Categories

UFC 254 – Айоосуз беттеш ХАБИБ vs ГЕТЖИ

Орусиялык спортчу  Абу-Даби шаарында америкалык Жастин Гэтжи менен беттешүү алдында турат, Хабиб бул беттешүүдө наамын үчүнчү ирет коргомокчу.

UFS уюмунун президенти Дана Уайт бул беттеш тууралуу  проморолигин өзүнүн инстаграм баракчасына жарыялады.

Бул роликте эки мушкердин буга чейинки кармаштарынын эң кызыктуу көз ирмемдери тартууланган — аларды жеңишке жеткирген спорттук тактикалары, нокауттары, ошондой эле алдыда боло турчу беттештин машыгуулары чагылдырылган.

 
Categories

Падышаларга да вирус жугат

Америка Кошмо Штаттарынын президенти Дональд Трамп жана жубайы Мелания Трамп таажылуу вируска чалдыгышты.
Учурда Трамптын үйбүлөсү обочолонууга алынды.
Президенттин жеке дарыгери ал президенттик шайлоого чейин батыраак сакайып кетээрине ишенет.
Туура бир айдан кийин 3- ноябрда АКШда президенттик шайлоо өтмөкчү.
Таажылуу вирус пандемиясы дүйнө өлкөлөрүнүн ичинен эң көп дал ушул АКШда жайылган.
Бүгүнкү күндө 7 миллион 300 миңге жакын адам илдетке кабылган.
Ошндой эле вирустан каза болгондордун саны боюнча да АКШ биринчи орунда.
Бүгүнкү күнгө карата 209 миң адам таажылуу вирустан каза болгон.
Ошондой эле пандемияга каршы күрөшүүгө жана анын кесепеттерин жоюуга жумшаган каражаттардын көлөмү боюнча да АКШ биринчи орунду ээлейт.
Бул багытта баш аягы 4 триллион доллардын тегерегинде каражат бөлдү.
Анын басымдуу бөлүгү бизнести, ишкерликти жана экономиканы колдоого багытталган.

 
Categories

Меркель орууканага жашыруун келбеген

Белгилүү Орусиялык оппозициячыл саясатчы Алексей Навальныйды Германиялык дарыгерлердин кароосунда жаткан учурда Германиянын канцлери Ангела Меркель жашыруун келип көрүп кеткендигин немецтик Der Spigel басылмасы жазган болчу.
Бул маалыматты Алексей Навальный өзү ырастап Меркельдин келиши эч кандай деле жашыруун болгон эместигин белгиледи.
Ошондой эле ушундай маалда келип, жеке өзүнөн тышкары үй бүлөсү менен да баалашып кеткендигине абдан ыраазы болгондугун айткан.
Белгилей кетсек Алексей Навальный Орусияда ууландырылгандан кийин Германияда дарыланып чыкты. Мындай терс көрүнүштүн айынан Европанын бир катар өлкөлөрү Орусияга карата ар кандай экономикалык санкцияларды киргизүүгө ниеттенген.

 
Categories

Президентти ууландыргысы келген аял кармалды

Өткөн жуманын аягында Америка Кошмо Штаттарынын президенти Дональд Трампка  жөнөтүлгөн уулуу кутунун кармалгандыгы маалымдаган.

Эми ошол кутуну жөнөткөн шектүү аял кармалды. Ал кечээ Канададан Нью-Йорк штатына өтүп жатканда тиешелүү органдар тарабынан кармалгандыгын CNN билдирди.
Шектүү аял кармалган учурда жанында курал болгон.

 
Categories

Европарламент Лукашенкону тааныбайт

Кечээ Брюссельде Европарламент Беларуссия боюнча өзүнүн атайын резолюциясын кабыл алды.
Ал документте Европарламент 5- ноябрдан тартып Александр Лукашенкону президент катары тааныбай тургандыгы белгиленди.
Анткени Лукашенконун 5- мөөнөтү ошондо аяктайт.
Ал эми бул жолку шайлоодогу жеңиши бурмаланган. Андыктан жаңы мөөнөтү мыйзамсыз деп эсептелерин билдирди.
Буга карата Александр Лукашенко “Беларусь Европарламенттин жана башка өлкөлөрдүн таануу тааныбасына муктаж эмес.
Шайлоо мыйзамдуу өттү. Бүттү. Точка” деп кесе айтып, кол шилтеди.

 
Categories

Кремль Навальныйдын ишин «Түндүк агым – 2» долбоору менен байланыштырбоого чакырды

Кремль оппозициячы Алексей Навальныйдын иши «Түндүк агым – 2» долбоору менен байланыштырылбашы керектигин билдирди.

Берлин Балтика деңизинин түбү менен газды Орусиядан Германияга жеткирүү каралган «Түндүк агым – 2» долбоорунун ишке ашырылышын активдүү колдоп келет. Бирок акыркы кездери Навальныйдын окуясынан улам Германияда немис өкмөтүнөн долбоорду токтотууну талап кылгандар көбөйдү.

44 жаштагы Навальный 20-августта эртең менен Томск шаарынан Москвага учак менен келатып, өзүн жаман сезе баштаган. Дааратканада эстен танып жыгылгандан кийин учак Омск шаарына чукул конууга аргасыз болгон. Алгач Омскидеги ооруканага жаткырылган Навальный бир нече күндөн кийин Берлинге жеткирилген. Бундесвер лабораториясынын эксперттери Навальныйдын канынан «Новичок» тобуна кирген, нервди шал кыла турган химиялык заттын издери табылганын билдирген.

