Categories

ЖЭЭНБАЕВА СУРАККА ЧАКЫРЫЛДЫ

Мурдагы финансы министри Бактыгүл Жээнбаева Экономикалык кылмыштуулукка каршы күрөшүү мамлекеттик кызматы тарабынан суракка чакыртылды. Маалыматты Финполдун басма сөз кызматынан тастыкташты. “Бактыгүл Жээнбаева акча каражатын орунсуз жок кылуу фактысынын алкагында ачылган сотко чейинки өндүруш ишинин негизинде күбө катары чакыртылды. Ага чакыруу кагазы бүгүн, 22-октябрда берилген”, – дешти мекемеден. Бактыгүл Жээнбаева Финансы министри болуп 2018-жылдын декабрь айында дайындалган.

 
Categories

ЖОЮЛГАН КЫЗМАТ ЖАНДАНДЫ

Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди. Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон.  Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды. Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат. УКМКга Антикоррупциялык кызматтын иштөөсүн камсыз кылуу, Антикоррупциялык кызматтын мындан аркы ишин оптималдаштыруу боюнча сунуштарды киргизүү тапшырмалары берилди. Жарлык расмий жарыяланган күндөн тартып күчүнө кирет.

 
Categories

АБЫЛГАЗИЕВ СУРАККА ЧАКЫРЫЛДЫ

Мурдагы өкмөт башчы Мухаммедкалый Абылгазиев Финансы полициясына суракка чакырылды. Бул тууралуу аталган мекеменин маалымат кызматы билдирди. Финпол 20-октябрда Абылгазиевге өлкөдөн чыгууга тыюу салынганын, кокус чыгууга аракет жасаса, чек арадан кармаларын кабарлаган. Абылгазиев өзү жергиликтүү маалымат каражаттарына өлкөдөн чыгып кетүү планы жок экенин айткан. Ал өкмөт башчылыктан 2020-жылдын 16-июнунда өз арызынын негизинде кеткен. 2018-жылдын 20-апрелинен тарта өкмөттү жетектеп келди. Байланыш агенттигиндеги жыштык сатуу фактысы боюнча ачылган иште Абылгазиевдин да аты аталган. Бирок өзү муну четке кагып келген.

 
Categories

МЫРЗАКМАТОВ АКТАЛДЫ

Жогорку сот Ош шаарынын экс-мэри Мелис Мырзакматов акталганын кабарлады. Маалымат кызматы тараткан билдирүүдө кечээ, 19-октябрында Жогорку сотто Ош шаардык прокуратурасы тарабынан келтирилген кассациялык сунуштун негизинде жазык иши каралган. Натыйжада Жогорку соттун токтому менен Мырзакматов жөнүндөгү Ош шаардык жана облустук сотунун өкүмдөрү күчүндө калтырылды. Ал эми Ош шаардык прокуратурасынын кассациялык сунушу канааттандырылган эмес. Мелис Мырзакматов 2014-жылдын ноябрында шаарды аралап өтчү асма көпүрөнү салууда коррупциялык иштерге барган деп айыпталып, издөө жарыяланган. Бирок бул убакта ал өлкөдөн чыгып кетүүгө үлгүргөн. Кийин 2015-жылдын июль айында жети жылга сыртынан кесилген. Ошондон бери чет жакта жүрүп, элдик толкундоолордон кийин 7-октябрга караган түнү Ош шаарына учуп келген.

 
Categories

ӨЛКӨ АЙМАГЫНДА АБАЛ ТУРУКТУУ

Кыргызстандын аймагында абал туруктуу жана укук коргоо органдарынын кызматкерлери тарабынан толук көзөмөлдөнүп жатат. Ал эми өлкөдө түзүлгөн кырдаалга байланыштуу ички иштер органдарынын кызматкерлери башка укук коргоо органдары менен бирге кылмыштарды аныктоо, бөгөт коюу жана бетин ачуу боюнча иштерди жүргүзүп жатышат. Республика боюнча 18-октябрга карата Кылмыштардын жана жоруктардын бирдиктүү реестрине 138 кылмыш, 107 жоруктар катталган. Кылмыштарды жана жоруктарды тыкыр иликтөө үчүн тиешелүү ыкчам-тергөө иш-чаралары жүрүп жатат. Ошондой эле, ички иштер органдарынын кызматкерлери жергиликтүү бийлик өкүлдөрү, ыктыярдуу элдик коошундар менен биргеликте коомдук тартипти сактоону камсыздоо боюнча алдын алуу иш-чараларын жүргүзүүдө.

 
Categories

Садыр Жапаровдун мекендештерге кайрылуусу. KG_RU ВИДЕО

 
Categories

К.Ташиев УКМКнын төрагасы болуп дайындалды

Камчыбек Ташиев Кыргызстандын Улуттук коопсуздук мамлекеттик комитетинин төрагасы болуп дайындалды. Тиешелүү буйрукка 16-октябрда Президенттин милдетин аткаруучу, премьер-министр Садыр Жапаров кол койду.

