Премьер-министр Мухаммедкалый Абылгазиев Маалыматтык технологиялар жана байланыш мамлекеттик комитетинин төрагасы кызматына Дастан Догоевдин талапкерлигин сунуштады. Бул тууралуу Өкмөттүн Аппаратынын маалыматтык камсыздоо бөлүмү билдирди.
Маалымдама: Өкмөттүн кайсы бир мүчөсү кызматынан бошогон шартта премьер-министр Президентке өкмөттүн мүчөсүнүн бош кызматтык ордуна Жогорку Кеңештин жактыруусу менен 5 иш күнүнүн ичинде дайындоо үчүн талапкерди сунуштайт.
Президент Жогорку Кеңештин тиешелүү токтому кабыл алынгандан кийин үч күндүк мөөнөттө Кыргыз Республикасынын Өкмөтүнүн мүчөсүн дайындоо тууралуу жарлык чыгарат.
Европадагы коопсуздук жана кызматташтык уюму (ЕККУ) “Ачык өкмөт” улуттук форумунун катчысын кайра дайындоо боюнча өз оюн билдирди. Аталган мекеме мындай пикирин кыргыз өкмөтүнө болгон кайрылуусунда айтты.
Ал маалыматтарга караганда, Кыргызстан аталган кадрды өзү тандашы керек. Бул долбоор коомчулук менен бийликтин ортосунда байланышты бекемдөөгө, ачыктыкты камсыз кылууга, коррупция менен күрөш жүргүзүүгө багытталган.
Эске сала кетсек, аталган улуттук форумунун катчысы И. Рысалиев өзүнүн атына байланышкан чуудан улам кызматтан кеткенин билдирген. Ал эми премьер-министр М. Абылгазиев “Ачык өкмөт” улуттук форуму кандай болбосун ишин улантууу керектигин айтып келет.
Бүгүн Балыкчы шаарынын мэри шайланат. Бул тууралуу Борбордук шайлоо комиссиясынын басма сөз кызматынан билдирди.
Маалыматка ылайык, мэрлик кызматка эки талапкер ат салышмакчы. Аталган кызмат ордуна “Кыргызстан” фракциясы Мирбек Шакировдун, “Замандаш” фракциясы Марат Кудайбергеновдун талапкерлигин көрсөтүштү. Шайлоо саат 9:00дөн 12:00гө чейин өтөт.
Буга чейин Балыкчы шаарынын мэри болуп Алмаз Мамбетов иштеген. Ал 19-апрелде Мамлекеттик каттоо кызматына төрага болуп дайындалган.
Мирлан Тургунбеков Улуттук коопсуздук мамлекеттик комитетинин төрагасынын орун басары, Антитеррордук борбордун директору болуп дайындалды. Бул тууралуу президенттин маалымат кызматынан билдирди.
Тиешелүү буйрукка мамлекет башчы Сооронбай Жээнбеков кол койгон.
Тургунбеков 42 жашта. Буга чейин улуттук коопсуздук органдарында иштеп келе жатат
Акрам Мадумаров Өкмөттүн Баткен облусундагы ыйгарым укуктуу өкүлү кызматына дайындалды.
Эске салсак, буга чейин Акрам Мадумаров Мамлекеттик кадр кызматынын жетектеп келген, ага чейин президенттик аппараттын жетекчисинин орун басары жана Кадамжай районунун акими болуп иштеген.
ИИМдин Жол кыймылы коопсуздугун камсыздоо башкы башкармалыгына милициянын подполковниги Азамат Исраилов жетекчи болуп дайындалды. Бул тууралуу ИИМдин маалымат кызматы билдирди.
Исраилов буга чейин ЖКККББнын жол кайгуул жана административдик практика бөлүмүн жетектеп келген.
Ыманберди Досбаев Жалал-Абад облусунун Аксы районунун акими болуп дайындалды.
Тиешелүү буйрукка премьер-министр Мухаммедкалый Абылгазиев кол койгонун өкмөттүн маалымат кызматы билдирди.
Буга чейин аталган кызматты Масалбек Мырзамамытов ээлеп, үстүбүздөгү жылдын февраль айында иштен бошотулган.
Досбаев Ыманберди Райымбердиевич 1962-жылы Чаткал районун Ак-Таш айылында туулган.
1991-жылы Кыргыз мамлекеттик университетин бүтүргөн.
1981-85- жылдар Ак-Таш савхозунда жумушчу.
1991-92-Крнын жаштар иштери боюнча мамлекеттик комитетинде жетектөөчү адис,
1992-99- жж КРдин Өкмөтүнүн аппаратында социалдык өнүктүрүү департаментинин референти, “Манас 1000” мааракесин өткөрүү боюнча Улуттук уюштуруу комитетинин жооптуу катчысы
1999-2001-жж Таш-Көмүр шаарынын мамлекеттик администрациясынын башчысынын орун басары
2001-2002-жж Жалал-Абад мамлекеттик администрациясынын уюштуруу бөлүмүнүн башчысы
2002-2005- жж Каракөл шаарынын вице- мэри
2005-жылы Чаткал районунда аким
2005-2007- Токтогул районунун акими
2009-2010- жылы КРдин президентинин кеңешчисинин жардамчысы
2010-2011-жж Убактылуу өкмөттүн аппаратынын идеологиялык иштер жана коомчулук менен байланыштар боюнча бөлүмүнүн башчысынын орун басары, башчысы
2011-2012-жж КРдин президентинин аппаратынын мамлекеттик жана аймактык башкаруу жана кадрдык иштер бөлүмүнүн эксперти
2012-жылдан КРдин президентинин аппаратынын социалдык саясат бөлүмүнүн эксперти, бөлүм бшчысынын орун басары, Замандаш коомдук саясий клубунун түзүүчүсү
Сыйлыктары: Манас 1000, Ош 3000 медалдарынын ээси мамлекеттик кызматтын 3- класстагы кеңешчиси
