Categories

3 АДАМ КАЗА БОЛУП, 107 КИШИГЕ ВИРУС ЖУКТУ

Gestellte Aufnahme. Symbolfoto: Coronavirus Diagnose. COVID-19, SARS-CoV-2. Berlin 17.03.2020 Berlin Deutschland *** Presented picture Symbol photo Coronavirus Diagnosis COVID 19, SARS CoV 2 Berlin 17 03 2020 Berlin Germany Copyright: xThomasxImo/photothek.netx

Таажылуу вируска каршы күрөш боюнча республикалык штабдын 27-январдагы маалыматына караганда, акыркы бир сутка ичинде COVID-19 жана пневмониядан 3 адам каза болуп, 107 кишиге вирус жукканы маалым болду. Саламаттыкты сактоо министрлигинин жаңы эсеби боюнча таажылуу вирус пандемиясы башталган март айынан бери илдеттин курмандыктары 1405 кишиге жетти. Ушуну менен пандемия башталгандан бери инфекцияны жугузуп алгандардын жалпы саны 84 175 адамга жетти.

Стационарда 607 бейтап дарыланууда, алардын ичинен 6 адам канааттандыраарлык абалда, 366 адам орто, 210 киши оор, 25 адам өзгөчө оор абалда жатат. Ал эми үйүнөн 900 бейтап дарыланып жатат. Пандемия башталгандан бери илдетти жугузуп алган медкызматкерлердин жалпы саны 4168, алардын ичинен 4080и айыгып чыкты. Каза болгон медкызматкерлердин саны 90дон ашты.

 
Categories

COVID-19: БИШКЕКТЕ ЭКИ БЕЙТАП КӨЗ ЖУМДУ

20-январга карата Кыргызстанда дагы 162 кишиге таажылуу вирус жугуп, Бишкекте эки бейтап көз жумду. Ооруга чалдыккандардын саны бир күн муруңкуга караганда дээрлик эки эсе көп. Өлкөдө илдет жугузуп алгандардын расмий саны 83430 адамга жетти. Жалпы ооругандардын 79 373ү сакайды. Соңку бир күндө 124 адам айыкты. Пневмонияны козгой турган таажылууу вирус Кыргызстанда алгач 2020-жылдын март айында аныкталган. Андан бери оорудан кайтыш болгондордун саны расмий эсепте 1392 адамга жетти. Илдетке каршы республикалык штабдын маалыматына таянсак, ооруканадагы 726 бейтаптын 40ынын абалы өтө оор, 225и оор, 449у орто оор абалда жатат, калгандарынын абалы канааттандырарлык. Андан тышкары, 1010 бейтап амбулатордук шартта дарыланышууда.

 
Categories

COVID-19: 40 АДАМ ӨТӨ ООР АБАЛДА

18-январга карата Бишкек шаарында үч бейтап таажылуу вирустан каза тапты. Өлкөдө бул оорудан көз жумгандардын жалпы саны 1387ге жетти. Бир суткада 69 адамдан COVID-19 илдети аныкталды. Март айынан бери вирус жуктуруп алгандардын жалпы саны 83 178ге жетти. 18-январга карата оорудан 110 бейтап айыгып, сакайгандардын жалпы саны 79 104тү түзүүдө. Акыркы сутка ичинде медициналык кызматкерлер арасында вирус жуктуруп алгандар катталган жок, 4 кызматкер айыкты. Март айынан бери 4158 медициналык кызматкер вирус жуктуруп алган, анын 4059у сакайды. Ушул күндөрү ооруканаларда 790 бейтап дарыланып жатат, анын ичинен: 7 адам канааттандыраарлык абалда; 499у орто оордукта; 244 бейтап оор абалда; 40 адам өтө оор абалда. Ал эми 967 бейтап үй шартында дарыланууда.

