Categories

Саясатчылар элди ойлойбу?..

Соңку күндөрү өлкөбүздө саясат жогорку чыңалууда турат.
Парламенттик шайлоону ыплас мыйзам бузуулар менен өткөргөн бийлик эл тарабынан жарым жартылай жазаланды.
Мындай дегеним президент Сооронбай Жээнбеков Акүйдөн куулганы менен дачасына жашынып иштеп жатат.
Өлкөбүздөгү кырдаал турукташып, баары мыйзам талаасына түшкөндө кызматымдан кетем деген президентти айрым саясатчылар менен жакын адамдары айткан сөзүнөн кайтууга үндөп жатат.
Эгер андай болсо анын кесепети канчалык кайгылуу жана өкүнүчтүү болоорун президент сезбей жатса анда чын эле абдан кейиштүү.
Кечээ Канат Исаевди Жогорку Кеңештин төрагасы кылып шайлоого жетишкен президент жана анын жан жөкөрлөрү кайра күчтөнүп баштадык дешсе чоң жаңылышат.
Парламенттен премьер-министр болуп бекиген Садыр Жапаровго жарлык чыгаруудан баш тартып, артка кайтаруусу чоң чырдын башталышына жол ачпаса болду.
Анткен менен президенттин антип артка кайтарууга укугу жок. Баш мыйзамда андай норма каралбаган.
Баш мыйзамда президент дайындайт же дайындабайт деген эле так эреже бар.
Үч күн ичинде президент кол койбосо автоматтык түрдө дайындалды деп эсептелип өкмөт иштей берет.
Демек Садыр Жапаровдун өкмөтү мыйзамга ылайык ишке киришти.
Демек президент жаңы эреже тапты.
Ушундан улам президент кырдаалды турукташтырмак түгүл кайра курчутууга жол ачты.
Өкүнүчтүү…
Анткени элдин маанайы такыр башка.
Жээнбековдун эл арасындагы кадыр баркы төмөндөгөндөн төмөндөп баратат.
Демек анын мындан ары өлкөнү башкарууга такыр моралдык укугу калбады.
Ал азыр жаңы парламенттик шайлоону өткөрүп коюуп кетем деген ойго келди.
Өткөн парламенттик шайлоону дал ушул президент таза, ачык өткөрө албай шерменде болдуго.
Анан эми кантип кайра шайлоо өткөрүүгө укуктуу болмок.
Бүгүн Садыр Жапаровдун тарапташтары кайрадан борбордук аянтка чогулууда.
Кайрадан кооптуу абал жаралууда.
Саясатчылар бир пикирге келип, бардык саясий оюндарды токтотпосоңор болбойт.
Элди кыйнабагыла!
Элдин жашоосун, өлкөнүн экономикалык абалын ойлонгула!
Ансыз да көйгөйлөр өтө көп…

 
Categories

Аллахтын каргышына калбагыла

Бүгүн Кыргызстан Дин башкармалыгы учурдагы оор кырдаалда, ооруп кыйналып жаткан элге айрым дарыканалар дары-дармектердин баасын кымбаттатып, эселеп көтөрүп сатып жатышкан көрүнүштү кескин айыптап чыкты.
Муфтият мындай учурга Мухаммед пайгамбардын белгилүү хадистеринде айтылгандарды мисал келтирди.
Кыйналган элдин эсебинен пайда табууну көздөгөндөрдүн соодасында береке болбосун, тескерисинче Аллахтын каргышына каларын эскертти.
Кудайдан корккулачы көпөстөр…

 
Categories

Кыргызстандын Москвадагы элчилигине оозун тигип алган жаран келген

Москвада кыргыз элчилигине Жаныбек аттуу жаран оозун тигип алып келген. Бул тууралуу  Baza Телеграм-каналы жазды. Ал маалыматтарга караганда, аталган жаран мындай аракети менен жалгыз нааразычылык акциясына чыгууну максат кылган.

