Бишкек шаарынын Биринчи Май жана Ленин райондоруна жаңы акимдер дайындалды.
Тийиштүү буйрукка мэр Азиз Суракматов кол койгон.
Ленин районунун акими болуп Токтосун Султанов келсе, Биринчи Май районунун жетекчилигине Алибек Биримкулов болду.
Билим берүү жана илим министринин кеңешчиси болуп дайындалган Нурсултан Кубанов өзүнүн соцтүйүндөгү баракчасына пикири жана пландары менен бөлүштү.
“Бул мен үчүн чоң жоопкерчилик. Менин жумушум эл-аралык байланыштар менен байланыштуу болот. Конкреттүү алдыга коюлган пландарым менен бөлүшүп кетейин, эми мамлекеттик деңгээлдеги иштерди жасайбыз. Өзгөчө басым, аймактагы жаштарга болот. Эң негизгиси, силер менен ачык баарлашканга аракет жасайм, билим берүү министрлигинин инстаграм жана фейсбук баракчалары ачык: @ministerstvo_obrazovaniya.kg. Бул баракчага силер 24 саат бою кайрылсаңар болот. Силерди уят кылбай, жаштарга көбүрөөк мүмкүнчүлүк ачып берүүгө убадамды берем. Баарыңарга рахмат, эми иштейли”,-деп жазган Кубанов.
Төмөндө Нурсултан Курбановдун пландары;
1. Кореянын номер бир IT академиясын же мектебин Кыргызстанга куруу.
2. Европа мамлекеттери, Япония, Корея жана башка мамлекеттерден бюджеттик квоталарды көбөйтүү.
3. АУЦА жогорку окуу жайын Ошто ачуу боюнча сунуш берүү.
4. Башка мамлекеттерден чет элдик студенттерди Кыргызстанга тартуу боюнча дагы механизмдери иштеп чыгуу.
5. Баардык бюджеттик квоталар боюнча конкурстарды онлайн режиминде өткөрүү.
6. Чет жакта окуп, бүтүп келген жаштарды жумуш менен камсыздоо боюнча долбоор иштелген, атайын сайттан маалымат алууга мүмкүнчүлүк түзүү.
Өкмөттүн Чүй облусундагы өкүлү Туйгунаалы Абдраимов кызматтан бошотулду. Бул тууралуу Өкмөттүн маалыматтык камсыздоо бөлүмүнөн билдирди.
Тиешелүү буйрукка өкмөт башчы Мухаммедкалый Абылгазиев кол койгон.
Белгилей кетсек, 6-июнда өкмөттүн Чүй облусундагы өкүлү Туйгунаалы Абдраимов Орокто чыр чыккан жерде журналист кызды сындаган. Ал “Сиздин кебетеңиз жакпай жатат, өтө жагымсыз экен”, — деп каткырып басып кеткен. Абдраимовдун бул кылыгына коомчулук нааразычылык билдирип, анын кызматтан кетүүсүн талап кылган.
Баткенде Кадамжай районунун акими Жаныбек Исаков менен Айдаркен шаарынын мэри Мухубилла Мумбаев кызматтан кетти. Бул туурасында өкмөттүн маалымат кызматынан билдирди.
Тиешелүү буйрукка премьер-министр Мухаммедкалый Абылгазиев кол койду.
Эки жетекчинин тең өз арыздарынын негизинде кызматтан кеткендиги кошумчаланды
Жогорку Кеңеште Айыл чарба, тамак-аш өнөр жайы жана мелиорация министри кызматына жаңы шайланган Эркинбек Чодуев депутаттарга өзүнүн иш программасын айтып берди.
Э. Чодуев: “Министрликте үч маселени негизги тармак катары эсептейм. Айыл чарба продукцияларын сатуу. Ал үчүн мамлекеттик ишкана ачып, сатылбай жаткан продукцияларды кардарларга жеткирүү. Сатуу тармагында иштеп жатышкан ассоциациялардын башын бириктирүү. Экинчи, кайра иштетүү тармагын колго алуу. Экспортко багытталган ишканаларга колдоо көргөзүү. Үчүнчү, Санариптик айыл чарба программасын ишке ашыруу. Бул программа даяр”,- деди.
