрлиги кабарлады. Мекеменин маалыматына караганда, өрттүн чыгышына газ баллонду колдонууда өрт коопсуздугу боюнча эреже бузулганы себеп болгон. 4-январда Кара-Буура районунун Кызыл-Адыр айылындагы Борбордук базардын жанындагы “Шаурма Сити” тез тамактануучу жайда газ баллон жарылып, өрт чыккан. 11 адам күйүк алган. Өрттүн аянты болжол менен 140 чарчы метрди түзгөн. Учурда келтирилген материалдык чыгым такталууда.

 
Categories

АНТИРЕЙТИНГ: КЫРГЫЗСТАН АЛДЫҢКЫ САПТА

Кыргызстандыктар Орусияда чет өлкөлүк айдоочулардын айынан катталган унаа кырсыгы боюнча статистикада алдыңкы үчтүккө кирди. Статистиканы Россия Федерациясынын Ички иштер министрлиги чыгарган. Ага ылайык, ушул жылдын тогуз айында эле катталган жол кырсыктарынын үч пайызга жакыны мурдагы СССРден тараган мамлекеттердин жарандарына туура келет. Антирейтингде Кыргызстан экинчи орунду ээлеген. Өзбекстан биринчиде, ал эми үчүнчүгө Тажикстан чыккан. Кыргызстандыктар 701 жол кырсыгына себепчи болсо, анын отузу адам өлүмү менен коштолгон. Адистер айдоочулардын көп иштеп чарчагандыгы кырсыктын келип чыгышына себеп болгонун айтышат. Мындан тышкары, адистер бир катар өлкөлөрдө айдоочулук күбөлүктөр мыйзамсыз алынганын, жергиликтүү автомектептерде айдоочулукка даярдоо жетиштүү деңгээлде жүрбөгөнүн болжолдошот. Мындан сырткары, аталган үч өлкөнүн жарандары көбүнесе тейлөө чөйрөсүндө, анын ичинде такси кызматында иштегендиги буга кошумча болгону белгиленет.

 
Categories

СҮЛҮКТҮДӨ ШАХТА УРАП ТҮШТҮ

Баткен облусунун Сүлүктү шаарында шахта урап, анын астында бир жаран калып калган. Өзгөчө кырдаалдар министрлигинин маалыматына караганда, 22-декабрь күнү саат 10:40 чамасында «Ашымбай» жоопкерчилиги чектелген коомуна таандык көмүр шахтасы урап түшкөн. Кырсык болгон жерге министрликтин тоо-кен куткаруу взводунун 16 куткаруучусу, тез жардам кызматынан 1 бригада, ИИМден 1 экипаж, шахта жетекчиси жана 20 жумушчу тартылган. Издөө иштери улантылууда жана шахтада калып калган адамдын аты-жөнү такталууда.

 
Categories

КАРАГАЙ БАСЫП КАЗА БОЛДУ

Ысык-Көл облусунда карагай басып калган 34 жаштагы тургун каза болду. Бул тууралуу ӨКМ билдирди. 22-декабрь күнү саат 18:30да облустун Ак-Суу районундагы Жыргалаң шахтасында карагай кыйып жаткан учурда 34 жаштагы тургунду бак басып калган. Жерине ӨКМдин №7 өзүнчө мобилдештирилген тоо-кен куткаруу взводунун куткаруучулары тартылып, маркумдун сөөгүн карагайдын алдынан алып чыгып, туугандарына өткөрүп беришкен.

 
Categories

АКСЫДАГЫ БАЛА БАКЧА ТОЛУГУ МЕНЕН КҮЙҮП КЕТТИ (ВИДЕО)

Аксы районунун Кара-Жыгач айыл өкмөтүнө караштуу Сыны айылындагы бала бакчада өрт чыгып, имарат толугу менен күйүп кетти. Бул тууралуу жергиликтүү тургундар «NewTV» телеканалына кабарлап, видео, сүрөттөрдү жөнөтүшкөн. Тилсиз жоо 7-декабрь күнү кечки саат 11:00дө чыгып, 8-декабрга караган түнү саат 3:45те толук өчүрүлгөн. Бир өрт өчүрүү бөлүмү тартылган. Өзгөчө кырдаалдар министрлигинин маалыматына караганда, жабыркагандар жок, өрттүн

 
Categories

ӨРТ ЧЕКТӨӨГӨ АЛЫНДЫ

Бишкек шаарында турак үйдөн чыккан өрт чектөөгө алынды. Бул тууралуу ӨКМдин маалымат кызматынан билдиришти. Эске салсак, бүгүн эртең менен Улан кичи району тарапта турак үйдөн өрт чыккан. Маалыматка караганда, Ясенский тар көчөсүндөгү турак үйдөн чыккан өрт саат 10:13тө чектөөгө алынды. Учурда тилсиз жоону толук өчүрүү иштери жүргүзүлүүдө. Жабыркагандар жок.