Categories

Тойлор тойго уланып

Кыргыз элинин каада салтындагы эң чоң өзгөчөлүк түрү көп тойлор.
Туулганда бешик той менен башталып аягы өлгөндөн кийин аш той менен бүтөт.
Дегенибиз жашообузда көп эле нерсени чектеп же тыйсак болот экен.
Бирок кыргыздын тойун токтотуу мүмкүн эмес экен.
Таажылуу вирус пандемиясына байланыштуу карантиндин эрежелеринин бири массалык түрдө эл топтоп аш, тойлорду өткөрүүгө тыйуу салынган.
Атайын эреже иштелип чыгып, катаал карантинди жумшартып элүү кишиден ашпаган чакан үлпөттөргө уруксат берилген.
Ошого карабастан акыркы аптада борбоубуз Бишкектин бир катар тойканаларында катары менен толтура эл катышкан тойлордун болуп жаткандыгы белгилүү болуп, керек болсо тийиштүү мамлекеттик көзөмөл органдары айып пул салып жатышкандыгы айтылууда.
Мында негизги бир кемчилик той өткөргөн тойкананын ээсине бар болгону 3000 сом айып пул салынганы болууда.
Элестете бериңиз 300 киши катышкан тойдон түшкөн киреше бери дегенде 150 000 сом болот. Андан 3000 сом эмес 30 000 айып пул төлөө тойкананын эсине түккө арзыбайтго.
Андыктан айып пулду эселеп көбөйтүп, тойкананы кеминде жарым жылга дароо жаап салыш керек!
Керек болсо той ээлерине да айып пул салуу зарыл!

Антпесе тойлорду, ысык суук мааракелерди өткөрө беришет.
Каада салттан элдин, улуттун ден соолугу алда канча маанилүү!

 
Categories

Токтогул толбойт, жарык өчпөйт

Токтогул толбойт, жарык өчпөйт
Улуттук электр тармактар ишканасынын маалыматына ылайык жылытуу сезону башталгыча Токтогул суу сактагычына алдын ала болжол менен 14 млрд 900 млн куб суу жыйналмакчы.
Бүгүнкү күндө суу сактагычта 14 млрд 411млн куб суу бар.
Бул көрсөткүч өткөн жылдын ушул мезгилине салыштырмалуу 2,2 млрд кубка аз.
Анткен менен маал маалы менен жарыкты өчүрүү болбойт экен.
Ушул тапта кийинчерээк тартыш боло турган электр энергиясын коңшу Казакстандан импорттоо боюнча сүйлөшүүлөр болуп жатыптыр.
Албетте калк тарабынан да электр энергиясын үнөмдөө аракети жасалышы шарт.

 
Categories

Президент түштүктү кыдырат

Мамлекет башчысы Сооронбай Жээнбеков 12-13-августта Баткен, Ош, Жалал-Абад облустарына жумушчу сапары менен болот.
Эки күндө аталган облустардагы жол, өнөр жай курулуштары ошондой эле иригациялык курулмалардын абалын көрүп, таанышып чыгат.
Ошондой эле таажылуу вирус пандемиясы менен күрөшүүдөгү иштерди көрмөкчү.

 
Categories

Кургуйга кеткен курулуш

Акыркы жылдары өлкөбүздүн экономикасындагы өсүштүн бир өңүтү курулуш тармагынын эсебинен болуп жаткан.
Курулуштагы эң чоң үлүш Бишкекте андан кийин Ош шаары менен Ысык-Көлдө болчу.
Пандемиядан улам аталган тармак катуу жабыркап, акыркы алты айда 8,9 пайызга ылдый кулаган.
Кыргызстандагы жумуш орундары да дал ушул курулуштун эсебинен аз да болсо чечилип келген.
Айрыкча турак жай курулушу алсырады.
Курулуп жаткан көп кабаттуу үйлөрдүн батирлерин көбүнчө Орусиядагы эмгек мигранттарыбыз сатып алышчу.
Азыр алардын көпчүлүгүнүн акыбалы батир сатып алууга эмес эптеп жан багууга араң жетүүдө.
Алардан сырткары алыскы чет өлкөлөрдө иштеп жаткан мекендештерибизда Бишкектен үй сатып алууга далалат кылышчу.
Мына ушундай жагдайдан улам курулуштун темпи жайлап, айрымдары такыр токтоп калды.
Жаңы баштайбыз дегендер арасат абалда ойлонуп олтурушат.

