Categories

Уядан эмнени көрсөң, учканда ошону аласың

Өлкөбүздүн укук коргоо тармагында кызмат өтогөн адистердин басымдуу бөлүгү Кыргыз мамлекеттик юридикалык академиясынан билим алып чыгышат. Бүгүнкү кундө калктын сотторго, деги эле укук коргоо тармагына болгон ишеними өтө төмөн болгондуктан, бул тармактарга келечек кадрларды даярдоо кандай жүрүп жатат деген суроо туулбай койбойт.

 
Categories

Диний терминдер камтылган кыргыз тилдүү китеп чыгаруу пландалууда

Бүгүн, 5-апрелде мамлекеттик тилди өнүктүрүү жана диний терминдерди кыргыз тилине которуу боюнча тар чөйрөдө талкуу жүргүзүлдү. 

Талкууга Кыргызстандын Мамлекеттик тил комиссиясынын төрагасы,  Дин башкармалыгынын жана “Ыйман” фондунун төрагасы  жана бул тармакка тийиштүү адистер катышышты. 

Талкуунун жүрүшүндө, алдыда боло турчу иш чаралар пландалып, диний терминдер камтылган кыргызча китеп чыгарууга токтолушту. Эми китеп үчүн демөөрчү табуу аракеттери калды. 

Булак: NewTV

 
Categories

Түркмөн студенттери Беларустагы окуу жайдан чыгарылышы ыктымал

Беларус мамлекеттик медициналык университетинде билим алган түркмөн студенттери окуу акысын төлөй албай жатышканы үчүн окуудан чыгуу коркунучуна кептелишти. Түркмөн банктары алардын ата-энелери жөнөткөн акчаларды которбой жатат. Бул тууралуу аталган окуу жайдын студенттеринин бири билдирди.

«Биз окуу акысын 20-февралда Түркмөнстандагы банктар аркылуу төлөгөнбүз. Бирок түркмөн банктары аны азыркыга чейин Беларустагы окуу жайдын эсебине которушкан жок. Университет 1-апрелге чейин каражатты төгүүнү талап кылууда. Жума күнү бизди окуудан чыгарышат», – деди ал.

Анын айтымында, студенттер түркмөн банктары менен байланыша албай жатышат, Минсктеги Түркмөнстан элчилиги да жардам берүүдөн баш тарткан.

«Элчи маселени өзүбүз чечишибиз керектигин айтты. Мага окшогондор 40тан ашуун. Арабызда үч айдан кийин окуусун бүтө тургандар да бар. Бирок акча которулбагандыктан, алар бизди окуудан чыгарышы мүмкүн», – деп кошумчалады ал.

Маалыматтарга караганда, студенттердин ата-энелери бир жылдык окуу акысы үчүн 2 миң доллардан төлөшкөн.

Минсктеги Түркмөнстан элчилиги “Азаттыктын” түркмөн кызматына түшүндүрмө берүүдөн баш тартты.