Мындан сырткары учурда Айыл чарба министри болом деген, идеясы бар жаштарды министрликке кызматка чакырарын айтты.
Коомчулуктун көңүлун бурган Айыл чарба, тамак-аш өнөр жайы жана мелиорация министрлик кызматына ким барары белгилүү болду. Бүгүн Премьер-министр Мухаммедкалый Абылгазиев аталган министрликте министрдин орун басары болуп эмгектенген, 55 жаштагы Эркинбек Чодуевдин талапкерлигин Жогорку Кеңештин тийешелүү комитетинин жыйынында сунуштады.
Ал эми өзүн-өзү аталган кызматка сунуштаган ишкер Тилек Токтогазиевдин талапкерлиги колдоо тапкан жок. Өкмөт башчы министрлик кызматка иштеш үчүн тажрыйба болуш керектигине токтолду.
Ал эми Санжар Мукамбетов да Экономика министрлик кызматына сунушталганы маалым болду.
Өкмөт башчы Мухаммедкалый Абылгазиев жаш ишкер Тилек Токтогазиевдин айыл чарба министрлигине талапкерлигин колдогон жок. Бул тууралуу Абылгазиев конституциялык мыйзамдар, мамлекеттик түзүлүш, сот-укуктук маселелер жана Парламенттин регламенти комитетинин бүгүнкү жыйынында билдирди.
“Тилек Токтогазиев — жаңыча көз карашы бар жаш ишкер. Күнөскана бизнеси чөйрөсүндө эмгектенет. Бирок жаштыгы менен билиминен сырткары анын тажрыйбасы да болушу зарыл”, — деди Мухаммедкалый Абылгазиев.
Эске салсак, Айыл чарба, тамак-аш өнөр жай жана мелиорация министри кызматына Тилек Токтогазиев өзүн көрсөтүп, анын талапкерлигин “Бир Бол” фракциясы сунуштаган.
Айыл чарба министри болуп иштеп берүүгө даяр экендигин айткан жаш ишкер Тилек Токтогазиев 1990-жылдын 26-декабрында Бишкек шаарында туулган. Жогорку билимдүү.
Билими:2013-жылы Кыргыз-Россия славян университетин “эл аралык мамилелер” адистиги боюнча бүтүргөн.
Эмгек жолу:
Жаш ишкерлер ассоциациясынын, Кыргызстандын социалдык ишкерлер ассоциациясынын жана Бишкек ишкердик клубунун мүчөсү.
2017-жылы “Аракет – 2016” улуттук сыйлыгына “Жылдын эмгекчили” номинациясына татыган. Ошол эле жылы Президент Алмазбек Атамбаевдин колунан “Экономикага кошкон салымы үчүн” Ардак грамота алган.
Үй-бүлөлүү, бир уул, бир кыздын атасы.
Белгилей кетсек, 23-майда Айыл чарба министри Нурбек Мурашев отставкага кеткен.
Кыргыз Републикасынын Президенти Сооронбай Жээнбеков кол койгон Жарлыкка ылайык, бүгүн, 27-майда, Панкратов Олег Михайлович Экономика министринин кызматынан жана Мурашев Нурбек Мурпазылжанович Айыл чарба, тамак-аш өнөр жайы жана мелиорация министринин кызматынан бошотулушту.
Бул тууралуу өлкө башчысынын маалымат кызматы билдирди.
«Фейсбуктагы» баракчасы аркылуу өзүн – өзү Айыл чарба министри кызматына сунуштаган “Жашыл чарба” аттуу агрохолдингдин негиздөөчүсү, 28 жаштагы фермер Тилек Токтогазиев колдоо тапты. Мындай дегенибиз, Жогорку Кеңештеги «Бир Бол» фракциясы жеке ишкер Тилек Токтогазиевдин талапкерлигин айыл чарба, тамак-аш өнөр жай жана мелиорация министринин кызматына көрсөткөндүгү тууралуу аталган фракциянын лидери Алтынбек Сулайманов «Фейсбуктагы» баракчасы аркылуу билдирди.
Анда ал өкмөт башчысы бул сунушуту колдой тургандыгына ишенимин билдирген.
