Categories

ИНФЛЯЦИЯ ЖЫЛДЫН ЖАРЫМЫНА ЧЕЙИН ӨСӨТ

Дүйнөлүк азык-түлүк рыногунда баалар өсүп, анын жыйынтыгында өлкөнүн инфляция көрсөткүчүнө да таасир этти. Бул тууралуу Улуттук банк билдирди.

Өлкөдө жылдык инфляция 2021-жылдын 12-февралына карата 10,2% ды түздү. Инфляция азык-түлүктүн айрым түрлөрүнө, импорттолуучу товарларга болгон баалардын өсүшүнүн эсебинен калыптанган.

Башкы банк белгилегендей, улуттук валютанын кунунун кетишине дагы бир себеп 2021-жылдын биринчи кварталында алкоголдук жана тамеки продукцияларына акциздик салыктын көбөйүшү түрткү болгон.

Ички жана тышкы факторлорду эске алганда, инфляциянын бир аз тездеп, жылдын орто ченине карата акырындык менен туруктуу абалга келери, жыл аягында бир калыпка түшөрү күтүлүүдө.

Бирок дүйнөлүк чийки зат базарларында баалардын өсүшүнө байланыштуу, Кыргызстанда керектөө бааларынын өсүшү жакынкы келечекте дагы улантылат деп болжолдойт Улуттук банк.

 
Categories

ЭКСПЕРТ А.ТЕМИРКУЛОВ: “ КЫРГЫЗСТАН ӨЗ АЛДЫНЧА ГЭСТЕРДИ КУРА АЛБАЙТ ЖАНА ЖУМУШ ОРУНДАРЫН ТҮЗӨ АЛБАЙТ”

Эксперт Азамат Темиркулов Кыргызстан өз алдынча ГЭСтер каскадын кура албайт жана миңдеген мигранттар үчүн жумуш орундарын түзүп бере  албайт деп эсептейт. Мындай пикирин Кырыгзстандагы президенттик шайлоодон кийин тегерек столдо билдирди.

Анын айтымында Садыр Жапаров өлкөдөгү экономикалык оор кырдаалды эске алуу менен оор жүктү өз мойнуна алды.

“Бизге башкаруу тобу жана каржы керек. Жаңы шайланган президент инаугурацияда сүйлөп жатып, бүтүндөй ГЭС каскады куруларын айтып, мигранттарды кайтаруу менен миңдеген жумуш орундарын түзүп берерин убада кылды. Кыргызстан мунун бирин да түшүнө албайт. Бул үчүн тышкы оюнчулардын жана эл аралык уюмдардын жардамы керек болот. Эгерде чын эле олуттуу убада берген берген болсо, анда кандайдыр бир дүйнөлүк же регионалдык күч менен келишими бар, муну түшүнүп, чечүүгө жардам берет. Эгерде андай болбосо, анда тобокелчиликтер көбөйөт” ,- Азамат Темиркулов.

Темиркуловдун мындай пикирин башка эксперттер да колдоп, экономист Кубат Умурзаков да быйыл өтө оор жыл болот жана эң башкысы экономиканы жандандырып, инвестор, бизнесмендерди  чочутпоо керек деп атады.

 
Categories

Өлкөнүн экономикасы 9% жакын төмөндөдү

 
Categories

Улуттук банктын убарасы

Акыркы убактарда улуттук акчабыз сомдун куну кетип, АКШ доллары кымбаттап жаткандыгына байланыштуу Улуттук банк улам улам валюта базарына интервенция жасап жатат.
Өткөн ноябрь айында 11 жолу интервенция жасалса декабрь айында бүгүн экинчи ирет доолар сатты.
Тактап айтканда бүгүн 10 млн. 300 миң доллар акча базарына чыгарылды.
Улуттук банктын бул аракетине карабай доллар арзандабай жатат.
Анткени өлкөбүздүн экономикасы улам ылдыйлоодо.
Дайым Орусиянын рубли менен дээрлик бирдей курста
жүргөн кыргыз сомунун айырмасы бул жолу 7-8 долларды түзүүдө.
Өкмөт улуттук банк менен биргеликте астейдил аракет кылбаса акыбал оор бойдон калууда…

