Categories

Ак үйгө бастырып киришти. Мына кызык!

Мына кызык!
Мындай көрүнүш Америка кошмо штаттарында да болот деп эч ким ойлобогон.
Кечээ АКШнын Конгресинде өткөн президенттик шайлоодо жеңишке жеткен демократ Жо Байдендин жеңишин бекитүүгө чогулган жыйындын жүрүшүндө учурдагы президент Трамптын тарапкерлери залга кыйкырып бастырып киришти.
Алар “Трамп” деп ураан чакырып киришкен.
Жыйында дароо баш аламандык орун алып, курал колдонулуп, оор жарат алган бир айым жан берген.
Демек Капитолийде кан төгүлдү!
Баш аламан жараткандарды полиция кууп чыкты.
Дароо коменданттык саат жарыяланды.
Трамп өз тарапкерлерин тынчтанып үйлөрүнө тароого чакырды.
Вице- президент Пенс башаламанды уюуштургандар жазага тартылаарын билдирди.
Жеңген президент Байден окуяны “ Демократияга урулган катуу сокку” деп атады.
Айрым сенаторлор Трампты импичмент менен кетирүүнү көтөрүп чыгышты.
“Сыныктан башкасынын баары жугуштуу” демекчи кыргыздардын Ак үйдү басып алмайы океандын ары жагына жетип барганы кызык.
Баса АКШда кыргыздар кыйла көбөйүп бараткан эмеспи…

Анткен менен Америка өз демократиясын ар кандай айла амалдар менен ааламга тарата албай убара чегип келсе “Кыргыз демократиясы заматта кыйырга жетти”…

 
Categories

ТАШИЕВДИН КӨҢҮЛ АЙТУУСУ АТАКТУУЛАРДЫН ТИЗМЕСИНЕ КИРДИ

Кечээ УКМК төрагасы Камчыбек Ташиев футбол боюнча Италия курамасынын мурдагы оюнчусу, дүйнө чемпиону жана 1982-жылы “Алтын топ” сыйлыгын утуп алган Паоло Россинин дүйнөдөн кайткандыгына байланыштуу Италия элине көңүл айткан болчу. Анын көңүл айтуусуна Италиянын футбол коомчулугу өзгөчө көңүл бөлүп, футболчу менен коштошуу зыйнаты өтүп жаткан жердеги атайын уюштурулган чет элдик белгилүү инсандардын көңүл айтуулары жазылган тактайчага кошулгандыгын Перуджа футболдук клубунун академиясынын башкы менеджери Maurocostorella билдирди. Эске сала кетсек, кечээ УКМК төрагасы өзүнүн «Фейсбуктагы» баракчасы аркылуу төмөндөгүдөй мазмундагы көңүл айтуусун калтырган эле.

«Мен бүгүн дүйнөгө белгилүү италиялык футболчу, “Алтын топтун” ээси, дүйнө чемпиону жана менин досум Паоло Россинин каза болгондугу тууралуу кайгылуу кабарды алдым. Мен ушул керемет адам менен таанышып, достошконум үчүн бактылуумун, менин уулум Эмир-Хан Италиянын Перуджа шаарындагы анын «Паоло Росси» академиясында 2 жыл окуган. Бардык футбол күйөрмандарына, өзгөчө Италия элине терең кайгыруу менен көңүл айтам. Жаткан жериң жайлуу болсун, ага!», – деген Ташиев.

