Categories

Сузакта курулуш башкармалыгынын кызматкери пара алып жаткан жеринен кармалды

Сузак райондук шаар курулуш жана архитектура башкармалыгынын жооптуу кызматкери пара алып жаткан жеринен кармалды.

Бул тууралуу Экономикалык кылмыштуулукка каршы күрөшүү боюнча мамлекеттик кызматынын (Финансы полициясы) басма сөз кызматынан кабарлашты.

Маалыматка ылайык, Финполдун кызматкерлери тарабынан жүргүзүлгөн ыкчам-тергөө иш-чарасынын натыйжасында Ж.Т. аттуу жаран пара менен колго түшкөн.

Учурда сотко чейинки өндүрүш иши жүрүүдө.

 
Categories

Пара алып жаткан милиция кызматкерлери кармалышты

ИИМдин Ички иликтөө кызматы ички иштер органдарынын катарынан кызматтык кызыкчылыктарды саткандардан, паракорлордон, мыйзамды бузгандардан, коомчулуктун алдында милиция кызматкерлеринин кадыр-баркына көө жапкандарды тазалоого багытталган иштерди улантып жатат. ИИМдин Басма сөз кызматынын маалыматына караганда, жарандардын арыздарын жана даттанууларын кароодон баш тартуу, кылмыштарды каттоодон жашыруу, пара талап кылуу, оройлук боюнча өзгөчө көңүл бурууда.

ИИМдин ички иликтөө кызматына Р.И. аттуу жаран кайрылып, ал майда бейбаштык учуру боюнча сотко чейинки өндүрүштөгү маселени оң жагынан чечип берем деп 10 миң сом өлчөмүндөгү акча каражатын талап кылып жаткан Бишкек шаарынын Биринчимай РИИБдин милициянын аймактык ыйгарым укуктуу өкүлүнө карата тиешелүү чараларды көрүп берүүлөрүн суранган.

Жүргүзүлгөн ыкчмам-тергөө иш-чараларынын жүрүшүндө Бишкек шаарында №3 балдар ооруканасынын аймагынан 7000 сом акча каражатын алуу учурунда Биринчимай РИИБдин милициянын аймактык ыйгарым укуктуу өкүлдөрү С.С. менен А.А. аттуулар кармалды.

 
Categories

Зилалиевдин «Оптима банктын» ячейкасында сакталган 900 миң доллары ачыкталды

Биз банктагы ячейканы ачканда 900 миң доллардын тегерегинде акча бар экен. Анык суммасы эсимде жок. Ал акчалар атайын пакетте сакталган болчу. Ар бир пакетте 100 миң доллардан бар болчу. Алар 100 жана 50 далларлык купюралар эле. Мындай маалыматты бүгүн  Биринчи май райондук сотунда  Дүйшенбек Зилалиевдин мыйзмасыз байуу боюнча иши каралып жаткан учурда күбө айтты.

Анын маалыматына караганда, Зилалиев өз каражаттарын «Оптима банктын» ячейкасында 2017-жылы сактаган. Ячейканын мөөнөтү өтүп, ээси келбегендигине  байланыштуу банк тарабынан атайын комиссия түзүлүп, ячейканы ачып бошотушкан. Алынган каражаттар видеого тартылып, банктын сактоочу жайына өткөрүлүп берилген.

Ал эми андан эки жума өтүп, тактап айтканда 2017-жылдын август айында «Оптима банктан»  Дуйшенбек Зилалиев комиссия тарабынан алынган 900 миң долларын алып кеткен.

Прокурор андан кийин күбөдөн Зилалиев башка ячейканы ачкандыгы тууралуу сурады. Күбө тарабынан Зилалиев башка ячейка ачуу тууралуу келишим түзүп, бир аз пайдалангандан кийин кайра жаап салгандыгы айтылды.

 
Categories

ЭККМК кызматкери тарабынан түзүлгөн коррупциялык түзүм аныкталды

Экономикалык кылмыштуулукка каршы күрөшүү боюнча мамлекеттик кызматынын (ЭККМК) кызматкери тарабынан уюштурулган Евразиялык экономикалык биримдик (ЕАЭБ) кирген өлкөлөрдөн Кыргызстандын аймагына салык төлөмдөрүсүз товар ташылып келип турган туруктуу жагдай аныкталды.

2017-2018-жылдары Экономикалык кылмыштуулукка каршы күрөшүү боюнча мамлекеттик кызматынын Аламүдүн жана Иссык-Ата райондорунун райондор аралык бөлүмүнүн улук ыкчам кызматкери  «К.С.А.», кызыктар адамдар менен биргеликте, Кыргызстандын аймагына ЕАЭБ өлкөлөрүнөн жалган «О.у. С.» жана «А.у.Д.» наамына жалпы суммасы 127 млн. сомду түзгөн товарларды импорттогон. Буга байланыштуу  кошумча салык түрүндө төлөөгө тийиш болгон 15 млн. сомдон ашык мамлекеттин казынасына зыян келтирилгени аныкталды. Мындан тышкары аталган ЭККМК кызматкери эл аралык издөөдө жүргөн «БМВ-Х5» үлгүдөгү авто унааны пайдаланып жүргөнү такталды.

