Categories

ИИМде 2020-жылдын 9 ай ичиндеги ыкчам-кызматтык ишмердүүлүгүн жыйынтыктоо боюнча онлайн коллегия болуп өттү

2020-жылдын 28-октябрь  күнү Кыргыз Республикасынын ИИМде ички иштер органдарынын 2020-жылдын 3-чейрек ичиндеги  ыкчам-кызматтык ишмердүүлүгүнүн жыйынтыгы боюнча коллегиянын отуруму онлайн режиминде өттү.

Коллегияга   Кыргыз Республикасынын Ички иштер министри, милициянын полковниги Улан Ниязбеков,   ички иштер министринин биринчи орун басары жана министрдин орун басарлары, борбордук аппараттын башкы башкармалыктарынын, башкармалыктарынын, кызматтарынын башчылары, облустук, шаардык ички иштер башкы башкармалыктардын, башкармалыктардын жана  айрым бир райондук шаардык бөлүмдөрдүн жетекчилери катышты. Жыйында   республиканын ички иштер органдарынын  2020-жылдын 9 айында аткарган  ыкчам-кызматтык ишмердүүлүгү, жол коопсуздугунун камсыздоо иш-чаралары, анын ичинде “Бузуулардын бирдиктүү реестрине”  бузуулардын катталышы, айыптардын төлөнүшү, “Коопсуз шаар” долбоорунун 2-этабынын ишке ашырылышы жөнүндө  негизги маселелер каралды.

ИИМдин коллегиясынын отурумунда республиканын ички иштер органдарынын  2020-жылдын 9 айында аткарган  ыкчам-кызматтык ишмердүүлүгү жыйынтыкталып, ички иштер министри Улан Ниязбеков сөз сүйлөдү.

“2020-жылдын 9 ай ичинде ыкчам-кызматтык ишмердүүлүктү ишке ашыруу саясий мүнөздөгү, коронавирус илдетинин жайылышы, өзгөчө кырдаал менен өзгөчө абал режимдеринин киргизилиши сыяктуу өлкө үчүн оор жана татаал  мезгилдерге туш болду. Буга карабастан, мыйзамдын алкагында кылмыштуулукту алдын алуу, катталган кылмыштар жана жоруктар боюнча сотко чейинки өндүрүштү өз убагында ишке ашыруу боюнча иштер жүргүзүлүп, ички иштер органдары күчөтүлгөн тартипте иштешти. Биздин негизги максатыбыз – коомдун, жарандардын коопсуздугун жана коомдук тартипти камсыз кылуу, саясаттын тышкары туруу болуп саналат. Ички иштер органдарынын потенциалын чыӊдоо,  жарандардын укуктарын жана эркиндиктерин камсыз кылуу, жарандардын, коомдун жана өлкөнүн кызыкчылыктарын коргоо, ошондой эле мамлекеттик маанилүү объектилерди коргоо Кыргыз Республикасынын ички коопсуздугун камсыз кылуу системасын өркүндөтүүгө багытталган тапшырмаларды койомун”,-ички иштер министри Улан Ниязбеков билдирди.

2020-жылдын 9 ай ичинде бардык укук коргоо органдары 103633 кылмыштар менен жоруктарды катталган. Алардын ичинен ички иштер органдары 98769 кылмыш менен жорукту каттоого алган.

Республика боюнча укук коргоо органдары 56746 кылмышты каттаса, ал эми ички иштер органдары 52434 кылмышты каттап, 92,4% түзөт. Республика боюнча жалпы укук коргоо органдары 46887 жорук катталган, алардын ичинен ички иштер органдары 46335 жорукту каттап, 98,8% түзөт. Ушул жылдын отчеттук маалында ИИОнун өндүрүшүндө 40137 кылмыштар менен жоруктар катталып, алардын ичинен 22785 бети ачылып, 56,8% түзөт. Бети ачылган кылмыштардын ичинен сотко 15726 кылмыш иши жөнөтүлгөн.

