Categories

ТАЖИК ЭЛЧИЛИГИНИН АЛДЫНДАГЫ АКЦИЯ

Кечээ, жекшемби күнү Германиянын Берлин, Гамбург, Франкфурт жана Мюнхен шаарларында жашаган кыргызстандыктар Тажикстандын дипломатиялык өкүлчүлүктөрүнүн алдына акцияга чыгышты. Алар 28-29-30-апрель күндөрү чек арада болгон куралдуу кагылышка эл аралык коомчулукту калыс баа берүүгө үндөп, тажик тараптын карапайым калкка ок атканын айыпташты.

Ар бир шаарда орто эсеп менен жыйырмага чукул адам чогулду. Алардын арасында чек арада өмүрү кыйылган жеткинчек кыз Мадинанын сүрөтүн кармап тургандар болду. «13 жаштагы Мадинанын өлүмүнө ким жооп берет? Карапайым элге тынчтык керек. Курал-жарак менен маселе чечилбейт. Карапайым элге каршы курал колдонуу – адамзатка каршы чыккынчылык. Балдардын өмүрүн кыюу – кечиримсиз. Чек ара такталсын. Эки элге достук жана тынчтык керек»,-деп билдиришти акцияга чыккандар.

 
Categories

Орусияда парламенттик шайлоого карата 11 шайлоо тилкеси ачылат

Орусияда эмгектенип жүргөн мекендештер үчүн борбордук шайлоо комиссиясы 11 шайлоо тилкесин ачууну чечти. Бул туурасында Кыргызстандын Орусиядагы элчилиги маалымдайт.

Маалыматка ылайык, Москвада биринчи жана экинчи шайлоо тилкелери № 9001 жана 9005 дипломатиялык өкүлчүлүктөрдө жайгашат.

Ал эми Орусиянын башка аймактарындагы шайлоо тилкелеринин дареги:

  • № 9009 КРнын Екатеринбургдагы Башкы консулдугунда;
  • № 9010 КРнын Новосибирсктеги Башкы консулдугунда;
  • № 9002 КРнын РФдагы өкүлчүлүгүнүн Санкт-Петербургдагы кеңсесинде;
  • № 9003 КРнын РФдагы өкүлчүлүгүнүн Красноярсктагы кеңсесинде;
  • № 9004 КРнын РФдагы өкүлчүлүгүнүн Владивостоктогу кеңсесинде;
  • № 9006 КРнын РФдагы өкүлчүлүгүнүн Якутсктагы кеңсесинде;
  • № 9007 КРнын РФдагы өкүлчүлүгүнүн Иркутсктагы кеңсесинде;
  • № 9013 КРнын РФдагы өкүлчүлүгүнүн Южно-Сахалинсктеги кеңсесинде;
  • № 9014 КРнын РФдагы өкүлчүлүгүнүн Сургуттагы кеңсесинде жайгашкан.
 
Categories

Олуттуу иш болбосо Орусияга убара болбо

Teenage boy struggling to close suitcase; Shutterstock ID 84052918; PO: The Huffington Post; Job: The Huffington Post; Client: The Huffington Post; Other: The Huffington Post

Кыргызстандын Орусиядагы элчилиги бүгүн 11-августта билдирүү таратып, олуттуу иштер болбосо Орусияга келем деп убара болбогула деди.
Анткени ушул күнгө чейин туруктуу аба каттамдары жандана элек.
Ошондой эле Казакстан менен Орусиянын чек арасы толук ачылган эмес.
Мүмкүн болсо Орусиядагы мекендештерибиз да зарыл болбосо Кыргызстанга баруудан кармана турууну сунуштады.

 
Categories

Эл аралык авиа каттамдар жанданат

Бүгүн премьер-министр Кубатбек Боронов жакынкы күндөрү эл аралык авиа каттамдар жандана тургандыгын айтып, бул маселе боюнча тышкы иштер министрлиги тиешелүү сүйлөшүүлөрдү жүргүзүп жаткандыгын айтты.

Биринчи кезекте Орусия, Түркия, Бириккен Араб Эмираттары сыяктуу өлкөлөр менен авиа каттамдар ачылары белгиленген.

 
Categories

Май айы “майлуу” болбоду

Улуттук банктын маалыматына караганда май айында чет өлкөлөрдөгү мигранттарыбыз аркылуу Кыргызстанга 165,3 миллион доллар акча которулган.

Бул былтыркы жылдын май айындагыга салыштырмалуу 29 миллион долларга аз.