ТАШИЕВДИН КӨҢҮЛ АЙТУУСУ АТАКТУУЛАРДЫН ТИЗМЕСИНЕ КИРДИ

 
Categories

3-ДЕКАБРЬ – ЭЛ АРАЛЫК МАЙЫПТАР КҮНҮ

Бүгүн, 3-декабрь – Ден соолугунун мүмкүнчүлүгү чектелген адамдардын бүткүл дүйнөлүк күнү. Өлкө боюнча 2020-жылдын 3-декабрына карата ден соолугунун мүмкүнчүлүгү чектелгендердин саны 193 миң адам болсо, алардын арасынан 32 миң киши 18 жашка чейинки балдар экенин Эмгек жана социалдык өнүктүрүү министрлигинен билдиришти. Ден соолугунун мүмкүнчүлүгү чектелгендердин күнүн белгилөө Бириккен улуттар уюмунун генералдык ассамблеясы тарабынан демилгеленген. Алар өзүнүн 1992-жылдагы резолюциясы менен 3-декабрды ден соолугунун мүмкүнчүлүгү чектелген адамдардын бүткүл дүйнөлүк күнү деп жарыялаган. Ал эми 2006-жылдын декабрь айында БУУнун Генералдык ассамблеясы калктын аярлуу катмарынын укугун коргогон конвенцияны кабыл алган. Бүгүнкү күндө дүйнө жүзүндө орточо эсеп менен 1 миллиарддан ашык ден соолугунун мүмкүнчүлүгү чектелген адамдар бар. Бул дүйнө калкынын 15 пайызын түзөт.

 
Categories

ЛОНДОНДО АЙТМАТОВ ТУУРАЛУУ КИТЕП ЖАРЫК КӨРДҮ

Улуу жазуучу Чыңгыз Айтматовдун чыгармачылык жана өмүр жолун баяндаган «Евразиялык жазуучунун даңазалуу жолу» деген китеп Лондон шаарында жарык көрдү. Китепти жазуучу менен көп жылдар бирге иштешкен, анын чыгармаларын англис, немис тилдерине которуу жана чет өлкөлөрдө жайылтуу менен алектенип келаткан Лондондогу Чыңгыз Айтматов академиясынын жетекчиси, лингвист-профессор Рахима Абдувалиева жазган.  Маалыматка ылайык, китепте Чыңгыз Айтматовдун балалыгы, адабий карьерасы, дипломатиялык миссиясы, эл аралык кадыр-баркы, негизги идеялары тууралуу баяндалат. Чыңгыз Айтматов 1928-жылы 12-декабрда Таластын Шекер айылында туулган. Ал совет доорунда эле «Жамийла», «Саманчынын жолу», «Гүлсарат», «Бетме-бет», «Ак кеме», «Кылым карытар бир күн», «Кыямат» ж.б. мыкты роман-повесттери менен дүйнөгө таанылган. Айтматов 2008-жылдын 10-июнунда 80 жаш курагында дүйнөдөн кайткан.

 
Categories

Арменияга орусиялык 200дөй тынчтык орнотуучу келди

6381238 10.11.2020 Погрузка военной техники и личного состава в тяжёлые военно-транспортные самолёты Ил-76 на аэродроме Ульяновск-Восточный. Стоп-кадр с видео, предоставленного министерством обороны РФ. Изображение является раздаточным материалом, предоставлено третьей стороной. Только редакционное использование. Запрет на архивирование, коммерческое использование, рекламную кампанию. Министерство обороны РФ

Орусиянын аскердик-транспорттук авиациясынын учактары Арменияга 200дөн ашуун тынчтык орнотуучуларды жеткирди.

Орусия Коргоо министрлиги билдиргендей, 15-тынчтык орнотуучу бригаданын командирлери жоокерлер менен бирге Ил-76 үлгүсүндөгү 12 учак менен Армения Республикасына конду.

Алар жайгаша турган аймакка бронетехника жана байланыш каражаттары жеткирилди.

Тоолуу Карабактын жаңжал чыккан аймагында жайгаша турган тынчтык орнотуучу контингенти жалпысынан эки миңдей аскер кызматкерин түзөт. Мындан тышкары 90 бронетранспортер, 400дөй автомобиль жана атайын техникалар болот.

Орусиялык аскер байкоочулары Армения менен Тоолуу Карабакты байланыштырып турган Лачин коридорун бойлой жайгашат.

10-ноябрь түнү Армения менен Азербайжандын жетекчилери Орусиянын арачылыгы алдында Тоолуу Карабактагы атышууну токтотуу боюнча үч тараптуу келишимге кол коюшкан. Ал документке ылайык, Азербайжан соңку кагылышууда ээлеген аймактарга өз көзөмөлүн сактап калат.

Тоолуу Карабактагы кагылышуу учурунда чыгып кеткен качкындар эл аралык келишимдер боюнча кайтып барат. Келишимде орусиялык тынчтыкты камсыз кылуу күчтөрүн талаштуу аймакка кеминде беш жылга жайгаштыруу каралган.