Андан сырткары, отчеттук маалда баңгизаттарды  мыйзамсыз жүгүртүүгө байланышкан  643 кылмыш катталган. Жалппысынан 1 тонна 277 килограмм 524 грамм баңгизаттар, психотроптук каражаттар менен перекурсорлор алынган. Алардын ичинен 4 килограмм 852 грамм героин, 116 килограмм 102 грамм гашиш, 146 килограмм марихуана, 320 килограмм 802 грамм перекурсорлор, жана башкалар 689 килограмм 768 грамм.

ИИМдин Эксперттик-криминалисттик борборунун кызматкерлери дактилоскопиялык, трасалогиялык, кол жазманы таануу, баллистикалык экспертизаларды жана баңгизат, спирт камтыган каражаттарды химиялык изилдөөлөрдү жүргүзүшөт. Адистер кылмыштуулук менен күрөшүүгө өз салымдарын кошушууда. Ушул жылдын 9 ай ичинде 15992 окуя болгон жерлерге кароо жүргүзүүгө, 4294 ыкчам-иликтөө иш-чараларына, 1958 тергөө амалдарына катышкан.

Жол коопсуздугун сактоо боюнча жүргүзүлгөн иш-чаралардын негизинде  жол кырсыктары кыскарды. Жалпысынан   тогуз айда 4184 жол кырсыгы катталып, андан 496 адам каза болуп, 6271 жаран ар кандай дене жаракаттарын алышкан. Отчеттук маалда балдардын катышуусу менен 915 жол-транспорттук кырсык катталып, 59 бала каза болсо, 1063 бала ар кандай жаракаттарды алышкан. Бирок ошого карабастан жол кыймылынын коопсуздугун камсыздоо башкы башкармалыгынын ишмердүүлүгү жарандардын өмүрүн сактап калууга багытталган иш-чараларды күчөтүү керектиги белгиленди.

ИИМдин коллегиясынын аягында  ички иштер органдарынын ишмердүүлүгүнүн негизги багыттары аталып, бир катар тапшырмалар коюлду: жарандардын жана коомдун коопсуздукту камсыздоо, криминалдык коркутууларга каршы катуу күрөшүү, ички иштер органдарынын кызматтык тартибин бекемдөө, укук бузууларды алдын алуу боюнча мамлекеттик тутумду жакшыртуу, көчөлөрдө жана коомдук жайларда криминогендик абалды жакшыртуу, өздүк курамдын кесиптик деңгээлдин өнүктүрүү, жол кыймылынын коопсуздугун камсыздоо боюнча иштердү күчөтүү, коомдук жайларда алдын алуу иштерин жүргүзүү, резонанс жараткан кылмыш иштеринин бетин ачуу.

Коллегиянын жүрүшүндө ачылбай калган резонанстуу кылмыштар боюнча катуу сын-пикирлер айтылып, ал кылмыштардын бардыгын ачуу боюнча да кошумча тапшырмалар берилди.  Борбордук аппараттын жана жер-жерлердеги кызмат башчыларынын жетекчилик уюштуруучулук-иштеринин өз деңгээлинде уюштурулбагандыгы, белгиленген иш-чаралар тиешелүү деңгээлде аткарылбай жаткандыгын белгиледи. Коомдук жайларда коопсуздукту камсыздоо жана кылмыштуулукту алдын алуу багытында, уюшкан кылмыштуулукка каршы күрөшүү багытында да милицияга жүктөлгөн милдеттер боюнча мамлекеттин жана элдин алдында ички иштер органдарынын тиешелүү бардык жетекчилери жооптуу экендигин да айтылды.

