Categories

Жалал – Абадда журналист С. Сатыбалдиевага кол салуу болду

Жалал – Абадда журналист Санрабия Сатыбалдиевага кол салуу болгондугун жергиликтүү маалымат каражаттарынын өкүлдөрү билдиришүүдө.  Сатыбалдиева  буга чейин  YouTube дан ар кандай темадагы жаңылыктарды чагылдырып келгендиги маалым.

Ал маалыматтарга караганда, С. Сатыбалдиева көчөдө бара жаткан учурда белгисиз бирөөлөр ага бычак менен кол салган. Журналист алган жаратынан улам ооруканага кайрылууга аргасыз болгон.

 
Categories

Эл аралык террористтик уюмдун тогуз жараны кармалды

УКМК тарабынан өткөрүлгөн контртеррористик иш-чаралардын алкагында, Чүй облустунда эл аралык террористтик уюмдун (ЭТУ) ячейкасынын ишмердүүлүгү токтотулуп, жыйынтыгында беш чет элдик жана төрт Кыргыз Республикасынын жарандары кармалышты. Бул тууралуу УКМКнын маалымат кызматы билдирди.

Алар 2017-жылдан баштап Сирия жана Афганистан республикасындагы ЭТУ согушкерлеринин катарына жарандарды тартуу иштерине активдүү катышып турушкан.  Ошондой эле  Кыргызстанга жасалма жарылуучу заттарды жана ок атуучу куралдарды колдонуу менен диверсиялык акцияларды уюштуруу максаттарын ишке ашырууну көздөшкөн.

Чет элдик жарандар КМШ жана Борбордук Азия өлкөлөрүнө террордук ишмердүүлүкө катыштыгы бар деп айыпталып издөөдө жүрүшкөн. Алар ЭТУ эмиссарларынын тапшырмасы менен ЭТУ катарын тажрыйбалуу согушкерлер менен толуктоо үчүн зарыл болгон шарттарды түзүү максаттында Кыргызстанга жөнөтүлгөн.

Азыркы учурда УКМК тергөө органдары козголгон кылмыш иштеринин алкагында чет жактагы атайын кызмат өкүлдөрү менен биргеликте тиешелүү комплекстүү иш-чараларды жүргүзүп жатат.

 
Categories

Сирияга 100 миң доллар жиберген адам кармалды

2018-жылдын 14-октябрында УКМК тарабынан өткөрүлгөн контртеррористтик иш-чараларынын жыйынтыгында, Бишкек шаарынан Кыргыз Республикасынын жараны, 1990-жылы туулган эл аралык террористтик уюмдун (ЭТУ) мүчөсү О.У. кармалды. Аны текшерүү учурунда  А.Р. аттуу адамга тиешелүү, мурда Сирия согуш аракетинде катышып жүргөн ЭТУ согушкерине таандык  жасалма паспорт табылган. Бул тууралуу УКМКнын маалымат кызматы билдирди.

Кармалган адам Сирияда согушкерлеринин ЭТУ мүчөсү болуп, согушкерлерге ар кандай көмөк көрсөтүп, финансылык каржылоо менен алектенип, чет өлкөлөрдө жашыруун ячейкалардын катарында жүргөн. Алдын ала маалыматтар боюнча О.У. 100 миң АКШ долларын Сириядагы ЭТУ согушкерлерин каржылоо катарында жиберген.

О.У. карата УКМК тергөө органдары тарабынан КР Кылмыш-жаза кодексинин 226-1 беренеси (Террорчулук ишти финансылоо), 299-1 беренеси (Улуттук (этностор аралык), расалык, диний же регион аралык кастыкты козутууга багытталган уюшкан иш-аракет) жана 350-беренеси (Документтерди, мамлекеттик сыйлыктарды, штамптарды, мөөрлөрдү, бланктарды колго жасоо, даярдоо, сатуу же алардын жасалмаларын пайдалануу) боюнча кылмыш ишин козголду.

Кармалган адам КР УКМК тергөө камак жайына киргизилди. Учурда тергөө жүрүп жатат.

 
Categories

3 метр тереңдикте көмүп койгон автоунаа табылды

УКМК тарабынан жүргүзүлгөн контртеррористик иш-чаралардын алкагында, сирия жана ирак аймагында согуштук аракеттерде катышкан эл аралык террористтик уюмдун ( ЭТУ ) ишмердүүлүгүн мындан ары каржылоо максатында колунда бар адамдарды курал-жарак колдонуу менен “Ганимат” деп, атап алып, карактаган ЭТУ мүчөлөрү аныкталды. Бул тууралуу УКМКнын маалымат кызматы билдирди.

Ири “Ганиматты” ишке ашыруу максатында жашыруун топтун лидерлери акча каражаттарын ташыган канал тууралуу узак убакты маалымат топтоп жана курал колдонуу менен каракчылык иштерин жасашып, автоунааны кылмыш ишин жашыруу үчүн ээн аймака көмүп салышкан.

