Categories

1- сентябрда 1-класстар окушат

Бүгүн премьер-министр Кубатбек Боронов 1- сентябрда бир гана 1- класстар мектепке барарын билдирди.
Калган класстар аралыктан окушмакчы.
Өлкөбүздө эпидемиологиялык абал толук жакшырганга чейин аралыктан окуу уланат бермекчи.
Абалдын өзгөрүүсүсүнө жараша республикалык штабдын сунуштарына карата чечим кабыл алынмакчы.

 
Categories

Мугалимдердин жетишсиздиги күч

Быйылкы окуу жылына карата өлкөбүздө 2250 мугалим жетишсиз.
Облустар боюнча айтсак
1. Чүйдө 451
2. Жалал-Абад 388
3. Бишкек 380
4. Ош 319
5. Баткен 265
6. Ысык-Көл 175
7. Ош шаары 161
8. Талас 87
9. Нарын 24
Мына ушундай көрүнүш.
Былтыркы жылы мугалимдик
кесипке 2066 бүтүрүүчү ээ болгон.
Алардын 1600 аймактарга милдеттүү түрдө бөлүнгөн.
426 сына эркин тандоо укугу берилген.
Ошондо деле абал жакшырбаган.
Мугалимдердин жетишсиздиги дале болсо эмгек акынын аздыгынан болууда.
Былтыр Өкмөт мугалимдердин айлыгын көбөйткөн болчу.
Андан деле мугалимдер жарып кетишкен жок.
Анткени бир жагынан айлыкты көбөйттүк деген менен кайра эле сааттар кыскартылып, класс жетекчилик, дептер текшерүү деген сыяктуу кошумча төлөмдөр алынган же кыскартылган учурлар болууда.
Ошого байланыштуу иш жүзүндө эмгек акылар сезилерлик көбөйгөн эмес.
Мугалимдердин жетишсиздигин жоюунун эң эле натыйжалуу жолу эмгек актыларды азыркыдан дагы эсеге көтөрүү керек.
Ансыз маселе ойдогудай чечилбейт.
Келечекти ойлоп, мамлекеттибиз өнүксүн, өссүн десек анда мугалимдердин айлыгы өлкөдөгү эң чоң айлык болуш керек.
Дүйнөдөгү бардык өнүккөн өлкөлөрдө мугалимдердин айлыгы эң жогорку деңгээлде. Алыс кетпей эле айтсак
Грузияда мугалимдердин айлыгы бизден үч эсеге жогору.

 
Categories

Эң керектүү кесип кайсы?

Билим берүү жана илим министри Каныбек Исаков жергиликтүү теле каналдардын бирине маек берип жатып, Кыргызстанда кайсы кесиптер эң керектүү болуп жаткандыгына токтолду.
Министрдин айтымында азыр IT технологиялык тармактагылар, компьютердик инженерия, геология жаатындагы кесиптер эң керектүүлөр болуп саналат.
Алардан кем эмес биз агрардык өлкө болгондуктан агрардык тармактагы кесиптерда артыкчылыктуу экенин белгилеп, билим берүү тармагы да приоритеттүү бойдон каларына токтолгон.
Ошондой эле азыркыдай пандемия учурунда белгилүү болгон вирусологдорду , инфекционисттерди, пульмонологдорду даярдоо артыкчылыктуу экендиги байкалды дейт министр.

 
Categories

Кыргызстандын колледждерине абитуриенттерди кабыл алуунун экинчи туру 2020-жылдын 7-августунан 25-августуна чейин жүргүзүлөт

Быйылкы жылы эпидемиологиялык кырдаалга байланыштуу кабыл алуу онлайн жүргүзүлөт. Абитуриенттер Билим берүү жана илим министрлиги тарабынан атайын иштелип чыккан https://spuz.edu.gov.kg/ системада катталышат. Бул туурасында Билим берүү жана илим министрлигинин басма сөз кызматы билдирди.

Маалыматка ылайык быйылкы жылы кабыл алууну 145 колледж 129 адистик боюнча ишке ашырууда. Абитуриенттер катталуу үчүн колледжди, адистикти тандап, өтүнмө берүү зарыл. Кабыл алуу аяктагандан кийин үч күндүн ичинде абитуриент тандалган колледжде окууну каалоосун тастыктоого тийиш.

Документтердин түп нускаларын студенттер ОКОЖдорго окуу жылдын башында бериши керек.