Андан сырткары, Криминалдык милиция кызматынын, Тергөө кызматынын, Баңгизаттарды мыйзамсыз жүгүртүүгө каршы күрөшүү кызматынын, Экстремизм жана мыйзамсыз миграцияга каршы  аракеттенүү боюнча  кызматынын, Жол кыймылынын коопсуздугун камсыздоо башкы башкармалыгынын кызматтык ишмердүүлүктөрү күчөтүлсүн, өлкөдө болуп жаткан ар кандай кыйынчылыктарга карабастан мыйзам чегинде ички иштер органдарына жүктөлгөн милдеттер толук кандуу аткарылсын, анын ичинде коомдук тартип менен коопсуздук камсыздалсын, кылмыштуулукту алдын алуу боюнча комплекстүү иш-чаралар жүргүзүлсүн, кылмыштардын жана жоруктардын бети ачылсын, кызматкерлер арасында мыйзамдуулук жана кызматтык тартип бекемделсин,  ички иштер органдарынын материалдык-техникалык базалары жаңыртуу жана мамлекеттик кызмат көрсөткөн борборлордун иштөө сапатын жогорулатуу, ички иштер органдарынын кызматкерлери арасында коронавирус илдетинин жайылышын болтурбоо менен алдын алуу тапшырмалары берилди.

Ошондой эле өздүк курамдын арасында күжүрмөн кесиптик деңгээлин жогорулатууга багытталган маанилүү чечимдер кабыл алынып, коомдук тартипти камсыз кылууда негизги стратегиялык багыттар белгиленди.

ИИМде 2020-жылдын 9 ай ичиндеги ыкчам-кызматтык ишмердүүлүгүн жыйынтыктоо боюнча онлайн коллегия болуп өттү ИИМде 2020-жылдын 9 ай ичиндеги ыкчам-кызматтык ишмердүүлүгүн жыйынтыктоо боюнча онлайн коллегия болуп өттү ИИМде 2020-жылдын 9 ай ичиндеги ыкчам-кызматтык ишмердүүлүгүн жыйынтыктоо боюнча онлайн коллегия болуп өттү

 

ИИМдин Басма сөз кызматы

 

 

 
Categories

ИИМ: Республиканын аймагында абал туруктуу жана толук көзөмөлдө

Кыргыз Республикасынын аймагында абал туруктуу жана укук коргоо органдарынын кызматкерлери тарабынан толук көзөмөлдөнүп жатат. Ал эми, өлкөдө түзүлгөн кырдаалга байланыштуу ички иштер органдарынын кызматкерлери башка укук коргоо органдары менен бирге кылмыштарды аныктоо, бөгөт коюу жана бетин ачуу боюнча иштерди жүргүзүп жатышат.
Республика боюнча 2020-жылдын 27-октябрына карата Кылмыштардын жана жоруктардын бирдиктүү реестрине 174 кылмыш, 156 жоруктар каттоого алынган. Кылмыштарды жана жоруктарды тыкыр иликтөө үчүн тиешелүү ыкчам-тергөө иш-чаралары жүрүп жатат. Ошондой эле, ички иштер органдарынын кызматкерлери жергиликтүү бийлик өкүлдөрү, ыктыярдуу элдик коошундар менен биргеликте коомдук тартипти сактоону камсыздоо боюнча алдын алуу иш-чараларын жүргүзүүдө.

