Categories

Мечиттер жабылбайт

Кыргызстан мусулмандарынын дин башкармалыгынын Аалымдар кеңешинин  чечими менен Жума намаздары убактылуу окулбай, анын ордуна пешим
намазы үйлөрдө  окула турган болду.
Анткен менен мечиттерде кадимкидей беш маал намаздары окула берет.
Болгону аралык сакталып, бардык  санитардык эрежелер так сакталууга тийиш.
Качан өлкөдөгү  эпидемиологиялык абал жакшырганда кайрадан Жума намазы мечиттерде окулуп баштайт.

 
Categories

Облустар аралык унаалар токтотулат

Эртеңден тарта өлкөбүз боюнча облустар аралык унаа каттамдары толук токтотулаарын республикалык ыкчам штабдан билдиришти.
Кайра качан жандантуу мөөнөтү так айтылбай, эпидемиологиялык кырдаал жакшырганга чейин деп белгиленди.
Автобус, кичи автобустук каттамдар токтойт.
Демек, жеңил унаа каражаттары кадимкидей эле каттай берет сыягы.
Антпесе кан буугандай каттоолор тыйылса кандай жашоо болмок.

 
Categories

Бишкекте адамдарды өңүнөн тааный турган 20 видеокамера иштеп жатат

Ордо калаанын аймагында адамдарды өңүнөн тааный турган 20 видеокамера орнотулган. Ал издөөдөгү базага сүрөтү киргизилген гана адамдарды тааныйт, ал эми базада жок адамдарды тааный албайт.

Бул тууралуу ички иштер министринин орун басары Алмаз Орозалиев Жогорку Кеңештин тийешелүү комитетинде “Коопсуз шаар” долбоору боюнча маалымат угулуп жатканда билдирди.

 
Categories

Президент Сооронбай Жээнбеков Коопсуздук кеңешинин жыйынын өткөрөт

Президент Сооронбай Жээнбеков бүгүн, 24-январда Кыргыз Республикасынын  Коопсуздук кеңешинин кезектеги жыйынын өткөрөт. Өкө башчысынын маалымат кызматынын билдигенине караганда, Коопсуздук кеңешинин 2018-2019-жылдары өткөрүлгөн жыйындарында кабыл алынган чечимдеринин ишке ашырылышынын жүрүшү каралат.

Тактап айтканда, Коопсуздук кеңештин 2018-жылдын 8-февралында кабыл алынган «Кыргыз Республикасынын сот, көзөмөл жана укук коргоо органдарында коррупцияга каршы күрөшүү боюнча олуттуу чаралар жөнүндө», 2018-жылдын 14-декабрындагы «Кыргыз Республикасын санариптик өнүктүрүү боюнча чаралар жөнүндө», 2019-жылдын 30-январындагы «Кыргыз Республикасынын кен казуу чөйрөсүндө коопсуздукту камсыз кылуу боюнча чаралар жөнүндө» чечимдеринин аткарылышы каралат.

Мындан тышкары, Кыргыз Республикасынын стратегиялык объектилеринин тизмегине сунуштар каралат. Талкуунун жыйынтыктары боюнча Коопсуздук кеңешинин чечими кабыл алынат.

 
Categories

Ыманалы Саркулов: Өлкөдө 7 000 жасалма номер издөөдө

Анын 850 сү табылды. 801 кишисине айыппул салынды.  Алардын баары 10 000 сом айыппул төлөйт. Бул аз. Муну дагы көтөрүш керек. Баары убактылуу токтотулчу жайга коюлду. Бир эле номерди 3-4 төн кылып тагып жүргөндөр бар. Мындай пикирин ИИМдин Жол кыймылынын коопсуздугун камсыздоо башкы башкармалыгынын башчысынын орун басары Ыманалы Саркулов Жогорку Кеңештин жыйынында айтты.

Ыманалы Саркулов: “Алар Кыргызстандан сырт жактан жасалма номерлерди жасатып келип жатат. Эгер Кыргызстандан жасалса 30 миңден 60 миң сомго чейин айыппул салынат. Колго түшкөн номерлердин баары жок кылынат. Эгерде алар кылмыш жасашса, кылмыш иши козголуп, тергөө жүргүзүлөт”.-деди.

 
Categories

Бишкек – Ош автоунаа жолуна чектөө киргизилди

Кечээтен баштап аба ырайынын катаалдашына байланыштуу Бишкек – Ош автоунаа жолуна чектөө киргизилгендигин ӨКМдин маалымат кызматы билдирди.