2018-жылдын ноябрь айларында ЭККМК жетекчилиги тарабынан аталган коррупциялык схемага тиешеси бар делген негизде «К.С.А» ээлеген кызматынан четтетилген, жабырлануучу «А.у.Д.» жана башкаларга салык төлөмдөрүнөн качуу боюнча сотко чейинки өндүрүш иштер өзүнчө ачылган.

Сотко чейинки өндүрүштүн алкагында «К.С.А.»  Кылмыш-жаза кодексинин 319-беренеси (Коррупция) боюнча айып тагылып, 6-февралда Октябрь райондук соту тарабынан  УКМК тергөө камак жайына 2 айга камоо башкоргоо чарасы каралды.

 
Categories

Президент Сооронбай Жээнбеков Кара-Көл шаардык сотунун судьясы Ыманбековду кызмат ордунан убактылуу чететти

Президент Сооронбай Жээнбеков Судьялар кеңешине караштуу Тартип комиссиясынын киргизген сунушуна ылайык, Жалал-Абад облусунун Кара-Көл шаардык сотунун судьясы Ыманбеков Памирбек Жакыпбековичти кызмат ордунан убактылуу четтетүү тууралуу Жарлыкка кол койду.

Өлкө башчысынын маалымат кызматынын билдиргенине караганда, Судьялар кеңешине караштуу Тартип комиссиясы Памирбек Ыманбековду кызмат ордунан убактылуу четтетүүгө жана жазык жоопкерчилигине тартууга макулдук берүү жөнүндө сунуш менен мамлекет башчысына кайрылган.

Буга Башкы прокурор Өткүрбек Жамшитовдун  Памирбек Ыманбековго карата сунушу негиз болгон.

 
Categories

Сот аткаруучу пара алып жаткан учурда кармалды

Ыкчам-тергөө иштеринин жүрүшүндө, өзүнүн иш бөлмөсүндө пара алуу учурунда Чүй областынын Аламүдүн районунун сот аткаруу кызматынын бөлүмүнүн соттук аткаруучусу 1982-жылы туулган “Н.Т.” кармалды.

УКМКнын маалыматына караганда, “Н.Т.” кызматтык абалынан пайдаланып “Ч.у.Э.” аттуу Кыргызстандын жаранынан жол кырсыгы тууралуу өндүрүш иштерин токтотуу үчүн пара талап кылган. Аталган сотко чейинки өндүрүш  Кылмыш-жаза кодексинин 326-беренесинин 1-б. (Пара талап кылуу) боюнча Кылмыштардын жана жоруктардын бирдиктүү реестрине катталган.

Кармалган адам КР УКМК Тергөө камак жайынын Убактылуу кармоочу жайына киргизилди.

Учурда кылмыш-иштин алкагында ыкчам-тергөө иштери жүрүп жатат.

 
Categories

Коопсуздук кеңешинин катчылыгы Чек ара кызматынын подполковниги Талгат Алановдун арызын көзөмөлгө алды

Мамлекеттик чек ара кызматынын подполковниги Талгат Алановдун арызын кароо создуктурулуп жаткандыгына байланыштуу Коопсуздук кеңешинин катчылыгы тийиштүү сотко чейинки өндүрүштүн мындан аркы жүрүшүн көзөмөлгө алды. Талгат Алановдун арызындагы келтирилген бардык жүйөөлөрдү сотко чейинки өндүрүштө дыкат уюштуруу жана текшерүү үчүн курамына УКМКнын тийиштүү түзүмдүк бөлүмдөрүнүн кызматкерлери кошулган ыкчам тергөө тобу түзүлөт. Улуттук коопсуздук мамлекеттик комитетине Борбордук аппаратынын бөлүмдөрүнүн кызматкерлерин  Аскер прокуратурасынын жогоруда аталган ыкчам-тергөө тобунун курамына киргизүү үчүн жөнөтүү сунушталды.

Мындан тышкары, бейшемби, 30-январда Коопсуздук кеңешинин катчысы Дамир Сагынбаев подполковник Талгат Алановду кабыл алды. Андан алынган материалдар сотко чейинки өндүрүштөгү материалдар менен жалпылоо үчүн Аскер прокуратурасына жөнөтүлдү.

 
Categories

«Унаа» мамлекеттик мекемесинин кызматкерлерине 100дөй кылмыш иштери козголгон

Укук коргоо органдары тарабынан «Унаа» мамлекеттик мекемесинин кызматкерлерине 2018-2019-жылдар аралыгында 100дөй кылмыш иштери козголуп, алар боюнча сотко чейинки өндүрүш башталган. Мындай көрүнүш Коопсуздук кеңешинин коррупцияга каршы күрөшүү жумушчу тобу тарабынан аныкталган.

