Categories

Бүгүн Президент С. Жээнбеков  ШКУга мүчө-мамлекеттердин башчыларынын Кеңешинин жыйынына катышат

Президент Сооронбай Жээнбековдун КЭРге болгон расмий сапары аяктап,  бүгүн  ШКУга мүчө-мамлекеттердин башчыларынын Кеңешинин кезектеги жыйынына катышат. Иш-чара Кытайдын Циндао шаарында өтөт.

ШКУга мүчө-мамлекеттердин башчыларынын Кеңешинин жыйынында Шанхай Кызматташтык Уюмун мындан аркы өнүгүүсүнө тиешеси бар бир катар чечимдерди талкуулап, кабыл алуу, саясий, экономикалык, маданий-гуманитардык чөйрөлөрдөгү, ошондой эле коопсуздук жана тышкы байланыш жаатындагы документтерди бекитүү мерчемделген.

Саммитте кытай тарап ШКУга мүчө-мамлекеттердин башчыларынын Кеңешине төрагалыгын аяктап, аны 2018-2019-жылдарга Кыргызстанга өткөрүп берет.

 
Categories

Кыргыз делегациясына кытай артистери “Манас” эпосу боюнча операны коюп беришти

Кытайлык кандаштарыбыздан миң киши чогулуп алышып Манас айтышканын жакшы билебиз. Кечээ   Президент Сооронбай Жээнбеков Кытайга болгон мамлекеттик сапарынын жүрүшүндө ал жактагы кандаштарыбыз дагы бир жакшы өнөрлөрүн көргөзүштү.  Президент Сооронбай Жээнбековду коштогон кыргыз делегациясы 7-июнда Бээжинде “Манас” эпосу боюнча операны көрдү.

Концертен кийин президент кытайлык артисттер тобун Кыргызстанга чакырды. Опера манасчы Жусуп Мамайдын вариантынын негизинде коюлган. Анын сценарийин Кытайдагы белгилүү сценарист Ван Сяолин даярдаган. Опера буга чейин Кытайда тогуз жолу коюлуп, көрүүчүлөрдүн кызыгуусун жараткан.

Кытай төрагасы Си Цзинпин да “Манас” дүйнөдөгү эң чоң эпостордун катарында экенин белгилеген.

“Манас” операсынын бет ачары 2017-жылдын 30-сентябрында Бээжин шаарында болгон.

Кыргызстандын Тышкы иштер министрлиги маалымдагандай, операны коюуга Кытайдын мамлекеттик театрларынын 100 дөн ашык артисттери катышкан. Ал эми даярдоо иштерине эки жыл убакыт кеткен.

 
Categories

Доналд Трамп  ооз ачыруу уюштурду

Доналд Трамптын кылык жоругу канчалык таң калтырбасын Ак үйдө АКШдагы мусулман коомчулугунун өкүлдөрү үчүн ооз ачырууга уюштурулду. Ооз ачтырууга өкмөт мүчөлөрү жана Вашингтондогу дипломатиялык жамаат, анын ичинде элчилер да чакыртылган.

Буга чейин Д. Трамптын ооз ачтыруусунан шек санап келишкен эле. Себеби, Трамп бийликке келгенден бери биринчи ирет ооз ачырды. Ал көп жылдан бери АКШнын президенттери өткөрүп келген жөрөлгөдөн былтыр баш тартып койгон болчу.

Доналд Трамп: “Cилердин ар бириңердин жана дүйнөдөгү бардык мусулмандардын орозосу кабыл болсун! Биз бүгүн кечте дүйнөнүн эң улуу диндеринин биринин ыйык салтын урматтап жатабыз”, – деди.

Оз ачыру учурунда Ак үйдүн сыртында бир катар укук коргоочу топтор “Трамтын ооз ачыруусуна жол жок!” деген ураандар менен кыйкырып турушту. Себеби, Трамптын буга чейинки аракети америкалык мусулмандарды басмырлоого жана дискриминациянын күчөшүнө салым кошконун белгилешти.

 
Categories

Жолдуулугунда чек жок Ливандык тургун миллион долларды экинчи ирет утуп алды

73 жаштагы ливандык кишинин жолдуулугунда чек жок экен. Албетте, ар ким эле ал кишидей болуп калсам экен деп кыялданса керек? Жолдуулук катары Ливандын тургуну Dubai Duty Free мекемеси тарабынан өткөрүлүп келген лотереянын баш байгеси миллион долларды экинчи ирет утуп алганын мисал келтирсек болот. Бул тууралуу Gulf News басылмасы жазды.

1999-жылдан бери өткөрүлүп келген Millennium Millionaire лотереясынын эрежеси боюнча катышуучуларга ар бири 1 миң дирхам (278 доллар) болгон беш миң билет сатылат.