 
Categories

Мурдагы тышкы иштер министри каза болду

Кезинде Кыргыз ССРнин тышкы иштер министри болуп иштеген кыргыздын чыгаан кыздарынын бири Ташыбекова Жамал Чоюбековна 83 жашында каза болду.
Жамал айым 1980 – 1986 – жылдарда бир эле учурда Кыргыз ССРнин министрлер кеңешинин төрагасынын орун басары жана тышкы иштер министри болуп эки ишти айкалыштырып иштеп турган.
Ошол убакта Кыргызстан менен Кытайдын алака мамилелерин арттырууда чоң салым кошкон.
Жамал эже өмүрүн элге жана өлкөгө арнап, ардактуу эс алууда жүргөн учурунда да бир катар мамлекеттик жана коомдук иштерде иштеп жүрдү.

 
Categories

Арабөк калган авиация

Өлкөбүздүн жарандык авиация боюнча агенттигинин директору Курманбек Акышевдин айтымында өткөн жылы биздин авиа каттамдар аркылуу 1,5 миллион жүргүнчү учушкан болсо, быйылкы жылдын жарымына карата жарым миллионго да жетпеген.
Анткени акыркы беш айда атайын уюштурулган чартердик каттамдардан тышкары туруктуу каттамдар дээрлик болгон эмес.
Августун ортосу сентябрдын башында чет өлкөлөргө туруктуу авиа каттамдарды жандантуу аракеттери көрүлүп жатыптыр.

 
Categories

Бишкекте дагы үч стационар жабылды

Акыркы күндөрү таажылуу вирус жуктургандардын саны азайып баратат.
Аз-аздан абал турукташып келе жатат.
Баш калаабыздагы ачылган стационарларга кайрылгандардын саны кескин кыскарууда.
Ошого байланыштуу Мэриянын чечими менен кечээ дагы үч стационар жабылды.
Жалпысынан эки ай аралыгында Бишкектеги стационарлардан 90 миңдин тегерегинде бейтап медициналык жардамдарды алышкан.

 
Categories

Учурда чөп кымбат, кышта кандай болоор экен…

Быйылкы жыл жаанчыл болгону менен түнкү аба жылуу болбой, чөптүн өсүмү жакшы болбоду.

Андыктан азыр чөп кымбат.

Чүй өрөөнүндө бир түк чөптүн баасы 180 сомдун айланасында болсо, түштүк аймагында 200 сомдон жогору.

Учурда фермерлердин, мал кармагандардын шашкылары кете баштады.

Эми эле баа ушунча болуп, тоют  аз болуп жатат, кыштын аягында не кылабыз дешип.

Эгер арпа, буудайдын саманын талаага калтырбай жыйнап албаса кышында абал оор болчудай.

Баягы 2011- дылдагыдай малга жут болуп, бир түк чөптүн баасы 800-1000 сомго чыкпаса болду.

 
Categories

Акимдер алмашууда

Эки жума мурун жазганбыз шайлоого карата бир катар кадрдык дайындоолор болоорун.

Биз айткандай эле ошондон бери эле акырындык менен бир-бирден акимдер алмашууда.

Бүгүн дагы эки райондун акимдери кызматтан кетишти.

Ысык-Көл районунун акими Данир Иманалиев жана Бишкектин Ленин районунун акими Токтосун Султанов ээлеген кызматтарын бошотушту.

Кезекте дагы кимдер кетээрин карап туралы…

 
Categories

Чет өлкөнүн жарандыгы бар мекендештердин укуктук абалы маселелери боюнча Кыргыз Республикасынын айрым мыйзам актыларына өзгөртүүлөр киргизилет

Кыргыз Республикасынын Президенти Сооронбай Жээнбеков «Чет өлкөнүн жарандыгы бар мекендештердин укуктук абалы маселелери боюнча Кыргыз Республикасынын айрым мыйзам актыларына өзгөртүүлөрдү киргизүү тууралуу» Кыргыз Республикасынын Мыйзамына кол койду.

