Categories

Жалал-Абадда көп балалуу энелер сыйланды

Жалал-Абад шаарындагы көп балалуу энелер “Баатыр эне” ордени жана “Эне даңкы” төш белгиси менен сыйланышты.

Сыйлыктарды мэр Мураталы Тагаев тапшырды. Бүгүн алты энеге “Баатыр эне” ордени берилсе, беш энеге “Эне даңкы” медалы ыйгарылды.

Калаада жалпысынан 222 баатыр эне бар.

 
Categories

Мамлекеттик органдардын коомдук кеңештерине сынак жарыяланды

Мамлекеттик органдардын коомдук кеңештерине сынак жарыяланат. Бул тууралуу өкмөттүн басма сөз кызматы билдирди.

Кыргыз Республикасынын «Мамлекеттик органдардын коомдук кеңештери жөнүндө» Мыйзамына ылайык, Мамлекеттик органдардын коомдук кеңештеринин мүчөлөрүн тандоо боюнча комиссия (мындан ары – Комиссия) мамлекеттик органдардын коомдук кеңештеринин жаңы/учурдагы курамына коомчулук өкүлдөрүн, анын ичинде коммерциялык эмес уюмдардын, илимий чөйрөнүн, бизнес-ассоциациялардын, министрлик жана административдик ведомстволордун ишмердүүлүгүнө тийиштүү тармактардын экспертик чөйрөсүнүн, кесипкөй жана тармактык уюмдардын өкүлдөрүн кошумча сынакка тандоо үчүн документтерди кабыл алуусу тууралуу жарыялайт.

2020-жылдын 26-июнуна чейин Кыргыз Республикасынын «Кыргыз Республикасынын мамлекеттик органдардын коомдук кеңештери жөнүндө» Мыйзамынын 14-беренесинин 2-бөлүгүнүн талаптарына ылайык жана Коомдук кеңештердин буга чейинки курамынын иши аяктагандыгына байланыштуу төмөнкү Коомдук кеңештерге сынак жарыяланат:

– Кыргыз Республикасынын Финансы министрлиги;

– Кыргыз Республикасынын Өзгөчө кырдаалдар министрлиги;

– Кыргыз Республикасынын Маданият, маалымат жана туризм министрлиги;

– Кыргыз Республикасынын Саламаттык сактоо министрлиги;

– Кыргыз Республикасынын Транспорт жана дол министрлиги;

– Кыргыз Республикасынын Өнөр жай, энергетика жана жер казынасын пайдалануу мамлекеттик комитети;

– Кыргыз Республикасынын Маалыматтык технологиялар жана байланыш мамлекеттик комитети;

– Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы мамлекеттик агенттиги;

– Кыргыз Республикасынын Өкмөтүнө караштуу Жергиликтүү өз алдынча башкаруу иштери жана этностор аралык мамилелер боюнча мамлекеттик агенттиги;

– Кыргыз Республикасынын Өкмөтүнө караштуу Финансы рыногун жөнгө салуу жана көзөмөлдөө мамлекеттик кызматы;

– Кыргыз Республикасынын Өкмөтүнө караштуу Мамлекеттик салык кызматы;

– Кыргыз Республикасынын Өкмөтүнө караштуу Мамлекеттик бажы кызматы;

– Кыргыз Республикасынын Өкмөтүнө караштуу Финансылык чалгындоо мамлекеттик кызматы;

– Кыргыз Республикасынын Өкмөтүнө караштуу Милдеттүү медициналык камсыздандыруу фонду.

