Categories

Үй ээлерин жана каржы мекемесин алдап кеткен жаран кармалды

Жүргүзүлгөн ыкчам иш-чаралардын натыйжасында алдоо жолу менен жарандардын мүлкүнө ээ болгон адам Москва шаарынын аймагында жашырынып жүргөн жеринен кармалды. Бул тууралуу ИИМдин маалымат кызматы билдирди.

Москва шаарынын аймагынан Ош облусунун тургуну, 1978-жылы туулган К.К. аттуу жаран кармалган. Ал Кылмыш-жаза кодексинин (эски кодекс) 350-беренесинин 2-бөлүмүндө (Жасалма документти атайылап пайдалануу менен документтерди, мамлекеттик сыйлыктарды, штамптарды, мөөрлөрдү, бланктарды кол менен жасоо, даярдоо, берүү же пайдалануу) көрсөтүлгөн кылмыштарды жасагандыгы үчүн Ош облусунун Алай РИИБдин тергөө органдарынан изин жашырып качып жүргөндүктөн, издөөгө алынган.

Материалдык жактан жеңил баюу максатында жогоруда көрсөтүлгөн жаран 2010-жылы жеке нотариус менен алдын ала сүйлөшүп алып, турак-жайдын ээсинин жеке макулдугу жок, өзү үй ээсинин колун жасап койгон. Андан соң, кылмыштуу жол менен кыймылсыз мүлктү өзүнө ыйгарып алган. 2012-жылы кылмышкер кыймылсыз мүлктү банкка коюп, 300 000 сом өлчөмүндөгү насыяны өз жубайына каттаган. Андан соң, акча каражатын алгандан кийин ан өз керектөөсүнө коротуп, банкка материалдык чыгым келтирген.

Азыркы учурда издөө алган тарап маалымдалып, аны кылмыш жоопкерчилигине тартуу үчүн Кыргыз Республикасына жеткирүү боюнча маселелер чечилди.

 
Categories

Кызыk – Кыя шаарынан “гашиш” баңгизатын алып жүргөндөр кармалышты

Ыкчам-иликтөө иш-чарасын алып баруу учурунда, Кызыл-Кыя шаарынын 54 жаштагы жашоочусу М.у.Ж аттуу жаранга өздүк кароо жүргүзүлүп, жанынан өзгөчө жыты бар жашыл түстөгү зат алынган. Алынган затка экспертиза дайындалып, экспертизанын корутундусуна ылайык «гашиш» баңгизаты экендиги аныкталган. Баткен ОИИБнын Басма сөз кызматынын маалыматына караганда, аталган окуя боюнча  сотко чейинки өндүрүш иши ачылып, тергөө амалдары жүргүзүлүүдө. Кармалган жаран Кызыл-Кыя ШИИБдин убактылуу кармоо жайына киргизилди.

Ошол эле күнү Кызыл-Кыя шаарынын аймагында мурда  Кылмыш-жаза кодексиндеги баңгизатка байланышкан беренеси менен бир нече жолу соттолуп, азыркы учурда ЖАМКнын Кызыл-Кыя шаарындагы №43 жатак абагында жаза мөөнөтүн өтөп жаткан, Кызыл-Кыя шаарынын 49 жаштагы тургуну Б.С. аттуу жаранды тинтүү учурунда жанынан өзгөчө жыты бар жашыл түстөгү зат алынган. Ал зат экспертизанын корутундусуна ылайык «гашиш» баңгизаты экендиги аныкталып, аталган факты боюнча сотко чейинки өндүрүш иши ачылып, тергөө амалдары жүргүзүлүүдө жана жаран Б.С. убактылуу кармоо жайына киргизилди.