Ошондой эле «Унаа» ММ директору Алымжан Козубаев сотко чейинки өндүрүштүн өзүнчө материалдары боюнча өтүп жатат. Мекеменин жетекчилиги арыздарды жана автоунааларды каттоонун, кайра каттоо үчүн тийиштүү документтердин онлайн берүү механизмин иштеп чыгып, киргизген эмес. Мындан улам «Унаа» мамлекеттик мекемесинин ишмердүүлүгүндө  коррупциялык тобокелчиликтер сакталып, өлкө жарандары үчүн ыңгайсыздыктарды жаратуу уланууда.

Айдоочулук укуктан ажыраган айдоочулар жөнүндө документтердин автоматташтырылган маалыматтар базасына өзгөртүүлөр киргизилген эмес. «Унаа» ММ ишмердүүлүгүн санариптештирүү боюнча бир катар долбоорлор ишке ашырылган эмес.

 

 
Categories

Укук коргоо органдары Насирбек Алмаматовду кайрадан эстешти

Коопсуздук кеңешинде өлкө башчысы тарабынан аты аталган Насирбек Алмаматовго Интерпол аркылуу эл аралык издөө жарыяланды. Бул эргул өткөн жылы УКМК кызматкерлери тарабынан ал автоунааларды каттоо жана кайра каттоо иштеринде, айдоочулук күбөлүк берүүдө коррупциялык иштерге баргандыгы тууралуу айыпталып, кармалгандыгы маалым.

Андан соң  Октябрь райондук соту Алмаматовду 12,5 жылга эркинен ажыраткан болчу. Ал эми Бишкек шаардык соту кийин өкүмдү жокко чыгарып, ага 3 миллион 300 миң сом айып пул салуу менен боштуп жиберген Андан соң дайынын таптырбай кеткен.

 
Categories

Жээнбеков: Коррупцияга каршы күрөштө жакшы жыйынтыктар бар бирок, иш дагы эле жетишсиз

«Коррупцияга каршы күрөштө бир катар жакшы жыйынтыктарына жеттик, бирок, иш дагы эле жетишсиз», деп баса белгиледи  Президент Сооронбай Жээнбеков бүгүн, 24-январда Коопсуздук кеңешинин кезектеги жыйынында. Бул тууралуу өлкө башчысынын маалымат кызматы билдирди.

Жыйында Коопсуздук кеңешинин 2018-2019-жылдары өткөрүлгөн жыйындарында кабыл алынган чечимдеринин ишке ашырылышынын жүрүшү, ошондой эле өлкөнүн стратегиялык объектилеринин тизмегине сунуштар  каралууда. Өз сөзүндө Мамлекет башчысы Коопсуздук кеңешинин мурдагы жыйындарында каралган артыкчылыктуу мааниси бар олуттуу маселелерге токтолду.

2018-жылдын 8-февралында болуп өткөн биринчи Коопсуздук кеңеште кабыл алынган чечимдер сот-укуктук реформаларды аягына чыгарууга жана коррупциялык көрүнүштөрдү жоюуга багытталганын эске салды.

Президенти Сооронбай Жээнбеков: “Бул маселени бүгүн кылдат талкуулайбыз. Коопсуздук кеңештин 2018-жылдын 14-декабрындагы чечими менен „Санарип Кыргызстан 2019-2023“ концепциясы бекитилген. Ал санарип коомду түзүү, коррупцияны жоюу жана ачык коомду түзүү жолу менен мамлекеттик башкаруу системасына жаңы мамилелерди киргизүүгө багытталган. Кен байлыктарды сарамжалдуу пайдалануу, экологиялык жана техникалык коопсуздукту камсыз кылуу, кен байлыктардын запастарын эсепке алуу маселелерин карадык. Айрыкча лицензия берүү системасындагы коррупцияны жоюу жолдорун сунуштадык.

Тиешелүү иштерди жүргүзбөй эле, лицензияларды кайра сатуу менен алектенүүгө бөгөт кое-турган жолдорду сунуштадык. Жергиликтүү өз алдынча башкаруу органдарынын инвесторлордун ишине жасалма, бюрократиялык тоскоолдук жаратуусуна бөгөт коюу механизмин талкууладык. Бул чечимдер кандай аткарылууда, бул тууралуу өзүнчө сөз болот», — деди.

Президент Концепцияны ишке ашыруу — коррупцияны азайтып, мамлекеттик жана муниципалдык кызмат көрсөтүүлөрдүн бардык жарандарга жеткиликтүүлүгүн камсыз кыларын белгиледи.

Президент Сооронбай Жээнбеков Коопсуздук кеңештин бардык чечимдеринин аткарылышы өзүнүн жеке көзөмөлүндө турганын баса белгиледи. Мамлекеттик органдардан келген маалыматтардын бардыгы Коопсуздук кеңешинин катчылыгында кылдат талданып, ай сайын Мамлекет башчысына маалымат берилип турду.