Categories

Элдар Алишеров: Бажы төлөмүн узартууга Орусия, Казакстан макул болбой тургандай

Кечээ,  18-ноябрда Москвада ЕАЭБдин жыйыны башталганы белгилүү болгон. Жыйында Кыргызстан алыскы өлкөлөрдөн алынып келинген унааларды азыркы бажы төлөмүн узарта турууну суранмак.

Биз ошол отурумда жеңилдиктерди дагы 2-3 жылга узартып бергиле дегени жатабыз. Мындай пикирин Экономика министринин орун басары Элдар Алишеров маалымат каражаттарына билдирди.

Элдар Алишеров: “Бирок жыйындын  алдында мен мүчө мамлекеттердеги өзүмүн кесиптештерим, тактап айтканда  экономика министрлеринин орун басарлары менен пикир алмаштым, Орусия, Казакстан макул болбой тургандай. Анткени ар ким өзүнүн өндүрүшүн коргойт”, – деди.

 
Categories

Атамбаев абакта китеп окуп, спорт залга барып жатыптыр

Депутат Ирина Карамушкина кесиптештери Асел Кодуранова, Альфия Самигуллина менен учурда УКМКнын убактылуу кармоочу жайында кармалып турган  мурдагы президент Алмазбек Атамбаев менен жолугуп чыгышканын Фейсбуктагы баракчасына жазды. Ал маалыматтарда Алмазбек  Атамбаев ал жакта китеп окуп, спорт залга барууда.

Ошону менен катар эле  Атамбаев №1 тергөө абагында жаткан тарапташтарынын бошотулушун керектигин, алар экс-президентти мыйзамсыздыктан гана коргошконун, укук коргоо органдары эгерде өзүнүн күнөөсүн далилдей алса, отурууга даяр экенин айткан.

Андан сырткары Атамбаев Жээнбековдорду кечирүүгө даяр экенин айтканын баса белгилейт.

 
Categories

Турсунбек Акун Атамбаевден 100 миң сом өндүрүү үчүн сотко кайрылды

Мурдагы акыйкатчы Турсунбек Акун ар – намысына шек келтиргендиги үчүн экс-президент Алмазбек Атамбаев 100 миң сом төлөп берүүсүн талап кылып, Октябрь райондук сотуна арыз жазды. Бул тууралуу Турсунбек Акун өзү маалымат каражаттарына билдирди.

Ал маалыматтарга караганда, экс-президент Алмазбек Атамбаев “мыйзамдагы ууру” Азиз Батукаев абактан бошогондо Т. Акун 100 миң доллар пара алган деп айткандыгы үчүн сотко берген. Турсунбек Акун: “100 миң сом Атамбаев үчүн чоң акча эмес. Мен ал акчаны кайрымдуулук иштерине жетимдер үйүнө берем”,-деди.

Ошондой эле мурдагы акыйкатчы “Апрель” телеканалынан да  Атамбаевдин 8–июнда митингде акча алгандыгы тууралуу айткандыгын эфирге  кетиргендиги үчүн 20 миң сом айып пулга жыгууга даяр. Эгерде аталган телеканал кечирим сураса арызын кайтарып алышы мүмкүн.

 
Categories

Сатылып жаткан ундардын 80 пайызы Казакстандыкы

Өткөн жумада Жогорку Кеңештин депутаттары тарабынан өлкөбүзгө сырттан контрабанда жолу менен кирип жаткан ундар тууралуу маселе көтөрүлгөн болчу.

Депутат Алмазбек Эргешов: “Контрабанданын айынан өлкөнүн казынасына айына 2 млрд. сом бюджетке түшпөй жатат. Бул каражатка 20 мектеп салсак болот. Кыргызстанда базарларда сатылып жаткан ундун 90 пайызы контрабанда болуп жатат. Контрабанда боюнча комитетте карап, Жогорку Кеңештин жалпы жыйынынын  күн тартибине киргизүү керек. Ошол эле учурда Кыргызстандагы ун комбинаттары бүтүндөй токтоп турушат. Алардын айрымдары 650 млн. сом жылына салык төлөшөт”,-деген.

Ал эми бүгүн  ата мекендик ун өндүрүүчүлөр Президентке жана Жогорку Кеңештин төрагасына кайрылуу жасашты. Анда  Кыргыз-Казак чек арасында аткезчилик менен күрөшүүнү сурашты.  Алардын маалыматына караганда,  ата мекендик ун өндүрүүчүлөр мурда  рыноктун 80 пайызын ээлеп келишсе, азыр болсо 20 пайызын гана ээлеп калышкан.

