Categories

Токмоктук ишкерлер төлөмдөр көтөрүлүп кеткенине нааразы

Жогорку Кеӊештин депутаты Аида Исмаилова Токмок шаарындагы шайлоочулар менен жолугушту.

Жолугушууга келген Токмок шаарынын ишкерлер бирлигинин өкүлдөрү базарда соода кылгандар, маршруттук такси айдоочулар жана бир катар кызмат көрсөтүүлөр менен алектенген ишкерлер социалдык төлөм эки эсе көтөрүлүп кеткендигин айтып, нааразычылыктарын билдиришти.

Ишкер Чолпон Сыдыкова Токмок чакан шаар экендигин, андагы ишкерлерди Бишкек, Ош шаарларындагы ишкерлер менен теӊ карап, социалдык төлөмдөрүн жогорулатуу адилетсиз болуп калгандыгын айтты. Шаардын ишкерлер бирлигинин төрагасы Баатырбек Сыдыгалиев Социалдык фондго төлөп жаткан төлөмдөр кайда кетип жаткандыгы ачык болушун талап кылды. Бул боюнча бир катар катышуучулар дегеле камсыздандыруунун топтомо системасы таптакыр иштебестигин белгилешти.

Иш-чаранын жүрүшүндө шаардык оорукана жетекчилери прокуратура, монополияга каршы агенттик сыяктуу мекемелерден келген текшерүүлөрдүн көп болуп жаткандыктан, ырааттуу иштөөгө мүмкүнчүлүк болбой жатканын билдиришти. Мындай иштин аягында бейтаптар жабыр тартышат дейт алар.

 
Categories

Ак-Сай жана Көк-Таш айылдарынын тургундары №57-кесиптик лицейине жана үйлөргө жайгаштырылган

Вице-премьер-министр Жеңиш Разаков мамлекеттик чек арада кырдаалды жөнгө салуу боюнча тажик тарап менен сүйлөшүүлөрдү улантууда

Кечээ, 14-мартта, саат 19-30дан 20-40ка чейин Баткен районунун Ак-Сай айыл аймагынын Көк-Таш айылындагы Головной тилкесинде Кыргыз Республикасынын вице-премьер-министри Жеңиш Разаков жана Тажикстан Республикасынын Премьер-министринин орун басары Азим Иброхимдин жетекчилиги алдында эки тараптуу сүйлөшүүлөр өттү. Мындай маалыматты өкмөттөн кабарлашты

Жолугушуунун жүрүшүндө биргелешкен күн тартибиндеги бардык курч маселелер талкууланып, учурда сүйлөшүүлөр  тараптардын өкүлдөрү менен уланып жатат.

Белгилей кетсек, 14-мартта саат 21-00  чамаларында Баткен районунун Ак-Сай жана Көк-Таш айылдарынын жергиликтүү тургундары кичи автобустар менен Баткен шаарына жеткирилди. Жергиликтүү жашоочулар №57-кесиптик лицейине жана С.Айтматов көчөсүндө жайгашкан үйлөрдүн бирине жайгаштырылды. Алардын коопсуздугу Баткен ШИИБ кызматкерлери тарабынан камсыз кылынууда.

Ошондой эле аталган айылдардын жашоочуларын Баткен районунда жана Баткен шаарында жашаган алардын туугандары өз үйлөрүнө алып кетишүүдө.

Жергиликтүү бийлик күч органдары менен биргелешип эл арасында түшүндүрүү иштери тынымсыз жүргүзүүдө.

 
Categories

Бүгүн шаардын айрым райондорунда суу убактылуу берилбейт

Бүгүн эртең мененки саат 9:00дөн кечки 17:00гө чейин борбор калаабыздын кээ бир райондорунда суу өчүрүлөт. Бул тууралуу мэриядан кабарлашты.

“Бишкексууканал” ишканасы “Киркомстром” суу топтомосунда оңдоо иштери жүргүзүлгөндүгүнө байланыштуу төмөнкү даректер боюнча ысык сууну өчүрөт:

-Дэн Сяопин, Абакан, Мурманск, Садыгалиев, Волков жана Кустанай көчөлөрү, алардын ичинде «Бишкектеплоэнерго» комуналдык ишканасы, АООТ «БСМ», ОсОО «Нургаз», доктор Бекбоевдин медициналык борбору, ЧП «Васипов» наавайканасы, «Счастливая страна» бала бакчасы, балдарды коргоо борбору, №37-балдар комбинаты, №42- орто мектеби, № 97632-аскер бөлүмү.