2020-жылдын 26-июнуна чейин Кыргыз Республикасынын Экономика министрлигинин коомдук кеңешинин учурдагы курамына, ошондой эле Кыргыз Республикасынын «Кыргыз Республикасынын мамлекеттик органдардын коомдук кеңештери жөнүндө» Мыйзамынын 14-беренесинин 11-бөлүгүнүн талаптарына ылайык аял талапкерлердин санынын жетишсиздигине байланыштуу төмөнкү мамлекеттик органдардын Коомдук кеңештеринин жаңы/негизги курамына талапкерлердин документтерин кабыл алуу мөөнөтү узартылат:

– Кыргыз Республикасынын Коргоо иштери боюнча мамлекеттик комитети;

– Кыргыз Республикасынын Өкмөтүнө караштуу Архитектура, курулуш жана турак жай-коммуналдык чарба мамлекеттик агенттиги;

– Кыргыз Республикасынын Өкмөтүнө караштуу Мамлекеттик каттоо кызматы;

– Кыргыз Республикасынын Өкмөтүнө караштуу Ветеринардык жана фитосанитардык коопсуздук боюнча мамлекеттик инспекциясы.

Коомдук кеңештердин мүчөлөрү 2 жылдык мөөнөткө шайланат.

Эскертүү: Бир уюмдан тигил, же бул коомдук кеңешке бир гана адам шайланышы мүмкүн. Бир эле адам бир гана коомдук кеңешке мүчө болуп шайлана алат.

Коомдук кеңештин курамына киргизүү үчүн талапкерлер жарандар жана уюмдар тарабынан, ошондой эле жарандардын өзүн өзү көрсөтүү жолу менен сунушталышы мүмкүн.

Коомдук кеңештин мүчөлүгүнө мурда соттолбогон, Кыргыз Республикасынын иш-аракетке жөндөмдүү жараны талапкер боло алат. Коомдук кеңештин мүчөлүгүнө талапкер төмөнкү критерийлерге ылайык келиши керек:

1) коомдук кеңеш түзүлүп жаткан министрликтин жана административдик ведомствонун жетекчилиги (жетекчиси же анын орун басарлары) менен жакын туугандык мамиледе болбошу;

2) коомдук кеңеш түзүлүп жаткан ошол министрликке жана администрациялык ведомствого тикелей көз каранды болбошу (лицензияны алуучу, контракттын негизинде товарларды жана кызмат көрсөтүүлөрдү берүүчү жана у.с.);

3) мамлекеттик же муниципалдык кызматкер болбошу;

4) кынтыксыз ишкерлик кадыр-баркка ээ болушу;

5) тиешелүү министрликтин жана административдик ведомствонун ишин жакшыртуу боюнча көз караш, идеялар же сунуштар болушу керек;

6) активдүү коомдук ишмердик жүргүзүү, жарандык демилгелер тажрыйбасы болушу керек.

Сынакка катышуу үчүн талапкер Комиссияга төмөнкү документтерди тапшырууга тийиш (жазуу түрүндө жана мамлекеттик же расмий тилинде сунушталат):

1) Талапкерди тиешелүү коомдук кеңештин курамына киргизүү жөнүндө сунушу, бул талапкерди коомдук кеңештин курамына киргизүү үчүн негиздер, жүйөлөр камтылып Комиссияга даректелген жарандын же юридикалык жактын же жарандык жана/же юридикалык жактардын бирикмелеринин өзүн өзү көрсөтүүсү жөнүндө арызы же каты;

2) билими, кесипкөйлүк жана коомдук ишмердүүлүк тажрыйбасы, талапкердин туулган жылы жана жери (күнү/айы/жылы, айыл/шаар, район, облусу), байланыш маалыматтары (дареги, телефон номери, электрондук дареги) көрсөтүлгөн, өмүр баяны (резюме) сынакка документ тапшырууга чейинки 6 айдан берки сүрөтү менен маалыматтар;

3) талапкердин коомдук кеңешке өз катышуусу тууралуу көз карашы.

4) 2 сунуштама кат.

Сынакка катышуу үчүн документтер төмөнкү дарек боюнча кабыл алынат:

1) 720003, Бишкек ш., Абдумомунов көч. 207 («Кыргыз Республикасынын Өкмөтүнүн Аппаратынын маалыматтык камсыздоо бөлүмү» белгиси менен) же osgo@mail.gov.kgэлектрондук почтасы аркылуу:

2) конкреттүү мамлекеттик органды белгилеп, «коомдук кеңешке сынакка» белгиси менен (PDF форматында көлөмү 5 МВдан ашпаган бир файл түрүндө) жөнөтүү сунушталат.

