Categories

ПАРА АЛУУГА ШЕКТЕЛИП МИЛИЦИЯ КЫЗМАТКЕРИ КАРМАЛДЫ

Пара талап кылуу фактысы боюнча Биринчи май райондук ички иштер бөлүмүнүн Экстремизмге жана мыйзамсыз миграцияга каршы күрөшүү кызматынын кызматкери кармалды. Улуттук коопсуздук боюнча мамлекеттик комитеттин басма сөз кызматы шектүү 9-сентябрда Ички иштер министрлигинин Ички иликтөө кызматы менен биргеликте жүргүзгөн операциянын негизинде колго түшүрүлгөнүн билдирди.

Маалыматка ылайык, шектүү Аламүдүн районунун тургунун алдамчылык кылды деп жоопко тартарын айтып коркутуп, баалуу сувенир жана 500 доллар талап кылган. Бул факт боюнча Жазык кодексинин “Пара талап кылуу” беренеси менен сотко чейинки өндүрүш иши башталып, кармалган милиция кызматкери атайын кызматтын убактылуу кармоочу жайына киргизилди.

 
Categories

АЗЫРКЫ ЖАНА МУРДАГЫ ТӨРТ ДЕПУТАТ КАМАЛДЫ

Жогорку Кеңештин депутаттары Асылбек Жээнбеков жана Төрөбай Зулпукаров 31-июлга чейин УКМКнын тергөө абагына камалды. Мындай чечимди 31-майда Бишкектин Биринчи май райондук соту чыгарды. УКМКнын маалыматына ылайык, депутаттарга Кумтөр кениндеги коррупциялык иштерге байланыштуу Жазык кодексинин 319-беренесинин (Коррупция) негизинде айып тагылды.

Эки эл өкүлүнүн баш коргоо чарасы каралып жаткан учурда сот имаратынын алдында алардын ондогон тарапкери чогулуп, бошотууну талап кылып турду.

Жээнбеков менен Зулпукаров 31-майда атайын кызматка сурак беришкен.

Мурдагы президент Сооронбай Жээнбековдун бир тууган иниси Асылбек Жээнбеков 2011-2016-жылдары Жогорку Кеңештин төрагасы болгон. Ал эми Төрөбай Зулпукаров КСДП фракциясынын лидеринин орун басары болчу.

31-майда “Кумтөр” долбоорун ишке ашырууда жемкорлук фактысы боюнча Жогорку Кеңештин экс-депутаттары Исхак Пирматов менен Талантбек Узакбаев дагы камалды. Пирматов менен Узакбаев Жазык кодексинин 319-беренесинин 2-бөлүгүнүн (Коррупция) негизинде кылмышка шектелип, УКМКда сурак бергенден кийин кармалды.

 
Categories

УКМК: ӨМҮРБЕК БАБАНОВ КАРМАЛДЫ

“Кумтөр” долбоорун ишке ашырууда коррупциялык ишке барган деген шек менен экс-премьер-министр Өмүрбек Бабанов кармалды. Бул тууралуу УКМКдан билдиришти.

“Тергөө учурунда алынган далилдердин негизинде, 2021-жылдын 31-майында Кылмыш-жаза кодексинин 319-беренесинин 2-бөлүмү боюнча кылмышка шектүү делип мурдагы премьер-министр Өмүрбек Бабанов кармалды”, — деп айтылат маалыматта.

УКМК бул кылмыш ишин иликтөөнүн жүрүшү жана натыйжалары жөнүндө коомчулукка маалымдап турат.

Башкы прокуратура жана Ички иштер министрлиги Кумтөр кенин иштетүү боюнча долбоорду жүзөгө ашыруудагы коррупциялык фактылар тууралуу козголгон кылмыш иши боюнча тергөөнү улантууда.

 
Categories

СУРАКМАТОВ ЭМНЕ ҮЧҮН КАРМАЛГАНЫ АЙТЫЛДЫ

Бишкек шаарынын мурдагы мэри Азиз Суракматов коррупция жана мыйзамсыз баюу фактысы боюнча кармалды. Бул тууралуу УКМКнын маалымат кызматы кабарлады. Эске салсак, экс-мэр 26-майда суракка чакырылып, андан кийин камалганы айтылган.

УКМК Бишкек шаарынын мэриясында жана анын түзүмдүк бөлүмдөрүндө кылмыштарды аныктоо жана бөгөт коюу боюнча иш-чара жүргүзгөн. Натыйжада айрым курулуш компанияларынын өкүлдөрүнө элиталык көп кабаттуу турак үйлөрдү куруу үчүн муниципалдык жер тилкелери берилгендиги боюнча коррупциялык жана мыйзамсыз баюу фактылары аныкталганы айтылды.