«Бишкексууканал» ишканасы келтирилген ыңгайсыздыктар үчүн кечирим сурап, калкты, уюмдарды жана ишканаларды алдын ала суу менен камсыздап алууну өтүнөт.

 

 
Categories

Бишкектин айрым райондорунда 14-мартта суу өчөт

14-мартта эртең мененки саат 9:00дөн кечки 17:00гө чейин борбор калаабыздын кээ бир райондорунда суу өчүрүлөт. Бул тууралуу мэриядан кабарлашты.

“Бишкексууканал” ишканасы “Киркомстром” суу топтомосунда оңдоо иштери жүргүзүлгөндүгүнө байланыштуу төмөнкү даректер боюнча ысык суу өчөт:

-Дэн Сяопин, Абакан, Мурманск, Садыгалиев, Волков жана Кустанай көчөлөрү, алардын ичинде «Бишкектеплоэнерго» комуналдык ишканасы, АООТ «БСМ», ОсОО «Нургаз», доктор Бекбоевдин медициналык борбору, ЧП «Васипов» наавайканасы, «Счастливая страна» бала бакчасы, балдарды коргоо борбору, №37-балдар комбинаты, №42- орто мектеби, № 97632-аскер бөлүмү.

«Бишкексууканал» ишканасы келтирилген ыңгайсыздыктар үчүн кечирим сурап, калкты, уюмдарды жана ишканаларды алдын ала суу менен камсыздап алууну өтүнөт.

Ардактуу шаардыктар! Суу маселеси боюнча көйгөй жаралса «Бишкексууканал» ишканасынын төмөнкү номурларына кайрылсаңыздар болот:

– “Бишкексууканал” ишканасынын борбордук диспетчердик кызматы: 56-03-20;

– Үй ичиндеги түйүндөр боюнча бул номурларга чалсаңыздар болот:54-42-45, 54-42-44.

– “Горводопровод” башкармалыгы сырткы түйүндөр боюнча арыздарды кабыл алат: 44-95-97, 44-96-45.

 
Categories

Бектемир Төлөн: Студент кезимдеги саясатчылар дагы эле ак үйдү айланчыктап жүрүшөт, андан бери алар эмес мен картайып калдым

“Улуу элбиз, аруу элбиз, баатыр элбиз” дейбиз. Улуу эл болсок ушунча жылдан бери жаратылыш байлыгы, суусу мол, жери кооз өлкөбүздү эмне үчүн гүлдөтө албай жатабыз? Эмне үчүн элибиздин бир бөлүгү чет өлкөлөрдө иштеп жүрүшөт? Эмне үчүн эл өзүбүздөн чыгарылган электр энергиянын акысын төлөй алышпай кыйналып, кээ бири өлүп атышат? “Улуу” элден 28 жылдан бери өлкөнү оңдой турган бир акылдуу адам чыкпаганы эмнеси? Мустафа Кемал Ататүрк, Ли Куан Ю сыяктуу адамдар эмне үчүн биздин элден чыкпайт? Элдин турмушун оңдоп, жашоо шартын жакшырта турган адамды ушунча жылдан бери таба албай, шайлай албай атып “улуубуз” дегенибизге жол болсун? Улуу элдин журт башыларынын, эл өкүлдөрүнүн кейпи азыркыдай болобу? Алардын деңгээлин көрүп атасыңар. Бул адамдарды камчы менен сабап, суткасына 24 саат иштетсеңер дагы өлкөнү оңдой алышпайт, себеби булардын дарамети, акыл парасаты түбүнөн, дээринен жок.

Эмне үчүн биз япондордой, корейлердей, кытайлардай, немистердей, еврейлердей эмгекчил, мээнеткеч, күжүрмөн, акылдуу, мекенчил боло албайбыз дагы, мактанганда эч кимди астыбызга салбайбыз?

Өлкөнү билимдүү жарандар гана гүлдөтө алат. Бизде барбы ошондой жарандар?

