Акыркы бир сутка ичинде Кыргызстанда COVID-19 илдетинен дагы төрт киши каза болду. Таажылуу вируска каршы күрөш боюнча республикалык штаб билдиргендей, алардын үчөө Бишкекте, бирөө Чүйдө ооруканада жаткан. Ушуну менен өлкөдө таажылуу вирус пандемиясы башталган 2020-жылдын март айынан бери андан каза болгондор 1544кө жетти.

16-апрелге карата республика боюнча вирус дагы 230 кишиден табылып, сентябрдан берки эң көп көрсөткүч болду. Алардын эң көбү Бишкек шаарында (131), андан кийин Чүй облусунда (70), Ысык-Көл облусунда (12), Ош шаарында (3), Ош облусунда (3), Талас облусунда (1), Жалал-Абад облусунда (4), Баткенде (2), Нарында (4) учур аныкталды.

Акыркы күндөрдө илдет расмий аныкталгандар айыккандардан кыйла көп катталууда. Пандемияда илдетти жугузуп алгандар 91 374, айыккандар 86 621 кишини түздү. Бир күн аралыгында 130 бейтап айыкты.

Ушу тапта стационарларда оору менен алышып жаткан 1070 бейтаптын 30унун абалы канааттандыраарлык, 757си орто оор, 248и оор, 35 киши өтө оор абалда. Үй шартында (амбулатордук) дарылангандар 1173кө жетти.

Акыркы бир сутка ичинде Кыргызстанда COVID-19 илдетинен дагы алты киши каза болду. Таажылуу вируска каршы күрөш боюнча республикалык штаб билдиргендей, алардын төртөө Бишкекте, экөө Чүйдө ооруканада жаткан. Ушуну менен өлкөдө таажылуу вирус пандемиясы башталган 2020-жылдын март айынан бери андан каза болгондор 1540ка жетти.

15-апрелге карата республика боюнча вирус дагы 305 кишиден табылып, сентябрдан берки эң көп көрсөткүч болду. Акыркы күндөрдө илдет расмий аныкталгандар айыккандардан дээрлик эки эсе арбын катталууда.

Алардын эң көбү Бишкек шаарында (186), андан кийин Чүй облусунда (89), Ысык-Көл облусунда (12), Ош шаарында (7), Талас облусунда (4), Жалал-Абад облусунда (4), Баткенде (2), Нарында бир учур аныкталды.

Пандемияда илдетти жугузуп алгандар 91 144, айыккандар 86 491 кишини түздү. Бир күн аралыгында 178 бейтап айыкты. Ушу тапта стационарларда оору менен алышып жаткан 1010 бейтаптын 27синин абалы канааттандыраарлык, 685и орто оор, 263ү оор, 35 киши өтө оор абалда. Үй шартында дарылангандар 1139га жетти.

Акыркы бир сутка ичинде Кыргызстанда COVID-19 илдетинен дагы эки киши каза болду. Таажылуу вируска каршы күрөш боюнча республикалык штаб билдиргендей, алардын экөө тең Бишкектеги ооруканада жаткан. Ушуну менен өлкөдө таажылуу вирус пандемиясы башталган 2020-жылдын март айынан бери андан каза болгондор 1534кө жетти.

14-апрелге карата республика боюнча вирус дагы 240 кишиден табылып, сентябрдан берки эң көп көрсөткүч болду. Алардын эң көбү Бишкек шаарында (133), андан кийин Чүй облусунда (85), Ысык-Көл облусунда (10), Ош облусунда (5), Талас облусунда (4), Баткенде (2), Нарында бир учур аныкталды.

Пандемияда илдетти жугузуп алгандар 90 839, айыккандар 86 313 кишини түздү. Бир күн аралыгында 161 бейтап айыкты. Ушу тапта стационарларда оору менен алышып жаткан 968 бейтаптын 25инин абалы канааттандыраарлык, 675и орто оор, 228и оор, 40 киши өтө оор абалда. Үй шартында дарылангандар 1058ге жетти.

Кыргызстанда соңку бир сутка ичинде COVID-19 дагы төрт бейтаптын өмүрүн кыйды. Анын үчөө Бишкекте, бири Чүй облусундагы ооруканада жаткан. Таажылуу вируска каршы күрөш боюнча республикалык штаб 8-апрелде билдиргендей, бир суткада вирус 222 кишиден жаңы аныкталды. Бул – сентябрдан берки эң көп көрсөткүч.

Министрликтин жаңы эсеби боюнча пандемия башталган 2020-жылдын март айынан тартып вирустан кайтыш болгондордун жалпы саны 1516 кишиге жетти. Пандемияда оору жугузуп алгандардын расмий эсеби 89 660 кишини түздү. Анын 85 607си айыкты. Акыркы бир суткада 111 бейтап сакайып чыкканы кабарланды.

Расмий маалыматка караганда, учурда 712 бейтап ооруканаларда дарыланууда. Үй шартында дарылангандар 870 киши. Анын 528инин абалы орто оордукта, 158и оор, 24ү өтө оор, экөөнүн абалы канааттандыраарлык деп бааланууда. Акыркы бир суткада вирус Бишкекте сегиз, Чүй облусунда үч, Ош шаарында бир медкызматкерден аныкталды.