“Азиз Суракматов мэр болуп турганда кызматтык абалынан пайдаланып муниципалдык кызматтын кызыкчылыгына каршы иш алып барып, мэриянын айрым кызмат адамдары жана ири курулуш компанияларынын өкүлдөрү менен коммерциялык имараттарды жана көп кабаттуу турак жайларды курууга муниципалдык жер тилкелерин алуу үчүн туруктуу коррупциялык схема түзүшкөн”, – деп жазылат маалыматта.

Мындан сырткары, мурдагы мэр кызмат абалынан пайдаланып муниципалдык ишканалардын жана курулушту көзөмөлдөөчү органдардын жооптуу кызматкерлерине кысым көрсөтүү менен көп кабаттуу объектилерди курууга уруксат берген.

“Коррупциялык схеманын натыйжасында Суракматовдун активдери жана анын жакын туугандарынын кирешелери кескин көбөйүп, болжол менен 50 миллион АКШ долларына бааланган”, – деп айтылат УКМКнын маалыматында. Буга байланыштуу экс-мэр УКМКнын тергөө камак жайынын убактылуу кармоочу жайына киргизилген.

 
Categories

ДЫЙКАНБАЕВ ЭКИ АЙГА КАМАЛДЫ

Бишкектин Биринчи май райондук соту ири өлчөмдө пара талап кылууга шектүү катары кармалган Министрлер кабинетинин төрагасынын мурдагы орун басары, мурдагы санарип өнүктүрүү министри Азамат Дыйканбаевди 20-июлга чейин камакта калтыруу чечимин кабыл алды. 20-майда Дыйканбаев ири өлчөмдө пара талап кылууга шектүү катары кармалып, УКМКнын тергөө абагына камакка алынган.

Мекеменин маалыматына караганда, экс-министр “Коопсуз шаар” долбоорун ишке ашырып жаткан чет өлкөлүк компаниядан келишимдин мөөнөтүн узартуу маселесин оңунан чечип берүү үчүн пара талап кылган деп шек саналууда. Ага каршы арызды чет өлкөлүк компаниянын өкүлү жазып, Жазык кодексинин “Пара талап кылуу” беренеси боюнча сотко чейинки териштирүү башталган.

35 жаштагы Дыйканбаев министрлик кызматка эки апта мурда дайындалган. Ага чейин ал Байланыш боюнча мамлекеттик агенттикти жетектеп турган.

 
Categories

ДЫЙКАНБАЕВ ЭКИ АЙГА КАМАЛДЫ

Бишкектин Биринчи май райондук соту ири өлчөмдө пара талап кылууга шектүү катары кармалган Министрлер кабинетинин төрагасынын мурдагы орун басары, мурдагы санарип өнүктүрүү министри Азамат Дыйканбаевди 20-июлга чейин камакта калтыруу чечимин кабыл алды. 20-майда Дыйканбаев ири өлчөмдө пара талап кылууга шектүү катары кармалып, УКМКнын тергөө абагына камакка алынган.

Мекеменин маалыматына караганда, экс-министр “Коопсуз шаар” долбоорун ишке ашырып жаткан чет өлкөлүк компаниядан келишимдин мөөнөтүн узартуу маселесин оңунан чечип берүү үчүн пара талап кылган деп шек саналууда. Ага каршы арызды чет өлкөлүк компаниянын өкүлү жазып, Жазык кодексинин “Пара талап кылуу” беренеси боюнча сотко чейинки териштирүү башталган.

35 жаштагы Дыйканбаев министрлик кызматка эки апта мурда дайындалган. Ага чейин ал Байланыш боюнча мамлекеттик агенттикти жетектеп турган.

 
Categories

УКМК: МИНИСТРЛЕР КАБИНЕТИНИН ТӨРАГАСЫНЫН ОРУН БАСАРЫ АЗАМАТ ДЫЙКАНБАЕВ КАРМАЛДЫ

Өзгөчө ири өлчөмдө пара талап кылуу фактысы боюнча Министрлер кабинетинин төрагасынын орун басары санариптик өнүгүү министри Азамат Дыйканбаев кармалды. Бул тууралуу улуттук коопсуздук боюнча мамлекеттик комитетинин басма сөз кызматы билдирди.

Маалыматка ылайык, ушул жылдын 20-майында жүргүзүлгөн тергөө иш-аракеттеринин натыйжасында, Кылмыш-жаза кодексинин 326-беренесинин 3-бөлүмү (Пара талап кылуу) боюнча кылмышка шектүү катары Министрлер Кабинетинин төрагасынын орун басары – Санариптик өнүгүү министри Дыйканбаев кармалып жана УКМКнын тергөө камак жайынын убактылуу кармоочу жайына киргизилди.

Мекеменин маалыматына караганда, Дыйканбаев “Коопсуз шаар” долбоорун ишке ашырып жаткан чет өлкөлүк компаниядан келишимдин мөөнөтүн узартуу маселесин оңунан чечип берүү үчүн пара талап кылган деп шектелүүдө. Ага каршы арызды чет өлкөлүк компаниянын өкүлү жазып, сотко чейинки териштирүү башталган.