Коомдук кеңештерге шайлануу үчүн «Мамлекеттик органдардын коомдук кеңештери жөнүндө» Кыргыз Республикасынын Мыйзамында белгиленген талаптарга ылайык келбеген документтерди тапшырган талапкерлер сынакка киргизилбейт.

 
Categories

Шашылыш билдирүү! Айрым аймактарда сел жүрөт

Күтүлүп жаткан жаан-чачынга байланыштуу өлкөнүн айрым аймактарында сел жүрүшү мүмкүн. Бул тууралуу Өзгөчө кырдаалдар министрлигинен билдиришти.

“2-3-июндарда республиканын тоолуу жана тоо этектериндеги райондорунда туруксуз аба ырайына жана абанын температурасынын жогорулашына байланыштуу сел жүрүшү мүмкүн, дарыяларда суунун деңгээли көтөрүлүшү күтүлөт”, – деп айтылат маалыматта.

 
Categories

Бүтүрүүчүлөргө күбөлүк жана аттестат акысыз берилет

 Мектеп бүтүрүүчүлөрүнө күбөлүк жана аттестат акысыз берилет. Бул туурасында билим берүү жана илим министрлигинин басма сөз кызматы билдирди.

Мектеп жетекчилигинин жана башка жактардын документ үчүн акча талап кылууга укугу жок.

Учурда бул боюнча район жана шаардагы тиешелүү адистерге эскертүү берилип, түшүндүрүү иштери жүргүзүлүүдө.

Азыркы кырдаалга байланыштуу министрлик басмакана менен биргеликте даярдалган документтерди облустун борборлоруна чейин акысыз жеткирип берет.

Эгерде аттестат жоголуп же башка себептер менен дубликат алына турган болсо, аттестаттын тиркемеси менен дубликатына 41 сом, артыкчылыгы менен аттестат дубликаты үчүн 45 сом, күбөлүктүн дубликатына 20 сом төлөнөт.

 

 
Categories

Чек арада кайрадан чыр. Тажик тарап ок чыгарып, бир кыргыз жараны ооруканада

2-июнга караган түнү саат 1:20 чамасында Баткендеги кыргыз-тажик чек арасында кайрадан жаңжал чыкты. Бул туралуу Мамлекеттик чек ара кызматы билдирди.

Маалыматка ылайык, окуя Эки-Таш аймагында болгон. Анда Ош-Исфана багытында бара жаткан кыргызстандык унаага Тажикстан тараптан бир нече ок атылган. Анын кесепетинен айдоочу жарадар болуп, Самаркандек аймагындагы ооруканага жаткырылган.

Учурда аталган аймакта абал тынч, бул иш боюнча териштирүү иштери жүргүзүлүүдө

 

 
Categories

ЖКнын Эл аралык иштер комитети чек ара маселесин жабык кароодо

Бүгүн, 2-июнда ЖКнын Эл аралык иштер, коргоо жана коопсуздук боюнча комитети кыргыз-өзбек чек арасындагы абалды талкуулап жатат.

Маселени жабык кароону вице-премьер-министр Акрам Мадумаров сунуштап, башка эл өкүлдөрү аны колдоп берди.

Эске салсак, 31-майда Кадамжайда кыргыз-өзбек чек арасында жергиликтүү тургундар арасында чыр чыгып, бир нече адам жабыркаган.

 

 
Categories

Бүгүн Минск шаарынан 179 кыргызстандык учуп келди

Бүгүн, 2-июнда Беларусиянын Минск шаарынан Бишкекке 179 кыргызстандык жаран кайтып келди.

Бул тууралуу Тышкы иштер министрлигинин басма сөз кызматы билдирет.