 
Categories

290 добуш алып Жо Байден АКШнын 46-президенти болууга мүмкүнчүлүк алды

Жо Байден жеңишке жетүү үчүн шайлоочулардын зарыл болгон 290 добушун алды, бул ага АКШнын 46-президенти болууга мүмкүнчүлүк берет.
Көп өтпөй Байден өзүнүн шайлоодогу жеңиши жөнүндөгү билдирүүлөргө комментарий берип, өзүн жаңы шайланган Президент деп жарыялады. Анын айтымында, америкалыктар ага жана шайланган вице-президент Камала Харриске көрсөткөн ишеним ал үчүн чоң сыймык.
“Буга чейин болуп көрбөгөндөй тоскоолдуктарга туш болсо да, шайлоого рекорддук сандагы америкалыктар катышкан. Бул дагы бир жолу демократия Американын жүрөгүнүн чок ортосунда жайгашкандыгын далилдеди. Шайлоо өнөктүгү аяктагандан кийин, ачууланууну жана катаал сөздөрдү таштап, эл катары биригүүгө кез келди “, – деди Байден, ал “эгерде биз баарын жасай албасак эч нерсе кыла албайбыз “деп өлкөнүн бардык жашоочуларын биригүүгө үндөдү.
Жо Байденди биринчилерден болуп куттуктагандардын бири – Сенаттагы Демократиялык азчылыктын лидери Чак Шумер. Добуш берүүнүн жыйынтыктары жөнүндө күтүлүп жаткан вице-президент Камала Харрис дагы комментарий берди.

 
Categories

Байден шайлоодо жеңишке жетерине ишенимин билдирди

АКШ Президенттигине талапкер америкалыктарды биримдикке чакырды

Демократиялык партиядан АКШ президенттигине талапкер Джо Байден Делавэр штатындагы Уилмингтон шаарынан кыскача сөз сүйлөдү. Ал Ак үй үчүн күрөштө жеңишке жетерине ишенгендигин билдирип, бирок сандар өзү сүйлөөрүн гана белгилеп, жеңишин жарыялаган жок.

Байден добуштарды бөлүштүрүүнүн натыйжасында 300дөн ашык шайлоочулардын добуштарын ала тургандыгын, башкача айтканда, Республикачылардын талапкери Дональд Трампка көрүнүктүү артыкчылык менен жеңишке жетерин баса белгиледи.
Ошондой эле, берилген ар бир добуш эсептелет деп убада кылды.

Байден мындан сырткары көңүл бурууну көздөгөн төрт маселени атады: COVID-19 эпидемиясы, экономикалык кризис, глобалдык климаттын өзгөрүшү жана системалык расизм. Ал эпидемияга байланыштуу кырдаал курчуп баратканын белгилеп, COVID-19дан каза болгондордун жакындарына жана туугандарына көңүл айтты.

Ал өлкө экономикасында абал оор экендигин белгиледи. Ошондой эле республикачыларга добуш берген америкалыктарга алар душман эмес, союздаш экендигин эскертти. «Менин президент катары милдетим – жалпы элдин өкүлү болуу. Мага каршы добуш бергендер үчүн да мага добуш бергендердей эле катуу иштейм» деп, америкалыктарды АКШнын кызыкчылыгы үчүн биригүүгө үндөдү.

Буга чейин АКШ президенти Дональд Трамп Байденди Твиттерде шайлоодогу жеңишин жарыялабашы керектигин эскерткен: “Мен дагы муну жарыялай алам. Укуктук процедуралар жаңы башталды.”

 
Categories

Түркия: жер титирөөнүн кесепеттери

“Биз куткаруу иштери үчүн бардык мүмкүнчүлүктөрдү колдонобуз”: Түркиядагы жер титирөөнүн кесепеттери жөнүндө эмне белгилүү?
Түркиянын батышында болгон күчтүү жер титирөөдөн кеминде 12 адам каза болуп, 600дөн ашуун адам жаракат алды. Эң олуттуу таасирлер Измир провинциясында байкалып, жер титирөө 6,6 баллга жеткен. Жер титирөөнүн булагы аймактагы шаарлардын биринен анча алыс эмес деңизде болгон. Измирде табигый кырсыктын кесепетинен 20га жакын турак жай жабыркады, өзгөчө кырдаалдар кызматы издөө-куткаруу иштерин жүргүзүүдө.

Президент Режеп Тайип Эрдоган учурдагы кырдаалга комментарий берди.

