Categories

Иманалиевдин “Кыргыздар” аттуу китеби араб тилинде жарык көрдү

Жогорку Кеңештин депутаты, саясат таануу илимдеринин доктору Каныбек Иманалиев менен Кыргыз эл жазуучусу Кеңеш Жусупов биргеликте түзүп чыккан “Кыргыздар” аттуу тарыхый 20 томдук китеп араб тилинде жарык көрдү.  Бул туурасында эл өкүлү Садык Шер-Нияз фейсбуктагы өзүнүн баракчасына жазып чыкты.

Аталган китептин бет ачары Доха шарында өткөн бүткүл дүйнөлүк китеп фестивалында болгон.

Анын айтымында, аталган китеп жалпысынан 6 тилде которулуп, басылып чыккан. 

Каныбек Иманалиевдин «Кыргыздар» аттуу китеби, дүйнөнүн негизги 6 тилине которулду десек болот. Англис, орус, кытай..,…

Опубликовано Sadyk Sher-Niyaz Вторник, 14 января 2020 г.

 
Categories

Масалиев: “Өз балдарын зордуктагандарга өлүм жазасы берилсин”

Өз балдарын зордуктагандарга өлүм жазасы берилсин. Мындай пикирин Жогорку Кеңештин бүгүнкү жыйынында депутат Исках Масалиев билдирди.

“Акыркы жылдары бизде үй-бүлөлүк зордук-зомбулук чектен чыгып кетти. Өзүнүн 3-4 жаштагы балдарын зордуктаган аталарды эмне деш керек. Мындайлар барган сайын көбөйүп кетип жатат. 2020-жылдан тартып Концитутцияны өзгөртүүгө биздин укугубуз  бар.  Мен өкмөттөн суранат элем, мына ушундай кылмыштар үчүн өлүм жазасын кайтарып бергиле, сунуштагыла. Андайларды абакта бир топ жыл багып, карагандын зарылчылыгы жок. Өз баласын зордуктагандар адам эмес айбан”,-дейт Масалиев. 

 

 
Categories

Азаматтар! Митинг учурунда “Тазалыктын” кызматкерине жардам берген жигиттер

Интернетке митинг учурунда “Тазалыктын” кызматкерине кар күрөп жардам берип жаткан жигиттердин сүрөтү жарыяланды. Аны фейсбук колдонуучу Ороскүл Койчуман кызы өзүнүн баракчасына жарыялаган.

Соцтүйүндө аталган сүрөт кызуу талкууланып, колдонуучулардын алкоосуна татыды.

https://www.facebook.com/photo.php?fbid=1792940237504032&set=a.701672133297520&type=3&theater

Азаматтар! Митинг учурунда "Тазалыктын" кызматкерине жардам берген жигиттер

 

 

 
Categories

Чек ара боюнча митингге чыккандар Разаковдун отставкасын талап кылышты

Бүгүн, 15-январда  кыргыз-тажик чек ара маселесин чечүүнү жана кармалган 4 адамдын бошотулушун талап кылган жарандар Ак үйдүн алдына митингге чыгышты. 

Чогулгандардын ичинде вице-премьер-министр Жеңиш Разаковдун отставкасын талап кылгандар да болду. 

Эске салсак, буга чейинки митингде 9-10-январда кыргыз-тажик чек арасында чыккан чырда күч органдары тарабынан кармалган 4 жаранды тез арада бошотуу талабы менен уюштурулган болчу.

 
Categories

Бишкекке электробустар алынып келинет

Үстүбүздөгү жылы Бишкек шаарына электробустар алынып келиниши мүмкүн. Бул тууралуу кечээ, 14-январда Бишкек шаардык кеңешинин кезектеги жыйынында Автотранспорт ишканасынын директору Нурлан Койчубаков билдирди.

Анын айтымында, автобустарды сатып алууга тендер жарыяланат.

«Тендер бешке бөлүнөт: 18 метрлик, 12 метрлик, 10 метрлик, 8 метрлик автобустар жана электробустарды сатып алуу. Дүйнө экологиялык транспортко өтүп жаткандыктан биз кошумча электробустарды кошууну чечтик. 60-100 даана электробус сатып алууну болжолдоп жатабыз», – деди ал.

 

 
Categories

МБКнын жетекчилиги жаңы жылды Кыргызстанда тозушкан жана эч жакка учушкан эмес

Буга чейин айрым маалымат каражаттарында Бажы кызматынын айрым кызматкерлери атайын учак жалдап, Дубайга барып эс алып келишкен деген маалымат коомчулукта бир топ нааразычылыктарды жаратканы маалым. Мындай маалыматка Бажы кызматы атайын билдирүү таратты. Анда мындай деп айтылат:

-2020-жылдын 14-январында саат 11:24 «Тuz.kg» интернет сайтына 2020-жылдын алдында Кыргыз Республикасынын Мамлекеттик бажы кызматынын жогорку кызматта турган 15 кызматкер анча чоң эмес учакты брондоп Алматынын аэропортунан Дубайга үй-бүлөлөрү менен учуп кеткендиги тууралуу айтылган макала жарыяланган. Бул маалымат чындыкка дал келбейт. КРӨгө караштуу МБКнын жетекчилиги жаңы жылды Кыргызстанда тозушкан жана эч жакка учушкан эмес-деп, айтылат.