2018-жылдын 23-октябрында УКМК тарабынан ыкчам иш-чараларынын жүрүшүндө Баткен облусунан 2015-жылдын апрел айларында кылмыштуу топтун мүчөлөрү кылмыштуу курал катары талап-тоноодо колдонуп, 3 метр тереңдикте көмүп койгон автоунаа табылды.

Контрабандалык жол менен алынып келген акчасы бар Ош шаарынын жашоочусуна кол салып 1 млн.  300 миң АКШдолларын тоногондугу боюнча буга чейин козголуп жана токтотулган кылмыш алкагында УКМК жана ИИМ биргеликте ыкчам-тергөө тобу түзүлүп, бул кылмыш иштин ээлеринин аракеттерин процессуалдык жактан бекитүү боюнча тергөө иш чаралары жүргүзүлүүдө.

Азыркы убакта тергөөгө байланыштуу тиешелүү ыкчам-издөө иш-чаралары жүрүп жатат.

 
Categories

Стамбулдагы кримтөбөлдөрүнүн жыйынына Кыргызстан менен Тажикстандан 50гө жакын криминал авторитети барды

7-октябрда Стамбулдун Аксарай кичи районунда Кавказ жана Борбор Азия өлкөлөрүнүн криминал төбөлдөрүнүн жыйыны болду. Анда Азербайжан криминал дүйнөсүнүн лидери, «Лоту Гули» деген каймана ат менен белгилүү Надир Салифов төрагалык кылды.

Өзбекстандагы өз булактардын (кримтөбөл жана криминал дүйнөсүнө жакын ишкер) кабарлашынча, «мыйзамдагы уурулардын» жыйынына учурда Түркияда жашап жүргөн Кавказ жана Борбор Азия өлкөлөрүнүн криминал дүйнөсүнүн ондогон өкүлдөрү катышты.

– «Мыйзамдагы уурулардын» жыйынында борборазиялык кримтөбөлдөрдүн лидери катары «Самарканддык Ахтам» аттуу авторитет сүйлөдү. Мындан тышкары жыйынга учурда Түркияда жашап жүргөн Өзбекстан кылмыштуу дүйнөсүнүн 100гө жакын өкүлү катышты. Ошондой эле Казакстандан 30, Кыргызстан менен Тажикстандан 50гө жакын криминал авторитети барды», — деди Стамбулдагы жыйынга катышкан өзбекстандык кримтөбөл.

Жыйындын дагы бир катышуучусунун айтымында, бул мурдагы СССР өлкөлөрүнүн криминал авторитеттеринин эң ири жыйындарынын бири болду. «Буга чейин Стамбулда мындай жыйын болгон эмес. Анда негизинен кайсыл бир талаштуу маселелерди кантип чечүү керектиги жана чечим кабыл алууда ким калыстык кыла тургандыгы талкууланды. Ошондой эле ортого чогулган акчаны кандай коротуу керектиги жөнүндө да сөз болду», — деди ал.

Мындан тышкары жыйында ортодогу каражаттан ири суммада акча алган өзбек ишкеринен карызын кайтарып берүүсүн талап кылышты. Булактын айтымында, 2010-жылы өзбек ишкерлеринин бири 2019-жылга чейин кайтарып берүү шарты менен ортодогу акчадан 10 миллион АКШ долларын алган.

Түрк маалымат каражаттарынын кабарлашынча, кримтөбөлдөрдүн жыйынынан кийин, 8-октябрда Стамбулдун уюшкан кылмыштуулукка каршы күрөшүү полициясы 46 жаштагы Надир Салифовду кармаган. «Хурриет» басылмасынын маалыматына караганда, Салифов «адам өлтүрүү үчүн кол салууга», «маңзат аткезчилигине» жана «алдамчылыкка» шектелүүдө.

Постсоветтик аймактагы эң белгилүү криминал авторитети эсептелген Надир Салифов («Лоту Гули») «адам өлтүрүү», «курал-жарак сактоо», «маңзат сатуу» жана «алдамчылык» айыптары менен 22 жыл түрмөдө отуруп, 2017-жылы эркиндикке чыккан.

“Борбор Азия жаңылыктар кызматы”

 
Categories

Украинадагы кыргыз элчисинин машинасы уурдалды

Кечээ Украинадагы кыргыз элчисинин “Тойота Хайландер” үлгүсүндөгү автоунаасы уурдалгандыгы тууралуу Тышкы иштер министрлиги маалымдоодо. Учурда Украинанын тийешелүү күч кызматкерлери иликтөө иштерин жүргүзүүдө.

Атайын маалыматтарга караганда, кыргыз элчилиги Украинанын Тышкы иштер министрлигине болгон окуя тууралуу нааразычылык катын жөнөткөн.

Ал жерде кыргыз элчилигинин кызматын Жусупбек Шарипов аткарууда.

 
Categories

Кыргызстанда маңзат ташуунун эл аралык каналы аныкталды

Кыргызстанда маңзат ташуунун эл аралык каналы аныкталды. Бул тууралуу Улуттук коопсуздук боюнча мамлекеттик комитети кабарлады.