 
Categories

Дүйшеев: “Уран кенинин утурумдук пайдасына караганда зыяны көп”

Тоо-кен өнөр жайы жана геологдор ассоциациясынын төрагасы Орозбек Дүйшеев Кыргызстандын аймагында уран кендерин иштетүүгө тыюу салуу демилгесин колдой турганын Жогорку Кеңештеги коомдук угууда билдирди. Бул тууралуу Жогорку Кеңештин маалымат кызматы билдирди.

Орозбек Дүйшеев: “Тоо-кен тармагында бирдиктүү саясат жок. Ошонун айынан 2019-жылдын 1-январына карата 2800 лицензия берилиптир. Уран – өтө зыяндуу зат. Андан адам эле эмес, экология да бузулат. Урандын экономикалык жактан да пайдасы аз, анын калдыктарынан арылууга миллиарддаган сом каражат жумшалат, – деди.

Эске сала кетсек, “Кыргызстанда геологиялык издөө, геологиялык чалгындоо иштерине жана уран, торий чыккан жерлерди иштетүүгө байланыштуу иштерге тыюу салуу жөнүндө” мыйзам долбоорун талкуулоого арналган коомдук угуу өтүп жатат. Иш-чарага депутаттар, өкмөт мүчөлөрү, мамлекеттик органдардын жетекчилери, окумуштуулар менен эксперттер, коомдук уюмдардын өкүлдөрү катышууда.

 
Categories

Кубанычбек Кадыров: Атамбаевдин “мурун эле миллионер болчумун” дегени калп

“Жүз пайыз билем аны. Экөөбүз олтурганда жигиттерди чакырып “тигинден барып 2 миң доллар, мындан миң доллар сурап кел” деп айтканын өз көзүм менен көрүп, өз кулагым менен уккам.  Атамбаевдин “мурун эле миллионер болчумун” дегени калп”-деди, “Жаңы Ордо” гезитине берген маегинде.

 
Categories

“Фрунзе Гипермаркетиндеги көз боемочулук”

Бул видео биздин www.newtv.kg веб сайтынын ‘Мобилдүү репортер’ рубрикасына келип түшкөн.
Жогорудагы тасмада кардар элди алган товарларына көңүл буруп, алданбоого чыкырат.

 
Categories

Текебаевдин иши боюнча президентке кайрылуу жолдонду

Акыркы күндөрү саясатчы Өмүрбек Текебаевди камактан бошотуу аракеттери кызыгандыгы байкалууда. Муну айрымдар учурда өлкөбүздөгү саясый себептер менен байланыштырса, айрымдар анын орусиялык ишкер Л. Маевскийдин камакка алынышы менен байланыштырышууда.

Бүгүн “Ата Мекен” фракциясынын депутаттары Ө. Текебаевге байланыштуу маалымат жыйын өткөзүштү. Жыйында аталган фракциянын депутаттары президентке кайрылуу жолдогону маалым болду.

Кайрылууда орусиялык ишкер Леонид Маевскийдин калп көрсөтмөсү менен Ө. Текебаев камалганы, анын камалышы ал адамдын шылуундугун ырастап тургандыгы айтылат. Кылмыш ишти кайра кароо керектиги белгиленген.

 
Categories

Азамат Жаманкулов: “Мага сыйлык сурап эмес, жаңы идея менен келүүңүздөрдү суранам”

Маданият, маалымат жана туризм министри Азамат Жаманкулов жалпы жарандык коомчулукка  кайрылуу жасады. Анда мындай деп айтылат:

Азамат Жаманкулов: “Бүгүнкү күндө жалпы маданият тармагында  жасала турган иштер арбын. Алсак,   кыргыз  элинин тарыхый-маданий жана рухий мурастарын сактоо менен маданият жана искусство, кесиптик  классикалык музыкадан баштап, элдик чыгармачылык чөйрөсүн өнүктүрүү, калктын ата мекендик жана дүйнөлүк маданияттын байлыктарына аралашуусу үчүн шарттарды түзүү, туристтик сектордо көрсөтүлүүчү   кызматтардын сапатын жогорулатуу, Кыргызстандын  туристик потенциалын көтөрүү жана эл аралык аренага Кыргызстандын кадыр баркын калыптандыруу вазийпасы эң негизгилерден болуп турат.

Алдыда жалпы маданият тармагында аткарыла турган көптөгөн иштер  турат. Жалпы маданият  тармагында  көйгөйлөр да жок эмес, аны   жоюу үчүн болгон күч аракетимди жумшоого аракет кылам.