Жайыл районуна караштуу “Сосновка”  жана  Токтогул  районуна караштуу “Арал” өткөрмө бекеттеринде күйүүчү май ташыган оор жүк ташыган машиналар убактылуу токтотулат.

 
Categories

Жол коопсуздугу кооптуу бойдон калууда

Үстүбүздөгү жылдын 9 айынын жыйынтыгы боюнча  жол кырсыктарынын саны өткөн жылга салыштырганда 12,2 пайызга өскөн.  Бул туралуу 28-октябрда Ички иштер министрлигинде өткөн коллегияда  Министри Кашкар Жунушалиев билдирип, ИИМдин борбордук аппаратынын жана жетекчилеринин жасаган иштерин сынга алган.

Маалыматка ылайык жол кырсыктарынын кеспетинен каза болгондордун саны 9,2 пайызга (484төн 529га), ар кандай жаракат алгандардын саны да 14,3 пайызга (6353төн 7265ке) жогорулаган. Министр Жунушалиев  коопсуз шаар программасы ишке ашырылып жатса да борброр калаабыздын жолдору кооптуу бойдон калып  жатканын,  анткени  жолдордун  автоунааларды өткөрүү жөндөмү 10 эсе  өтө  төмөн экенин белгилеген.  Бишкек шаарынын жолдору  40 миң автоунааны тейлөөгө  ылайыкташтырылып салынса, учурда  борбор калаанын өзүндө эле 420 миң автоунаа катталган. Бул да ар кандай  жол кырсыктарынын, тыгындардын пайда болушуна себеп болууда.

 
Categories

Премьер-министр Мухаммедкалый Абылгазиев шахтада адамдардын каза болушуна байланыштуу жыйын өткөрдү

Премьер-министр Мухаммедкалый Абылгазиев адамдардын өлүмүнө алып келген Баткен облусундагы шахтадагы кырсыкка байланыштуу жыйын өткөрдү. Бул тууралуу Өкмөт Аппаратынын маалыматтык камсыздоо бөлүмү билдирди.

Кадамжай районундагы кырсык шахтанын каралбай калган жана иши токтотулган тилкесинен көмүрдү мыйзамсыз казуу маалында техникалык коопсуздук чараларына этият мамиле кылбагандан улам болгон. Ал эми Лейлек районунда болсо, көмүр казууга лицензия алган компания тараптан коопсуздук талаптары одоно бузулгандан улам  үч жаран каза болгон.

Өкмөт башчы тийиштүү мамлекеттик органдарга адамдардын өлүмүнө алып келген кырсыктын себептерин караштырып, тартипке келтирүүнү жана мындай окуялардын кайталанбашы үчүн керек болсо катаал чараларды көрүүнү тапшырды.

Мухаммедкалый Абылгазиев:  «Иш токтотулган тилкелерде иштөөгө эч кандай жол берилбеш керек. Жылытуу сезону жана көмүргө суроо-талап жакындап калганына байланыштуу, жергиликтүү бийлик укук коргоо органдары менен биргеликте шахтага жакын жайгашкан калктуу пункттарда көмүрдү мыйзамсыз казууга жол бербөө үчүн маалыматтык-түшүндүрүү иштерин жүргүзүү керек.  Мындан ары ушундай кырсыктарга жол бербөө үчүн  Өзгөчө кырдаалдар министрлиги,  Өнөр жай, энергетика жана жер казынасын пайдалануу мамлекеттик комитети жана Экологиялык жана техникалык коопсуздук боюнча мамлекеттик инспекция тез арада алдын алуу чараларынын комплексин жүзөгө ашыруусу абзел. Көмүр кенине лицензиясы бар компаниялар коопсуздук талаптарын толук сакташы керек же адамдардын өмүрүнө жана ден соолугуна коркунуч алып келе турган жагдай болсо, иштөө укугунан ажыратылыш керек жана жоопкерчиллике тартылышы зарыл», – деп белгиледи.

Жыйындын соңунда Өкмөт башчы көмүр казуучу компаниялардын ишмердүүлүгүн көзөмөлдөөнү күчөтүүчү натыйжалуу чараларды жүзөгө ашыруу тапшырмасын берди.

 
Categories

Өзбекстандын Тышкы иштер министри Камилов: Борбордук Азия жарылат деген сөздү 25 жылдан бери угуп келе жатабыз

Борбордук Азия жарылат деген сөздү 25 жылдан бери угуп келе жатабыз – деди, Өзбекстандын Тышкы иштер министри Абдулазиз Камилов БУУнун Коопсуздук Кеңешинин жыйынында. Бул тууралуу  stanradar.com сайты жазды.