3-октябрда Кыргызстандын аймагы аркылуу өткөн Ооганстанда өндүрүлгөн маңзат кармалды. Анын салмагы 12 кг 810 гр түздү. Баңгизат каналын уюштурган адам кармалып, ага карата кылмыш иши козголду.

Тергөө иштери уланууда.

 
Categories

Оор кылмышкер, куралдуу Ж. Бекмурзаев жүгөрү талаасына кире качты

Жылдызбек Бекмурзаев аттуу жаран Ош областынын Кара-Суу районунда издөөдө жүргөн.  Ал кечээ эгин талаасында түштө милиция кызматкерлеринин алдынан күтүүсүз чыга калып, аларды атам деп, коркутуп жүгөрү талаасына кире качып кеткен. Учурда ал изделүүдө. Ош облустук Ички Иштер башкармалыгынын маалыматына караганда, ал жалгыз эмес. Үч адам болушу мүмкүн. Алардын куралдары бар. Жүгөрү талаасы 40 гектарга жакын болгондуктан ал аймак толугу менен курчоого алынып турат.

Мурда Ж. Бекмурзаев чек араны мыйзмасыз кесип өтүп жатканда Казакстанда кармалган. Андан соң Жылдызбек Бекмурзаев 6 айга эркинен ажыратылган. Кийинчерээк түрмөдөн качып кеткендигине байланыштуу коңшу мамлекеттин укук коргоо органдары тарабынан издөө жарыяланган.

Дагы бир маалыматтарга караганда, Жылдызбек Бекмурзаев өтө коркунучтуу кылмышкер экендиги айтылууда. Ал буга чейин Кыргызстанда адам өлтүрүү, талап тоноо, уурулук иштери менен шектелип келген. Мындан сыркары Бишкекте  Абдышүкүр Нарматовдун үйүнө уурулук кирген. Бишкектеги кытай ресторанын, акча алмаштыруучу жайдын тонолуусу боюнча изделип келет.

 
Categories

А. Шыкмаматов: “Улан Саляновдун өлүмүнө шектүү “Сен адам өлтүрсөң мурунку кылмышымды жаап беребиз”-деген деп, айтып жатат”

Мурдагы прокурор А. Салянованын иниси Улан Саляновдун атылышы боюнча жаңы жагдайлар пайда болгондугу айтылууда. Жакында ал адам өлтүрүү ишине катышкан үчүнчү адамдын кармалганы кабарланды.

Ал эми бүгүн  “Ата – Мекен” фракциясы чуулгандуу иштерди талкуулаган кеңири жыйынында фракциянын төрагасы А. Шыкмаматов бул иште саясый заказ бар экенин ачыктады. А. Шыкмаматов: “ Ал кылмышка шектүүлөр кармалып, иштер сотко өттү. Анын бири айтып жатат. “Бирөө менин мурунку кылмыш кылганымды жаап беребиз . Сен бирөөнү өлтүр”- деп, айткан дегени протоколдо жазылып жүрөт. Мунун баарын терең иликтебей иш сотко өтүп кетти. Бул кылмыш ишинин заказчиктерин табыш керек. Ишти кайра тергөөгө кайтаруу керек. Ал кылмышка күч органдары аралашкан. Ошондуктан иш сотко тездик менен өтүп кетти. Бул жерде саясый заказ бар” – деди.

 
Categories

Аида Салянованын инисинин өлүмүнө шектүү үчүнчү адам кармалды

Экс-депутат Аида Салянованын иниси Улан Саляновдун өлүмүнө шектүүлөрдүн үчүнчүсү да кармалганын 12-сентябрда  ИИМдин маалымат кызматынан билдирди. Саляновдун өлүмүнө байланышкан кылмыш иштин алкагында шектүү Орусиянын Екатеринбург шаарынан кармалган.

 ИИМдин  август айындагы ыкчам изилдөө иштеринин негизинде 1988-жылы туулган Заур Насруллаев деген шектүү жаран  колго түшүрүлгөн. Ал берген көрсөтмөсүндө өзүнө карата тагылган айыптарды моюнуна алган.

Ошондой эле ИИМдин маалыматы боюнча, январь айында да шектүү катары 1983-жылы туулган Асанэмир Абыкулов аттуу жаранга издөө жарыяланып, ал Орусия аймагынан кармалганын кабарлады.

Учурда шектүүлөрдү Кыргыз жерине өткөрүп алуу аракеттери көрүлүп жатат.

Эске салсак, Улан Саляновду 2017-жылдын 6-ноябрына караган түнү Бишкектеги үйүнөн белгисиз адамдар атып кетишкен. Факты боюнча кылмыш иши ачылып, анын негизинде шектүү катары 1986-жылы туулган Бишкек шаарынын Э.Осмонкулов аттуу тургуну кармалып, Бишкек ШИИББинин убактылуу кармоочу жайына киргизилген. Шектүү кармалган учурда анын жанынан Салянов атылган “Макаров” тапанчасы 17 огу менен табылган.