«Куткаруучулар кыйраган 17 имараттын урандыларынын үстүндө иштеп жатышат. Куткаруу иштерин жүргүзүү үчүн биз бардык мүмкүнчүлүктөрдү колдонуп жатабыз “, – деп Эрдогандын сөзүн РИА Новости келтирди.
Түркиянын Өзгөчө кырдаалдар жана кырсыктарды башкаруу агенттиги (AFAD) 607 адам жабыркаганын билдирди. Бул жыйынтыктоочу көрсөткүч эмес экенин белгилейт, себеби бул сан акыркы сааттарда бир нече жолу жогорулаган.

6,6 баллдык жер титирөө 30-октябрь, жума күнү түштөн кийин болгон. Жер титирөөнүн эпицентри Измир провинциясынын Сеферихисар шаарына жакын жерде катталган. Anadolu агенттиги билдиргендей, жер титирөөнүн очогу 16,5 км тереңдикте болгон. Жер титирөө болжол менен 15 секундга созулуп, Түркиянын батышындагы көптөгөн провинцияларда сезилгени белгиленди. Мындан тышкары, атап айтканда, Сеферихисарды жарым-жартылай жеектеги аймактарын суу каптаган.

Жер титирөө Грециянын Самос аралында да сезилген. Жалпыга маалымдоо каражаттары эки адам каза болгонун кабарлашты. Грециядагы сейсмологдор жер титирөөнүн күчү 6,9 балл деп баалашты.

Измир шаарынын мэри Тунч Сойер “жер титирөөнүн кесепетинен 20га жакын турак жай жабыркады” деди. Алгач, Түркиянын ички иштер министри Сулейман Сойлу Твиттерге Измирдеги Борнова жана Байракли райондорунда талкаланган алты имарат жөнүндө жазган.

Измирдеги 17 имаратта адамдарды издөө иштери улантылып жатат, деп билдирди Түркиянын Өзгөчө кырдаалдар жана табигый кырсыктар боюнча агенттиги.

Эрдоган Түркиянын бардык министрликтери менен ведомстволору Измирдеги каттуу жер титирөөнүн кесепеттерин жоюу боюнча иштерди баштагандыгын айтты.

“Биздин мамлекет бардык мүмкүнчүлүктөрү менен жер титирөөдөн жапа чеккен жарандардын жанында. Бардык тиешелүү ведомстволор жана уюмдар табигый кырсык болгон аймакта иштей баштады », – деп жазган Эрдоган Твиттерге.

Анадолунун айтымында, кырсык болгон аймакка үч жүк ташуучу учак, ошондой эле жакынкы аймактардан AFAD жана издөө-куткаруу (JAK) кызматкерлери жөнөтүлдү. Агенттик билдиргендей, Түркиянын Эмгек жана социалдык коопсуздук министрлиги аймакка 5 миллион түрк лирасы (500 миң евродон ашык) өлчөмүндө шашылыш жардам жөнөттү.

 
Categories

Бишкекте жаңы вице-мэр иштей баштады

Кадрдык өзгөрүүлөр борбор калаанын мэриясында кайрадан орун алды. Нариман Түлеев борбор калаанын биринчи вице-мэри кызматынан бошотулуп, анын ордуна Алмаз Бакетаев кайрадан дайындалды. Чыныбаева Айжан Адамкалиевна борбор калаанын социалдык маселелер боюнча вице-мэри болду. Тиешелүү буйрукка Мэрдин милдетин аткаруучу Балбак Түлөбаев кол койду.

Бишкек – сүйүктүү шаар!

 
Categories

UFC 254 – Айоосуз беттеш ХАБИБ vs ГЕТЖИ

Орусиялык спортчу  Абу-Даби шаарында америкалык Жастин Гэтжи менен беттешүү алдында турат, Хабиб бул беттешүүдө наамын үчүнчү ирет коргомокчу.

UFS уюмунун президенти Дана Уайт бул беттеш тууралуу  проморолигин өзүнүн инстаграм баракчасына жарыялады.

Бул роликте эки мушкердин буга чейинки кармаштарынын эң кызыктуу көз ирмемдери тартууланган — аларды жеңишке жеткирген спорттук тактикалары, нокауттары, ошондой эле алдыда боло турчу беттештин машыгуулары чагылдырылган.