Ал эми ал жердегилер тез жардам машинасын чакырышып, ага медициналык жардам көргөзүшкөн. Ошондой эле полиция кызматкерлери да келишкен.

 
Categories

Орусия Кантка аба соккусунан коргогон техника орнотууну көздөп жатат

Орусия Кыргызстандын Кант шаарындагы авиабазасына аба соккуларынан коргой турган техника орнотууну көздөп жатат. Бул тууралуу«РИА Новостинин» маалыматына таянуу менен Борбордук Азия жаңылыктар кызматы жазды.

Ал маалыматтарга караганда, Орусиянын коргоо министринин орун басары Николай Панков Канттагы базанын макамы жана анын жайгашуу шарттары боюнча протоколду ратификациялоо боюнча Мамлекеттик Думанын жыйынында билдирди. Президент Владимир Путиндин 2019-жылы Кыргызстанда өткөн мамлекеттик сапарынын алкагында Орусиянын бирдиктүү аскер базасы боюнча келишим жаңыртылган.

Протоколго ылайык, базанын аянтын кеңейтүү жана учкучсуз аппараттарды колдонуу эрежелерине өзгөртүү киргизилген. Орус тарап бирдиктүү базадагы жерди колдонуш үчүн Кыргызстанга жылына 4 миллион 794 миң доллар төлөмөй болгон. Мурда бул сумма 4,5 миллион доллардын тегерегин түзчү. Кыргызстанда Орусиянын төрт аскер объектиси жайгашкан. Алардын эң ириси – Канттагы авиабаза.

 
Categories

Ширин Айтматова өмүрлүк жолдошунун Алматы шаарында дайынсыз болуп жаткандыгын маалымдады

Жогорку Кеңештин мурдагы депутаты Ширин Айтматова өмүрлүк жолдошу Алматы шаарында дайынсыз болуп жаткандыгы тууралуу өзүнүн “Твиттер” баракчасына жазды. Анда ал Казакстандын президенти Касым Жоомарт Токаевге кайрылуу жолдогон.

“Мен граждандык активист Ширин Айтматова . Сиз жакында менин Бишкектеги атамдын музейине барып кеткенсиз. Бүгүн менин өмүрлүк жолдошум Алматы шаарында дайынсыз болууда. Милиция жана чек ара кызматкерлеринин эч кимиси  мага жообун бербей жатышат” деп кайрылды.

Айрым маалымат каражаттарынын билдиргенине караганда, Ширин Айтматованын жолдошу Сыргак Кенжебаевди 19-декабрда Казакстандын Алматы шаарынын аэропортунан белгисиз бирөөлөр кармап кетишкен.

Эске сала кетсек, Ширин Айтматова буга чейин “Үмүт 2020” кыймылын негиздеп, бир топ коррупциялык маалыматтарды жарыялап келет.  

 
Categories

Ала – Тоо аянтында балалуу аял өзүн өрттөгөнгө аракет кылды

Ала – Тоо аянтында коррупцияга каршы митингден кийин Фарида аттуу балалуу аял өзүн өрттөгөнгө аракет кылды. Анын мындай кадамга баруусуна  жакындарынын сотто адилеттикке жетпей жаткандыгы себепчи болууда.

Ал эми милиция кызматкерлери ал аялды сөзгө келтиришип, ак үйду көздөй жетелеп алып кетишти.

 
Categories

Элдар Алишеров: Бажы төлөмүн узартууга Орусия, Казакстан макул болбой тургандай

Кечээ,  18-ноябрда Москвада ЕАЭБдин жыйыны башталганы белгилүү болгон. Жыйында Кыргызстан алыскы өлкөлөрдөн алынып келинген унааларды азыркы бажы төлөмүн узарта турууну суранмак.

Биз ошол отурумда жеңилдиктерди дагы 2-3 жылга узартып бергиле дегени жатабыз. Мындай пикирин Экономика министринин орун басары Элдар Алишеров маалымат каражаттарына билдирди.