Негизинен эле акыркы беш айдагы мигранттардын акча которуулары өткөн жылдын беш айына салыштырмалуу дээрлик 40 пайызга жакын азайган.

Которулган акчаларды 90 пайызга жакыны Орусиядан, калганы башка алыскы жакынкы чет өлкөлөрдөн келген.

 
Categories

Элчи элге кайрылды

Кыргызстандын Орусиядагы элчиси Аликбек Жекшенкулов Орусияда эмгек миграциясында жүрүшкөн мекендештерибизге кайрылып, Кыргызстанга кетүүгө ашыкпай сабыр кылып, бирааз чыдап тургула деди.
Анткени Орусиянын эмгек рыногунда Кыргызстандыктар үчүн жетиштүү жумуш орундары бар экендигин айтты.
Элчиликтин маалыматы боюнча пандемия маалында Орусиядан 19 миңдей эмгек мигранттары өлкөбүзгө кайткан.
Маалыматтар боюнча Орусияда жалпысынан 1млн.200 миң кыргыз мигранты бар.
Алардын 500 000 миңи Орусия жарандыгын алышкан.

 
Categories

БШК чет өлкөлөргө шайлоо участокторун бекитти

Кечээ 15-июлдагы Борбордук шайлоо комиссиясынын чечими менен чет өлкөлөргө алдыдагы Жогорку Кеңешке болчу шайлоого карата баш аягы 42 добушкана ача турган болду.
Бул жолу Орусия, Казакстан, Түштүк Корея, Түркия сыяктуу дайымкы өлкөлөрдөн сырткары Италия, Францияда да добушкана ачуу белгиленген.

 
Categories

Орусиядан канча мигрант келгендиги айтылды

Март айынан бери Орусияда эмгектенип жүрүшкөн 16581 мигрант атайын уюштурулган чартердик каттамдар жана автобус каттамдары аркылуу келишкендигин Орусиядагы кыргыз элчилиги билдирди.
Ошого карабай дале мекенибизге кайтчулардын кезеги узун бойдон калууда…

 
Categories

Бангладештен 103 кыргызстандык жаран алып келинди

Бангладештеги 103 кыргызстандык жаран 2-июлда «Aviatraffic» аба компаниясынын чартердик каттамы менен Даккадан келди.Бангладештен 103 кыргызстандык жаран алып келинди

Тышкы иштер министрлиги билдиргендей, бул учак менен Өзбекстандын жана Тажикстандын Бангладештеги жарандары да алып келинди. Келгендердин баары обсервацияга алынганы айтылды.

ТИМ пандемияга байланыштуу Кыргызстанга кайтууну каалаган чет мамлекеттердеги жарандарды алып келүү аракети улана турганын кошумчалады.

2-июлда Түркиядан 232 кыргызстандык кайтып келген.

Коронавирус пандемиясынан улам бир катар мамлекеттер аба каттамдарын токтотуп, чек араларын жапкан. Ушундан улам чет өлкөлөрдө миңдеген кыргызстандыктар калып, бийликтен өлкөгө алып кетүүнү суранып жатышат.

 
Categories

Бишкекке Түштүк Корея жана Филиппинден 58 кыргыз жараны учуп келди.

Бишкекке Түштүк Корея жана Филиппинден 58 кыргыз жараны учуп келди. Бул тууралуу Тышкы иштер министрлигинен билдиришти.

Маалыматка ылайык алар бүгүн, 29-майда “T-way” авиакомпаниясынын “Сеул-Бишкек-Сеул” маршрутунун чартердик рейси менен кайтып келишкен. Бул каттам министрликтин кыргыз жарандарын Корея өлкөсүнөн, ал эми Кыргызстандан Кореянын, Жапониянын, Америка Кошмо Штаттарынын жарандарын алып чыгып кетүү багытында корей тарап менен жүргүзүлгөн сүйлөшүүлөрүнүн алкагында ишке ашкан.

Азыркы тапта бардык кайтып келгендер бекитилген тартипте тийиштүү медициналык процедуралардан өтүү үчүн (обсервацияга) көзөмөлгө алынды.

“Президенттин жана Өкмөттүн тапшырмасы боюнча чет жерде жүргөн кыргыз жарандарын кайтаруу жолдору изделүүдө жана бул багытта өнөктөш-өлкөлөр менен колдоо жана кызматташуулар уланууда”, – деп билдиришти министрликтен.

  Бишкекке Түштүк Корея жана Филиппинден 58 кыргыз жараны учуп келди. Бишкекке Түштүк Корея жана Филиппинден 58 кыргыз жараны учуп келди.