ИИМдин Басма сөз кызматы

 
Categories

ИИМ: 2020-жылдын 9 ай ичинде жашы жете электердин арасында кылмуштуулук

Бүгүнкү күндө ИИМдин Коомдук коопсуздук кызматынын Жашы жете электер менен иштөө бөлүмүнүн кызматкерлери кароосуз, багуусуз калган балдарды аныктоо, жашы жете электердин арасында укук бузууларды жана коомго каршы аракеттерди болтурбоо боюнча иштерди жүргүзүп келет. Башка мамлекеттик органдар менен биргеликте балдардын кароосуз калууларын, жашы жете электердин укук бузууларын алдын алуу, укуктарын коргоо боюнча иштер аткарылып, ыкчам алдын алуу жана рейддик иш-чаралар жүргүзүлүп жатат.
2020-жылдын 9 ай ичинде ИИМдин КККнын Жашы жете электер менен иштөө бөлүмүнүн кызматкерлери жаштар арасында жана жалпы билим берүү мекемелеринде окуган окуучулардын укук бузууларын алдын алуу максатында 6644 иш-чара (тегерек столтор, спорттук иш-чаралар, семинарлар, конференциялар) өткөрүшкөн. Андан сырткары, окуу жайларда 36800 лекция окулуп, ЖМКда 500 ашык чыгуулар уюштурулган.
Ушул жыл ичинде ИИМдин КККнын Жашы жете электер менен иштөө бөлүмдөрү 736 рейддик иш-чараларды өткөрүшкөн. Алар “Өспүрүм”, “Кароосуз”, “Камкордук”, “Кайрадан мектепке”, “Антирэкет”, “Лидер” аттуу иш-чаралар болот. Рейд учурунда 3328 жашы жете электер аныкталып, алардын ичинен 423 көчөлөрдө жашап жүргөндөр, 139 кайырчылык кылгандар, 11 спирт ичимдигин колдонгондор аныкталган.
Аныкталган фактылар боюнча тиешелүү маалыматтар социалдык коргоо жана башка мамлекеттик органдарга жөнөтүлүүдө. Зомбулук, балдарга карата орой мамиле кылуу фактыларын болтурбоо, бөгөт коюу жана аныктоо боюнча бирдиктүү иш-чаралар жүрүп жатат. Республиканын ИИОнун ЖИИБдин кызматкерлери көйгөйлүү маселелер боюнча 10970 маалымат, анын ичинен билим берүү тутумуна-5327, саламаттыкты сактоого-748, социалдык өнүктүрүү башкармалыгына-1694, КААБга-931 метериал жөнөткөн. Республиканын ИИОнун Жашы жете электер менен иштөө бөлүмүнүн алдын алуу каттоосунда 1523 жашы жете электерди каттоого алып, жашоо тиричилиги оор 410 үй-бүлө каттоого алынган.
Алдын алуу рейддин иш-чаралардын жүрүшүндө 5012 жашы жете электер ар кандай бөлүмдөргө, анын ичинен ИИМдин жашы жете электердин арасында укук бузууларды алдын алуу боюнча борборунда 838, социалдык кызматтарга жана приюттарда 403 бала жеткирилген.
Отчеттук аралыкта социалдык коргоо башкармалыгына жашы жете электер менен ата-энелерине карата 2751 материал жөнөтүлүп, 2067 материал каралып, 262 балдарды коргоо планы түзүлүп, 95 жашы жете элек балдар үйүнө, 75 социалдык мекемелерге жөнөтүлүп, тарбиялоо мүнөзүндөгү 1603 ар кандай чаралар көрүлгөн. Сотко ата-энелик укугунан ажыратуу жөнүндө 26 материал жөнөтүлүп, 7 факты боюнча сот чечим чыгарган.
Ошондой эле, жалпы билим берүүгө тартылбаган жана окубаган жашы жете электерди аныктоо жана тактоого багытталган алдын алуу иш-чаралары дагы жүргүзүлүп жатат. Бул көрүлүп жаткан чаралар окуу үчүн балдарын бардык зарыл болгон нерселер менен камсыздоодо оорчулук жаралган социалдык оор турмушта жашаган үй-бүлөлөрдү аныктоого багытталган. Жаңы окуу жылында эпидемиологиялык кырдаалга байланыштуу республиканын бардык окуу жайларында, 1-классты эске албаганда аралыктан окуу уланууда.
Жүргүзүлгөн иш-чаралардын жүрүшүндө коомдук жайлар, базарлар, короолор, оюн-зоок мекемелер текшерүүгө алынды.
Милициянын көчмө кабылдамасын пайдалануу менен калк менен жолугушуулар өткөрүлүп, жашы жете электерди милдеттүү түрдө окутуу зарылдыгы жөнүндө түшүндүрүү иштери жүргүзүлдү.
2020-жылдын 9 ай ичинде жашы жете электердин арасында 72 өзүнө өзү кол салуу фактысы катталган. Алардын ичинен 51 балдар болсо, 21 кыздар болушат.
Өзүнө өзү кол салууга балдардын көйгөйлөрүнө улуулардын көңүл кош мамилеси, анын ичинде баланын аң-сезимине оор таасир берген үй-бүлөлүк чыр-чатактар түрткү болууда.