Биз улутубуздун улуулугун, тарыхыбыздын тактыгын, руханий байлыгыбыздын,  унутта калып бара жаткан улуттук каада – салттарыбызды маданиятыбыз менен гана тааныта  алабыз. Бул үчүн маданият тармагында эмгектенген ар бир кызматкер өз салымын кошуусу керек. Муну менен катар, маданият тармагындагы эмгектенип жаткан ар бир кызматкер өтөгөн кызматы, маданият тармагына кошкон салымы үчүн өзүнүн баасын алышы керек.

Бүгүнкү күндө министрликке  келген жарандардын 90 пайызы  наам, сыйлык алуу маселелери  менен келип жатышат. Бул көрүнүштү токтотуубуз  керек.  Жалпы жарандык коомчулуктан: “Мага сыйлык сурап эмес, жаңы идея менен келүүңөрдү суранам”.  Андыктан, аткарыла турган иштердин маанилүүлүгүн эске алып,  маданият тармагында жасалып жаткан иштерге көмөк көрсөтүп,  мага арка бел болууга чакырам.

Министрлик өз компетенциясынын чегинде сыйлыкка келип түшкөн документтерди коллегия курамы менен карап, процедура боюнча мамлекеттик сыйлыктарды кароо боюнча катчылыкка жөнөтөөрүн белгилеп кетким келет” – дейт.

 
Categories

Биз калем менен тарыхты жараткан адамдарбыз

Биз бүгүн маркум журналисттерди эскерүү менен алардын жеке өмүрүн эмес, өлкөбүздүн 28 жылдык тарыхын эстедик. 1990  – жылдарды эстейличи. Тарыхтын дөңгөлөгүн тегереткен журналисттер болгон. Сөз эркиндиги болбосо, кайдан демократия келсин?

Журналисттердин калеминен, кыргыз эгемендүү мамлекетинин алгачкы сарчөбү түптөлдү. Легендарлуу парламентти жараткан да журналисттер болгон. Эгер журналисттер болбосо, алардын эмгеги коомчулукка кайдан жетмек? Журналисттердин калеминен тарых жаралды. Кичиней калемдин учунан тарыхты жаратуу эмне деген эмгекти талап кылат?  Биз ушуну жасай алдык. Бул эмгек үчүн ар дайым сыймыктанууга акылуубуз, деп ойлойм.

Эгемендүүлүктүн алгачкы жылдары кандай татаал, оор болсо, биз бүгүн эскерип жаткан кесиптештерибиздин айрымдарынын тагдыры, жеке турмушу оор болду. Бул нерсени да айтып коюушубуз керек.

28 жылдык эгемендүүлүгүбүздүн тарыхында көзү өтүп кетишкен 120 журналист биздин досторубуз, курбу, бирге окуган курсташтарыбыз болчу. Бир кезде жаныбызда басып, тамаша айтып жүрсө, бүгүн арабызда жок. Бирок, сөзү, эмгеги, чырмачыгылыгы калды. Ар бирибиздин үйдө алар менен бирге баскан сүрөттөр жеке альбомдорубузда сакталып калды.  Алардын арбактарына жакшы сөз айтуу да аларды бейишке чыгарса керек.

Бирок, аларда мамлекетибиз, элибиз оңолсо деген зор кыял, үмүт бар болчу. Алар өмүрүнүн акыркы күндөрүнө чейин дал ушундай үмүт, тилектер менен жашашты. Аларды жашаткан сүйгөн журналисттик кесиби, бир куплет ыры, чыгармачылыгы болчу.

Алардын калеминен акыйкаттыкты издеген канчалаган көз жаш тыйылды. Керек болсо, алардын калеминен улуттар аралык кастык да токтоду. Ал турсун мен мындай айткым келет, Алардын калеминен эми эми атылып кетчү автомат атылбай калды. Адамдардын өмүрү сакталды. Муну 1990 – 2010 – жылдагы окуялардан улам жакшы билебиз

Биз жаман десек жаман болгон. Биз жакшы десек жакшы болгон учурлар болду. Биздин пикирден, биздин айткан сөздөрдөн саясый карама каршылыктар да келип чыкты. Балким өлкөбүз андан пайда көрүп же болбосо тескерисинче зыян тартып калган учурлар болгондур.  Анкени, биз коомдук пикирди жаратуучуларбыз. Ал эми коомдук пикир  эң зор күч. Андыктан жакшы сөздөрдү айтуу учуру келди го дейм…

Майрамыңыздар менен калемдештер!