 
Categories

ИЛДЕТТЕН ҮЧ АДАМ КАЗА БОЛДУ

Кыргызстанда 15-январга карата таажылуу вирус илдетинен үч адам каза болду. Республикалык штабдын маалыматы боюнча, Бишкек шаарында, Чүй облусунда жана Ош облусунда катталды. Муну менен COVID-19 вирусунун өлүм учурлары 1381ге жетти. Акыркы бир суткада 134 адамдан вирус аныкталды. Өлкөдө таажылуу вирус жуктургандардын жалпы саны 82 миң 857ге жетти. Ошол эле күнү 152 бейтап илдеттен айыгып, сакайгандардын жалпы саны 78 миң 715ти түздү. Бир сутка ичинде медициналык кызматкерлер арасында таажылуу вирус катталган жок. Ал эми стационардан 2, үй карантининен 4 медкызматкер чыгарылган. Жалпы 4150 медик вирус жуктуруп алган, анын 4046сы сакайды.

 
Categories

АДАМ ӨЛҮМҮ АЗАЙТЫЛЫП, ГУМЖАРДАМ УУРДАЛГАН

Вице-премьер Элвира Сурабалдиева пандемиянын күчөгөн маалында Кыргызстанга келген жардамдардын бөлүштүрүлүшүн иликтеген ведомстволор аралык комиссиянын ишинин жыйынтыгы тууралуу маалымат менен бөлүштү. Вице-премьер комиссиянын корутундусуна ылайык, пандемия учурундагы өлүмдөр тууралуу маалыматта миңдеп айырма чыгып жатканын белгиледи. Анын айтымында, биринчи толкун жогорку чекке жеткен тушта айрым чиновниктер документтерди кечеңдетип, натыйжада дарылоодо жана дары-дармек бөлүштүрүүдө башаламандык пайда болгон. “Жең ичинен сүйлөшүүлөр болуп, кимдир бирөө пандемиядан бизнес жасаган. Мурда айтылгандай, комиссиянын ишинин жыйынтыгында катардагы медицина кызматкерлерине сын болбойт. Дарыгерлер эрдик көрсөтүп, адам өмүрүн сактап калууга далбастап аракеттенип жатканда айрым чиновниктер узак мөөнөттүү эс алууга чыгып кетишкен. Айрым оорукананын башкы дарыгерлери керек болсо “кызыл зонага” да барышкан эмес. Гуманитардык жардам уурдалганбы? Ооба. Ведомстволор аралык комиссия көйгөйдү ачып гана чектелбестен, маселени чечүүгө сунуштарды берет”, – деп белгиледи Сурабалдиева.

 
Categories

COVID-19

13-январга карата Кыргызстанда дагы 136 кишиден таажылуу вирус табылып, Бишкекте үч бейтап көз жумду. Өлкөдө илдет жугузуп алгандардын расмий саны 82 723 адамга жетти. Жалпы ооругандардын 78 563ү сакайды. Соңку бир күндө 205 адам айыкты. Пневмонияны козгой турган коронавирус Кыргызстанда алгач 2020-жылдын март айында аныкталган. Андан бери оорудан кайтыш болгондордун саны расмий эсепте 1378 адамга жетти. Илдетке каршы республикалык штабдын маалыматына таянсак, ооруканадагы 806 бейтаптын 41инин абалы өтө оор, 238и оор, 515и орто оор абалда жатат, 12 кишинин гана абалы канааттандырарлык. Башка бейтаптар үй шартында дарыланышууда.

 
Categories

ТИМ: Орусиянын КРдеги Элчиси менен жолугушуусу

2021-жылдын 13-январында Кыргыз Республикасынын тышкы иштер министринин биринчи орун басары Нуран Ниязалиевдин Россия Федерациясынын Кыргыз Республикасындагы Атайын жана Ыйгарым укуктуу Элчиси Николай Удовиченко менен жолугушуусу болуп өттү.

