Categories

КОНТРАБАНДАЛЫК АЛТЫН КОНЦЕНТРАТЫ. БАЖЫ КЫЗМАТЫНЫН ЖООБУ

Мамлекеттик бажы кызматы “Кыргызстандан аткезчилик жолу менен Кытайга ташылып кетти” делген алтын концентраты боюнча комментарий берди. Мекеменин маалыматына караганда, импорт жана экспорт Кыргызстандын тиешелүү мамлекеттик органы тарабынан ишканаларга берилген лицензиянын негизинде ишке ашырылат.

Ал эми алтын концентратын сыртка ташып кеткен “Гик Кайди” компаниясына ыйгарым укуктуу орган быйыл 26-августта флотациялык концентратты экспорттоого лицензия бергени белгилүү болду. Бажы кызматкерлери ишкананын уруксат документтерин көрүп концентраттарды сыртка чыгарышканы кабарланды.

Жогорку Кеңештин депутаты Аккулу Бердиев 22-сентябрда Кыргызстандан аткезчилик жолу менен ташылып баратканы үчүн кылмыш иши козголгон алтын концентраты Кытайга чыгарылып кеткенин билдирген.

Анын сөзү боюнча, 17 фурага жүктөлгөн контрабандалык алтын концентраты “Эркечтам” бекетинде кармалып турган болчу, аны “Достук” постту аркылуу ташып кетишкен.

 
Categories

КОНТРАБАНДАЛЫК ТОВАР АЛЫП ӨТҮҮГӨ АРАКЕТ КЫЛГАНДАР КАРМАЛДЫ

Баткен облусунун Лейлек районундагы чек арага жакын жерден аткез товар алып өтүүгө аракет кылгандар кармалды. Бул тууралуу Мамлекеттик чек ара кызматы билдирди.

Маалым болгондой, Лейлек районунун Кулунду айыл аймагына караштуу «Кольцо» тилкеси аркылуу кыргыз-тажик чек арасын мыйзамсыз кесип өтүп бараткан «Мерседес-Спринтер» унаасы токтотулган.

Унааны текшерүү учурунда 5 тоннага жакын жашылча-жемиш табылган. Аны Тажикстандан Кыргызстанга аткез жол менен алып өтүүгө аракет жасашканы аныкталды.

Алынган товардын базар баасы 530 миң сом деп эсептелди. Учурда кармалган жарандар жүгү менен кошо тиешелүү органдарга өткөрүлүп берилди.

 
Categories

40 тонна күйүүчү май ташып бара жаткандар кармалды

40 тонна күйүүчү май ташып бара жаткандар кармалды
4 жүк ташуучу унаа менен күйүүчү май ташып бараткандар кармалды. Бул тууралуу УКМКнын басма сөз кызматы билдирди.

Маалыматка ылайык, 2021-жылдын 1-мартында УКМК мамлекеттик чек арадан мыйзамсыз өтүү фактысы боюнча кылмыштардын жана жорукардын бирдиктүү реестрине катталган сотко чейинки өндүрүш ишинин алкагында, Лейлек районунан күйүүчү-майлоочу материалдарды мыйзамсыз ташып бараткан жеринен 4 жүк ташуучу унаа кармалган.

Такталган боюнча, кармалган автоунаалар күйүүчү-майлоочу материалдарды мыйзамсыз ташуу үчүн контейнерлердеги идиштер менен атайын жабдылган. Айдоочулардын жүк ташуучу унааларынын өздүгүн тактаган документтери болгон эмес.

Табылган контрабандалык күйүүчү-майлоочу майдын жалпы көлөмү 40 тоннадан ашык болгон.

Белгилей кетсек, коңшу республикалардын биринин жарандарына таандык кармалган автоунаалар контрабанда ишин жашыруу үчүн Кыргыз Республикасынын мамлекеттик номурларын мыйзамсыз колдонушкан.

Учурда, бул фактыга тиешеси бар адамдарды аныктоого багытталган иш-чаралар жүргүзүлүүдө.

