Categories

Чолпонбаев чоң зыян кылыптыр

Кечээ Башкы прокуратура мурдагы саламаттыкты сактоо министри Космосбек Чолпонбаев кызмат абалынан пайдаланып, мамлекетке жана элдин кызыкчылыгына каршы келген келишим түзүү менен мамлекетке 65 миллион сом зыян кылган деп айып такты.
Чолпонбаев кече соттун чечими менен эки айга камакка алынды.

 
Categories

Мурдагы министр кармалды

Бүгүн 15- сентябрда Экономикалык кылмыштарга каршы күрөшүү кызматы тарабынан мурдагы саламаттыкты сактоо министри Космосбек Чолпонбаев камакка алынды.
Экс министрге ” Шалаакылык” жана “кызмат абалынан кыянаттык менен пайдалануу ” беренелери боюнча айып тагылды.
Белгилей кетсек Чолпонбаев таажылуу вирус пандемиясы башталган тушта саламаттыкты сактоо министри болуп туруп, эпидемиологиялык абалдын курчуп кетишине алдын ала жетиштүү чараларды көрө албагандыгы белгиленип кызматынан алынган болчу.
Бүтүндөй коомчулук саламаттыкты сактоо министрлигинин ишмердигине катуу сын айтып келген.
Эми ошол кездеги премьер-министр Мухаммедкалый Абылгазиевге да кезек жетет өңдүү.
Анткени Космосбек Чолпонбаевдин иши боюнча тергөө материалдарына Абылгазиевдин фамилясы кошулгандыгы маалымдаган.

 
Categories

Мэрия эми эсине келди

Бишкек шаарынын Мэриясынын чечимине ылайык баш калаабыздагы коомдук тамактануучу жайларда кафе, ресторан, тойканаларда Куран окутуу, тойлор өткөрүлсө кылмыш иши козголуп, жоопкерчиликке тартыла турган болду.
Мындай катаал кадамга барууга борборубузда санитардык, эпидемиологиялык абалдын курчуп кетпешинн алдын алуу чарасы аргасыздыгы болгон.
Эң туура болду!
Антпесе эч ким тоготпой эле той өткөрүп, Куран окутуп жатышат.
3000 сом айып пул деген болбогон чара болчу.
Акыркы маалыматтар боюнча тойканаларда той өткөрүү үчүн кезекке жазылуу эки айга чейин узарып, кадимкидей эле тойлор топурап баштаган болчу.

 
Categories

Жол кырсыгынан каза болгондордун саны

Кечээ өкмөттүн жыйынында ички иштер министрлиги ушул жылдын сегиз айында болгон жол кырсыктары боюнча маалымат берди.
Анда айтылгандай сегиз айда
3474 жол кырсыгы катталып 385 адам каза тапкан.
Бул көрсөткүч өткөн жылдын ушул мезгилине салыштырмалуу 15 пайызга аз экен.
Жол кырсыктары көбүнчө айдоочулардын күнөөсү менен болуп жаткандыгы белгиленет ИИМдин баяндамасында.
Көзөмөл камералары орнотулган жолдордо кырсыктар азайгандыгы менен башка аймактарда көп болуп жаткандыгы айтылды.
Учурда өлкөбүздө 1 миллион 348 миң 780 унаа каражаттары катталган.
Акыркы убактарда унаа каражаттарынын саны өтө тездик менен көбөйүүдө.
Анткен менен биздин унаа жолдрубуз мынчалык көп сандагы унааларга эсептелген эмес.
Ошондуктан жолдор тардык кылат, андыктан унаа тыгындары өсүп баратат.
Андыктан заманбап эки кабат айрылыш жолдорду, эстакадалык көпүрөлөрдүн курулушун баштабасак абал күндөн күнгө оорлой берет.
Өкмөт ушуга баш орутушу керек.

 
Categories

Атамбаев үн катты

Буга чейин Батукаевге байланыштуу сот жараянында үн чыгарбай дудук болуп алган мурдагы президент Алмазбек Атамбаев  массалык маалымат каражаттары аркылуу үн катты.
Ал чындап эле Батукаевди бошотуу операциясы болгондугун белгилеп, ал Жаныш Бакиевди Кыргызстанга алып келүүгө байланыштуу болгон эле дейт.
Бирок Жаныш Бакиевди алып келүү планы УКМК тарабынан же кайсы бир жагдайлардан улам ишке ашпай калгандыгын айткан.
Ошентип Атамбаев Батукаевди бошотуу операциясына өзүнүн катышы болгондугун мойнуна алып олтургандай.