Эске сала кетсек, 73 жаштагы ливандык киши Дубай аэропорту тарабынан такай өткөрүлүп келген лотереянын биринчи джекпотун 2012-жылы ноябрда утуп алган.

Атайын маалыматтарга караганда,  лотерея өткөрүлүп келе жаткандан бери 160тан ашык киши миллионер болгон.

 
Categories

Сооронбай Жээнбеков жана Си Цзинпин бүгүн Бээжинде жолугушту

Кыргызстан менен Кытайдын лидерлери Сооронбай Жээнбеков жана Си Цзинпин бүгүн Бээжинде сүйлөшүү өткөрүп, эки өлкөнүн ортосундагы ар тараптуу стратегиялык өнөктөштүк боюнча декларацияга кол коюшту.

Мындан сырткары, жолугушуунун алкагында кызматташтыкты бекемдөөгө багытталган биргелешкен документтерге кол коюлду. Алар:

– 2013-жылдын 11-сентябрында кол коюлган “Кытай-Кыргызстан” газ куурун куруу жана эксплуатацияга берүү боюнча өкмөт аралык келишимге толуктоолорду жана өзгөртүүлөрдү киргизүү жөнүндө меморандум;

– Кыргызстандын Инвестицияларды илгерилетүү жана коргоо боюнча агенттиги менен Кытайдын Коммерция министрлигинин ортосунда тышкы соода-экономикалык кызматташтык аймагы жөнүндө меморандум;

– Адам ресурстары жаатында Кыргызстандын Мамлекеттик кадр кызматы менен Кытайдын коммерция министрлигинин ортосунда кызматташуу жана өз ара түшүнүшүү жөнүндө меморандум;

– Кыргызстандын Айыл чарба, тамак-аш жана мелиорация министрлиги менен Кытайдын Сапатты көзөмөлдөө башкармалыгы, Карантин жана фитосанитардык инспекциясынын ортосундагы протокол;

– Өзгөчө кырдаалдар министрлиги үчүн “Мобилдик госпиталь” долбоорун ишке ашыруу жөнүндө өкмөт аралык кат алмашуу;

– Кыргызстандын Саламаттык сактоо министрлиги менен Кытайдын Гигиена жана саламаттык сактоо боюнча мамлекеттик комитетинин ортосундагы макулдашуу;

– Кыргызстандын Маданият, маалымат жана туризм министрлиги менен Кытайдын Радиоберүү жана телевидение иштери боюнча башкы мамлекеттик башкармалыктын ортосундагы макулдашуу;

– Кыргызстандын Эмгек жана социалдык өнүгүү министрлиги менен Кытайдын Адам ресурстары жана социалдык камсыздандыруу министрлигинин ортосундагы меморандум.

 
Categories

Гватемала мамлекетинде Фуэго жанар тоосунун курмандыктары 65 кишиге жетти

Кечээ борбордук Америкадагы Гватемала мамлекетинде Фуэго жанар тоосу атылган болчу. Алгач ВВС жанар тоо атылганда 300дөй киши жараат алганын, аймактан 2000дей киши көчүрүлгөнүн маалымдаган. Жергиликтүү бийлик жанар тоо азыр да атылып жатканын айткан. Ал жерде убакыт өткөн сайын курмандыктардын саны өсүп 65ке жеткендиги айтылууда. Бул тууралуу “Итар-Тасс” агенттиги кабарлады.

Маалыматтарга караганда, куткаруу-издөө иштеринде курмандыктардын саны дагы көбөйүшү мүмкүн. Жанар тоо атылганы 1 миллион 700 миңдей кишиге таасир этти. Келтирилген материалдык чыгым азырынча жарыялана элек. Ондогон кишинин өлүмүнө байланыштуу Гватемалада үч күндүк аза күтүү күнү жарыяланды.

Гватемаланын Жанар тоо таануу, сейсмология жана метеорология боюнча улуттук институтунун кабарына караганда, жанар тоо деңиз деңгээлинен 10 миң метр бийиктикке чейин күлүн чачып жатат. Фуэго жанар тоосу өлкө борборунан 40 чакырым аралыкта жайгашкан. Азыркы жанар тоонун атылышы 1974-жылдан бери эң кубаттуусу катары бааланууда.

 
Categories

Гватемалада Фуэго жанар тоосу атылып, 25 адам көз жумду

 

Гватемалада Фуэго жанар тоосу атылганда кеминде 25 адам көз жумду, дагы 300дөй киши жарадар болду. Бул маалыматты ВВС билдирди. ВВСнин жазганына караганда, учурда аймактан 2000дей киши көчүрүлгөн.