Кыргыз Республикасынын Өкмөтүнүн 2021-жылдын 1-мартындагы токтомуна ылайык, Кыргыз Республикасынан Евразия экономикалык бирлигинин бажы аймагынын чегинен тышкары нефтини жана мунай заттарын экспорттоого убактылуу тыюу салынды.

Буга байланыштуу, Улуттук коопсуздук мамлекеттик комитети республика боюнча контрабандага каршы жигердүү күрөшмөкчү. Аныкталган фактылар жана мыйзам бузуулар боюнча УКМК Кыргыз Республикасынын мыйзамдарына ылайык тиешелүү чараларды көрөт.

 
Categories

Баткенде мобилдүү топтор аткезчиликке бөгөт коюу үстүндө иштеп жатат

Баткенде мобилдүү топтор аткезчиликке бөгөт коюу үстүндө иштеп жатат
Баткен облусунун чек аралаш аймактарында аткезчиликке каршы күрөш күчөтүлдү. УКМК, чек ара, салык, милиция, бажы, экономикалык кылмыштуулукка каршы күрөшүү кызматынын, ӨКМнин облустук башкармалыгы жана аймактык экологиялык жана техникалык коопсуздук боюнча башкармалыгынын адистеринен түзүлгөн мобилдүү топтор, аткезчилик тобокелчилиги жогору болгон аймактарда атайын мониторинг жүргүзүүдө.
Кечээ 2-мартта, мобилдүү топтор, Лейлек району менен чектешкен Жаңы-Жер айыл аймагынын Арка айылында, кыргыз-тажик чек арасынан өткөн Исфара-Худжанд жолунун боюнда жайгашкан, (аталган жол Кыргызстандын аймагы аркылуу да өтөт) Кыргызстанга тийиштүү май куйуучу жайларга (АЗС) кароо жүргүзүштү.
Адистер май куйуучу жайлардын ээлерине, мыйзам чегинде иш алып баруу боюнча түшүндүрүү иштерин жүргүзүп, иштебей турган май куйуучу жайлардын ээлерине мыйзамсыз иш аракеттерден алыс болуу боюнча эскертүүлөрдү беришти.
Белгилеп өтсөк, эл арасында, иштебей турган май куйуучу жайлар, кошуна мамлекеттерге аткезчилик менен, тымызын күйүүчү май саткан учурлар жөнүндө, такталбаган маалыматтар тараган.
Аймактык салык кызматынын маалыматына таянсак, Исфара-Худжанд жолунун боюнда эле, Кыргызстанга тийиштүү 26 май куйуучу жайлар жайгашкан, анын ичинен бүгүнкү күндө, мамлекеттик салык кызматы тарабынан мунай заттарды берүүнүн автоматташтырылган электрондук системасына (АСУ) туташкан 17 АЗС иштеп жатат.

Ал эми калган 9 АЗС, АСУ системасына туташпагандыктан, салык кызматы тарабынан жабылган.
Лейлек районунда жалпы 73 май куйуучу жай катталган. Учурда анын АСУ системасына туташкан 42 иштеп жатат. 25 АСУ системасына туташпагандыктан, салык кызматы тарабынан жабылып, 6 ишке жараксыз экендиги аныкталган.
Жол боюндагы май куйуучу жайлардын көптүгүнө, адистер, эки мамлекеттин чек арасынан өткөн жолдогу, автоунаа кыймылынын көптүгү менен түшүндүрсө, облус аркылуу өткөн оор жүк ташуучу унаалардын көптүгүн, эл аралык келишимдерге ылайык, облус транзиттик жол экендиги менен түшүндүрүштү.
Белгилей кетсек 1-мартта КР Өкмөтүнүн Баткен облусундагы ыйгарым укуктуу өкүлү Омурбек Суваналиев, облустун күч түзүмдөрү менен кеңешме өткөрүп, аткезчиликке каршы күрөштү күчөтүү боюнча тапшырмаларды койуп, мыйзамсыз иш аракеттерге токтоосуз чара көрүү мезгили келип жеткендигин айткан.
Ошондой эле ыйгарым укуктуу өкүлдүн аткезчиликке каршы күрөшүү боюнча мониторинг жүргүзүү боюнча атайын буйругу чыкты.
КР Өкмөтүнүн Баткен облусундагы ыйгарым укуктуу өкүлүнүн басма сөз кызматы
Баткенде мобилдүү топтор аткезчиликке бөгөт коюу үстүндө иштеп жатат Баткенде мобилдүү топтор аткезчиликке бөгөт коюу үстүндө иштеп жатат Баткенде мобилдүү топтор аткезчиликке бөгөт коюу үстүндө иштеп жатат Баткенде мобилдүү топтор аткезчиликке бөгөт коюу үстүндө иштеп жатат