 
Categories

НОВИКОВ ЖҮК ТАШУУЛАРДЫ ИШКЕ АШЫРУУ МАСЕЛЕСИН КӨТӨРДҮ

ШКУ өлкөлөрүнүн ортосунда санитардык-эпидемиологиялык талаптарды сактоо менен оор жүктөрдүн үзгүлтүксүз ташылышына шарттарды түзүү жана көзөмөл өткөрүү жайларынын толук кандуу иштеши маанилүү. Бул тууралуу премьер-министрдин милдетин аткарып жаткан Артем Новиков ШКУга мүчө мамлекеттердин өкмөт башчыларынын 19-кеңешмесинде айткандыгын маалымат кызматы билдирди. Жыйын видеоконференция форматында өткөн. “Кыргызстан өлкөлөр ортосундагы товар алмашууда “жашыл коридор” механизмин пайдаланууну кеңейтүү жолу менен көзөмөл-өткөрүү жайлары аркылуу жүк ташуучу автотранспорттордун кирип-чыгуу тартибин, процедурасын жөнөкөйлөштүрүүнү кароону сунуштайт”, — деген Новиков. Мындан тышкары, премьердин милдетин аткаруучу санариптик технологияларды, анын ичинде электрондук соода жүргүзүүнү өнүктүрүүнүн маанилүүлүгүн белгилеген. Бул ШКУ өлкөлөрүнүн экономикасынын жогорулашына жана уюм алкагындагы толук кандуу санариптик күн тартипти ишке ашырууда кошумча түрткү болуп бере аларын айткан.

 
Categories

Каржы министри каражатты үнөмдөөгө чакырды

Кечээ өкмөттүн жыйынында Кыргыз Республикасынын каржы Бактыгүл Жээнбаева бардык министрликтер менен ведомстволорду каражатты болушунча үнөмдөөгө чакырды.
Анын айтымында азыр бюджеттин тартыштыгы чоң.
Карыздарды төлө андан бетер оор болуп жатат.
Андыктан бюджеттин чыгашалары максималдуу кыскартылган.
Акча бүт бардык мекемелерге керек.
Бирок оор кырдаалга түшүнүү менен мамиле кылууну өтүндү.

 
Categories

Президент Сооронбай Жээнбеков: Кыргыз Республикасынын тышкы саясатынын маанилүү бөлүгү экологиялык дипломатияны жана «жашыл» экономиканы алга жылдыруу болуп саналат

30-сентябрда, БУУнун Башкы Ассамблеясынын 75 жылдык мааракесине арналган сессиянын алкагында Биоартүрдүүлүк боюнча Нью-Йоркто өткөн саммитте Кыргыз Республикасынын Президенти Сооронбай Жээнбеков видеобилдирүү аркылуу сөз сүйлөдү.

Мамлекет башчысынын сөзүнүн толук текстин келтиребиз:

«Урматтуу Төрага,

Айымдар жана мырзалар,

Экологиялык дипломатияны жана „жашыл“ экономиканы өнүктүрүү Кыргыз Республикасынын тышкы саясатынын маанилүү бөлүгү болуп саналат.

Биз — экологиялык таза продукциянын жана таза энергиянын өлкөсүбүз.

Өткөн жылдын ноябрь айында Кыргызстан климаттын өзгөрүшү тууралуу Париж макулдашуусун ратификациялады. Биздин өлкө энергиянын салттуу булактарын керектөөнү акырындык менен кыскартууну көздөйт.

Кыргызстан экология чөйрөсүндөгү эл аралык демилгелерди активдүү колдоо менен бирге өз демилгелерин да сунуштап келет.

Баарынан мурда, алар:

— Ак илбирсти сактоо боюнча эл аралык саммиттерди уюштуруу;

— Борбордук Азиядагы радиациялык коркунучтун алдын алуу боюнча резолюцияны жаңылоо;

— Эл аралык тоолор жылын өткөрүү жана Тоолуу өлкөлөрдүн достор тобун түзүү.

Урматтуу төрага!

Башкы Ассамблеянын учурдагы жыйынынын алкагында, Кыргыз Республикасы дүйнөлүк биологиялык ар түрдүүлүктү сактоо боюнча төмөндөгү резолюциянын долбоорун сунуштайт: „Табият чек ара тааныбайт: чек ара кызматташтыгы — биоартүрдүүлүктү сактоонун жана туруктуу пайдалануунун негизги фактору“.

