Categories

НОЯБРДЫН СОҢУНДА ТААЖЫЛУУ ВИРУС КАЙРАДАН КҮЧ АЛАТ

Ушул жылдын ноябрь айынын соңунда жана декабрь айында Кыргызстанда таажылуу вирустун кайрадан күч алары күтүлүүдө. Бул тууралуу “Биринчи радионун” түз эфиринде саламаттыкты сактоо жана социалдык өнүктүрүү министри Алымкадыр Бейшеналиев билдирди.

Анын айтымында, вирус мутация болуп, формасын улам өзгөртүп жаткандыктан санитардык алгоритмди сактоо керек. “Окуу процесси башталды, жакында парламенттик шайлоо өтөт. Эл массалык түрдө чогулуп жатат

. Андыктан ноябрь-декабрь айларында таажылуу вирус көбөйөт деген прогноздор бар. Аны менен катар сасык тумоо дагы көбөйүшү мүмкүн. Бул учурда вирустук инфекциялардын күч алышы кадыресе көрүнүш”, – деди Бейшеналиев.

Ошондой эле ал элдин 70 пайызы эмдөөдөн өтүп бүтсө, вирусту ооздуктаса болорун, өкмөт менен министрлик төртүнчү толкунга даяр экенин айтты. Эске салсак, учурда таажылуу вирустун үчүнчү толкуну өтүп жатат. Акыркы күндөрү ооруну жуктургандардын саны азайып, күн сайын 100 кишиден төмөн болууда.

 
Categories

COVID-19

Таажылуу вируска каршы республикалык ыкчам штабдын 16-сентябрдагы маалыматына ылайык, соңку бир суткада инфекциядан 3 адам көз жумду. Соңку бир суткада вирус дагы 95 адамдан табылды.

Бишкекте 57, Ош шаарында 2, Чүй облусунда 23, Нарын облусунда 1, Ысык-Көл облусунда 8, Жалал-Абад облусунда 4 учур катталды. Ал эми Баткен, Ош жана Талас облустарында вирус жуктургандар жок.

Кыргызстанда таажылуу вирус пандемиясы башталган 2020-жылдын март айынан бери вирус жуктургандардын жалпы саны – 177 484 болду. Оорудан сакайып чыккандардын жалпы саны – 171 902.

Каза тапкандардын жалпы саны 2581 кишиге жетти.

 
Categories

СОҢКУ СУТКАДА ИЛДЕТТЕН СЕГИЗ КИШИ КӨЗ ЖУМДУ

Кыргызстанда 27-майга карата таажылуу вирус дагы 376 адамдан аныкталды. Бул тууралуу Саламаттыкты сактоо жана социалдык өнүктүрүү министрлигинен билдиришти. Ошол эле учурда бир сутка ичинде 386 адам илдеттен айыгып чыккан.

Мындан сырткары, сутка ичинде COVID-19дан Бишкек шаарында 3, Чүй облусунда 3, Ысык-Көл облусунда 1, Нарын облусунда 1 бейтап каза болду. Бүгүнкү күнү стационарларда вирустан 1 миң 614 бейтап, амбулатордук түрдө 2 миң 11 адам дарыланууда. Алардын ичинен 1108 бейтаптын абалы орто оордукта, 404 адамдын абалы оор жана 84 бейтап өтө оор абалда жатат.

Кыргызстанда пандемия башталгандан бери 103 миң 583 адам таажылуу вирус жуктурган. Алардын ичинен 97 миң 151 киши айыгып чыкса, 1 миң 781 адам каза болду.

 
Categories

ДАРЫГЕРЛЕРГЕ КЕНЕМТЕ ҮЧҮН БЮДЖЕТТЕН 243 МИЛЛИОН СОМ БӨЛҮНДҮ

Кыргызстанда иш учурунда таажылуу вирус жуккан 1165 медицина кызматкерине кенемтеге бюджеттен 243 миллион сом бөлүндү. Мындай чечимге Министрлер кабинетинин төрагасы Улукбек Марипов кол койду. Өткөн айда кенемте маселесин чечип берүүнү талап кылып бир катар дарыгерлер Бишкекте митингге чыккан.