 
Categories

Ыктыярчыны сабагандар аныкталды

Мурдагы күнү Аламүдүн районунун Кой-Таш  айылында Пакистандык ыктыярчыны катуу сабап кетишкен жарандардын өздүгү аныкталып, аларды кармоо амалдары жүрүп жатканын Чүй облустук Ички иштер башкы башкармалыгы билдирди.

 
Categories

Алтынай Өмүрбекова суракка чакырылды

Мурдагы вице-премьер министр Алтынай Өмүрбекова экономикалык кылмыштарга каршы күрөшүү кызматы тарабынан суракка чакыртылды.
Алтынай айым фармацевтикалык компаниялардын бири менен жен ичинен сүйлөшүп, жантарткан деп шектелүүдө.
Негизи мурдагы өкмөттөгүлөрдүн арасынан эң эле тыңыраагы ушул Алтынай Өмүрбекова болчу.
Албетте эми калганын тергөө аныктайт эмеспи…

 
Categories

Жарандарды Сирияга согушка жөнөтүп жүргөн жаран кармалды

УКМК тарабынан жүрүгүзүлгөн ыкчам-издөө иш-чараларынын учурунда Кыргызстандын аймагында тыюу салынган эл аралык террористтик уюумунун жалдоочусу 1985-жылы туулган «А.А.» кармалды. Ал Кыргызстандын жана башка Борбордук Азия мамлекеттеринин жарандарын Сирияга согуш аймагына жиберүүгө катышкан.

Бул учур боюнча тергөө органдары тарабынан Кылмыш-жаза кодексинин 395-беренесинин («Жалдануучулук») боюнча каралган кылмышынын негизинде сотко чейинки өндүрүш башталды.

Кармалган адам  УКМК тергөө камак жайына киргизилди.

 
Categories

Жер сатып алдамчылык кылган шектүү изделүүдө

Бишкек шаарынын жашоочусуна Айнагуль аттуу аял ишенимине кирип, “Ак-Ордо” жаңы конушунан жер тилкелерин алып берем деген шылтоо менен 308 миң сом акчасын алып, изин жашырып качып кеткен. ИИМдин Басма сөз кызматынын маалыматына караганда, кийинчирээк жабырлануучу ички иштер органдарына тиешелүү чараларды көрүп берүү жөнүндө арыз менен кайрылып, анда акча каражаттарын алдамчылык менен алектенген аялга ишенип, алдырып жибергендигин билдирген.

Учурда бул иш Кылмыштардын жана жоруктардын бирдиктүү реестрине катталып, Ленин РИИБи тарабынан сотко чейинки өндүрүш башталган.  Бул кылмышка шектүү катары Нарын облусунун жашоочусу 1961-жылы туулган Жумабаева Айнагуль өтүүдө. Ленин РИИБнин тергөө кызматы жана криминалдык милиция кызматы тарабынан шектүү жаранды издөөгө бир нече ыкчам-тергөө амалдары жүргүзүлгөн, бирок азыркы учурга чейин натыйжа болгон эмес.

Бишкек шаарынын Ленин РИИБи тарабынан алдамчылыкка шектүү жаранды кармоого багытталган  ыкчам-издөө чараларын жүргүзүү уланууда.

 
Categories

Эл аралык террористтик уюмдун мүчөсү кармалды

Улуттук коопсуздук мамлекеттик комитети тарабынан өткөрүлүп жаткан контртеррористтик иш-чаралардын алкагында 2019-жылдын аягында эл аралык террористтик уюмдун катарына Сирия Араб Республикасы аркылуу өтүүнү максат кылып, Кыргызстандын аймагынан чыгып кеткен. Кайра ЭТУ тапшырмасы боюнча Кыргызстанга келип, алардын пайдасына үгүт иштерин уюштурган 1996-жылы туулган «Ю.М.» аттуу жаран кармалды.

УКМКдан алынган маалыматка караганда, сотко чейинки өндүрүштүк материалдын негизинде кылмыштардын жана жоруктардын бирдиктүү реестрине катталып, кармалган адам КР УКМК тергөө камак жайына киргизилди.

Учурда ыкчам-тергөө иш-чаралары жүрүп жатат.