Categories

Мурдагы министр кармалды

Бүгүн 15- сентябрда Экономикалык кылмыштарга каршы күрөшүү кызматы тарабынан мурдагы саламаттыкты сактоо министри Космосбек Чолпонбаев камакка алынды.
Экс министрге ” Шалаакылык” жана “кызмат абалынан кыянаттык менен пайдалануу ” беренелери боюнча айып тагылды.
Белгилей кетсек Чолпонбаев таажылуу вирус пандемиясы башталган тушта саламаттыкты сактоо министри болуп туруп, эпидемиологиялык абалдын курчуп кетишине алдын ала жетиштүү чараларды көрө албагандыгы белгиленип кызматынан алынган болчу.
Бүтүндөй коомчулук саламаттыкты сактоо министрлигинин ишмердигине катуу сын айтып келген.
Эми ошол кездеги премьер-министр Мухаммедкалый Абылгазиевге да кезек жетет өңдүү.
Анткени Космосбек Чолпонбаевдин иши боюнча тергөө материалдарына Абылгазиевдин фамилясы кошулгандыгы маалымдаган.

 
Categories

Дары дармектер жетиштүү

Кыргыз Республикасынын саламаттыкты сактоо министри Сабыржан Абдыкеримовдун билдиришинче өлкөбүздө үч айга жетеээрлик дары дармектердин запасы бар.
Жалпысынан 25 аталыштагы дары дармектер камдалган.
Ошондой эле 29 аталыштагы медициналык жабдыктарга буйрутмалар берилип, алар келе баштаган.
Кыскасы таажылуу вирус пандемиясынын экинчи толкунуна жетиштүү деңгээлде даярдык көрүлүп жаткандыгын айтты министр.

 
Categories

Өкмөт сасык тумоого вакцина сатып алды

Бүгүн премьер-министр Кубатбек Боронов өкмөт сасык тумоого каршы 700 миң даана вакцина сатып алгандыгын айтты.
Ал үчүн өкмөт 221,5 миллион сом бөлгөн.
Эми биринчи кезекте окуучуларга, мугалимдерге, дарыгерлерге анан калктын аярлуу катмары эмделет.
Өкмөт башчысы өлкөдөгү эпидемиологиялык абалды туруктуу деп айтууга азырынча эртерээк экендигин айтып, бардык санитардык эрежелер так сакталышы керектигин эскертти.

 
Categories

Дарыгерлер “Эне – Сайда” эс алышат

Бүгүн Кыргызстан профсоюздар федерациясынын отурумунда пандемияда кызыл аймакта иштешкен 200 дарыгерди Ысык-Көлдөгү “Энесай” пансионатында эс алдыруу чечими кабыл алынды.
Өкмөттүн атайын буйругунун негизинде “Эмгекчилердин денсоолугун чыңдоо” фондунун эсебинен дарыгерлердин эс алуусуна өзүнчө каражат бөлүнгөн.
Аталган каражат профсоюздар федерациясынын эсебине которулган.
Буга чейин да таажылуу вирус пандемиясы күчөгөн маалда кызыл аймакта эмгектенишкен 2000 дарыгер” Эне-Сайда” эс алып кетишкен.

 
Categories

Навальный комадан чыкты

Белгилүү Орусиялык оппозициячыл саясатчы Алексей Навальныйды Германиялык дарыгерлер комадан чыгарышты.
Германиядагы “Шарите” аттуу клиниканын жандандыруу бөлүмүндө жаткан Навальный бүгүн комадан чыгып, жасалма демалдыруучу аппаратты үзүшкөн.
Ал акырындап колу бутун кыймылдатып баштады дейт немец дарыгерлери.
Анткен менен аябай күчтүү “Новичок” делген уулу зат менен ууландырылган орус саясатчысы эки жумадан бери Германияда немец бийлигинин катуу көзөмөлүндө жатат.
Ошондой эле Навальныйдын ууланышына байланыштуу Европа биримдиги Орусия бийлигин айыптап, шектүүлөрдү таап жазалоону талап кылышууда.
Жада калса ушул үчүн атайын санкция киргизүүнү карап жатышат.
Орус бийлиги болсо адаттагысындай эле оппозициячыл саясатчыны ууланырууга эч катышы жоктугун айтып келүүдө.
Белгилей кетсек Алексей Навальный 20-августта Томск шаарынан Москвага учаар алдында эс учун жоготуп жыгылган.
Ал Томск шаарына жергиликтүү бийликтеги коррупциялык иштер тууралуу атайын изилдөө жүргүзүп барган.

