Categories

Сентябрда 11 мектеп ачылат

Республика боюнча 1- сентябрга карата 11 мектептин толук курулушу бүткөрүлүп жаңы окуу жылына ачылат.
Бул көрсөткүч акыркы 15 жылдагы эң аз сан.
Анткени быйыл пандемиядан улам каржы маселеси татаалданышына байланыштуу көптөгөн курулушу жүрүп жаткан мектептерге толук каржылоо болбой токтогон.

 
Categories

Сапар Исаков Жогорку сотко арызданат

Борбордук тарых музейин оңдоого байланыштуу мурдагы премьер-министр Сапар Исаков “Коррупция” беренеси боюнча күнөөлүү деп табылып 18 жылга эркинен ажыратылып, 247 миллион сом айып пул салынган Биринчи май райондук сотунун өкүмүн Бишкек шаардык соту өзгөртүүсүз калтырды.
Шаардык сот мындай чечимди кечээ 20- августта чыгарды.
Сапар Исаковдун жактоочулары шаардык соттун чечимине каршы Жогорку сотко кассациялык арыз менен кайрылаарын билдирди.
Жактоочунун айтымында биринчи инстанцияда Сапар Исаковдун бир да күнөөсү далилденбеген.
Андыктан шаардык соттун чечими таптакыр башкача болушу керек эле дейт.

 
Categories

Боронов болбойт деди

Бүгүн премьер-министр Кубатбек Боронов атайын брифинг өткөрүп өлкөдөгү абалга ар тараптуу токтолду.
Курулуп жаткан социалдык объектилер тууралуу айтып, мында мектептер менен орууканаларга кеңири көңүл бурулуп жаткандыгын белгиледи.
Учурда зарыл болгондордун толук аягына чейин куруп бүткөрүүнүн аракети болуп жаткандыгын айтты.
Айрымдары каражаттын тартыштыгынан токтотулуп, кийинкиге калаарын белгиледи.
Ошондой эле күздүн келиши менен элибиз салтка айланган той аштарды көп өткөрүп баштарына токтолуп, пандемиянын шартында ысык суук мааракелерди өткөрүүдөн баш тарта турууга чакырды.
Бизге улуттун саламаттыгы биринчи орунда болуш керек деди.
Кыскасы Өкмөт башчы той өткөрүүгүө болбойт дейт.
Ага биздин эл макул болобу?
Ай ким билет…

 
Categories

Президент Нарында

Өлкө башчысы Сооронбай Жээнбеков аймактарды кыдыруусун улантууда.

Бүгүн эртең 19-20 августта Нарын облусун кыдырып чыкмакчы.

Президент жумушчу сапарынын алкагында аймактагы ички жолдордун абалын көрүп чыгат.

Ошондой эле билим берүү тармагы, санариптештирүүнүн абалы менен таанышат. Андан сырткары пандемиянын кесепетин жоюудагы иштерди да көрмөкчү.

 
Categories

Отунбаева Кембриджке керекпи?

Кыргызстандын өткөөл мезгилдеги президенти Роза Отунбаеваны атактуу Кембридж университети илимий кызматкерликке чакырган.
Чакыруу ушул жылдын кышында келген.
Ага ылайык Роза Исаковна апрель айында ишке чыкмак.
Тилекке каршы таажылуу вирус пандемиясына байланыштуу баралбай калган.
Буйруса эмки жылы барып иштеп калаары күтүлүүдө.

 
Categories

Дарбыз, биз да барабыз

Акыркы эки жылдан бери өлкөбүздүн бир катар аймактарында дарбыз өстүрүү далалаты күч болууда.
Атап айтканда мурда эзели дарбыз айдалбаган Нарын облусунун Жумгал районунда, Талас облусунда, Ысык-Көл облусунда дыйкандар аз-аздан дарбыз эгип башташты.
Албетте аталган аймактардын баарында эле бул жаңылык дароо ойдогудай болуп кетпегени менен «кылса болот экен»  дегенчелик түшүм алышууда.
Ошондой эле түштүк жергесинде мурда дарбыз айдабаган Ала-Бука районунда да акыркы эки жылдан бери дарбыздан мол түшүм алышууда.
Андан сырткары түштүктүн айрым райондорунун эзели дарбыз экпеген айылдарында да кызыгып айдашып, мол түшүм, арбын киреше табышууда.
Негизи дарбызды жакшы карап, өстүрүп, мээнет кылса жакшы киреше берээри анык.
Ошол үчүн дүйнө жүзүндө кай жерде дарбыз өстүрүүгө ылайык климат болсо баары дарбыз өстүрүүгө далалат кылышат.
Жер шарында жашаган элдердин бүт баары дарбыз жешет.
Ааламда дарбызды жебеген адамдар саналуу эле болсо керек…