Элдар Алишеров: “Бирок жыйындын  алдында мен мүчө мамлекеттердеги өзүмүн кесиптештерим, тактап айтканда  экономика министрлеринин орун басарлары менен пикир алмаштым, Орусия, Казакстан макул болбой тургандай. Анткени ар ким өзүнүн өндүрүшүн коргойт”, – деди.

 
Categories

Атамбаев абакта китеп окуп, спорт залга барып жатыптыр

Депутат Ирина Карамушкина кесиптештери Асел Кодуранова, Альфия Самигуллина менен учурда УКМКнын убактылуу кармоочу жайында кармалып турган  мурдагы президент Алмазбек Атамбаев менен жолугуп чыгышканын Фейсбуктагы баракчасына жазды. Ал маалыматтарда Алмазбек  Атамбаев ал жакта китеп окуп, спорт залга барууда.

Ошону менен катар эле  Атамбаев №1 тергөө абагында жаткан тарапташтарынын бошотулушун керектигин, алар экс-президентти мыйзамсыздыктан гана коргошконун, укук коргоо органдары эгерде өзүнүн күнөөсүн далилдей алса, отурууга даяр экенин айткан.

Андан сырткары Атамбаев Жээнбековдорду кечирүүгө даяр экенин айтканын баса белгилейт.

 
Categories

Турсунбек Акун Атамбаевден 100 миң сом өндүрүү үчүн сотко кайрылды

Мурдагы акыйкатчы Турсунбек Акун ар – намысына шек келтиргендиги үчүн экс-президент Алмазбек Атамбаев 100 миң сом төлөп берүүсүн талап кылып, Октябрь райондук сотуна арыз жазды. Бул тууралуу Турсунбек Акун өзү маалымат каражаттарына билдирди.

Ал маалыматтарга караганда, экс-президент Алмазбек Атамбаев “мыйзамдагы ууру” Азиз Батукаев абактан бошогондо Т. Акун 100 миң доллар пара алган деп айткандыгы үчүн сотко берген. Турсунбек Акун: “100 миң сом Атамбаев үчүн чоң акча эмес. Мен ал акчаны кайрымдуулук иштерине жетимдер үйүнө берем”,-деди.

Ошондой эле мурдагы акыйкатчы “Апрель” телеканалынан да  Атамбаевдин 8–июнда митингде акча алгандыгы тууралуу айткандыгын эфирге  кетиргендиги үчүн 20 миң сом айып пулга жыгууга даяр. Эгерде аталган телеканал кечирим сураса арызын кайтарып алышы мүмкүн.

 
Categories

Сатылып жаткан ундардын 80 пайызы Казакстандыкы

Өткөн жумада Жогорку Кеңештин депутаттары тарабынан өлкөбүзгө сырттан контрабанда жолу менен кирип жаткан ундар тууралуу маселе көтөрүлгөн болчу.

Депутат Алмазбек Эргешов: “Контрабанданын айынан өлкөнүн казынасына айына 2 млрд. сом бюджетке түшпөй жатат. Бул каражатка 20 мектеп салсак болот. Кыргызстанда базарларда сатылып жаткан ундун 90 пайызы контрабанда болуп жатат. Контрабанда боюнча комитетте карап, Жогорку Кеңештин жалпы жыйынынын  күн тартибине киргизүү керек. Ошол эле учурда Кыргызстандагы ун комбинаттары бүтүндөй токтоп турушат. Алардын айрымдары 650 млн. сом жылына салык төлөшөт”,-деген.

Ал эми бүгүн  ата мекендик ун өндүрүүчүлөр Президентке жана Жогорку Кеңештин төрагасына кайрылуу жасашты. Анда  Кыргыз-Казак чек арасында аткезчилик менен күрөшүүнү сурашты.  Алардын маалыматына караганда,  ата мекендик ун өндүрүүчүлөр мурда  рыноктун 80 пайызын ээлеп келишсе, азыр болсо 20 пайызын гана ээлеп калышкан.