Жергиликтүү бийлик жанар тоо азыр да атылып жатканын, ошондуктан курмандыктардын саны дагы көбөйүшү мүмкүн экенин билдирүүдө.

“Рейтер” агенттигинин маалыматына караганда, лава агымы бир айылды басып калган. Жанар тоонун атылышынан Ла-Аурора аба бекетиндеги жалгыз эл аралык учуп-конуу тилкеси да жабылды.

Кырдаалдан улам бүткүл өлкө боюнча коопсуздуктун “саргылт” деңгээли киргизилди.

Гватемаланын Жанар тоо таануу, сейсмология жана метеорология боюнча улуттук институтунун кабарына караганда, жанар тоо деңиз деңгээлинен 10 миң метр бийиктикке чейин күлүн чачып жатат. Фуэго жанар тоосу өлкө борборунан 40 чакырым аралыкта жайгашкан. Азыркы жанар тоонун атылышы 1974-жылдан бери эң кубаттуусу катары бааланууда.

 
Categories

Казакстанда жоолукчан кыздардын сабакка киргизилбегени чырга айланды

Казакстандын Актөбө облусунда окуучу кыздардын жоолукчан мектепке баруусу чырга айланууда. Аталган чырга Актөбө облусутук соту аралашууга аргасыз болууда.  Актөбө облустук соту Шалкар шаарынын жашоочулары Ербол Турганбаев менен Нурбол Сүйүндүковдун доо арызын карап, жоолукчан кыздарды сабакка киргизбеген мектеп жетекчилигинин чечимин “туура” деп тапты. Ага ылайык

Казакстандын облусунта жоолук маселесине байланыштуу мектепке киргизилбеген 22 окуучу кийинки класстарга көчүрүлбөйт.

Ал эми кыздарын жоолукчан мектепке жөнөтүүнү каалаган жарандар Казакстан Конституциясына таянуу менен балдары шарият шарттары менен кийинүүгө укуктуу деп эсептешет. Мектеп жетекчилиги болсо окуучулар Билим берүү жана илим министрлиги тарабынан бекитилген буйрук боюнча бирдиктүү форманы сакташы керек деген позицияны бекем кармап келишет.

Ербол Турганбаев менен Нурбол Сүйүндүковдун адвокаты эми Жогорку сотко арызданарын билдирди.

NewTV

 
Categories

Орусияда 65 кыргызстандык эмгек мигранттары иш таштады

Орусияда эмгектенишкен кыргызстандыктар мурдагыдай эле кыйынчылыктарга тушугушууда. Анын бир мисалы катары 19 – майдагы Курил аралындагы кыргыз эмгек мигранттарынын иш таштоосун айтсак болот.

«Спиро» аттуу компаниясы эки айдан ашуун убакыттан бери 65 кыргыз жаранын маяналарын төлөбөй койгон. Ахмед аттуу жарандын маалыматына караганда, жумушта аларды кордоп, мазактап, катаал мамиле кылышкан. Эч себепсиз эле маяналардан айып пулдарды кармап калышчу. Анысы аз келгенсип, эки айдан бери айлыкты бербей коюшкан. 200-250 миң рублдан албай калгандар бар. Ооруп калышса, дарыгерге жиберишкен эмес. Акчаларын алышса эле кетишмекчи.

Ал эми Түндүк Курил районунун вице-мэри Александр Овсянниковдун маалыматына караганда, мигранттардын көбү кыргызстандыктар экенин айтууда.

Кыргызстандык мигранттар аларды аралдан алып кетүүнү талап кылышууда. Алар 65 киши, кеме менен 35ин гана алып кетүүгө мүмкүн, мигранттарды шаардык бюджеттин эсебинен аралдан алып чыгуу мүмкүн эмес.

Булак: NewTV

 
Categories

АКШ Иранга карата санкцияларын кеңейтти

Вашингтон Иранга карата санкцияларын кеңейтти. Тиешелүү документ АКШ Каржы министрлигинин сайтында жарыяланды.

Санкциялык тизмеге “Ислам революциясынын сакчылары” корпусуна катышы бар делген алты киши жана төрт компания кирди. 

8-майда АКШ президенти Дональд Трамп Кошмо Штаттар Иран менен түзүлгөн өзөктүк келишимден чыгарын билдирген. Ал макулдашуунун алкагында токтотулган санкциялар кайра жанданарын эскерткен. 

2015-жылы Иран дүйнөнүн алты ири державасы: АКШ, Кытай, Франция, Орусия, Британия, Германия менен кол койгон келишимге ылайык, өзөктүк программасын чектөөгө көнүп, мунун ордуна ага каршы киргизилген эл аралык санкциялар жоюлган.