Биз төмөнкүдөй тармактарда эл аралык кызматташтыкты бекемдөөгө көңүл бурдук:

— биоартүрдүүлүктү жана дени сак экосистемаларды сактоо;

— биоартүрдүүлүк чөйрөсүндө чек ара кызматташтыгын өнүктүрүү;

— туруктуу өнүгүүгө жетишүү үчүн „жашыл экономиканын“ принциптерин пайдалануу;

— ошондой эле биоартүрдүүлүктү туруктуу пайдалануу үчүн аймактык кызматташтык жаатында демилгелерди сунуштоо.

Биздин документтин долбоорунда  Конвенция Тараптарынын Жер которгон түрлөрдү сактап калуу боюнча Он үчүнчү Конференциясынын жыйынтыктары жана анын Декларациялары чагылдырылган.

Ал глобалдык экологиялык уюмдар тарабынан жактырылды. Алардын арасында Жапайы жаратылышты коргоо боюнча бүткүл дүйнөлүк фонд, БУУнун биоартүрдүүлүк боюнча конвенциясы, ЮНЕП, Рамсар конвенциясы, Жаратылышты коргоо боюнча немис союзу бар.

Биздин резолюция БУУга мүчө мамлекеттердин жана институттарынын кеңири колдоосуна ээ болот деп үмүттөнөм.

Айымдар жана мырзалар,

Кыргыз Республикасы биоартүрдүүлүк жана айлана-чөйрөнү коргоо жаатында эл аралык аракеттерди колдоосун уланта берет.

Айтылган идеялар менен сунуштар учурдагы экологиялык көйгөйлөрдү чечүүдө жардамын тийгизет деген ишеничтебиз.

Биздин планетанын жаратылышынын келечеги жана анын биоартүрдүүлүгүн сактап калуу биздин колубузда.

Көңүл бурганыңыздарга ыраазычылык билдирем».

 
Categories

Туризим тармагы такыр токтоду

Быйылкы жылдагы туристтик сезон өлкөбүздө 90 пайыз жабыркады.
Анын башкы себеби таажылуу вирус пандемиясына байланыштуу. Ушул жылдын
20- мартынан тартып Кыргызстанга авиа каттамдар токтогондугуна байланыштуу өлкөбүзгө келчү туристтердин аягы тыйылган.
Андыктан өлкөбүздүн баардык туристтик жайлары кирешеден кур жалак калды.
Ысык-Көлдө гана ички туризим бираз иштеди.
Негизинен көпчүлүк туристтик мекемелер банктардан насыя алып курулуштарын кеңейтип, тейлөө инфраструктурасын жакшыртып келишет.
Эми алар ошол насыяларын төлөөдө чоң кыйынчылыктарга кабылышты.
Буга Өкмөт кандай көмөк көрсөтөөрү так белгисиз.

 
Categories

Премьер-министр Кубатбек Боронов: Күз-кыш мезгилинде калк жылуулук жана жарык менен үзгүлтүксүз негизде камсыз болуусу шарт

  • Күз-кыш мезгилинде калк жылуулук жана жарык менен үзгүлтүксүз негизде камсыз болуусу шарт. Тийиштүү тапшырманы Кыргыз Республикасынын Премьер-министри Кубатбек Боронов калктын жана экономика тармагынын алдыдагы 2020-2021-жылкы күз-кыш жылытуу мезгилине даярдык маселеси каралган Кыргыз Республикасынын Өкмөтүнүн кеңешмесинде билдирди.

Өкмөт башчы белгилегендей, COVID-19 пандемиясы жарандардын жана Кыргыз Республикасынын Өкмөтүнүн ишине белгилүү түзөтүүлөрдү киргизди.

«Коронавирустук инфекцияга каршы күрөш улантылып жаткандыгына карабастан, күз-кыш жылытуу мезгилине даярдык сапаттуу жана өз учурунда жүргүзүлүүсү тийиш. Бул жыл вируска байланыштуу абалды эске алуу менен өлкө үчүн жооптуу болот. Быйылкы жылы адистердин божомолу боюнча, республикада суунун аз болушу күтүлүүдө, ал бир нече жылга созулушу ыктымал. Алсак, келерки жылы суу мындан да аз болушу мүмкүн. Учурда Токтогул суу сактагычындагы суунун көлөмү жылдагыдан аз. Бул жергиликтүү жана ташылып келинген көмүрдүн, мазут жана газдын тийиштүү көлөмүн камсыздап алуу керектигинен кабар берет. Бардык факторлорду эске алуу менен, калкты жылуулук жана жарык менен үзгүлтүксүз негизде камсыз кылуу боюнча ар бир маселе боюнча тыкыр даярдык көрүү зарыл. Кыргыз Республикасынын Финансы министрлиги бюджеттин киреше бөлүгүндөгү чыгымдарга карабастан, жылытуу мезгилине карата даярдыктарды каржылоо маселесин ыкчам тартипте чечүүсү зарыл. Мындан тышкары, тармактык мамлекеттик органдар электр эңнергиясынын альтернативдик булактарын карап чыгуусу жана электр энергиясын пайдалануунун белгиленген лимитин тыкыр сактоосу керек», – деди Кубатбек Боронов.

