Categories

Карайлаган каржы министри

Жергиликтүү  маалымат каражаттарынын бирине өлкөбүздүн  каржы министри Бактыгүл Жээнбаева узун аңгеме  дүкөн  куруп, өлкөбүздүн  азыркы каржылык абалын кенен-кесир айтып бериптир.

Бактыгүл айымдын айткандарын окуп олтуруп каңырыгын түтөйт.
Тим эле айласы алты кеткен аткаминерибизди аяп да, сөгүп да аласың.

Анын айтымында, бүгүнкү оор каржылык абалда сырттан карыз албашка такыр айлабыз жок экен.
Ички каржылык булактардын көзүн  табуу жөнүндө  ныпым сөз  кылбаптыр.
Жаңы  ишканаларды ачып, кошумча жумуш орундарын түзүү  тууралуу сөз  айтмак түгүл, кыйынчылыкка кептелген ишкерлерди, бизнести кантип колдоо тууралуу алгылыктуу аракеттерди да айта албаптыр.

Ар бир кризис жаңы мүмкүнчүлүктөрдүн эшигин ачаары белгилүү  эмеспи.
Биздикилер болсо жаны эшиктерди ачмак түгүл, ачылып турган эшиктерди четинен жаап бүтөт  сыягы.

Ээлеген кызмат ордунарды кор кылбай, башыңарды иштетип, жаныңарды бирааз кыйнап иштебейсинерби!?

Сырттан карыз алып, келген акчаны ал жак, бул жакка бөлүштүрүп  олтура бергенге анча деле акылдын кереги жокда.
Кайран элим, шорубуз калын окшойтго…

 
Categories

Алтынай Өмүрбекова суракка чакырылды

Мурдагы вице-премьер министр Алтынай Өмүрбекова экономикалык кылмыштарга каршы күрөшүү кызматы тарабынан суракка чакыртылды.
Алтынай айым фармацевтикалык компаниялардын бири менен жен ичинен сүйлөшүп, жантарткан деп шектелүүдө.
Негизи мурдагы өкмөттөгүлөрдүн арасынан эң эле тыңыраагы ушул Алтынай Өмүрбекова болчу.
Албетте эми калганын тергөө аныктайт эмеспи…

 
Categories

Экс-министр суракта…

Мурдагы саламаттыкты сактоо министри Космосбек Чолпонбаев Экономикалык кылмыштарга каршы кызматы тарабынан суракка алынууда.
Себеби мурдагы министр айрым фармацевтикалык компаниялар менен жен ичинен иш кылган деп шектелүүдө…Экс-министр суракта...

 
Categories

Түркия туризмди жандандыруу аракетинде

Түркия “Коопсуздук туризм” колдонмо программасын дүйнөгө таанытат. Мындай билдирүүнү Түркиянын Кыргызстандагы Элчилиги таратты.

Маалыматта айтылгандай, Түркиянын “Коопсуз Туризм” колдонмосун сынап көрүү мүмкүнчүлүгүн жараткан жолугушуу 19-20-июнь күндөрү Анталья шаарында болуп өттү.

Түркия Республикасынын Маданият жана Туризм Министрлиги  Covid-19 пандемиясы учурундагы коопсуз туризм кызматтарын дүйнөгө таанытуу максатында Түркияга көп саякат кылган өлкөлөрдүн элчилери менен эл аралык ЖМК мүчөлөрүнүн башын бириктирди.

Аталган жолугушуунун алкагында  Туркиянын Маданият жана Туризм Министри Мехмет Нури Эрсой, “Түркияны Жаңыдан Тааны” программасы, ошол эле учурда коопсуз туризм кызмат тажрыйбасы тууралуу кенен маалымат менен бөлүштү. Жолугушууда сөз сүйлөгөн Министр Эрсой: “Коопсуз Туризм Сертификат Программасы” көптөгөн өзгөчөлүктөрү менен дүйнөдө алгачкылардан болуп саналат”,-деди.

Түркияда эс алууну каалаган коноктор үчүн бардык шарттар ойлонуштурулганына басым жасаган министр  Эрсой, Айдын, Анталья жана Мугла сыяктуу туристтик шаарларда Covid-19 учурлары аз санда катталганын да баса белгиледи.

“Пандемия учурунда өлкөбуздө эс алууну көздөгөн конокторубуз үчүн бардык шарттарды ойлонуштуруп чыктык. Июль айынан баштап өлкөбүзгө келе турган чет элдик коноктор үчүн Covid-19у камтыган саламаттык камсыздандыруу пакеттерин туздүк. Келишим түзүлгөн аэропорттордон алынган билеттерди, паспорттук көзөмөл пунктунан мурун орун алган ар кандай сатуу точкалары, тур операторлору жана онлайн сатып алуулар аркылуу алуу мүмкүнчүлүгү түзүлгөн. 15, 19 жана 23 евролук камсыздандыруу пакеттери аркылуу 3 миң, 5 миң жана 7 миң евро наркындагы бардык саламаттык сактоо чыгымдары төлөнөт. Бул жагынан конокторубуз камсанабай койсо деле болот, анткени “Коопсуз Туризм” сертификатындагыдай эле алар Түркиядан чыгып кеткенге чейинки бардык шарттар алдын-ала ойлонуштурулган.”

