Categories

Кыргыз-тажик чек арасында кайрадан ок атылды

Кыргыз-тажик чек арасында кайрадан ок атылды. Мындай маалыматты Мамлекеттик чек ара кызматынан тастыктады.

Алардын айтымында, кечээ Баткен районунун Карабак айылында Эски мазар жеринде кыргыз жарандары менен Тажикстандын чек арачылары ортосунда чыр чыккан. Тажик чек арачылары асманга бир жолу ок атышкан.

Бүгүн, 22-майда  аталган жерге 100дөн ашык айыл тургундары топтолушкан. Алар тажик чек арачыларынын көрүстөнгө киришине каршы болууда.

Мамлекеттик чек ара кызматынын билдирүүсүндө, көрүстөн талаш аймакта жайгашкан.

 
Categories

Кыргыз-кытай чек арасы убактылуу жабылды

Кыргыз-кытай чек арасындагы “Эркечтам”, “Торугарт” көзөмөл өткөрүү жайлары 1-майдан 5-майга чейин жабылды. Бул туурасында Мамлекеттик чек ара кызматынан билдирди.

Маалыматка ылайык, көзөмөл өткөрүү боюнча эки пункт Кытай мамлекетинин демилгеси менен жабылууда. Анын себеби катары”Май жана эмгек майрамы” айтылды.

Ал эми транспорт каттамдары 6-майдан баштап жөнгө салынат.

 
Categories

Кыргыз-кытай чек арасы 5 күнгө жабылат

Кыргыз-кытай чек арасындагы “Эркечтам”, “Торугарт” көзөмөл өткөрүү жайлары 5 күнгө жабылат. Бул туурасында Мамлекеттик чек ара кызматынан билдирди.

Маалыматка ылайык, көзөмөл өткөрүү боюнча эки пункт Кытай мамлекетинин демилгеси менен жабылууда. Анын себеби катары”Май жана эмгек майрамы” айтылды. 

Ал эми транспорт каттамдары 6-майдан баштап жөнгө салынат.

 

 

 
Categories

Башкы прокуратурада Дача СУ боюнча кылмыш иши жаңыртылды

Жогорку Кеӊештин тармактык комитетинде Башкы көзөмөл мекемесинин 2018-жылдагы аткарылган иштери тууралуу отчету угулуп жатат. Башкы прокурор  Өткүрбек Жамшитов маалымат берүүдө.

Анын маалыматына караганда, 2017-жылы Дача СУда болгон авиакырсык боюнча кылмыш иши жаӊыртылганы белгилүү болду.

“Азыркы учурда Дача- СУдагы кырсык боюнча тергөө иштери жүрүп жатат, анын жыйынтыгы боюнча тергөө иштери аяктагандан кийин толук маалымат берилет”,- деди Жамшитов.

Эске сала кетсек, 2017-жылы 16-январда Дача СУ конушуна Түркиянын “АСТ Airlines” компаниясына таандык “Боинг” үлгүсүндөгү жүк ташыган учак кулап түшкөн. Кыргызстандык 35 киши жана экипаждын төрт мүчөсү курман болгон. Гонконгдон Стамбулга багыт алган учак “Манас” аэропортуна май куюш үчүн токтогону келе жатканы айтылган.

 
Categories

Быйыл 25тен ашык жарандар чек арадан мыйзамсыз өтүүгө аракет кылышып кармалышкан

2019-жылдын башынан бери өз өлкөсүнөн тыюу салынганын 25тен ашык чет элдик жарандар Кыргызстандын мамлекеттик чек арадан мыйзамсыз өтүүгө аракет кылгандыгы аныкталып, кармалган.

Азыркы учурда  Өкмөт тарабынан тышкы мигранттарды каттоонун бирдиктүү системасынын ( ТМКБС) 2-этабын ишке киргизүүгө аракеттер көрүлүп жатат. Бул система тышкы миграцияны натыйжалуу көзөмөлдөөгө, министрликтер жана мекемелерге өлкөдөгү миграциялык кырдаалды көзөмөлгө алууга мүмкүнчүлүк берет.

Маалымдама: ТМКБС чек араны кесип өтүүчүлөр тарабынан кирүү эрежелерин бузууларды аныктоо үчүн автотранспорт каражаттарынын жана биометриялык маалыматтарынын, сүрөттөрдүн электрондук банкын толтурууга жардам берет.

 
Categories

Чек арадан мыйзамсыз өткөндөр кармалышты

Мамлекеттик чек ара кызматы тарабынан өткөрүлгөн ыкчам-издөө иш-чараларынын жүрүшүндө Чүй облусунан мамлекеттик чек арасын мыйзамсыз кесип өткөн Казакстан Республикасынын 3 жараны кармалышты.  Бул тууралуу УКМКнын маалымат кызматы билдирди.

Казакстандын жарандары Кыргызстан өткөрмө пунктунан сырткары  аймагынан өтүүгө аракет кылышкан. Кармалган адамдар УКМК органдарына сотко чейинки өндүрүш жүргүзүү үчүн өткөрүлүп берилди.