Жолугушуунун жүрүшүндө тараптар эки өлкөнүн эл аралык уюмдардын алкагындагы өз ара аракеттенүүсү, коронавирус инфекциясынын пандемиясынын жайылышына каршы күрөшүү, үзгүлтүксүз авиакаттамдарды жаңылантуу сыяктуу кыргыз-россия кызматташтыгынын  күн тартибинин бир катар актуалдуу маселелери боюнча  пикир менен алмашышты, ошондой эле жогорку жана эң жогорку деңгээлдериндеги боло турган тышкы саясий   иш-чараларды талкуулашты.

 
Categories

92 КИШИДЕН ТААЖЫЛУУ ВИРУС ТАБЫЛДЫ

13-январга карата Кыргызстанда дагы 92 кишиден таажылуу вирус табылып, Бишкекте бир бейтап көз жумду. Өлкөдө илдет жугузуп алгандардын расмий саны 82 587 адамга жетти. Жалпы ооругандардын 78 358и сакайды. Соңку бир күндө 177 адам айыкты. Пневмонияны козгой турган таажылуу вирус Кыргызстанда алгач 2020-жылдын март айында аныкталган. Андан бери оорудан кайтыш болгондордун саны расмий эсепте 1374 адамга жетти. Илдетке каршы республикалык штабдын маалыматына таянсак, ооруканадагы 810 бейтаптын 44үнүн абалы өтө оор, 241и оор, 514тү орто оор абалда жатат, 11 кишинин гана абалы канааттандырарлык. Башка бейтаптар үй шартында дарыланышууда. АКШдагы Жон Хопкинс университетинин маалымат базасы көрсөткөндөй, дүйнөдө COVID-19 илдетине кабылгандардын саны 13-январда 91 миллион 559 миңден ашты. Оорудан көз жумгандар 1 миллион 961 миңден көп.

 
Categories

COVID-19

Кыргызстанда 6-январга карата дагы 144 адамдан таажылуу вирус табылды. Республикалык штабдын маалыматы боюнча, өлкөдө вирус жуктургандардын саны 81 миң 656га жетти. Акыркы суткада таажылуу вирустан Бишкекте бир адам каза болду, жалпы өлүм учурлары 1361ди түзүүдө. Бир күндө дагы 215 адам таажылуу вирустан айыгып, сакайгандардын жалпы саны 77 миң 170ке жетти. Бүгүнкү күндө ооруканаларда 912 бейтап, үй шартында 1288 адам дарыланууда. Бир сутка ичинде 2 медициналык кызматкер илдет жуктуруп алды, 12 кызматкер айыкты. Пандемия башталгандан бери 4 миң 128 медицина кызматкери таажылуу вирус жуктуруп алган, анын ичинен 3 миң 966 медкызматкер айыгып чыкты.

 
Categories

COVID-19: ӨЛҮМ КАТТАЛГАН ЖОК

Gestellte Aufnahme. Symbolfoto: Coronavirus Diagnose. COVID-19, SARS-CoV-2. Berlin 17.03.2020 Berlin Deutschland *** Presented picture Symbol photo Coronavirus Diagnosis COVID 19, SARS CoV 2 Berlin 17 03 2020 Berlin Germany Copyright: xThomasxImo/photothek.netx

Кыргызстанда акыркы бир сутка ичинде COVID-19 илдети менен 124 адам катталды. Март айынан бери 81 миң 512 адамга вирус жукту. Бүгүн өлкө аймагында таажылуу вирустан каза болгондор катталган жок. Пандемия башталгандан бери Кыргызстанда бул оорудан 1360 адам көз жумду. 5-январга карата дагы 227 бейтап COVID-19 илдетинен сакайды. Илдетти жеңип чыккандардын саны 76 миң 955ке жетти. Учурда ооруканаларда 888 бейтап дарыланып жатат. Анын 47си өтө оор абалда, 241и оор абалда, 585и орто оордукта, 15 адамдын абалы канааттандыраарлык. Үй шартындагы дарыланууда 1385 бейтап бар. Бир сутка ичинде өлкө боюнча үч медициналык кызматкер таажылуу вирус жуктуруп алып, 11и айыкты. COVID-19 менен катталган медиктердин саны 4126га жетсе, анын 3954ү сакайды.