 
Categories

Айсултан Назарбаев каза болду

Казакстандын тунгуч президенти Нурсултан Назарбаевдин небереси Айсултан Лондондо каза болду.
Анын өлүмүнө эмне себеп болгону так белгисиз.
Азырынча жүрөгү токтоп калышы мүмкүн деген божомол айтылууда.
Айсултан отуз жашта болчу.
Ал акыркы убактарда баңгиликтен арылалбай Лондондо дарыланып жүргөн.
Мындан жарым жыл мурда апасы Дарига менен араздашып, эне баланын ортосундагы мамиле катуу суугандыгын, таятасы Нурсултан Назарбаевге да нааразы экендигин социалдык тармактарда айтып чыккан.
Жада калса өмүрүнө да коркунуч болуп жаткандыгын айткан.
Бирок акыркы айларда такыр тынчып калган болчу.

 
Categories

Тойлор тойго уланып

Кыргыз элинин каада салтындагы эң чоң өзгөчөлүк түрү көп тойлор.
Туулганда бешик той менен башталып аягы өлгөндөн кийин аш той менен бүтөт.
Дегенибиз жашообузда көп эле нерсени чектеп же тыйсак болот экен.
Бирок кыргыздын тойун токтотуу мүмкүн эмес экен.
Таажылуу вирус пандемиясына байланыштуу карантиндин эрежелеринин бири массалык түрдө эл топтоп аш, тойлорду өткөрүүгө тыйуу салынган.
Атайын эреже иштелип чыгып, катаал карантинди жумшартып элүү кишиден ашпаган чакан үлпөттөргө уруксат берилген.
Ошого карабастан акыркы аптада борбоубуз Бишкектин бир катар тойканаларында катары менен толтура эл катышкан тойлордун болуп жаткандыгы белгилүү болуп, керек болсо тийиштүү мамлекеттик көзөмөл органдары айып пул салып жатышкандыгы айтылууда.
Мында негизги бир кемчилик той өткөргөн тойкананын ээсине бар болгону 3000 сом айып пул салынганы болууда.
Элестете бериңиз 300 киши катышкан тойдон түшкөн киреше бери дегенде 150 000 сом болот. Андан 3000 сом эмес 30 000 айып пул төлөө тойкананын эсине түккө арзыбайтго.
Андыктан айып пулду эселеп көбөйтүп, тойкананы кеминде жарым жылга дароо жаап салыш керек!
Керек болсо той ээлерине да айып пул салуу зарыл!

Антпесе тойлорду, ысык суук мааракелерди өткөрө беришет.
Каада салттан элдин, улуттун ден соолугу алда канча маанилүү!

 
Categories

Токтогул толбойт, жарык өчпөйт

Токтогул толбойт, жарык өчпөйт
Улуттук электр тармактар ишканасынын маалыматына ылайык жылытуу сезону башталгыча Токтогул суу сактагычына алдын ала болжол менен 14 млрд 900 млн куб суу жыйналмакчы.
Бүгүнкү күндө суу сактагычта 14 млрд 411млн куб суу бар.
Бул көрсөткүч өткөн жылдын ушул мезгилине салыштырмалуу 2,2 млрд кубка аз.
Анткен менен маал маалы менен жарыкты өчүрүү болбойт экен.
Ушул тапта кийинчерээк тартыш боло турган электр энергиясын коңшу Казакстандан импорттоо боюнча сүйлөшүүлөр болуп жатыптыр.
Албетте калк тарабынан да электр энергиясын үнөмдөө аракети жасалышы шарт.

 
Categories

Президент түштүктү кыдырат

Мамлекет башчысы Сооронбай Жээнбеков 12-13-августта Баткен, Ош, Жалал-Абад облустарына жумушчу сапары менен болот.
Эки күндө аталган облустардагы жол, өнөр жай курулуштары ошондой эле иригациялык курулмалардын абалын көрүп, таанышып чыгат.
Ошондой эле таажылуу вирус пандемиясы менен күрөшүүдөгү иштерди көрмөкчү.