 
Categories

“МАНАС” АЭРОПОРТУНАН ЗЕР БУЮМДАРДЫ АЛЫП ӨТҮҮГӨ АРАКЕТ КЫЛГАН ЖАРАН КАРМАЛДЫ

Өлкө аймагында зергерчилик буюмдарды контрабандалык жол менен алып өтүү фактысы аныкталды. Бул тууралуу Улуттук коопсуздук боюнча мамлекеттик комитетинен билдиришти. Билдирүүгө ылайык, кечээ, 9-февралда УКМКнын Коррупцияга каршы күрөшүү кызматынын кызматкерлери “Манас” эл аралык аэропортуна аба каттамы аркылуу чет өлкөдөн келип, бажы аймагынан тийиштүү бажылык каттоосуз өтүүгө аракет кылып жаткан жеринен 1981-жылы туулган жаран кармалды. Жүктөрдү текшерүү учурунда жалпы салмагы 17 килограммдан ашык, баасы 53 миллион сомду түзгөн алтын буюмдар табылды. Учурда сотко чейинки өндүрүш иш-чаралары жүргүзүлүп жатат.

 
Categories

АТКЕЗЧИЛИК: Кылмыш ишине кызмат адамдарынын тиешеси бар

Ошто Өзбекстандан контрабанда жолу менен товар ташыган жүк ташуучу унаа кармалды. Бул тууралуу Экономикалык кылмыштарга каршы күрөшүү кызматы кабарлады. Маалым болгондой, аталган кылмыш ишине кызмат адамдарынын тиешеси бар экендиги аныкталган. “Каржы полициясынын Ош шаарындагы башкармалыгы тарабынан системалуу түрдө күнүмдүк колдонуучу товарларды контрабанда жолу менен ташуу фактысы аныкталып, “Вольво” үлгүсүндөгү жүк ташуучу унаа кармалды. Факт кылмыштардын жана жоруктардын бирдиктүү реестрине катталып, сотко чейинки өндүрүшкө алынды. Учурда кылмыш ишине тиешеси бар кызмат адамдарын аныктоо жана мамлекеттик бюджетке келтирилген чыгымдын ордун толтуруу боюнча тиешелүу иш-чаралар жүргүзүлүүдө”, – деп айтылат маалыматта.

 
Categories

АТКЕЗ ТОВАР

Мамлекеттик бажы кызматы тарабынан 697 миң 270 сомдук аткез товар кармалды. «Баткен» бажысынын кызматкерлери Баткен шаарынын тургуну «Вольво» жүк ташуучу унаасынан коңшу өлкөдөн мыйзамсыз ташылып келе жаткан 11 миң 647 килограмм жүзүм жана курма табышты. Кармалган товардын жалпы наркы 697 миң 270 сомду түздү. Бул факт Кылмыштардын жана жоруктардын бирдиктүү реестрине катталып, материалдар тергөөгө өткөрүлүп берилди.

АТКЕЗ ТОВАР

 
Categories

Салык кызматы акциздик маркасы жок тамеки продукциясын кармады

Мамлекеттик салык кызматынын кызматкерлери ЭККМК менен бирдикте Чүй облусунун Жайыл районундагы рейддик иш-чаралардын жүрүшүндө акциздик маркасы жок тамеки продукциясын мыйзамсыз сатуу учурун аныкташты.