ИИМ: 2020-жылдын 9 ай ичинде жашы жете электердин арасында кылмуштуулук ИИМ: 2020-жылдын 9 ай ичинде жашы жете электердин арасында кылмуштуулук ИИМ: 2020-жылдын 9 ай ичинде жашы жете электердин арасында кылмуштуулук ИИМ: 2020-жылдын 9 ай ичинде жашы жете электердин арасында кылмуштуулук

ИИМдин Басма сөз кызматы

 
Categories

Ысык-Көл облусунда коомдук-саясий абал талкууланды

Каракол шаарында Ысык-Көл областтык ички иштер башкармалыгынын демилгеси менен тегерек стол уюштурулуп, анда аймакта түзүлгөн коомдук-саясий кырдаал жана диний экстремизмге, терроризмге каршы көрүлүп жаткан иштер талкуланды. Тегерек столдун ишине жогорку окуу жайларынын студенттери, мектептердин окуучулары, областтык казыятынын, православдык чиркөөнүн жана улуттук диаспоралардын өкүлдөрү катышышты.
Ысык-Көл ОИИБдин экстремизмге жана мыйзамсыз миграцияга каршы күрөшүү кызматынын башчысы Арсен Самаевдин айтымында, учурда облустун аймагында коомдук-саясий абал туруктуу, көпчүлүк жергиликтүү тургундар күзгү талаачылык иштерин аяктоонун алдында турушат. Облустун укук коргоо органдары, коомчулуктун активдүү катмарынын жардамына таянып, жарандарыбыздын укуктарын камсыздоо максатында укук тартиптин жана мыйзамдардын талаптарын аткарылышы боюнча талыкпаган иштер турмушка ашырылып келүүдө.
Тегерек столдун ишине катышкан улуттук диаспоралардын өкүлдөрүнүн айтмында, бүгүнкү күндө облустун аймагында 23 башка улуттун өкүлдөрү турмуш сүрүп келишүүдө. Бул өзү, облустун элинин жалпы санынын 15 пайызын түзөт. Учурда, аталган диаспоралардын мүчөлөрү да четте калбастан, жергиликтүү калк арасында улут аралык ынтымакты бекемдөө, жарандардын укуктук сабаттуулугун жогорулатуу боюнча түшүндүрүү иштери колго алынып, жүргүзүлүп келүүдө.
Ысык-Көл облусунун казысы Алмаз Сагындыков белгилегендей, социалдык тармактарда түшүндүрүү иштерин күчөтүү керек экендигин баса көрсөттү. «Өзгөчө көӊүлдү балдарга, алардын социалдык тармактардагы кызыкчылыктарга буруу зарыл. Улуттар аралык мамилелерди жана улуттун ар тараптуу өнүгүүсүн бекемдөө максатында жаштар арасында түшүндүрүү иштерин, ар бирибиз күчөтүү керек», – деди ал.
Кыргыз Республикасынын Өкмөтүнө караштуу жергиликтүү өз алдынча башкаруу иштери жана этностор аралык мамилелер боюнча Мамлекеттик агенттигинин өкүлү Айбек Майрыков белгилегендей, жаштардын жарандык адеп-ахлактык жана турмуштук позицияларын түзүүгө көмөктөшүү үчүн жалпыга маалымдоо каражаттарында дискуссиялык аянтчаларды уюштуруу зарыл.
Тегерек столдун акырында, анын катышуучулары адамдардын эмоцияларын башкарууга, бийликке болгон ишенимдин деңгээлин төмөндөтүүгө, улут аралык ынтымагын бузууга жана регион аралык бөлүштүрүүгө багытталган маалыматтык согушка каршы бирдиктүү аракеттерди күчөтүү пикирине келишти.