 
Categories

Кыргыз-казак чек арасында жүк ташуучу унаалардын саны кыскарды

Кыргыз-казак чек арасындагы көзөмөл бекеттери шттатык режимде иштеп баштап, жүк ташуучу унаалардын саны эки эсе кыскарды. Бул тууралуу кыргыз өкмөтүнүн басма сөз кызматы кабарлады.

Мекемеден билдиргендей, учурда казак тарап керектөөчү товарларды алып бараткан автоунааларды мурдагы режимде өткөрүп жатат. Өткөн жумада премьер-министр Мухаммедкалый Абылгазиевдин буйругу менен Мамлекеттик бажы кызматынын төрагасы Алмаз Оңолбеков башында турган кыргыз делегациясы сүйлөшүүлөрдү жүргүзүү үчүн Казакстанга жөнөтүлгөн. Сүйлөшүүлөрдүн негизинде жакын арада унаалардын кезеги толугу менен жоюлат.

Белгилей кетсек, 19-марттан тартып Казакстан көзөмөлдү күчөтүп, кыргыз-казак чек арасындагы “Ак-Тилек”  бекетинде да автоунаалардын узун кезеги жаралган.

 

 
Categories

Душанбеде кыргыз-тажик чек арасы боюнча сүйлөшүүлөр жабык өттү

Душанбеде кыргыз-тажик чек арасын делимитациялоо жана демаркациялоо боюнча өкмөттөр аралык комиссиянын кезектеги жыйыны аяктады. бул тууралуу БОрбордук Азия жаңылыктар кызматы жазды.

Кыргызстандын вице-премьер-министри Жеңиш Разаков менен анын тажикстандык кесиптеши Азим Иброхим жетектеген эки өлкөнүн расмий делегацияларынын жолугушуусу жабык өтүп, ага маалымат каражаттарынын өкүлдөрү киргизилген жок.

Жыйындан кийин Азим Иброхим чек ара меселелерин чечүүдө «бир аз жылыштар» бар экенин айтып, жолугушуу жакшы атмосферада өткөнүн белгиледи. Ал сүйлөшүүлөрдүн жыйынтыктары тууралуу журналисттерге кийинчерээк маалымат бериле турганын билдирип, башка комментарий берүүдөн баш тартты.

Өз кезегинде Жеңиш Разаков дагы тажик жеринде мейман экенин айтып, сүйлөшүүлөр боюнча комментарий берген жок.

13-14-мартта Кыргызстандын Ак-Сай жана Тажикстандын Мехнатабад айылдарынын тургундарынын ортосунда чатак чыккан. Анын натыйжасында бир нече адам жабыр тарткан. Тажикстандын Чек ара кызматы жаңжалда эки тажик жараны окко учканын, бир нече адам жабыркаганын кабарлаган. Ал эми кыргыз тараптан үч адамга ок тийген.

 

 
Categories

Дарыя аркылуу чек арадан өтүүгө аракет кылгандар кармалды

Чу дарыясы аркылуу кыргыз-казак чек арасынан өтүүгө аракет жасаган жарандар кармалды. Бул туурасында Мамлекеттик чек ара кызматынын басма сөз кызматы кабарлады.

Маалыматка ылайык, кечээ, 4-апрель күнү кармалган жарандар Кыргызстандан Казакстанга Чу дарыясы аркылуу өтүүгө аракет жасап, бирок Кыргызстандын аймагындагы чек ара кызматкерлери тарабынан колго түшүрүлгөн.

Тиешелүү документтер толтурулгандан кийин алар УКМКнын Чүй облусу боюнча кызматкерлерине өткөрүлүп берилген.

 
Categories

Казакстан чек арадагы маселе боюнча кыргыз өкмөтүнө жооп берди

Казакстан Евразия Экономикалык Биримдигинин мыйзамдарын бузган жок, болгону товарлардын документтерге толугу менен ылайык келүүсүн талап кылып жатат. Бул тууралуу Казакстандын кирешелер комитетинин жетекчисинин орун басары Куат Рахимов маалымат жыйынында билдирген.

“Биз жүктөргө тыюу салып же чектөө киргизген жокпуз. Жөн гана жүктөр документтерге ылайык келүүсүн талап кылып жатабыз. Ал жерде бир товар көрсөтүлүп, бирок факты боюнча башка жүк болот. Же болбосо Кыргызстандан Орусияга жөнөтүлүүчү транзит катары айтылып, бирок ал жүктөр Казакстанда калып жатат. Кыйыр салыктарды өндүрүү маселеси ачык бойдон калууда. Мисалы,товар Казакстанга алынып келсе, анда салык бул жерде төлөнүшү керек”, – дейт Рахимов.

Белгилей кетсек, 19-марттан бери кыргыз-казак чек арасында Кыргызстандан барган жүк ташуучу унаалар катуу текшерилип, мунун айынан чек арадан өтө албай турган унаалардын узун кезеги пайда болгон.