МСКнын басма-сөз кызматынын билдиргенине караганда, натыйжада 1 миң 19 таңгак тамеки тартып алынган. Тиешелүү материалдар жана тартып алынган тамеки продукциясы мыйзамга ылайык карап чыгуу жана чараларды көрүү үчүн ЭККМКга өткөрүлүп берилди.

 
Categories

Бажы төлөмдөрүнөн баш тартуудан мамлекетке 1 393 389 сом зыян келтирилген

Бажы кызматкерлери Жалал-Абад областынын Сузак айылында “Хонда-Джаз” үлгүсүндөгү транспорт каражатын кармашкан.

Бажылык кириштөө ордерине ылайык транспорт каражаты Кыргызстандын аймагына “И.М.Х.” алуучунун дарегине ташып киргизилген жана 37 804 сом суммасында бажы төлөмдөрү төлөнгөн. Жогоруда аталган транспорт каражаты 2008-жылы чыккан деп көрсөтүлгөн. Бирок “Эксперт-Юг” Мамлекеттик эмес Соттук-Эксперттик уюмдун адисинин корутундусуна ылайык  “Хонда-Джаз” үлгүсүндөгү транспорт каражаты 2006-жылы чыккан.

Муну менен “И.М.Х.” жараны документтерге жалган маалыматтарды киргизүү менен автотранспорттук каражаттардын чыккан жылын өзгөртүп, бажы төлөмдөрүн төлөөдөн баш тартты. Мамлекетке келтирилген зыяндын алдын ала суммасы 523 389 сомду түздү.

Ошондой эле, Түштүк-Батыш бажысынын кызматкерлери тарабынан Ош шаарынын Ак-Тилек кичирайонунда КРдин жараны “К.К.К.” башкаруусунда чиркегичи менен  “Вольво FH13” үлгүсүндөгү жүк ташуучу унаа каражаты токтотулуп, текшерилди.

Автотранспорттук каражаттын жүк салуучу бөлүгүн текшерүүдө жыгач үкөктөргө салынган “мандарин” товары табылган. Үкөктөрдүн жалпы саны 2500 түздү. Соода-өнөр жай палатасынын экспертинин корутундусуна ылайык кармалган продукциясынын жалпы орто рыноктук баасы 870 000 сомду түздү.

Бул учур Кылмыштардын жана жоруктардын бирдиктүү реестрине катталып. Иштин материалдары тергөөгө караштуулугу боюнча Ош областынын прокуратурасына  өткөрүлүп берилди.

 
Categories

700 000 сомдук аткезчилик жол менен ташылып келинген тамеки продукциялары кармалды

Жүргүзүлгөн ыкчам иш-чаранын жыйынтыгында, Ыкчам бажысынын кызматкерлери тарабынан Ош шаарындагы Жапалак айылында “Ш. уулу Б.” аттуу Кыргызстандын жараны башкаруусундагы “Мерседес-Бенц Даймлер-Крайслер-Е240” үлгүсүндөгү таранспорт каражаты токтотулуп текшерилген.

Жогоруда көрсөтүлгөн  транспорт каражатынын жүк бөлүгүн текшерген учурда Кыргызстанга чектеш мамлекеттен мыйзамсыз ташылып келе жаткан жалпы баасы 700 000 сомдук акциздик маркасы жок төмөнкү тамеки продукциялары табылган:

“CAVALLO Black Velvet” (акциздик маркасы жок);

“CAVALLO Vulcano Red” (акциздик маркасы жок);

“Rothmans” (Республики Таджикистандын акциздик маркасы менен).

Баардыгы 10 000 пачка (200 000 штук).

Кармалган товардын орточо базар баасы 700 000 сомду түзөт.

Бул окуя Кылмыштардын жана жоруктардын бирдиктүү реестрине катталып, матералдар тергөөгө караштуулугу боюнча Ош облустук прокуратурасына өткөрүлүп берилди