 
Categories

Өспүрүм кызды зордуктаган шектүү кармалды

“102” кызматына жашы жете элек өспүрүм кыздын зоордукталгандыгы тууралуу телефон чалуу түшкөн. Свердлов РИИБдин ыкчам тергөө тобу окуя болгон жерге тез арада жетип төмөнкүлөрдү аныкташкан. 2019-жылдын 5-октябрь күнү саат 18:00дон 19:00го чейинки аралыкта азият улутундагы болжол менен 25-30 жаштардагы белгисиз адам Бишкек шаарынын Шопоков көчөсү менен ЧЧКнын кесилишинен 2007-жылы туулган жашы жете элек өспүрүм кызды зордуктаган.  ИИМдин Басма сөз кызматынын маалыматына караганда, Аталган учур Свердлов РИИБдин КЖБРге Кыргыз Республиксынын Жазык Кодексинин 161-беренесинин 4-бөлүмү (Зордуктоо) боюнча кылмыш иши катталган.

Ыкчам -иликтөө иш-чараларынын жүрүшүндө жогорудагы кылмышка шектелип, 10-октябрь күнү Өзбекстан Республикасынын 1985-жылы туулган А.Ш. аттуу жараны кармалган. Ал курулушта иштеп, Бишкек шаарынын аймагында убактылуу иштеп келген. Мурда Өзбекстан Республикасынын Кылмыш-жаза кодексинин бейбаштык беренеси боюнча соттолгон. Күнөөсүн толугу менен моюнуна алды.

Азыркы учурда башка кылмыштарга тиешеси бардыгын текшерүү боюнча иш-чаралар жүрүп жатат.

 
Categories

Ири өлчөмдөгү алдамчылыгы үчүн издөөдө жүргөн жаран Москвадан кармалды

ИИМдин РФдеги Өкүлчүлүгү тарабынан Бишкек ШИИББдин КМКнын ыкчам коштоосу аркылуу Москва шаарынын аймактык укук коргоо органдары менен биргеликте өзгөчө ири өлчөмдөгү алдамчылык жана ири суммада салыкты төлөөдөн качуу үчүн издөөдө жүргөн жарандын кайда экендиги такталды. Бул тууралуу ИИМдин маалымат кызматы билдирди.

Ыкчам-иликтөө иш-чараларын жүргүзүү учурунда Кыргызстанда жасаган кылмыш иши үчүн тергөө органдарынан  качып, 8 жылдан бери издөөдө жүргөн Кыргызстандын жараны кармалды. Талас облусунун тургуну, 1979-жылы туулган М.М. аттуу жаран Кылмыш-жаза кодексинин  көрсөтүлгөн кылмышты жасагандыгы үчүн Бишкек шаарынын Ленин РИИБдин тергөө органдары тарабынан издөөдө жүргөн.

2011-жылы жогоруда көрсөтүлгөн жаран ЖЧКнын биринин башкы директору кезинде 7-апрель окуясында жабыр тарткандардын бири катары ишкерлик менен алектенүү шылтоосу менен 14 млн. сомдук насыя алуу үчүн банкка кайрылган. Тиешелүү документтерди тапшырып жана күрөөгө мүлкүн койгон соң 5 80 000 сом өлчөмүндөгү насыяны өзүнө каттатып, андан соң күрөөгө коюлган мүлк үчүн калган насыянын суммасын төлөбөй, өзүнө 2 188 000 сомду ээлеп алып изин жашырып кеткен.

Андан сырткары, М.М. аттуу жаран  Өкмөтүнө караштуу Экономикалык кылмыштуулукка каршы күрөшүү боюнча мамлекеттик кызматынын Ош шаары боюнча башкармалыгы тарабынан  Кылмыш-жаза кодексинин  213-беренесинин 2-бөлүмүндө көрсөтүлгөн кылмышты жасагандыгы үчүн издөөдө жүргөн.

2012-жылы жогорудагы жаран ЖЧКнын директору кезинде мыйзамсыз баюу жана өзүнө мүлктү ыйгарып алуу максатында бир нече ай күйүүчү май менен цементти өзгөчө ири өлчөмдө иштетип жүргөн. Ал өзүнүн иш-аракетинин мыйзамсыз экендигин билип туруп, салык органдарынан каржы отчетун жашырып, салыкты төлөөдөн качып, мамлекеттик бюджетке жалпы суммасы 1 766 000 суммасындагы чыгаша келтирген.

Издөөгө алган тарапка маалымдалып, азыркы учурда М.М. аттууну кылмыш жоопкерчилигине тартуу үчүн Кыргыз Республикасынын аймагына алып келүү маселелери чечилүүдө.