 
Categories

Кыргыз-тажик чек арасы боюнча сүйлөшүү жыйынтыкталды

Тажикстандын Гүлистон айылындагы Кыргыз-тажик чек арасы боюнча эки өлкөнүн өкмөт мүчөлөрүнүн сүйлөшүүсү алты маселени макулдашып, протоколго кол кою менен аяктады. Бул тууралуу “Азаттыктын” басылмасы жазып чыкты.

  1. Буга чейин кыргыз-тажик топографиялык тобу иштеп чыккан 114 чакырым аралыктагы макулдашылган чек ара аймагын аныктап, укуктук негиздерин бир айдын ичинде негиздөөгө сунуш берилсин.
  2. Чек ара аймагында шахмат түрүндө жайгашып калган жерлерди аныктап, адегенде бир тараптуу чечип, анан жерлерди алмашуу боюнча сунуш ушул жылдын 1-мартына чейин берилсин.
  3. Чыр-чатак көп катталган, эки эл жанаша жайгашкан аймакта кыргыз-тажик күч кызматтарынын биргелешкен күзөтүн күчөтүү каралсын.
  4. Кыргыз-тажик чектеш аймактарында көчөлөр жарыктандырылып, видео байкоо орнотулсун. Эгерде чыр-чатак болуп кетсе видео тасманы эки тарап бирдей карап, талдоого алсын. Ош-Баткен-Исфана эл аралык автожолунун Жака-Өрүк аймагынан өткөн жериндеги Исфара-Ворух жолунун кесилишине жол чырак орнотулсун.
  5. Кыргыз-тажик элинин ортосунда соода-сатык алакасын, маданий кызматташууну өркүндөтүү каралсын.
  6. Кыргыз-тажик чек арасында аткарылып жаткан жумуштарды алдын ала жалпыга маалымдоо каражаттары аркылуу жайылтпоо макулдашылсын.

Кол коюлган протоколго ылайык, жогорудагы алты маселеге эки тарап бирдей жоопкерчилик алып, жумуш чогуу аткарыла тургандыгы айтылды.

Кыргыз-тажик чек арасы боюнча сүйлөшүү 14-январда Баткен районунун Кызыл-Бел айылына чектеш Тажикстандын Гүлистон айылындагы Гүлистон чек ара бекетинде өттү.

 
Categories

Орусиянын түзөтүү мекемелеринде 1 миң 405 кыргызстандык жаза өтөөдө

Орусиянын түзөтүү мекемелеринде 1 миң 405 кыргызстандык жаза өтөөдө. Бул тууралуу Кыргызстандын Орусиядагы элчилигинен кабарлашты.

Маалыматка ылайык, алардын 98 пайызы атайлап жасалган кылмыш үчүн (негизинен өз жердештерине карата жасалган кылмыштар) соттолгон.

«Орусиянын түзөтүү мекемелеринде жаза өтөп жаткан кыргызстандыктардын эсеби дайыма жүргүзүлөт. Бул багытта Орусия тарап менен бирге иштешүүнү күчөтүүнүн алкагында, Кыргызстандын ЖАМКнын өкүлчүлүгү былтыр Орусияда түзүлгөн», — деп билдиришти элчиликтен.

 
Categories

Бишкекте күйөөсү мурдагы аялын мыкаачылык менен өлтүрдү

Бишкекте күйөөсү мурдагы аялын мыкаачылык менен өлтүрдү. Бул туурасында бүгүн,14-январда укук коргоо органдарынын маалыматына таянып Акипресс агенттиги жазып чыкты.

Маалыматка ылайык, 12-январда кылмышка шектүү жаран 2 баласы менен жашаган мурунку аялынын үйүнө келген. Ал ортодо экөөсүнүн ортосунда жаңжал чыгып, ачууланган эркек киши жубайын бычак менен кескилеп, кылмыш болгон жерден изин жашырып качып кеткен. Жабырлануучу алган жаракатынан улам көз жумган.

Свердлов райондук милициясы кылмышка шектүүнү кармап, учурда териштирүү иштери жүрүп жаткандыгын билдирди.

 
Categories

Эртең Бишкектин айрым аймактарында электр жарыгы өчүрүлөт

Эртең Бишкектин айрым аймактарында электр жарыгы өчүрүлөт. Бул тууралуу «Түндүкэлектр» ААКдан билдиришти.

Ондоо иштерине байланыштуу жарык төмөнкү даректерде өчөт:

9.00-17.00 — «Төкөлдөш» (Менделеев), «Көк-Жар» (Улан, Кулмурзаев, Арстанбап), «Каражыгач багы», Разаков, 100, Фрунзе, 475;

9.00-18.00 — Жибек Жолу, Фрунзе, Панфилов, Баетов, Тоголок Молдо көчөлөрүнүн бир бөлүгү;

9.30-17.00 — «Ак-Тилек-3», «Ала-Тоо», «Арча-Бешик» (Репин, Ахунбаев, Садырбаев), Адышев, Лущихин көчөлөрүнүн бир бөлүгү;

10.00-17.00 — Керамическая көчөсүнүн бир бөлүгү;

13.00-17.00 — Толстой, Логвиненко көчөлөрүнүн бир бөлүгү;

13.00-18.00 — «Аламедин-1» кичи району, 62-65, 67-71;

17.00-19.00 — Эркиндик бульвары.