Камилов: “Терроризм тууралуу сөз болгондо Борбордук Азия ар дайым айтылат. Эл аралык коомчулукта Борбордук Азияда экстремизм, терроризмдин мүмкүнчүлүктөрү бар деген түшүнүктөрдүн болбошун каалайт элек. Акыркы үч жылдын ичинде кыйынчылыктарды жаратып жаткан  чек араларды тактоодо, бөлүштүрүүдө көйгөйлөрдү чечкенге жетиштик.  Сууну пайдалануу, тарнспортук байланыштар жанданууда. Коопсуздук тармагында байланыштар бийик деңгээлге чыкты. Мунун баары Борбордук Азия өлкөлөрү өзүн коопсуздук жагынан камсыз кылууда ири мүмкүнчүлүктөрү бар экенин айтып турат”,- деди.

Анын сөзүнө караганда, Борбордук Азияда жаңы саясий байланыштар түзүлүп, өлкө жетекчилеринин ортосунда бири бирине ишеним артууда. Ошону менен катар эле экстремизм, терроризм  ааламдык мүнөзгө ээ болгондуктан Борбордук Азия аны менен күрөшүүдө эл аралык коомчулуктун колдоосуна муктаж.

“Афганистан бул чакырык гана эмес, ал мүмкүнчүлүктөрдүн ачылышы”,- деди. Европадан Борбордук Азияга  жана Афганистанга, Түштүк Азияга ири маанилүү долбоорлор, транспорттук байланыштар ал өлкөнүн экономикасынын көтөрүлүүсүнө, кайрадан калыбына келишине жардам берерин айтты.

 
Categories

Атамбаевдин камакка алынган мал-мүлкүнүн тизмеси жарыяланды

Башкы прокуратура мурдагы президент Алмазбек Атамбаевдин камакка алынган мал-мүлкүнүн тизмесин жарыялады.

Банктагы эсептер

 

1. “Кыргызкоммерцбанк”

2. “Кыргызстан” коммерциялык банкы

3. “Оптима Банк”

4. “Кыргыз-швейцария банкы”

5. “Капитал Банк”

6. Россия-Кыргызстан “Аманбанк”

7. “Толубай” акционердик коммерциялык банкы

8. “РСК Банк”

9. “Демир Кыргыз Интернэшнл Банк”

10. “БТА Банк”

11. “Дос-Кредобанк”

12. “ЭкоИсламикБанк”

13. “Евразия сактык банкы”

14. “Азия Банкы”

15. “Бакай Банк”

16. “Халык Банк Кыргызстан”

17. Пакистандын улуттук банкынын Бишкектеги филиалы

18. “Кыргыз инвестициялык-кредит банкы”

19. “ФинансКредитБанк”

20. “Айыл Банк”

21. “Росинбанк”

22. “Бай-Түшүм” банкы

23. “ФИНКА Банк”

24. “Чанг Ан Банк”

25. “Банк Компаньон”

Банктагы ячейкалар кимдерге таандык болгон? Юридикалык жана жеке тараптар

1. Атамбаев Алмазбек Шаршенович

2. Атамбаева Раиса Минахмедовна

3. “Кыргызавтомаш” ААКы

4. “Апрель-ТВ” ЖЧКсы

5. “Апрель” коомдук фонду

6. “Редакция телерадиокомпании “Канал D” (“Канал Ди”) ЖЧКсы

7. “Адамдын туруктуу өнүгүүсү маселелери боюнча республикалык коомдук эксперттик кеңеши” (“Республиканский общественный экспертный совет по вопросам устойчивого человеческого развития”) коомдук бирикмеси

8. “Ден соолук жана узак жашоо” медициналык-билим берүүчү илимий борбору” (“Медико-образовательный научный центр “Здоровье и долголетие”) мекемеси

9. “Телерадиоуюмдарынын ассоциация” юридикалык жактардын бирикмеси

10. “Кыргызавтомаш” корпорациясынын ишкерлер ассоциациясы” юридикалык жактардын бирикмеси

Камакка алынган мал-мүлкү. Алмазбек Атамбаевге тиешелүүлөрү:

  • Toyota Land Cruiser, 2000-жылы чыккан;
  • Mitsubishi Pajero, 1997-жылы чыккан;
  • Toyota Land Cruiser, 1998-жылы чыккан;
  • MAN үлгүсүндөгү жүк ташуучу автоунаа, 1993-жылы чыккан;
  • BMW X5, 2001-жылы чыккан;
  • жер тилкеси, Аламүдүн району, Кой-Таш айылы, б/н көчөсү;
  • жер тилкеси, Ысык-Көл району, Чоң-Сары-Ой айыл аймагы, квартал “Курорт-рекреациялык аймагы”;
  • жайыт, Аламүдүн району, Арашан айылы;
  • жер тилкеси, Аламүдүн району, Арашан айылы;
  • көп жылдык бактар, Аламүдүн району, Кой-Таш айылы;
  • жер тилкеси, Аламүдүн району, Кой-Таш айылы;
  • Ден соолукту чыңдоо борбору, Аламүдүн району, Кой-Таш айылы;
  • турак үй, Аламүдүн району, Арашан айылы, Полевой көчөсү;
  • көп жылдык бактар, Аламүдүн району, Арашан айылы;
  • көп жылдык бактар, Аламүдүн району, Арашан айылы, Татыр аймагы.

Раиса Атамбаевага таандык мүлк:

  • Toyota Land Cruiser, 2004-жылы чыккан;
  • Mercedes-Benz 600, 1994-жылы чыккан;
  • ГАЗ 3110, 1999-жылы чыккан;
  • батир, Бишкек шаары, Москва көчөсү;
  • турак үй, Бишкек шаары, Новооктябрь көчөсү.

“Кыргызавтомаш” ААКына таандык мүлк:

  • Бишкек шаарындагы Матросов көчөсүндө киши жашабаган 38 имарат;
  • Бишкек шаарынын Матросов көчөсүндө алты жер тилкеси;
  • Бишкек шаарынын Матросов көчөсүндөгү темир жолу;
  • Бишкек шаарынын Матросов көчөсүндөгү соода борбору;
  • Бишкек шаарынын Лев Толстой көчөсүндөгү киши жашабаган имарат;
  • Бишкек шаарынын Матросов көчөсүндөгү 19 цех;
  • Бишкек шаарынын Ибраимов көчөсүндөгү үч батир;
  • Бишкек шаарынын Матросов көчөсүндөгү дүкөн;
  • Бишкек шаарынын Матросов көчөсүндөгү тогуз кампа;
  • Бишкек шаарынын Матросов көчөсүндөгү резервуар;
  • Бишкек шаарынын Жал кичи районундагы көп бөлмөлүү үй;
  • Бишкек шаарынын Жал кичи районундагы 17 батир;
  • Бишкек шаарынын Матросов көчөсүндөгү кеңсе;
  • Бишкек шаарынын Горький көчөсүндөгү киши жашабаган имарат.

“Медиа Форум” ААКына таандык мүлктөр:

  • Бишкек шаарынын 7-апрель көчөсүндөгү жер тилке;
  • Бишкек шаарынын 7-апрель көчөсүндөгү жер тилке;
  • Бишкек шаарынын 7-апрель көчөсүндөгү адам жашабаган имарат;
  • “Форум илимий-өндүрүш фирма” ЖЧКсына таандык мүлктөр;
  • Ысык-Көл районунун, Чолпон-Ата шаарындагы “Курорт-рекреациялык аймак” кварталындагы курулушу бүтө элек объекти;
  • Ысык-Көл районунун, Чолпон-Ата шаарындагы “Курорт-рекреациялык аймак” кварталындагы курулушу бүтө элек объекти;
  • Ысык-Көл районунун, Чолпон-Ата шаарындагы “Курорт-рекреациялык аймак” кварталындагы жер тилке;

“Апрель-ТВ” ЖЧКсына таандык мүлктөр:

  • Радио, студия ТВ, Жалал-Абад шаары, Ленин көчөсү;
  • Теле борбор, Жалал-Абад шаары, Ленин көчөсү;
  • “Апрель” коомдук фонду;
  • “Канал D” (Канал Ди) телерадиокомпания редакциясы” ЖЧКсы;
  • “Адамдын туруктуу өнүгүүсү маселелери боюнча республикалык коомдук эксперттик кеңеш” коомдук бирикмеси;

“Ден соолук жана узак жашоо” медициналык билим берүүчү илимий борбору” (“Медико-образовательный научный центр “Здоровье и долголетие”) мекемеси;

“Телерадиоуюмдарынын ассоциациясы” юридикалык жактардын бирикмеси;

“Кыргызавтомаш” корпорациясынын ишкерлер ассоциациясы” юридикалык жактардын бирикмеси.