 
Categories

Ош облусунда белгилүү спортсмендин катышуусундагы ок атышуу боюнча иликтөө жүрүп жатат

2019-жылдын 22-сентябрында болжол менен саат 09:40 чамасында милицияга Ош облусунун аймактык ооруканасынан билдирүү келип түшүп, анда Ош облусунун 1990-жылы туулган жашоочусу денесинен жаракат алып түшкөндүгү маалымдалган. Бул тууралуу ИИМдин маалымат кызматы билдирди.

Чакырууга барышкан милиция кызматкерлери тарабынан жаран Р. уулу Т. бел тарабына ок атуучу куралдан жаракат алгандыгы такталган. Аны оорукананын жандандыруу бөлүмүнө которушуп, операция жасашып, учурда травматалогия бөлүмүнө которулду.

Аталган факты КЖБРге катталып, ИИМдин Тергөө кызматы Жазык кодексинин 138-беренеси (Саламаттыкка оор залал келтирүү) боюнча сотко чейинки өндүрүш жүрүп жатат. Ал эми ыкчам-тергөө иш-чараларын ИИМдин КМКнын Аймактар аралык башкармалыгы жүргүзүүдө.

Болжолдуу иликтөөнүн жүрүшүндө жабырлануучуну ооруканага жеткиришкен бир нече жарандар суракка алынган. Саламаттыкка оор залал келтирүү фактысы боюнча соттук-медициналык, соттук-биологиялык жана башка экспертизалар дайындалды. Азыркы учурда ИИМдин Тергөө кызматы аталган окуянын чоо-жайын аныктоо максатында сотко чейинки иликтөө жүргүзүп жатат.

 
Categories

Карамушкина менен Кодуранова Кой-Таш боюнча мамлекеттик комиссиянын чакыруусунан баш тартышкан

2019-жылдын 7-8-августунда Кой-Таш айылында түзүлгөн кырдаалды изилдөө боюнча мамлекеттик комиссиянын мүчөлөрү кезектеги жыйынын өткөрүштү. Бул тууралуу өкмөттүн маалымат кызматы билдирди.

Бүгүнкү жыйынга Жогорку Кеңештин депутаттары Ирина Карамушкина жана Асел Кодуранова кайрадан чакырылган. Вице-премьер-министрдин айтымында, Мамкомиссиянын катчылыгы кат түрүндө парламентке тиешелүү чакыруу жөнөткөн, бирок эл өкүлдөрү катышуудан баш тартышкан. Комиссиянын бир катар мүчөлөрү комиссиянын кийинки көчмө жыйынын Жогорку Кеңештин имаратында өткөрүүнү сунушташты. Мында депутаттар Ирина Карамушкина жана Асел Кодуранова менен жолугушуу күтүлүүдө. Бул сунуш комиссиянын өкүлдөрү арасында колдоо тапты.

Андан соң аскердик прокурор  Нуркамал Набиев, ошондой эле Башкы прокуратуранын тергөөгө көзөмөл жүргүзүү боюнча башкармалыгынын жетекчиси Замир Бейшекеев Жогорку Кеңештин №3218 токтомун аткаруу боюнча маалымат беришти.

 
Categories

Кара – Сууда каракчылык менен 6 жаран кармалышты

2019-жылдын 31-август күнү Кара-Суу районунун ички иштер бөлүмүнө аймактык ооруканадан чет өлкөлүк жаран денесинен жаракат алып, ооруканага түшкөндүгү тууралуу кабар келип түшкөн. Бул тууралуу  Ош ОИИБдин Басма сөз кызматы кабарлады.

1964-жылы туулган Л.Л. аттуу чет өлкөлүк жарандын Кара-Суу шаарында жашаган үйүнө бейтааныш 4 атуул киришип, аны бычак менен коркутушуп, колу бутун байлап, уруп денесине жаракат келтиришип, 20 000 сом акчасын, баасы 30 000 сомдук “Ховавей” үлгүсүндөгү уюлдук телефонун жана баасы 20 000  сомдук ноутбугун алып чыгып кетишкен. Ош ОИИБдин жана Кара-Суу РИИБнин Криминалдык милиция кызматынын кызматкерлери тарабынан жүргүзүлгөн ыкчам иш-чаралардын натыйжасында Кара-Суу шаарынын жашоочулары 2002-жылы туулган М.М (мурда соттолгон) 2003-жылы туулган Х уулу Х., 2004-жылы туулган К.С. жана 2002-жылы туулган Б.Б.(мурда соттолгон) аттуу жарандар кармалышкан.