Ысык-Көл облусунда коомдук-саясий абал талкууланды Ысык-Көл облусунда коомдук-саясий абал талкууланды Ысык-Көл облусунда коомдук-саясий абал талкууланды
Ысык-Көл ОИИБдин Басма сөз кызматы

 
Categories

ИИМ: Республиканын аймагында абал туруктуу жана толук көзөмөлдө

Кыргыз Республикасынын аймагында абал туруктуу жана укук коргоо органдарынын кызматкерлери тарабынан толук көзөмөлдөнүп жатат. Ал эми, өлкөдө түзүлгөн кырдаалга байланыштуу ички иштер органдарынын кызматкерлери башка укук коргоо органдары менен бирге кылмыштарды аныктоо, бөгөт коюу жана бетин ачуу боюнча иштерди жүргүзүп жатышат.
Республика боюнча 2020-жылдын 26-октябрына карата Кылмыштардын жана жоруктардын бирдиктүү реестрине 214 кылмыш, 126 жоруктар каттоого алынган. Кылмыштарды жана жоруктарды тыкыр иликтөө үчүн тиешелүү ыкчам-тергөө иш-чаралары жүрүп жатат. Ошондой эле, ички иштер органдарынын кызматкерлери жергиликтүү бийлик өкүлдөрү, ыктыярдуу элдик коошундар менен биргеликте коомдук тартипти сактоону камсыздоо боюнча алдын алуу иш-чараларын жүргүзүүдө.

ИИМдин Басма сөз кызматы

 
Categories

Саясатчылар элди ойлойбу?..

Соңку күндөрү өлкөбүздө саясат жогорку чыңалууда турат.
Парламенттик шайлоону ыплас мыйзам бузуулар менен өткөргөн бийлик эл тарабынан жарым жартылай жазаланды.
Мындай дегеним президент Сооронбай Жээнбеков Акүйдөн куулганы менен дачасына жашынып иштеп жатат.
Өлкөбүздөгү кырдаал турукташып, баары мыйзам талаасына түшкөндө кызматымдан кетем деген президентти айрым саясатчылар менен жакын адамдары айткан сөзүнөн кайтууга үндөп жатат.
Эгер андай болсо анын кесепети канчалык кайгылуу жана өкүнүчтүү болоорун президент сезбей жатса анда чын эле абдан кейиштүү.
Кечээ Канат Исаевди Жогорку Кеңештин төрагасы кылып шайлоого жетишкен президент жана анын жан жөкөрлөрү кайра күчтөнүп баштадык дешсе чоң жаңылышат.
Парламенттен премьер-министр болуп бекиген Садыр Жапаровго жарлык чыгаруудан баш тартып, артка кайтаруусу чоң чырдын башталышына жол ачпаса болду.
Анткен менен президенттин антип артка кайтарууга укугу жок. Баш мыйзамда андай норма каралбаган.
Баш мыйзамда президент дайындайт же дайындабайт деген эле так эреже бар.
Үч күн ичинде президент кол койбосо автоматтык түрдө дайындалды деп эсептелип өкмөт иштей берет.
Демек Садыр Жапаровдун өкмөтү мыйзамга ылайык ишке киришти.
Демек президент жаңы эреже тапты.
Ушундан улам президент кырдаалды турукташтырмак түгүл кайра курчутууга жол ачты.
Өкүнүчтүү…
Анткени элдин маанайы такыр башка.
Жээнбековдун эл арасындагы кадыр баркы төмөндөгөндөн төмөндөп баратат.
Демек анын мындан ары өлкөнү башкарууга такыр моралдык укугу калбады.
Ал азыр жаңы парламенттик шайлоону өткөрүп коюуп кетем деген ойго келди.
Өткөн парламенттик шайлоону дал ушул президент таза, ачык өткөрө албай шерменде болдуго.
Анан эми кантип кайра шайлоо өткөрүүгө укуктуу болмок.
Бүгүн Садыр Жапаровдун тарапташтары кайрадан борбордук аянтка чогулууда.
Кайрадан кооптуу абал жаралууда.
Саясатчылар бир пикирге келип, бардык саясий оюндарды токтотпосоңор болбойт.
Элди кыйнабагыла!
Элдин жашоосун, өлкөнүн экономикалык абалын ойлонгула!
Ансыз да көйгөйлөр өтө көп…

 
Categories

Төрага М. Абдылдаев Президент С. Жээнбеков менен сүйлөштү.