Ошол кезде өкмөт атайын комиссия карап чыгарын билдирген. Кыргызстанда пандемия маалында вирус 4350дөй медкызматкерге жугуп, вирустан кайтыш болгон дарыгерлердин саны 100дөн ашты.

Саламаттыкты сактоо министрлигинин маалыматына ылайык, буга чейин ооруп айыккан 1500дөн ашуун медициналык кызматкерге 200 миң сомдон кенемте берилген. Ал эми каза болгон дарыгерлердин үй-бүлөсүнөн 60 арыз түшүп, 32 үй-бүлөгө бир миллион сомдон кенемте төлөнгөн. Жалпы кенемте төлөөгө 185 миллион сом жумшалган.

Министрлик кенемте төлөөнүн жол-жобосун ушул жылдын башында өзгөрткөн. Анын негизинде дарыгерлердин COVID-19 жугузуп алган жагдайын иликтеп, чечим чыгаруу милдети оорукананын жетекчилигине берилген. Таажылуу вируска кабылгандарга кенемтенин көлөмү 75 миң сом болуп азайган.

 
Categories

АБАЛ КООПТУУ. БИШКЕКТЕ КОШУМЧА СТАЦИОНАРЛАР АЧЫЛАТ

Биринчи вице-премьер министр Артем Новиков 27-апрелде таажылуу вирус инфекциясынын жайылышына каршы күрөшүү жана анын кесепеттерин жоюу тууралуу республикалык ыкчам штабдын кезектеги жыйынын өткөрдү. Анда өлкөнүн ар бир аймагындагы эпидемиологиялык абал, дары-дармек, медициналык жабдуулар, дарыгерлердин саны, ооруканаларда COVID-19га чалдыккан бейтаптар үчүн кошумча орундарды жана стационарларды ачуу маселелери талкууланды.

“Бишкек шаарында таажылуу вирус менен ооругандар көбөйүүдө. Өлкөдөгү эпидемиологиялык абал акыркы жумада өзгөрүлдү. Күнүнө COVID-19 вирусуна чалдыккандардын саны 400гө жеткен учурга кабылдык”, – деди Новиков.

Бишкекте абал кооптуу болуп бара жаткандыктан келерки жумада кошумча стационарларды ачып, дарыгерлердин мобилдик тобун көбөйтүү каралууда.

 
Categories

COVID-19: ИЛДЕТ 199 АДАМДАН ТАБЫЛДЫ

Таажылуу вируска каршы республикалык ыкчам штабдын бүгүнкү, 26-апрелдеги маалыматына караганда, кечээтен бери Кыргызстанда бул илдеттен эки адам каза болду. Көз жумган бейтаптардын бири Бишкектеги, экинчиси Нарындагы ооруканада жатышкан. Жалпысынан өлкөдө таажылуу вирустан каза болгондор 1584 адамга жетти.

Соңку бир күн ичинде вирус дагы 199 адамдан табылды. Алардын эң көбү Бишкек шаарында жана Чүй облусунда. Өлкөдө бул оору жуккандардын жалпы саны 94 030 адамга жетти. Бир күндө 146 адам айыгып чыкты. Азыр ооруканада 1449 адам жатат, дагы 1801 бейтап үйдөн дарыланууда.

Таажылуу вирус жуккан медицина кызматкерлеринин жалпы саны 4,5 миңге жетти, алардын жүздөн ашууну каза болду.

 
Categories

COVID-19 7 АДАМДЫН ӨМҮРҮН АЛДЫ

Кыргызстанда соңку бир сутка ичинде COVID-19 илдети дагы жети адамдын өмүрүн кыйды. Алардын төртөө Бишкекте, үчөө Чүй облусунда. Таажылуу вируска каршы республикалык штабдан кабарлашкандай, 23-апрелге карата дагы 272 адамдан бул оору аныкталды.

Алардын теңинен көбү борбор калаада. Мурда ооругандардан 163 киши сакайды. Расмий маалыматка караганда, Кыргызстанда пандемия башталган 2020-жылдын март айынан бери илдет 93 278 кишиге жукту. Анын 87 717си айыгып, вирустан жалпы 1573 адам кайтыш болду.