“Республикага инвестицияларды тартуу жана инвесторлордун укуктарын жана мыйзамдуу кызыкчылыктарын коргоо боюнча мамлекеттик деңгээлде жүргүзүлүп жаткан масштабдуу иш-чараларды эске алуу менен, мындай кылмыштарга катышкан мамлекеттик кызматкерлер ээлеген кызматына жана эмгегине карабастан жоопко тартылат”, – деп жазылат билдирүүдө.

Жазык кодексинин 326-беренесинин (Пара талап кылуу) негизинде кармалган жетекчинин бөгөт чарасы Бишкектин Биринчи Май райондук сотунда аныкталат.

35 жаштагы Дыйканбаев министрлик кызматка эки апта мурда дайындалган. Ага чейин ал Байланыш боюнча мамлекеттик агенттикти жетектеп турган.

 
Categories

КӨРҮСТӨН САТУУГА ШЕКТҮҮ КЫЗМАТКЕР КАРМАЛДЫ

УКМК тарабынан системалык коррупциялык иштерге бөгөт коюу боюнча жүргүзүлгөн иш-чаралардын жүрүшүндө Бишкек шаардык Мэриясынын «Бишкек маркумду акыркы сапарга узатуу кызматы» мамлекеттик ишканасындагы туруктуу коррупциялык схема аныкталды.

Такталгандай, аталган ишкананын кызматкерлери маркумду көмүү иш-чараларында аларды башка көрүстөндөргө коюлган деп каттоодон өткөрүп, расмий документтерди жасалма жол менен Чоң-Арык айылындагы Түштүк-Батыш көрүстөнүнө көмүүгө 1000 доллардан 5000 долларга чейин акча каражаттарын сый акы катары алып жүрүшкөн.

2021-жылдын 18-майында УКМК сотко чейинки өндүрүштүк материалдардын алкагында маркумдун сөөгүн Чоң-Арык айылындагы консервацияланган көрүстөнгө коюу үчүн 40 000 сом өлчөмүндөгү акча каражатын алып жаткан жеринен «Бишкек маркумду акыркы сапарга узатуу кызматы» мамлекеттик ишканасынын кызматкери кармалып, убактылуу кармоочу жайга киргизилди. Тергөө иштери жүрүп жатат.

 
Categories

АЙДООЧУЛУК КҮБӨЛҮК ҮЧҮН ЭКЗАМЕН АЛУУДА ЖЕМКОРЛУККА ЖОЛ БЕРИЛГЕН

Унаа” мамлекеттик ишканасынын Ош шаарындагы жана Ош облусу боюнча жетекчилери айдоочулук күбөлүк үчүн экзамен алууда жемкорлукка барышкан деп кармалды. Бул тууралуу УКМК кабарлады. Атайын кызмат коррупциялык схеманын бетин ачкан видеону жарыялаган.

Ага ылайык, “Унаа” мамлекеттик мекемесинин жооптуу кызматкерлери автомектептердин мугалимдери менен жең ичинен сүйлөшүп алып, тестирлөөнүн жыйынтыктарын бурмалашкан.

“Натыйжада айдоочулук мектептерде окуудан өтпөгөндөргө күбөлүк берилип жүргөн. Ошондой эле практикалык башкаруудан “ийгиликтүү” өткөрүп, биринчи экзаменде эле айдоочулук күбөлүк тапшырып турушкан. Бул үчүн кызматкерлер 5000 сом алып турган”, – деп айтылат маалыматта.

Учурда “Унаа” ишканасынын башка бөлүмдөрүндө коррупциялык схемаларды аныктоо иштери жүрүп жатканы кошумчаланды.

 
Categories

УКМК КЫЗМАТКЕРИ ЖАНА МУРДАГЫ ВИЦЕ-МЭР КАРМАЛДЫ

Аскер прокуратурасы Бишкек шаарындагы кымбат жер тилкелерин берүү боюнча “Мыйзамсыз баюу” жана “Коррупция” беренелери менен тергелип жаткан иштин алкагында Улуттук коопсуздук боюнча мамлекеттик комитеттин райондордун биринин башкармалыгынын башчысы жана калаанын мурдагы вице-мэри кармалып, Бишкек гарнизонунун убактылуу аскер абагына киргизилгенин кабарлады.

Бул тууралуу Башкы прокуратуранын басма сөз кызматы билдирди. Шектүүлөрдүн аты айтылган жок. Башкы прокуратура кабарлагандай, “шектүү катары кармалгандар кызмат абалынан кыянаттык менен пайдаланып, мэриянын жооптуу кызматкерлерине басым аркылуу мыйзамсыз жер тилкелерин жең ичинен сүйлөшүп алгандарга каттаткан” деп айыпталып жатат. Учурда тергөө иштери жүрүп жатат.