Азыркы учурда келген бардык жарандар белгиленген медициналык процедуралардан өтүү үчүн обсервацияга жайгаштырылды.

Чет мамлекеттерде жашап жаткан жана мекенине келүүнү каалаган кыргызстандыктардын кайтып келиши боюнча иштер улантылат.

 
Categories

Мугалимдер арасындагы «Санариптик педагогика» сынагынын жеңүүчүлөрү аныкталды

Билим берүү жана илим министрлиги «Аймактарды өнүктүрүү, өлкөнү санариптештирүү жана балдарды колдоо жылына» карата жарыялаган мугалимдер арасындагы «Санариптик педагогика» сынагынын жыйынтыгы чыгарылды.

Министрликтин басма сөз кызматы маалымдагандай, сынакка жалпы 541 мугалим катышып, алардан мектеп предметтери боюнча 2705 видеосабак келип түштү.

12 адамдан турган республикалык эксперттик кеңеш видеосабактарды сынактын жобосунда бекитилген талаптарга ылайык баалап чыгышты.

1-орунду алган мугалимдер:

  • Примбердиев Фуркат Муталибович, Жалал-Абад шаарындагы №1 М. Бабкина атындагы мектеп-гимназиясынын математика мугалими;
  • Терпугова Татьяна Витальевна, Чүй облусундагы №1 А. Пушкин атындагы мектеп-гимназиясынын башталгыч класс мугалими;
  • Эшимканов Нурдан Кырманбекович, Ысык-Көл облусундагы Тамчы гимназия-мектебинин математика мугалими.

2-орунду алган мугалимдер:

  • Арзиева Самара Жаныбековна, Зуура Нурматова атындагы Жалал-Абад кыздар лицейинин кыргыз тили жана адабияты мугалими;
  • Шамырзаев Илгиз Каныбекович, Ош шаарындагы №52 “Кыргыз-Түрк достугу” мектеп-лицейинин кыргыз тили жана адабияты мугалими;
  • Байзакова Гулзара Жуманазаровна, Баткен облусундагы Кадамжай “Семетей” лицейинин кыргыз тили жана адабияты мугалими.

3-орунду алган мугалимдер:

  • Жээналиева Гулум Шайлообековна, Жалал-Абад облусундагы №12 Ыдырыс Кадыркулов атындагы орто мектебинин кыргыз тили жана адабияты мугалими;
  • Абамисилова Бермет Кубанычбековна, Нарын облусундагы Мидин Алыбаев атындагы орто мектебинин кыргыз тили жана адабияты мугалими;
  • Тажикова Алтынай Маматбакыевна, Ош мамлекеттик университетинин Кара-Кулжа гимназиясынын англис тили мугалими;
  • Анатаева Рахат Жакшылыковна, Талас облусундагы Кубанычбек Нурбеков атындагы орто мектебинин математика сабагынын мугалими.

4-орунду алган мугалимдер:

  • Эрнис кызы Чынаргүл, Ош облусундагы №86 Курманжан Датка мектеп-гимназия окуу-тарбия комплексинин математика мугалими;
  • Тайыр кызы Нургүл, Ош шаарындагы Курманжан Датка лицейинин кыргыз тили жана адабияты мугалими:
  • Сагыналы кызы Бактыгүл, Баткен облусундагы №5 мектеп- гимназиясынын математика мугалими.

5-орунду алган мугалимдер:

  • Идирисова Умут Токтосуновна, Ысык-Көл облусундагы Качыбек орто мектебинин көркөм өнөр технология мугалими;
  • Жапар кызы Бактыгүл, Ош шаарындагы №50 П.Ж. Нышанов атындагы мектеп-гимназиясынын география мугалими;
  • Дүйшөнова Жылдыз Орозобековна, Нарын облусундагы Асылбек Молдокеев атындагы орто мектебинин кыргыз тили жана кыргыз адабияты мугалими.