Шаршемби күнү Кремлдин басма сөз катчысы Дмитрий Песков саясий маселелерде «Түндүк агым – 2» долбоору айтылбашы керектигин билдирди. «Бул коммерциялык долбоор. Ал Орусиянын да, Европа биримдигине мүчө өлкөлөрдүн, анын ичинде Германиянын да кызыкчылыктарына туура келет», — деди Песков.

«Түндүк агым – 2» долбооруна Европадагы Польша, Украина, Эстония, Латвия жана Литва өлкөлөрү, ошондой эле АКШ каршы болуп келишет.

Ал ортодо Алексей Навальный ууландырылган деп айтылып жаткан «Новичоктун» издери бар бөтөлгө саясатчынын Томск шаарындагы мейманкана номурунан сыртка чыгарылганы белгилүү болду. Бул тууралуу «Проект» долбоору менен Навальныйдын «Инстаграмдагы» блогу жазды. Бул оппозициячы буга чейин болжолдонуп жаткандай аэропортто же учакта эмес, мейманканада ууландырылганын билдирет. Буга чейин «Тайга.инфо» басылмасы мейманкана аймактагы жогорку кызматта иштеген күч түзүм кызматкерлерине жана жергиликтүү аткаминерлерге байланыштуу экенин аныктап чыккан.

Булак: “Борбор Азия жаңылыктар кызматы”

 
Categories

Эрдоган эр экен!

Түркиянын президенти Тайип Эрдоган Анкара шаарында Түркиядагы аскердик төңкөрүштүн 40 жылдыгын белгилөө салтанатында сүйлөп жатып Франциянын президенти Эммануель Макронго катуу эскертүү жасады.
Эрдоган ” Эй Макрон сен Түркияга көп сүйкөнбөй жүргүн! Сен оболу тарыхты жакшы окуп, билип алгының!
Франция кезегинде Африка өлкөлөрүндө элди кырган.
Алжирде, Ругандада миллион догон жергиликтүү элди кырып салган.
Андыктан Түркияга тийишип сүйлөштөн мурун өзүңөрдү билгиле! ” деди.
Ошондой эле Таип бей ушундай сөздөрдү Макрон менен жеке жолугушууларда да айткандыгын белгиледи.
Белгилей кетсек Франциянын президенти Эммануель Макрон Түркиянын Жер ортолук деңизинде мунай жана газды чалгындоо иштерин кескин сындап чыккан.
Ошондой эле ал бул иштерде Грециянын таламын талашып келет.
Түркиянын президенти Режеп Таип Эрдоган дайым Африкадагы эле эмес дүйнөдөгү мусулмандарга каршы жүргүзүлгөн кээ бир чоң өлкөлөрдүн зомбулук саясатын ачык кескин сын айтып келет.
Маселен Кытайдын уйгурларга кылган мамилесин, Мьянманын мусулман азчылыкка кылган зомбулуктарын катуу сындап чыккан.
Эрдогандан башка мусулман өлкөлөрүнүн лидерлеринин эч кимиси мындай учурларда баш көтөрүп үн каталышпайт.
Аллах сизден ыраазы болсун Таип мырза!

 
Categories

Лукашенко бийликти бербейм деди

Белоруссиянын президенти Александр Лукашенко өлкөнүн прокуратура кызматкерлери менен өткөргөн жыйында ” Мен эч качан бийликти жөн эле берип койбоймун.
Бийлик жөн эле колду шилтеп, таштап салып, басып кете турган нерсе эмес!
1990- жылдардын ортосунда өлкөдө бийлик ылайга тебеленди кейпине түшүп калган болчу.
Мен ошондой жокко эсе болгон бийликти алып, анын кадыр баркын, кубатын көтөрүп, Белоруссияны сактап калдым.
Прокурорлор силердин араңарда жалтактагандар болсо, эрки боштор болсо саткынчылык кылбай, мага каршы акцияга чыккандардын катарына өтүп алгыла.
Же эркекче бекем берилип ишиңерди уланткыла!
Мен эч качан каршылык акциясын өткөрүп жаткандардын жетегине түшпөймүн жана аларга ийилбеймин” деп абдан катуу күпүлдөдү.

 
Categories

АКШ Сенаты Орусияга карата жаңы санкция сунуштоодо

Америка Кошмо Штаттарынын демократиялык партиясындагы бир нече сенаторлору Орусия карата жаңы санкцияларды сунуштайт.
Ооганстандагы АКШнын аскердик базасына карата Талибандардын сокку уруусуна Орусиянын сыйакы төлөгөндүгү далилденсе анда дагы бир катар жаңы санкциялар киргизилет.
Ага ылайык Орусиянын бир катар жогорку бийлик адамдарына жана өлкөдөгү ири компанияларга карата санкциялар колдонулмакчы.

 
Categories

Мунайдын баасы төмөндөп кетти

Мунайдын дүйнөлүк биржадагы баасы дагы төмөндөп баштады.
Вrent үлгүсүндөгү мунайдын баасы бүгүн дароо 3,5-5,6 пайызга чейин төмөндөп, бир баррели 40,56 АКШ долларга бааланды.
Анын себеби Сауд Арабиясынын арзан мунайына Азиядагы 10 эң чоң мунай иштетүүчү заводдордун төртөөсү гана кыска мөөнөттүү сатып алуу каалоосун билдиргендиги болгон.
Өткөн жумада Brent үлгүсүндөгү мунайдын бир баррели 46 АКШ долларына чейин көтөрүлгөн болчу.