Элчилик тараткан маалыматта : “Түркия жана Кыргызстан арасындагы пландык каттамдардын 22-июндан тарта башталуусу тууралуу Кыргыз бийлигине кайрылуу кылынган. Талабыбызга оң жооп алынгандан кийин каттамдар башталат,”- деген эскертүү да тиркелген.

Эске сала кетсек буга чейин  Өзбекистанда коронавирус жуктуруп алган чет элдик туристтерге 3000 $дан кенемте төлөнө турган жарлыкка коңшу мамлекеттин өлкө башчысы Шавхат Мирзиёёв кол койгон. Мындай практика дүйнөнүн көптөгөн  өлкөлөрүндө кеңири колдонулат.

Ал эми Кыргыз Республикасынын Туризм департаментинин фейсбуктагы баракчасында  16-июнда  Туризм бизнесинин өкүлдөрү менен кызматташууну күчөтүү максатында, туризм бизнес ассоциацияларынын катышуусу менен Кыргыз Республикасында туризм тармагын өнүктүрүү боюнча Координациялык кеңеш түзүлгөндүгүн  жана бул кеңеш өлкөдөгү кырдаалга байланыштуу аксап турган туризм жаатындагы көйгөйлөрдүн үстүнөн иш алып бара тургандыгын жазышкан.

 

 

 
Categories

Кыргызстанда тигилген кийимдердин экспорту ЕАЭБ өлкөлөрүнө төмөндөп кеткен

Кыргызстандын тикмечилик өнөр жайынан чыккан товарлардын Евразия экономикалык биримдигине кирген өлкөлөргө экспорту азайды. Мындай маалымат Евразия экономикалык комиссиянын маалыматына айтылды.

Ал маалыматтарга караганда, Кыргызстанда тигилген кийимдердин экспорту өткөн жылга салыштырмалуу 31 пайызга төмөндөп кеткен. Тамак аш продукцияларынын экспорту да ушундай эле көрүнүшкө кабылган. Тери кийимдеринин экспорту 21 пайызга азайган.

 
Categories

“Кара Суу” жана “Дордой” базарларында кытай товарлары 5-10% кымбаттаганы айтылууда

Кыргызстан коронавируска байланыштуу Кытай менен чек арасын 24-январда жапкан. Натыйжада Кытайдан Өзбекстанга бара турган соода жолу буулган.

Өзбек бизнесмендери кыргыз ишкерлеринин кампада сакталган товарларын сатып алышууда. Алар болсо бааны жогорулатып жиберишкен. Бул арада Кыргызстандагы “Кара Суу” жана “Дордой” базарларында кытай товарлары 5-10% кымбаттаганы айтылууда. Кыргызстандык ишкерлер жаңы жыл майрамдарына карата мурда эле эки айга жете турган товарларды камдап алышканын билдиришүүдө. Андагы товарлар марттын аягы, апрелдин башына чейин жетет.

 
Categories

Алтын катылган аралашмаларды сатуудагы киреше салыгын 3 пайызга көбөйтүү сунушталууда

Экономика министринин орун басары Элдар Алишеров Өкмөт мыйзам долбоору аркылуу тоо-кен жана тоо-кен кайра иштетүү тармактарындагы ишканалардын алтын катылган руданы жана аралашмаларды сатуудагы киреше салыгын 3 пайызга көбөйтүү демилгесин сунуштап жатканын билдирди.

Элдар Алишеров: «Ошондой эле алтын катылган руданы жана аралашмаларды сатуудагы роялтинин базалык салыгы да кайра каралат. Эгер афинаждалган алтын Кыргызстанга кайра алынып келсе, салык алынбайт», – деди.

Өкмөттүн божомолунда мындай чаралардын натыйжасында бюджетке кошумча 300 млн сом киреше түшөт.

Депутат Тариел Жоробеков алтын аралашмаларында камтылган алтындын өлчөмүн кимдер аныктап, улуттук кызыкчылык комдер коргой турганына кызыкты.

Элдар Алишеров алтын аралашмаларынын өлчөмүн аныктай турган көзкарандысыз 4 лаборатория бар экенин, ошолор аныктай турганын билдирди. Анын маалыматына караганда, айрым тобокелчиликтер да бар. Аралашмалардын курамын аныктоо 3 көзөмөлдөн өтөт. Эгер ката кеткен болсо, текшерген лабораториянын аккредити чакыртып алынат. Ошондуктан, алар дагы ишенимден чыкпоо аракетин жасайт.