Ошондой эле ал кошумчалагандай, дээрлик ар бир жылы техникалык жана коммерциялык чоң жоготуулар жөнүндө айтылып келет, бирок абалды өзгөртүүгө багытталган тутумдуу кадамдар али жок.

Кыргыз Республикасынын Өнөр жай, энергетика жана жер казынасын пайдалануу мамлекеттик комитетинин төрагасы Эмил Осмонбетов энергетикалык тутумдун иши жана келерки жылытуу мезгилине даярдык боюнча кабыл алынып жаткан чаралар тууралуу маалымат берди.

«Көмүр ташуучулар менен келишимдер түзүлгөн жана ал иштер башталган. Аймактарда калк, бюджеттик уюмдар, жана башка ири керектөөчүлөр үчүн ташылып келинүүчү көмүр алдын ала бөлүштүрүлдү. Республика боюнча 768 отун базасын жана көмүр сатуу пункттарын ачуу пландаштырылууда. Мазут жана газды керектөө боюнча эсептөөлөр жүргүзүлгөн. Электр станцияларын, от казандарын, электр жана жылуулук тармактарынын жабдууларын оңдоо иштери график боюнча жүрүүдө. Күтүлүп жаткандай, эртең Токтогул суу сактагычындагы суунун көлөмү 14,9 млрд метр кубду түзөт», – деди Эмил Осмонбетов.

Кубатбек Боронов белгилегендей, Өкмөттүн облустардагы ыйгарым укуктуу өкүлчүлүктөрү иштер график боюнча жүргүзүлүп жаткандыгы тууралуу отчет берүүдө.

«Бирок айрым райондордо калкты көмүр менен камсыз кылууда маселе бар. Аймактардагы отун базалары калкты арзан баада көмүр менен камсыз кылышы керек. Тиешелүү органдар көмүрдүн баасы боюнча маселени көзөмөлдөп турушу керек, андыктан баалардын негизсиз жогорулашын жана ортомчулар болбош керек», – деп белгиледи ал.

Премьер-министр чараларды өз убагында кабыл алуу жана энергетика тутумунун күз-кыш мезгилинде туруктуу жана үзгүлтүксүз иштеши үчүн алдыдагы жылытуу мезгилине кылдаттык менен даярдануу боюнча конкреттүү тапшырмаларды берди.

Премьер-министр Кубатбек Боронов: Күз-кыш мезгилинде калк жылуулук жана жарык менен үзгүлтүксүз негизде камсыз болуусу шарт

Премьер-министр Кубатбек Боронов: Күз-кыш мезгилинде калк жылуулук жана жарык менен үзгүлтүксүз негизде камсыз болуусу шарт
Премьер-министр Кубатбек Боронов: Күз-кыш мезгилинде калк жылуулук жана жарык менен үзгүлтүксүз негизде камсыз болуусу шарт
Премьер-министр Кубатбек Боронов: Күз-кыш мезгилинде калк жылуулук жана жарык менен үзгүлтүксүз негизде камсыз болуусу шарт
Премьер-министр Кубатбек Боронов: Күз-кыш мезгилинде калк жылуулук жана жарык менен үзгүлтүксүз негизде камсыз болуусу шарт
Премьер-министр Кубатбек Боронов: Күз-кыш мезгилинде калк жылуулук жана жарык менен үзгүлтүксүз негизде камсыз болуусу шарт
 
Categories

Экономикабыз ылдыйлайт

Улуттук банктын божомолу боюнча быйылкы 2020- жылдын жыйынтыгында былтыркы жылга салыштырмалуу ички дүң өнүмдүн көлөмү 3-3,5 пайызга төмөндөйт.
Анткен менен 2021-жылдан экономикабыз жанданып ички дүң өнүмдүн көлөмү 5,5-6 пайызга өсөөрү күтүлүүдө.