Өлкөдө COVID-19 илдетине каршы эмдөө 29-мартта Кытайдын “SinoPharm” вакцинасы менен башталган. 23-апрелге карата 14 861 адам эмделди. Бир күн мурун “Спутник V” вакцинасынын 20 мин дозасы келген.

 
Categories

КЫРГЫЗСТАНДА ВИРУСТУН ЖАҢЫ ШТАММЫ КАТТАЛДЫ

Кыргызстанда биринчи жолу таажылуу вирустун британиялык штаммы катталды. Бул тууралуу Саламаттыкты сактоо жана социалдык өнүктүрүү министри Алымкадыр Бейшеналиев билдирди. Министрдин айтымында, Москвадагы лабораториядан келген анализдердин жыйынтыгы Кыргызстанда штаммдын бар экендигин тастыктаган.

Былтыр декабрь айынын орто ченинде Улуу Британияда SARS-CoV-2 илдетинин жаңы мутациясын табышкан. Ал тездик менен тарап жатканы, буга чейинки вируска караганда жугуштуулугу 70 пайызга бат экени маалым болгон.

Республикалык штабдан билдиришкендей, өткөн суткада Кыргызстанда 380 кишиден таажылуу вирус табылып, 164 бейтап оорудан сакайып чыкты.

Ушуну менен илдет аныкталгандардын саны 93 006га жетти. Ал эми оорудан айыккандардын саны 87 554 болду. Тилекке каршы, кечээтен бери аталган оорудан Бишкекте төрт, Чүй облусунда бир киши каза болду. Жалпы көз жумгандардын саны 1 566га жетти.

 
Categories

COVID-19: ТӨРТ БЕЙТАП КӨЗ ЖУМДУ

Кыргызстанда 21-апрелге карата дагы төрт бейтап таажылуу вирустан көз жумду. Илдет соңку бир суткада дагы 306 адамдан аныкталды. Мурда ооругандардын 161и сакайды. COVID-19га каршы республикалык ыкчам штабдан кабарлашкандай, көз жумгандардын экөө Бишкекте, экөө Чүй облусунда.

Акыркы суткада Бишкек шаарында 203, Чүй облусунда 52, Ысык-Көл облусунда 16, Ош облусунда 11, Жалал-Абад облусунда 10, Ош шаарында 5, Нарын облусунда 4, Баткен облусунда 4, Талас облусунда илдет жуккан 1 учур катталды.

Ушуну менен өлкөдө бул ооруга кабылгандардын расмий саны 92 626 адамга жетти. Алардын 87 390у айыгып, 1561 бейтап ажал тапты. Оору менен күрөшүү учурунда таажылуу вирус жуккан медицина кызматкерлеринин жалпы саны төрт жарым миңге чамалайт. Алардын жүздөн ашууну каза болду.

 
Categories

212 АДАМДАН ВИРУС АНЫКТАЛЫП, 6 КИШИ КАЗА БОЛДУ

Кыргызстанда 19-апрелге карата таажылуу вирус дагы 212 адамдан аныкталды. Бул тууралуу Республикалык штабдан кабарлашты. Маалым болгондой, Бишкекте 152, Чүй облусунда 22, Ош шаарында 4, Ош облусунда 2, Ысык-Көл облусунда 18, Нарын облусунда 12, Жалал-Абад облусунда 2 адамдан илдет табылган.  Ал эми бир сутка ичинде 149 адам аталган оорудан айыгып чыккан.

Сутка ичинде COVID-19 илдетинен Бишкек шаарында 2, Чүй облусунда 4 бейтап каза болду. Бүгүнкү күнү стационарларда вирустан 1246 бейтап, амбулатордук түрдө 1270 адам дарыланууда. 851 бейтаптын абалы орто оордукта, 311 адамдын абалы оор жана 53 бейтап өтө оор абалда экендиги кабарланды. Бир сутка ичинде өлкө боюнча 2 медицина кызматкери вирус жуктуруп алган.

Кыргызстанда пандемия башталгандан бери 92 миң 95 адам илдет жуктурган. Алардын ичинен 87 миң 56 бейтап айыгып чыкса, 1 миң 555 адам каза болду.