Бүгүн, 8-октябрда Жогорку Кеңештин Төрагасы Мыктыбек Абдылдаев Президент Сооронбай Жээнбеков менен телефон аркылуу сүйлөштү. Президент тараптан демилгеленген бул баарлашууда өлкөдөгү соңку саясий кырдаал талкууланды.
Төрага азыркы убакытта Жогорку Кеңеш абалды турукташтыруу жана мыйзамдык талаага кайтып келүү боюнча бардык колдон келген аракеттерди жасап жатканын, ошондой эле депутаттар тарабынан абалдан чыгуунун бир катар жолдору сунушталганын белгиледи. Ошону менен катар айрым эл өкүлдөрү тарабынан Президентти кызматтан четтетүү процедурасы башталгандыгын эскертти. Мыктыбек Абдылдаев Президентке кабыл ала турган чечимдер канчалык оор болбосун, ушул күндөрү түзүлгөн кырдаалдан чукул арада чыгуунун жолдорун ыкчам түрдө кароосу керек экенин белгиледи.
“Анткени, өлкөбүз күтүү режиминде жашай албайт”, – деп кошумчалады Төрага.
Жогорку Кеңештин Басма сөз кызматы
 
Categories

Аманкуловду айыптаган митинг

Бүгүн Бишкек шаарында “Биримдик” партиясысынын төрагасы Марат Аманкуловдун айткан сөздөрүнө каршы митинг өтүүдө.
Марат Аманкулов белгилүү бир чоң жолугушууда Кыргызстандын эгемендүүлүгүнө шек келтирген сөздөрдү айткандыгы интернет айдыңында ызы чуу жаратып жатат.
Интернет эле эмес бүтүндөй кыргыз коомчулугу абдан тынчсыздануу менен Аманкуловду кескин айыптоодо.
Чындыгында Марат Аманкуловдун ал айткандары чыккынчылыкка тете сөз болуптур.
Ал Орусиянын депутаттары менен жолугушуу учурунда кадимкидей эле аларга жагынуу, кошомат таризинде айтылган сөздөрү кыргыз мамлекетинин көз карандыгына шек келтирген сөздөр экендиги көрүнүп эле турат.
Ушундай өз элинин чыккынчылары бийликчил партиянын башында тургандыгы абдан өкүнүчтүү жана коркунучтуу.
Андыктан Аманкуловду ал жетектеген партиянын Лидерлигинен жана шайлоо тизмесинен тез арада чыгаруу зарыл.
Антпесе коомчулук Аманкуловдун Евразиячыл чакырыктарынын артында чоң күмөндүү иштер бар экендигин жана анын артында бийлик турушу мүмкүн деген чоң кооптонуу жаралууда.

Аманкуловду айыптаган митинг Аманкуловду айыптаган митинг Аманкуловду айыптаган митинг Аманкуловду айыптаган митинг

 
Categories

Музейлер менен китепканалар иштей баштайт

Кыргыз Республикасынын маданият жана туризм министрлиги 14- сентябрдан тартып өлкөбүздүн аймагындагы бардык музейлер менен китепканалар иштей баштайт.
Иштөө тартиби жана санитардык эрежелер боюнча саламаттыкты сактоо министрлиги менен атайын алгоритмдин негизинде жүргүзүлөт.

 
Categories

Иштебеген эрежелердин эртеңи

Кыргыз Республикасынын саламаттыкты сактоо министрлигинде коомдук тамактануу жайларында карантин эрежелерин жумшартуу маселеси каралууда.
Буга чейин пандемия шартында бардык санитардык эрежелерди жана социалдык аралыкты сактоо менен коомдук тамактануу жайларында бир учурда элүү адамдан ашырбоо каралган болчу.
Эми бул санды жүз кишиге чейин көтөрүп, тыштагы спорт аянчаларында да кишилердин санын көбүрөөк катыштырган иш чараларга уруксат берүү талкууланууда.
Бирок буга чейин эле тыйуу салынган карантин эрежелери толук сактабай келүүдө.
Андыктан иштебеген эрежелердин эртеңин эмес бүгүнкүсүн катуу көзөмөлдө учурдун талабы болууда.