Билимдүүлөрүбүз чет өлкөдөгү ири ишканаларда иштешип, кээ бирлери ал ишканалардын жетекчиси болуп жүрүшөт. А биз болсо балдарыбыз мечитке байма- бай каттап, арапча алты сөз жаттаса сүйүнүп, мактанабыз “көрдүңбү менин баламды” деп. Союз тараганда эле билимге басым жасап, өлкөнүн байлыгын талап тоной бербестен, каражатты билим берүүгө аябастан жумшаганда ушул акыбалга келбейт элек.

Мустафа Кемал бийликке келээри менен миңдеген түрк жарандарын дүйнөнүн төрт бурчуна билим алууга мамлекеттин эсебинен жөнөткөн. Ошол миңдеген билимдүү жаштар 15-20 эле жылда Туркияны артта калган феодалдык өлкөдөн өнүккөн өлкөгө айлантышты. Ошондо Ататүрк 30-35 жаштагы чет өлкөдөн билим алып келген жаштардын бир нечесин министр кылган, мына азыр ошол иштин үзүрүн көрүп атышат. А бизде болсо мен студент кезимдеги саясатчылар дагы эле ак үй, көк үйдү айланчыктап, “май кармаган бармагын жалайт” деп жүрүшөт. Андан бери алар эмес мен картайып калдым.

Мекендештер, кыргыздын чыгаандары!

“Улуу элбиз” деп оозубуз менен айта бербей ишибиз менен улуу эл болууга умтулбайлыбы?

Чогулуп бир айласын таппасак эртең сазга белчебизден батып, башка өлкөгө сатылып отуруп калабыз.

Урпактар бизди кечирбейт!

 
Categories

Спорт сарайы сатылабы же талкаланабы? (видео)

Бишкек шаарындагы Каба уулу Кожомкул атындагы спорт сарайы урап калуу коркунучунда. Аталган спорт ордосу 1974-жылы колдонууга берилген. Андан бери 45 жылдай убакыт өтсө да, капиталдык оңдоп-түзөөдөн өткөн эмес. 2014-жылы гана мамлекет тарабынан акча бөлүнүп, оңдоо иштери үстүртөн жүргүзүлгөн.

Парламентте аталган жайдын эскилиги жетип, ар кандай иш-чара өткөрүүгө шарты туура келбей калгандыгын жүйөө кылып, сатуу сунушталган. Мындай пикирди кечээ, 11-февраль күнү ЖКнын кезектеги жыйынында депутат Кубанычбек Нурматов билдирген.

Бирок эл өкүлүнүн мындай пикирине аталган сарайдын директору Канат Шабданбаев каршы. Ал мамлекет жетиштүү деңгээлде көңүл бөлүп оңдоосу зарыл экендигин, сатууга жада калса мыйзам жол бербей тургандыгын айтат.

Бүгүн же эртең урап калуу коркунучунда турган жайдын учурдагы абалы менен биздин кабарчылар таанышып келди. 

 

 
Categories

Бишкекте тыгындардан улам кээ бир жерлерде транспорт кыймылы үзгүлтүккө учурап жатат

Бишкек шаарынын муниципалдык коомдук транспорту күнүмкүдөй ишин улантууда. Бул тууралуу мэриянын маалымат кызматы билдирти.

Учурда линияга  88 автобус, 1806 маршруттук автобустар жана 135 троллейбус – бардыгы болуп  2100 унаа  иштеп жатат.  Аба-ырайынын шартына байланыштуу жолдордо тыгындар пайда болуп, кээ бир жерлерде транспорт кыймылы үзгүлтүккө учурап жатат.

Ошондой эле, №11,14,2,9,7- каттамдар боюнча жүргөн троллейбусттар ишин жандандырышты. Эске сала кетсек, Бишкек троллейбустук башкармалыгынын подстанциясында авария болгонуна байланыштуу, Бөкөнбаев көчөсүнөн Жибек-Жолу проспектисине чейинки Манас проспектисинин бөлүгүндө, Киев көчөсү жана Жибек-Жолу проспектиси боюнча троллейбустар токтоп калган.

Транспорт кыймылы боюнча пайда болгон суроолорго жооп алуу үчүн төмөнкү телефондорго кайрылсаңыздар болот.