Мыйзам Кыргыз Республикасынын Жогорку Кеңеши тарабынан 2020-жылдын 11-июнунда кабыл алынган.

Аталган Мыйзамдын максаты мурда Кыргыз Республикасынын жарандыгында турган чет өлкөлүк жарандарга Кыргызстандагы укуктук абалына, анда болуусуна, эмгектик укуктарына, мамлекеттик чек арадан өтүүсүнө, билим алуусуна жана дарылануусуна өзгөчө укуктарды, артыкчылыктарды берүү болуп саналат.

Кабыл алынган Мыйзам менен төмөндөгүлөр каралган:

— «Чет өлкөнүн граждандыгы бар мекендештин статусу» деген түшүнүк киргизилүүдө, б. а. мурда Кыргыз Республикасынын граждандыгында турган чет өлкөлүк граждандар чет өлкөнүн граждандыгы бар мекендештин статусун алууга укуктуу.

— Чет өлкөнүн граждандыгы бар мекендештин статусу төмөнкү адамдарга ыйгарылышы мүмкүн:

1.— алардын алгач Кыргыз Республикасынын граждандыгына таандык болгондугуна карабастан, мурда Кыргыз Республикасынын граждандыгында турган чет өлкөлүк граждандын балдары же неберелери болуп саналган чет өлкөлүк граждандарга;

2.— алардын алгач Кыргыз Республикасынын граждандыгына таандык болгондугуна карабастан, Кыргыз Республикасынын граждандарынын балдары же неберелери болуп саналган чет өлкөлүк граждандарга;

3.— Кыргыз ССРинде туулган чет өлкөлүк граждандарга, ошондой эле алардын балдарына жана неберелерине;

— Чет өлкөнүн граждандыгы бар мекендештин статусу Кыргыз Республикасы менен чектеш мамлекеттердин граждандарына ыйгарылышы мүмкүн эмес;

— «Чет өлкөлүк граждандардын Кыргыз Республикасындагы укуктук абалы жөнүндө» Кыргыз Республикасынын Мыйзамы жаңы III бөлүм менен толукталып жатат. Анда чет өлкөнүн граждандыгы бар мекендештин укуктары, статусун ыйгаруунун тартиби, статусун алуудан баш тартуу үчүн негиздер, статусун токтотуу жана андан ажыратуу маселелер каралган;

— Чет өлкөнүн граждандыгы бар мекендештин статусун ыйгаруунун, узартуунун, токтотуунун жана андан ажыратуунун тартиби, тиешелүү документтин үлгүсү жана аны берүү тартиби Кыргыз Республикасынын  Өкмөтү тарабынан аныкталат;

— Чет өлкөнүн граждандыгы бар мекендештер визасын жол-жоболоштурбастан Кыргыз Республикасынын аймагына кирип, чыгып турууга, транзит менен өтүүгө, ары-бери жүрүүгө жана анда турууга укуктуу;

— Чет өлкөнүн граждандыгы бар мекендештер ыйгарым укуктуу мамлекеттик органдар берүүчү эмгек визасын жол-жоболоштурбастан же жумушка уруксат албастан, Кыргыз Республикасынын граждандары үчүн белгиленген негиздерде жана тартипте ишканаларда, мекеме-уюмдарда иштөөгө же башка эмгектин түрү менен алектенүүгө укуктуу;

— Чет өлкөнүн граждандыгы бар мекендештер Кыргыз Республикасынын мыйзамдарында каралган, саламаттык сактоо жана билим берүү чөйрөлөрүндөгү акы төлөнүүчү кызмат көрсөтүүлөрдүн Кыргыз Республикасынын граждандары менен теңдеш, бирдей шарттарына укуктуу;

— Эгерде чет өлкөнүн жарандыгы бар мекендештин статусун алган чет өлкөлүк жаран айыл чарба жерлеринин мураскери болуп саналса, ал жер участогуна карата укугу пайда болгон учурдан тартып он жылдын ичинде аны Кыргыз Республикасынын жаранына ажыратып берүүгө милдеттүү.

Мыйзам расмий жарыяланган күндөн тартып күчүнө кирет.