 
Categories

Бороновдун “бороонун” эч тоготпой жатат

Премьер-министр Кубатбек Боронов республикалык штабдын кезектеги жыйынында алдыдагы парламенттик шайлоо өзгөчө учурга туш болгондугун айтты. Анткени таажылуу вирус пандемиясынын шартында шайлоо өткөрүү түйшүгү түйшөлтүп жаткандыгын белгиледи.
Партиялардын шайлоочулар менен жолугушууларында бардык санитардык эрежелердин так сакталышын катуу көзөмөлдөө зарыл деди.
Анткен менен саясий иш чараларга келгенде эле өкмөт өктөмдүккө сала бербей, күндөлүк жашоо тиричиликтеги баш аламандыктарга катуу көңүл буруу керек.
Маселен дале болсо той аштар, ысык суук мааракелер кадимкидей эле өтүп жатат.
Тойканаларда Куран окутуулар улам көбөйүп, тескерисинче күчөп баратат.
Кейиштүү жагдай ошол тойканалар жык жыйма эл киргизип мааракелерди өткөрө бар болгону 3000 сом айып пул салынат экен.
З00 киши кирген жерге 3000 сом деген эмне?
Болгону үч кишинин эле жеген тамагы.
Муну ким тоготот?
Жок дегенде 30 миң сом айып пул салып, экинчи ирет кайталаса жарым жыл, бир жылга жаап сала тургандай кылбайбы.
Коомдук транспорттордо болсо көпчүлүк бет кап кибей, бут койгонго жер жок тыгылышып жүрөт.
Кана ошолорду көзөмөлдөгөн орган?
Демек премьер-министрдин айткандары аткарылбай эле калып жатат…

 
Categories

Кыргызстанда акыркы эки суткада таажылуу вирустан адам өлүмү катталган жок

Республикалык ыкчам штабдын билдирүүсүнө ылайык кечээ жана бүгүн таажылуу вируска байланышкан адам өлүмү катталган жок.

Кыргызстанда акыркы эки суткада таажылуу вирустан адам өлүмү катталган жок

06.09.2020
Бир сутка ичинде COVID-19 U07.1 жана U07.2 катталган жаңы учурлар

⚡️Бишкек – 16
⚡️Ош – 2
⚡️Чүй облусу – 10
⚡️Ош облусу – 11
⚡️Талас облусу – 4
⚡️Нарын облусу – 1
⚡️Ысык-Көл облусу – 7
⚡️Жалал-Абад облусу – 16
⚡️Баткен облусу – 20

🔺Акыркы суткада аталган илдетти жаңы жуктургандардын саны 87 адамдан аныкталып, кечээкиден эки кишиге аз болгон.

Кыргызстанда акыркы эки суткада таажылуу вирустан адам өлүмү катталган жокКыргызстанда акыркы эки суткада таажылуу вирустан адам өлүмү катталган жокКыргызстанда акыркы эки суткада таажылуу вирустан адам өлүмү катталган жок

 
Categories

Таажылуу вирус тайып баратат

Бүгүн республикалык ыкчам штабдын билдирүүсүнө ылайык өлкө боюнча таажылуу вирус оруусуна байланыштуу бир дагы адам өлүмү катталган жок.
Албетте бул көңүл жылыткан жаңылык болду.
Негизинен акыркы жумада өлкөбүздө таажылуу вирус жуктургандардын саны кыйла азайып баратат.
Бүгүнкү маалымат боюнча акыркы суткада 89 адамдан аталган дарт аныкталган.

 
Categories

Экинчи толкун качан болот? Премьер-министр К.Боронов өз божомолун айтты

Адистердин айтуусунда таажылуу вирустун экинчи толкуну 2020-жылдын ноябрь айында болушу мүмкүн. Мындай божомолун премьер-министр Кубатбек Боронов бүгүн, 3-сентябрда болгон республикалык ыкчам штабдын отурумунда билдирди.

Өкмөт башчы “Элдин азыркыдай өзүнүн ден соолугуна жасап жаткан шалаакы мамилесинен улам, инфекция сентябрдын аяк ченинде эле кайра күч алып кетиши да ыктымал”, – деп кошумчалады.

Вирустун кайрадан күчөшүнүн эң башкы себеби, коомдук транспорттордо социалдык аралыкты кармануунун жоктугу, кафе-ресторандарда эч кандай обочолонуулар болбогону.

Инфекциянын өлкөдөгү келечегине ар бир жарандын кадамы таасирин тийгизет. Ошондуктан бардык сунушталган эрежелерди сактанууга чакырабыз.

 
Categories

Жапониялыктар жаңы премьер-министри катары кимди көргүсү келери белгилүү болду

Япониялыктардын көпчүлүгү Синдзо Абэ кызматтан кеткенден кийин экс-коргоо министри Шигеру Ишибаны жаңы премьер-министр катары көргүсү келет . Бул тууралуу  Kyodo агенттиги социологиялык изилдөөлөргө шилтеме берүү менен билдирет.

Сурамжылоонун негизинде, Ишибаны респонденттердин болжол менен 34% колдойт,  экинчи орунду министрлер кабинетинин башкы катчысы Ёсихидэ Суга ээледи – 14% дан ашыгы. Үчүнчү орунга Империянын Коргоо министри Таро Коно келип, аны сурамжылангандардын 13,5% дан ашыгы колдогон.

Мындан тышкары, сурамжылоонун жыйынтыгы көрсөткөндөй, жарандардын 48% 2021-жылы октябрда бийликтеги Жапониянын Либералдык-Демократиялык партиясы үчүн добуш берүүгө даяр .

Респонденттердин жарымынан көбү Абэнин кетишин ылайыктуу деп эсептешкен, бирок респонденттердин болжол менен төрттөн бири премьер-министр муну эртерээк жасаш керек эле деп айтышкан.

Жапониянын учурдагы премьер-министри Синдзо Абэ 28-августта кызматтан кетерин жарыялады. Ал ден-соолугунун начарлашына байланыштуу кызматынан кетип жаткандыгын жарыялаган. Буга чейин дарыгерлер жара колит – жоон ичегинин былжырлуу катмарынын өнөкөт сезгенүүсүн аныкташкан.