– Троллейбустардын иши боюнча – 0312 657542, 635199;

– Маршруттук автобустардын иши боюнча – 0312  53 36 48;

– Автобустардын иши боюнча – 0312 53 48 24, 53 18 17.

Мындан тышкары шаарыбыздын тургундары жана меймандары үчүн  “Inobi — Транспорт Бишкека” мобилдик тиркемеси кызматта.

 
Categories

“Кыргыз Темир жолу” ишканасы акционердик коом болобу?

Өкмөт “Кыргыз  Темир жолу” мамлекеттик ишканасын акционердик коомго айлантууну көздөп жатат. Бул боюнча бүгүн, Жогорку Кеңештин Транспорт, коммуникациялар, архитектура жана курулуш боюнча комитетинин көчмө жыйынында маалым болду.

Эл өкүлдөрү темир жолдун абалы менен таанышып, ишкананы акционердик коомго өткөрсө кандай пайда болоорун, темир жол аркылуу жүргүнчүлөрдү тейлөө жана жүк ташуу кантип жөнгө салынып жаткандыгы тууралуу маалыматтарды алышты.

“Кыргыз Темир жолу” ишканасынын  жетекчиси Канатбек Абдыкеримовдун айтымында, Кыргыз-орус өнүктүрүү фондунун насыясына өткөн жылы 150 вагон сатып алышса, быйыл дагы 200 вагон сатып алуу зарылдыгы бар. Эгер темир жол тармагына бүгүнкү күндө олуттуу көнүл бурулбаса, мекеменин келечеги кооптуу абалга кептелген. Ал үчүн темир жолду акционердик коомго өткөрүү ыңгайлуу варианттардын бири болууда. Анда инвестиция тартуу, эл аралык уюмдар менен иштешүү жеңилирээк болоорун эл өкүлдөрүнө түшүндүрдү.

 

 

 

 
Categories

Өзбекстан «Бишкек-Ташкент» автобус каттамынын үзгүлтүккө учурашы боюнча билдирүү жасады

Өзбекстан Автотранспорт мекемеси Казакстандын «Бишкек-Ташкент» багыты боюнча жүргөн автобус каттамын өз аймагы аркылуу өткөрбөй жатканы боюнча билдирүү жасады. Бул тууралуу Борбордук Азия жаңылыктар кызматы билдирүү жасады.

Мекеменин маалыматына караганда, кыргыз тарап кышкы мезгилге карата каттамдардын жүрүү убактысына өзгөртүүлөрдү киргизип, ал Казакстандын Дархан айылынан Бишкекке каттаган эл аралык автобус рейсинин убактысы менен дал келип калган. «Буга байланыштуу Казакстан өз аймагы аркылуу автобустардын өтүшүн убактылуу токтоткон. Учурда бул боюнча үч тарап ортосунда сүйлөшүүлөр жүрүп жатат», — деп билдиришти мекемеден.

Ырасталбаган маалыматтар боюнча казак тарап «Бишкек-Ташкент» каттамына өзүнүн жүргүнчү ташуучу компаниясын дагы кошууну талап кылууда.

Кыргызстан менен Өзбекстан Бишкектен Ташкентке жүрүүчү рейсти 2018-жылдын май айында эки өлкөнүн өкмөтүнүн келишиминин негизинде ишке киргизген. Каттамдын жалпы узундугу 601 чакырымды түзөт.

 
Categories

Мэрия мыйзамсыз орнотулган жарнамаларды алууда

Бүгүнкү күндө Бишкек шаардык мэриясынын жер пайдалануу жана курулуш башкармалыгы №13- МАБдын аймагында рейд өткөрдү. Бул тууралуу мэриянын маалымат кызматы билдирди.

Натыйжада Киев көчөсүнүн жана Чүй проспектисинин Ж.Абдрахманов көчөсүнөн Манас проспектисине чейинки бөлүктөрү, Жаш Гвардия бульварынын  батыш тарабы жана Тоголок Молдо көчөсүнүн Жибек-Жолу проспектисинен Саадаев көчөсүнө бөлүктөрүндөгү уруксат кагаздары жок орнотулган жарнамалык штендерлер алынып салынды.

Иш-чаранынын жүрүшүндө жалпы жонунан 90го жакын жарнамалык штендер жана жеңилдетилген типтеги 3 объект алынып салынды.