 
Categories

Кыргыз балы “Amazon” онлайн чекене соода түйүнү аркылуу сатылууда

2020-жылдын 12-14-февралында Жапонияда  Макухари Мессе көргөзмөлөр комплексинде (Тиба шаары), тамак-аш азыктарынын эӊ ири көргөзмөсү «Food Table in Japan 2020» өтүп жатат. ТИМдин маалымат кызматынын билдиргенине караганда, иш-чарага Кыргызстандан ОсОО «Ноктюрн», ОЮЛ «Ассоциация пчеловодов Кыргызской Республики», ЧП «Нектар», ОсОО «Аман-Гринфуд», ОсОО «Ала-тоо Honey», ОсОО «ОСКО», СПК «Алыш-Дан» компаниялары катышып,  бал азыктарын жана кургатылган жемиштерди көрсөтүп жатат.

Бул иш-чарага жыл сайын болжол менен 80-90 миң адам катышат. Көргөзмөдө катышып жаткан атамекендик өндүрүүчүлүргө жаңы өнөктөштөр менен ишкердик байланыштарды түзүү үчүн уникалдуу мүмкүнчүлүк берет.  Учурда, Кыргызыстанда өндүрүлгөн бал Японияда кеңири белгилүү болуп, айрым Япониянын дүкөндөрүндө жана ошондой эле белгилүү Аmazon, Rakuten ж.б. электрондук коммерция платформалары аркылуу сатылууда.

Бул иш-чарага  Кыргызстандын Япониядагы Атайын жана Ыйгарым укуктуу Элчиси М.Арстанбаевда катышууда

Кыргыз балы  "Amazon"  онлайн чекене соода түйүнү аркылуу сатылууда

 
Categories

“Үч-Коргон ГЭСин модернизациялоо” долбооруна 160 млн доллар бөлүнөт

Азия өнүктүрүү банкы “Үч-Коргон ГЭСин модернизациялоо” долбоорун ишке ашырууга 100 млн доллар көлөмүндө каражат бөлөт, анын ичинде жеңилдетилген насыя – 60 млн доллар, гранттык каражат – 40 млн доллар. Насыя 1, 5 үстөк пайызы менен 32 жылдык мөөнөткө берилүүдө. Мындай маалымат Жогорку Кеңеште айтылды.

Ал эми долбоорду 45 млн доллар өлчөмүндөгү кошо каржылоо керектөөсүн Евразия турукташтыруу жана өнүктүрүү фондунун насыя каражаттарын тартуу жолу менен камсыздоо максат кылынууда. Долбоордун алкагында тыштан келе турган жабдууларды салыктардан бошотуу түрүндө 15 млн доллар өлчөмүндөгү кошо каржылоо каралууда. Ошентип, долбоордун жалпы наркы – 160 млн доллар.

“Үч-Коргон ГЭС толугу менен кайра курулса, 35-40 жыл аралыгында 216 МВт көлөмүндө электр энергиясын өндүрө алат.

Үч-Коргон ГЭСи оңдолсо, 2023-жылдан тарта трансулуттук “CASA-1000” долбооруна жылыга 1,5 млрд кВт/саат электр кубатын берип турууга мүмкүнчүлүк түзүлөт. ГЭС “CASA-1000” долбооруна байланып жаткандыктан, жумшалган каражат 12 жыл аралыгында өзүн актайт деген божомол бар. Анткени, ал долбоордогу электр энергиясынын сатык наркы жогору: 1 кВт/саат – 5-7 цент.

Эске сала кетсек, Үч-Коргон ГЭСи 1961-жылы пайдаланууга берилген. Анын кубаттуулугу – 180 МВт. Өткөн 57 жылда негизги курулмалар менен жабдуулар толугу менен эскирди. Ошондон улам, ГЭС оңдоого муктаж. Анын алкагында негизги курулмаларды калыбына келтирүү, гидромеханикалык жана электротехникалык жабдууларды, көмөкчү жабдуулардын бир бөлүгүн  калыбына келтирүү зарыл.

 
Categories

АКШ долларынын курсу өсүүдө

Кытайдагы таажылуу вирустун таасири көпчүлүк мамлекеттерде АКШ долларынын курсунун өсүшүнө алып келүүдө. Бул айрыкча азия өлкөлөрүндө байкалууда.

Ошенткен менен кечээтен берки АКШ долларынын орточо салыштырмалуу курсу өзгөргөн жок, евро – 77.625-сомго чейин арзандады, орус рубли 1.1098 сомго чейин өстү, теңгенин курсу өзгөргөн жок.

АКШ доллары сатып алуу – 69.8 сом , сатуу – 69.9 сом .

Евро сатып алуу – 76.9 сом, сатуу – 77.5 сом.

Орус рубли  сатып алуу – 1.103 сом,  сатуу 1.114 сом .

Теңге сатып алуу – 0.1785 сом , сатуу – 0.1869 сом