Тергөөнүн жүрүшүндө кылмышка шектүүлөрдүн жанынан жабырлануучуга таандык баасы 30 000  сомдук “Ховавей” үлгүсүндөгү уюлдук телефонун жана баасы 20 000 сомдук ноутбук далил буюм катары алынды. Тергөөнүн жүрүшүндө шектүү катары өтүп жаткан жарандар тарабынан жасалган башка кылмыштары да белгилүү болду. Алар мындан сырткары башка жарандарга карата каракчылык, уурулук кылган фактылары аныкталып, булар менен кылмышка катышкандар Кара-Суу шаарынын жашоочулары 2003-жылы туулган Б.И. жана 2005-жылы туулган Б.А. аттуу жарандар кармалышты.

Бул окуя Ноокат РИИБдин кылмыштардын жана жоруктардын бирдиктүү реестрине катталып, Жазык кодексинин 202-берененин (каракчылык), 200-берене (уурулук) жана Жорук кодексинин 90-берененин (орчундуу эмес өлчөмдө уурдоо) негизинде сотко чейинки өндүрүшкө алынып, кылмышка шектүүлөр Кара-Суу райондук сотунун чечими М.М. жана Б.Б. бир айга камакка алынды. Ал эми калган шектүүлөр жашы жете элек болгондуктан соттун чечими менен үй камагына чыгарылып, ата-энелерине тапшырылды.

 
Categories

Чындыкты жашырган ИИМ кызматкерлери кармалышты

2018-жылдын 28-августунда Бишкек шаардындагы Ахунбаев Курчатов көчөлөрүнүн кесилишиндеги «Ярмарка» дүкөнүнүн жанында  К.Сеитбеков жана Ж.Бапышов тарабынан У.Белеков жана А.Молдожиевдер катуу токмоктолгон.

Бул окуядан кийин ал жерге Чүй облусунун уюшулган кылмыштуулука каршы күрөшүү бөлүмүнүн кызматкери К.Бапышов кылмышты өз убагында аныктоого тоскоолдук кылуу максатында  Бишкек шаардык ШИИБ милициянын күзөттөгү кайгуул кызматынын экипажы  менен биргеликте сүйлөшүп алып аталган кылмышка катышкан адамдардын изин жашырган. Бул тууралуу УКМКнын маалымат кызматы билдирди.

Бул окуя Бишкек шаарынын Ленин райондук прокуратурасы тарабынан кылмыштардын жана жоруктардын бирдиктүү реестрине  Кылмыш-жаза кодексинин 320-беренси 2-бөлүгү жана 348-берененин 1-бөлүгү боюча катталып тергөө иштери  Бишкек шаардык башкы башкармалыгынын тергөө башкармалыгына өткөрүлүп берилген.

Жазык- процессуалдык кодексинин 98-беренсине ылайык айтылган кылмыштарга шектүү катары Бишкек шаардык ШИИБ милициянын күзөттөгү кайгуул кызматынын экипажы Э.С. жана М.К. кармалышты. Кармалгандар  УКМКнын тергөө камак жайынын убактылуу кармоочу жайына киргизилишти. Тергөө иштери жүрүп жатат.

 
Categories

Зыяндуу боектор менен басылган окуу китептери табылды

Бишкек шаарынын билим берүү мекемелери үчүн дайындалган китептерден контрафакттык оку китептери табылып алынды. Бул тууралуу УКМКнын маалымат кызматы билдирди.