 

 
Categories

ЖК ЖЭЭНБЕКОВДУН ОТСТАВКАСЫН КАБЫЛ АЛДЫ

 Бүгүн “Ала-Арча” мамлекеттик резиденциясында Жогорку Кеңештин кезексиз жыйыны өтүп, анда Сооронбай Жээнбековдун отставкасы каралды. Жогорку Кеңешке келген Сооронбай Жээнбеков депутаттардын алдында сүйлөп жатып 6-октябрдагы окуядан кийин өлкөнү мыйзам нугуна кайтаруу, элдин тынчтыгы үчүн болгон күч-аракетин жумшаганын айтты. Жарандык коом менен жалпыга маалымдоо каражаттарынын аракети үчүн ыраазычылык билдирди. Бишкек шаарын кайтарган элдик кошуунчуларга рахматын айтты. Орусия, Казакстан, АКШ, Британия өлкөлөрүнө, Бириккен улуттар уюмуна, Европа Биримдигине кайдыгер карабагандыгы үчүн ыраазычылыгын айтты. Элдин биримдиги, ар бир адамдын өмүрү кызмат ордунан кымбат экенин белгилеп, “Кудай алдында жана элдин алдында жүзүм жарык”,- деди. Жаңы бийликке ийгилик каалап, Кытай менен байланыштырган темир жолун куруу боюнча иш башталганын, бул долбоор Кыргызстан үчүн керек экенин айтып, аны ийгиликтүү ишке ашырууга чакырды.

 
Categories

16.10.20 Бишкек: Акча алмашуу курсу: доллар ↗ евро ↗ рубль ↘ теңге ↘

Валюталардын алмашуу курсуна байкоо жүргүзүү тутумунун маалыматы боюнча саат 08: 55те, 16.10.2020-жылга карата Бишкек шаарындагы валюта курстары. Кечээтен бери АКШ долларынын орточо сатуу курсу 81,895 сомго, евро 96,31 сомго чейин өстү, орус рубли 1,0574 сомго, ал эми теңге 0,1552 сомго арзандады.
АКШ доллары
Долларды коммерциялык банктарда сатып алуунун эң ыңгайлуу курсу – 81,6 сом ▲ (+0,0106 сом, + 0,013%), сатуу курсу – 81,85 сом ▲ (+0,0117 сом, + 0,0143%).

Моссовет акча алмаштыруучу жайларында АКШ долларынын орточо курсу: сатып алуу – 81,49 сом, сатуу – 81,89 сом.

Кыргыз Республикасынын Улуттук банкынын расмий курсу – 80,7 сом ▲ (+1,0187 сом, + 1,2785%).

Евро
Коммерциялык банктардагы евронун курсу: сатып алуу 93,8 сомдон 95,1 сомго чейин ▲ (+0,0322 сом, + 0,034%), сатуу 95,5 сомдон ▲ (+0,0211 сом, + 0,0219%).

Моссоветте евро орто эсеп менен 94,97 сомдон сатылып алынып, 96,39 сомдон сатылууда ▲ (+0,01 сом, + 0,0104%).

Улуттук банктын расмий курсу – 94.4634 сом ▲ (+0.9295 сом, + 0.9938%).

Рубль
Орус рубли коммерциялык банктарда төмөнкү курс боюнча сатылат: максималдуу сатып алуу – 1,043 сом ▲ (+ 0,0015 сом, + 0,1444%), сатуунун эң жагымдуу курсу – 1,054 сом ▼ (-0 0004 сом, -0,0378%).

Моссовет акча алмаштыруучу жайлар рублди орто эсеп менен 1,039 сомдон сатып алышат ▲ (+0,001 сом, + 0,0963%), 1,059 сомдон сатышууда.

Улуттук банктын рублдин расмий курсу – 1,0353 сом ▲ (+ 0,0042 сом, + 0,4073%).

Теңге
Коммерциялык банктарда казак тенгесин сатып алуунун эң ыңгайлуу курсу – 0,184 сом ▲ (+0.0009 сом, + 0.5105%), сатуу – 0.19 сом ▼ (-0.0008 сом, -0.4082%).

Моссовет акча алмаштыруучу жайларында теңгенин орточо курсу: сатып алуу – 0,1732 сом ▲ (+0,0002 сом, + 0,1156%), сатуу – 0,1967 сом ▼ (-0,0002 сом, -0,1016%).

Кыргыз Республикасынын Улуттук банкынын расмий курсу – 0,1888 сом ▲ (+0,003 сом, + 1,6146%).

 
Categories

Садыр Жапаров: Президенттин милдетин аткаруу укугу мага өттү

Бүгүн, президент Сооронбай Жээнбеков отставкага кетүү чечимин кабыл алганын жарыялады. Баш мыйзам боюнча анын милдетин Жогорку Кеңештин төрагасы, эгер болбосо премьер-министр аткарат деп жазылган.

Жаңы шайланган Жогорку Кеңештин төрагасы Канат Исаев президенттин милдетин аткаруудан баш тартканын  өкмөт башчы Садыр Жапаров аянтка чогулган элдин алдына чыгып сүйлөгөндө билдирди.

“Президенттин жана премьер-министрдин ыйгарым укуктары мага өттү”, — деп айтты С. Жапаров.

КЫРГЫЗ РЕСПУБЛИКАСЫНЫН КОНСТИТУЦИЯСЫНЫН
Кыргыз Республикасынын Президенти жөнүндө жазылган мыйзамдын үчүнчү бөлүмүнүн 68-беренесинин 1-пунктунда.

1. Ушул Конституцияда көрсөтүлгөн себептер боюнча Президент өз ыйгарым укуктарын мөөнөтүнөн мурда токтоткон учурда жаңы Президент шайланганга чейин анын ыйгарым укуктарын Жогорку Кеңештин Төрагасы аткарат. Президенттин ыйгарым укуктарын Жогорку Кеңештин Төрагасы аткарууга мүмкүн болбогон учурда Президенттин ыйгарым укуктарын Премьер-министр аткарат.
Мөөнөтүнөн мурда Президентти шайлоо Президенттин ыйгарым укуктары токтотулган күндөн тартып үч айлык мөөнөттө өткөрүлөт.
2. Президенттин ыйгарым укуктарын аткарып жаткан кызмат адамдары Жогорку Кеңешке мөөнөтүнөн мурда шайлоо дайындоого, Өкмөттү кызматтан кетирүүгө укуксуз.

деп так жазылган.