Ыраазычылык баракчасы берилчү мугалимдердин тизмеси:

  • Конурбаева Гулдесте, Ош облусундагы “Көк-Суу” орто мектебинин математика мугалими;
  • Еркимбаева Салтанат, Ысык-Көл областтык мектеп-лицей-интернатынын англис тили мугалими;
  • Кожомбердиева Асие, Чүй облусундагы №6 орто мектебинин кыргыз тили жана адабият мугалими;
  • Кудайбердиева Гульзана, Баткен облусундагы Жоомарт Бөкөнбаев орто мектебинин башталгы класс мугалими;
  • Жоробекова Гулзада, Нарын облусунун С.Атамбеков орто мектебинин башталгыч класс мугалими;
  • Закаблукова Галина, Чүй облусундагы №1 А. С. Пушкин мектеп-гимназиясынын математика мугалими;
  • Торобекова Самара, Талас облусундагы Мейилбек Орозбеков орто мектебинин орус тили жана адабияты мугалими;
  • Субаналиева Элиза, Талас облусундагы Дооронбек Дүйшебаев орто мектеби орус тили жана адабияты мугалими;
  • Тагаева Айнур, Нарын облусундагы №2 В.П.Чкалов атындагы мектеп-гимназиясынын кыргыз тили жана кыргыз адабияты мугалими;
  • Насырова Альфия, Бишкек шаарындагы №65 лицейинин биология мугалими;
  • Великородова Марина, Бишкек шаарындагы №12 мектеп-гимназия окуу-тарбия комплексинин биология мугалими;
  • Кулова Гульмира, Бишкек шаарындагы №24 мектеп-гимназиясынын биология мугалими.

Сынакта 1-орунду алгандар ноутбук, 2-орунду алгандар планшет, 3-орунду алгандар букридер менен сыйланат. 4 жана 5-орунду алган мугалимдерге китеп сатып алуу үчүн сертификаттар берилет.

Белгилей кетсек, «Санариптик педагогика» сынагы – заманбап педагогикалык тажрыйбаны жалпылоо жана жайылтуу, педагогдордун маалыматтык-коммуникациялык жана технологиялык компетенттүүлүгүн өркүндөтүү, тармактык маалыматтык-усулдук билим берүү мейкиндигине жардам көрсөтүү максатында уюштурулду.

 
Categories

Бензиндин баасы дагы арзандайт (видео)

Март айынын башында Орусия менен Сауд Арабиясы мунай казуу боюнча мунасага келе албагандыктан расмий Эр-Рияд нефтинин баасын кескин түшүрүп жиберген. Буга бир жагынан таажы тумоосуна байланыштуу дүйнөдөгү кара майга карата суроо-талаптын азайгандыгы да себеп болгон. 

 
Categories

Жээнбеков Мирзиёев менен чек ара маселесин телефон аркылуу сүйлөштү

Президент Сооронбай Жээнбеков Өзбекстандын президенти Шавкат Мирзиёев менен телефон аркылуу сүйлөштү. Бул тууралуу президенттин аппаратынын маалыматтык саясат бөлүмү билдирет.

Эки мамлекеттин башчылары кыргыз-өзбек кызматташтыгынын актуалдуу маселелери, анын ичинде чек ара кызматташтыгы, ошондой эле 2020-жылдын 31-май күнү чек арага танапташ жерде болгон конфликттик кырдаалды талкуулашты. Сооронбай Жээнбеков менен Шавкат Мирзиёев мындан ары андай жаңжалдарды болтурбоо боюнча бардык зарыл чараларды көрүүнү макулдашты.

Кыргызстан менен Өзбекстандын Президенттери эки өлкөнүн элдери илгертен бери эле ынтымакта жашап, кыйын күндөрдө бири-бирине жардам берип келишкендиги боюнча орток пикирин билдиришти.

Эки мамлекеттин башчылары бир нече жолу берилген гуманитардык жардам үчүн өз ара ыраазычылыктарын айтышты.