Москва шаарынын “Просвещение” басмаканасынын, И.Раззаков атындагы Кыргыз техникалык университетинин, КР Саламаттык сактоо министрлигинин ооруларды алдын алуу департаментинин жана мамлекеттик санитардык-эпидемиологиялык көзөмөлүнүн адистери тарабынан жүргүзүлгөн экспертизанын жыйынтыгында, алынган китеп үлгүлөрүндө колдонулган боек компоненттери зыяндуу аралашмалардан тургандыктан окуучулар үчүн коркунучтуу деп табылды жана алынган китептер мыйзамсыз басылып чыккандыгы аныкталды.

2019-жылдын 3-сентябрында Дордой базарында тинтүү жүргүзүлүп, анда билим берүү мекемелери үчүн Москва шаарынын “Просвещение” басмаканасынын атынан дайындалган 28 аталыштагы 8000 контрафакттык көчүрмө китептер табылган. Ыкчам-издөө иш чарасынын жүрүшүндө табылган китептердин бир бөлүгү Бишкек шаарынын жеке басмаканаларында («Аль Салам» жана «Турар» ЖЧК) чыгарылган.

Азыркы учурда жасалма китептердин даярдаган уюштуруучуларды   аныктоо максатында тиешелүү тергөө иш-чаралары жүрүп жатат.

 
Categories

Атамбаевдин камакка алынган мал-мүлкүнүн тизмеси жарыяланды

Башкы прокуратура мурдагы президент Алмазбек Атамбаевдин камакка алынган мал-мүлкүнүн тизмесин жарыялады.

Банктагы эсептер

 

1. “Кыргызкоммерцбанк”

2. “Кыргызстан” коммерциялык банкы

3. “Оптима Банк”

4. “Кыргыз-швейцария банкы”

5. “Капитал Банк”

6. Россия-Кыргызстан “Аманбанк”

7. “Толубай” акционердик коммерциялык банкы

8. “РСК Банк”

9. “Демир Кыргыз Интернэшнл Банк”

10. “БТА Банк”

11. “Дос-Кредобанк”

12. “ЭкоИсламикБанк”

13. “Евразия сактык банкы”

14. “Азия Банкы”

15. “Бакай Банк”

16. “Халык Банк Кыргызстан”

17. Пакистандын улуттук банкынын Бишкектеги филиалы

18. “Кыргыз инвестициялык-кредит банкы”

19. “ФинансКредитБанк”

20. “Айыл Банк”

21. “Росинбанк”

22. “Бай-Түшүм” банкы

23. “ФИНКА Банк”

24. “Чанг Ан Банк”

25. “Банк Компаньон”

Банктагы ячейкалар кимдерге таандык болгон? Юридикалык жана жеке тараптар

1. Атамбаев Алмазбек Шаршенович

2. Атамбаева Раиса Минахмедовна

3. “Кыргызавтомаш” ААКы

4. “Апрель-ТВ” ЖЧКсы

5. “Апрель” коомдук фонду

6. “Редакция телерадиокомпании “Канал D” (“Канал Ди”) ЖЧКсы

7. “Адамдын туруктуу өнүгүүсү маселелери боюнча республикалык коомдук эксперттик кеңеши” (“Республиканский общественный экспертный совет по вопросам устойчивого человеческого развития”) коомдук бирикмеси

8. “Ден соолук жана узак жашоо” медициналык-билим берүүчү илимий борбору” (“Медико-образовательный научный центр “Здоровье и долголетие”) мекемеси

9. “Телерадиоуюмдарынын ассоциация” юридикалык жактардын бирикмеси

10. “Кыргызавтомаш” корпорациясынын ишкерлер ассоциациясы” юридикалык жактардын бирикмеси

Камакка алынган мал-мүлкү. Алмазбек Атамбаевге тиешелүүлөрү:

  • Toyota Land Cruiser, 2000-жылы чыккан;
  • Mitsubishi Pajero, 1997-жылы чыккан;
  • Toyota Land Cruiser, 1998-жылы чыккан;
  • MAN үлгүсүндөгү жүк ташуучу автоунаа, 1993-жылы чыккан;
  • BMW X5, 2001-жылы чыккан;
  • жер тилкеси, Аламүдүн району, Кой-Таш айылы, б/н көчөсү;
  • жер тилкеси, Ысык-Көл району, Чоң-Сары-Ой айыл аймагы, квартал “Курорт-рекреациялык аймагы”;
  • жайыт, Аламүдүн району, Арашан айылы;
  • жер тилкеси, Аламүдүн району, Арашан айылы;
  • көп жылдык бактар, Аламүдүн району, Кой-Таш айылы;
  • жер тилкеси, Аламүдүн району, Кой-Таш айылы;
  • Ден соолукту чыңдоо борбору, Аламүдүн району, Кой-Таш айылы;
  • турак үй, Аламүдүн району, Арашан айылы, Полевой көчөсү;
  • көп жылдык бактар, Аламүдүн району, Арашан айылы;
  • көп жылдык бактар, Аламүдүн району, Арашан айылы, Татыр аймагы.

Раиса Атамбаевага таандык мүлк:

  • Toyota Land Cruiser, 2004-жылы чыккан;
  • Mercedes-Benz 600, 1994-жылы чыккан;
  • ГАЗ 3110, 1999-жылы чыккан;
  • батир, Бишкек шаары, Москва көчөсү;
  • турак үй, Бишкек шаары, Новооктябрь көчөсү.

“Кыргызавтомаш” ААКына таандык мүлк:

  • Бишкек шаарындагы Матросов көчөсүндө киши жашабаган 38 имарат;
  • Бишкек шаарынын Матросов көчөсүндө алты жер тилкеси;
  • Бишкек шаарынын Матросов көчөсүндөгү темир жолу;
  • Бишкек шаарынын Матросов көчөсүндөгү соода борбору;
  • Бишкек шаарынын Лев Толстой көчөсүндөгү киши жашабаган имарат;
  • Бишкек шаарынын Матросов көчөсүндөгү 19 цех;
  • Бишкек шаарынын Ибраимов көчөсүндөгү үч батир;
  • Бишкек шаарынын Матросов көчөсүндөгү дүкөн;
  • Бишкек шаарынын Матросов көчөсүндөгү тогуз кампа;
  • Бишкек шаарынын Матросов көчөсүндөгү резервуар;
  • Бишкек шаарынын Жал кичи районундагы көп бөлмөлүү үй;
  • Бишкек шаарынын Жал кичи районундагы 17 батир;
  • Бишкек шаарынын Матросов көчөсүндөгү кеңсе;
  • Бишкек шаарынын Горький көчөсүндөгү киши жашабаган имарат.

“Медиа Форум” ААКына таандык мүлктөр:

  • Бишкек шаарынын 7-апрель көчөсүндөгү жер тилке;
  • Бишкек шаарынын 7-апрель көчөсүндөгү жер тилке;
  • Бишкек шаарынын 7-апрель көчөсүндөгү адам жашабаган имарат;
  • “Форум илимий-өндүрүш фирма” ЖЧКсына таандык мүлктөр;
  • Ысык-Көл районунун, Чолпон-Ата шаарындагы “Курорт-рекреациялык аймак” кварталындагы курулушу бүтө элек объекти;
  • Ысык-Көл районунун, Чолпон-Ата шаарындагы “Курорт-рекреациялык аймак” кварталындагы курулушу бүтө элек объекти;
  • Ысык-Көл районунун, Чолпон-Ата шаарындагы “Курорт-рекреациялык аймак” кварталындагы жер тилке;

“Апрель-ТВ” ЖЧКсына таандык мүлктөр:

  • Радио, студия ТВ, Жалал-Абад шаары, Ленин көчөсү;
  • Теле борбор, Жалал-Абад шаары, Ленин көчөсү;
  • “Апрель” коомдук фонду;
  • “Канал D” (Канал Ди) телерадиокомпания редакциясы” ЖЧКсы;
  • “Адамдын туруктуу өнүгүүсү маселелери боюнча республикалык коомдук эксперттик кеңеш” коомдук бирикмеси;

“Ден соолук жана узак жашоо” медициналык билим берүүчү илимий борбору” (“Медико-образовательный научный центр “Здоровье и долголетие”) мекемеси;

“Телерадиоуюмдарынын ассоциациясы” юридикалык жактардын бирикмеси;

“Кыргызавтомаш” корпорациясынын ишкерлер ассоциациясы” юридикалык жактардын бирикмеси.