Орусиялык «Спутник V» вакцинасын сатып алууга Каржы министрлиги 215 миллион сом бөлдү. Бул тууралуу Саламаттыкты сактоо жана социалдык өнүгүү министри Алымкадыр Бейшеналиев билдирди.

Министрдин айтымында, учурда Орусия тарап менен вакцинанын баасы боюнча сүйлөшүүлөр жүрүп жатат. «Орточо баасы бир доза үчүн 8-10 доллардын тегерегинде болот. Бул боюнча бүгүн Орусиянын саламаттыкты сактоо министри менен сүйлөшөм», – деп кошумчалаган Бейшеналиев.

Ал эми Орусия убада кылган 500 миң доза вакцина май-июнь айларында келери айтылган. Накталай сатып алына турган вакциналар дароо келет деп белгилеген.

Белгилей кетсек, учурда Кыргызстанда Кытайдан келген SinoFarm вакцинасы колдонулууда. 150 миң дозада гуманитардык жардам катары келген вакцина менен 75 миң адамдын эмделүүсү күтүлүүдө.

Таажылуу вируска каршы республикалык ыкчам штабдын бүгүнкү, 1-апрелдеги маалыматына караганда, кечээтен бери Кыргызстанда бул илдеттен бир адам каза болду. Көз жумган бейтап Бишкек шаарындагы ооруканада жаткан. Жалпысынан өлкөдө бул илдеттен каза болгондор 1500 адамга жетти.

Соңку бир күн ичинде вирус дагы 164 адамдан табылды. Алардын эң көбү Бишкек шаарында жана Чүй облусунда. Ооруканада жаткандардын 4,7% абалы өтө оор деп мүнөздөлүп жатат. Үч күн мурда бул көрсөткүч 3,5% болчу.

Азыр ооруканаларда 504 бейтап жатат, алардын экөөнүн гана абалы канааттандырарлык. Калгандарынын абалын дарыгерлер орточо оордукта, оор жана өтө оор деп үч түрдүү баалап жатышат. 100 бейтаптын абалы оор, алар COVID-19 менен ооруканада жаткандардын 19,8% түзүүдө.

Өтө оор абалдагылар – 24 адам. Мындан тышкары, 378 бейтаптын абалын дарыгерлер орточо оордукта деп мүнөздөп жатышат. Алар ооруканада жаткандардын 75 пайызын түзөт.

Кыргызстанда таажылуу вируска каршы эмдөө бүгүн, 29-мартта башталды.

Саламаттыкты сактоо жана социалдык өнүктүрүү министрлигинде илдетке каршы вакцинациянын биринчи этабы боюнча брифинг өттү. Андан соң министр Алымкадыр Бейшеналиев жана медиктер вакцинанын биринчи дозасын алышты.

Буга чейин Ош шаарына жана Чүй облустарына вакцина жеткирилген. Республиканын бардык аймактарында медкызматкерлер үчүн атайын окутуулар да өткөрүлгөн.

Эмдөө алгач Бишкек, Ош шаарларында жана Чүй облусунда жүргүзүлөт. Бишкекте 5 үй-бүлөлүк медицина борборунда эмдөө пункту ачылат. Сокулук жана Ысык-Ата райондорундагы үй-бүлөлүк медицина борборлорунда 2 пункт, Ош шаарында №8, №10 үй-бүлөлүк медицина борборунда 2 пункт ачылат.

Акыркы суткада Кыргызстанда таажылуу вирус 100 адамдан аныкталды, каза болгондор катталган жок. Бул тууралуу Таажылуу вируска каршы республикалык ыкчам штаб кабарлады.

Маалыматка караганда, оору жаңы аныкталгандардын эң көбү Бишкек шаарында жана Чүй облусунда.

Өлкөдө оору жуккандардын жалпы саны 87 858ге жетти, каза болгондор – 1494 адам. Бир күндө 62 бейтап айыгып чыкты.

Кыргызстанда соңку бир сутка ичинде таажылуу вирус Чүй облусунда дагы бир бейтаптын өмүрүн алды. COVID-19га каршы күрөшүү боюнча республикалык штаб 16-мартта билдиргендей, бир күндө вирус 73 кишиден жаңы аныкталды.

Статистика боюнча бул 23-февралдан берки эң көп көрсөткүч. Андан бери илдет күн сайын 20-60 кишиден табылганы расмий кабарланып жаткан.

Министрликтин жаңы эсеби боюнча пандемия башталган 2020-жылдын март айынан тартып оорудан кайтыш болгондордун жалпы саны 1484 кишиге жетти. Пандемияда оору жугузуп алгандардын расмий эсеби 86 990 киши болду.

Анын 83 924ү айыгып чыкты. Азыр 337 киши ооруканаларда жатат. Анын 15инин абалы өтө оор, 87 кишинин акыбалы оор деп бааланган. 307 адам үй шартында дарыланууда.