 

 

 
Categories

Кыргызстанда 64 ЖОЖ абитуриенттерди кабыл алууда

Билим жана илим министрлигинин маалыматы боюнча учурда 64 жогорку окуу жайлары абитуриенттерди кабыл алып жатыптыр.
Албетте биздей чакан өлкөдө мынчалык көп сандаган жогорку окуу жайлардын болушунун өзү канчалык опурталдуу.
Анткени саны көп сапаты жок ЖОЖдордо билим берүү деңгээли абдан эле төмөн бойдон калууда.
Азыр эптеп эле контракттык негизде окутуп акча жасоо ЖОЖдор үчүн негизги максат болуп калгандыгы абдан өкүнүчтүү.
Дээрлик көпчүлүк окуу жайларда студенттердин жарымы эле сабакка жумалап, айрымдары бир айда бир барса барат, барбаса жок.
Ананда 60 пайыз ЖОЖдордун материалдык, техникалык абалы, окуу корпустары учур талабына жооп бербейт.
Окутуучулардын көпчүлүгү пенсия жашындагы кары-картаңдар.
Алар сабактарды хх- кылымдагыдай эскиче өтүшөт.
Өткөн кылымдын базасында, эски методика менен эптеп-септеп билим алган студенттер анан кантип келечек ээлери болчудай татыктуу билим алышат.
Азыр билимдүү, заманбап көз караштагы жаштар жогорку окуу жайларында окутуучу болуп эмгектенишпейт.
Анткени ЖОЖдордо мугалимдердин эмгек акылары абдан төмөн.
Орточо 10 миң сом.
Профессорлор 15 – 20 миң сом айлык алат.
Анан албетте ошол алган айлыгына жараша билим беришет.
Азыр 15-20 миң сом айлыкты жогорку билими жок эле, атайын орто билими барлар курулушта же башка тейлөө кызматтарында иштегендер жөн эле алышат.
Керек болсо андан эки эсе көп да болгон жагдайлар бар.
Билим берүү жана илим министрлиги санда саатка маани берип, тез арада билим берүүнүн деңгээлин жогорулатуу зарыл.
Антпесе ЖОЖдорубуз келечектин эмес, өткөн чактын кадрларын даярдап, өлкөбүз алдыга кетпей, артка кетип калбасын…

 
Categories

Жогорку окуу жайларына кабыл алуунун биринчи туру бүттү. Анда 30 миңден ашуун талон ташталды

30 миңден ашуун абитуриент жогорку окуу жайларга кабыл алуунун I турунда талон таштады. Бул тууралуу Билим берүү жана илим министрлигинин басма сөз кызматынан билдиришти.

Абитуриенттердин 35%ы бюджеттик орундарга, 65%ы келишимдик негизде билим алууга талон салган. Ал эми 64 жогорку окуу жай тарабынан 17 миң 694 абитуриент кабыл алууга сунушталды. 10 миң 927 абитуриент тандаган окуу жай жана адистиги боюнча билим алуу ниетин тастыктады. Анын 2 миң 301и бюджеттик орундарда, 8 миң 626сы келишимдик негизде билим ала алат.

Жогорку окуу жайларга кабыл алуунун II жана III турунун өтүү убактысы:

▪️ 2-тур – 27-29-июль, саат 14:00гө чейин – сынакка катышуу үчүн өтүнмөлөрдү берүү;

▪️ 3-тур – 3-5-август, саат 14:00гө чейин – сынакка катышуу үчүн өтүнмөлөрдү берүү.

Ар бир тур аяктагандан кийин үч күндүн ичинде кабыл алууга сунушталган абитуриенттер ЖОЖдо окуу каалоосун тастыктоосу зарыл.

 
Categories

1- сентябрда 1- класстар окушат

Билим берүү министрлиги 1- сентябрда 1-класстын окуучулары мектепке келиши толук мүмкүн.
Мындай вариантты азыр министрлик карап жатат.
Анткени мектеп босогосун жаңы атташкан бөбөктөр мектептин илебин сезиш керек.
Жок дегенде жумасына эки күн дүйшөмбү, шейшемби күндөрү мектепте окушуп, калган үч күн үйдөн окуй турган ыкма колдонуусу каралууда.
Негизи эле 1- класстар мектепте окуш керек деген пикирлер туура.
Көптөгөн чет өлкөлөрдө да 1-класстар эле эмес, төмөнкү класстардын баары эле окуй турган болуп жатат.

 
Categories

Биринчи чейректе окуу аралыктан болобу? Министрликтин маалыматы

Билим берүү жана илим министрлиги 2020-2021-окуу жылына даярдыктарды Антикризистик Планга ылайык жүргүзүп жатат.  Бул туурасында министрликтин сайтында жазылган.

Ага ылайык жаңы окуу жылынын биринчи чейректеги окуу процессин аралыктан уюштурууга  даярдыктар көрүлүп жатат.

Ошондой эле кандайдыр бир региондордо илдеттин жайылышы кооптуу эмес делип, тийиштүү кызматтар уруксат берсе, ал жактагы окуу системалары өзүнчө каралышы мүмкүн.

Билим берүү жана илим министрлиги мектеп мугалимдерин, окуучуларды ата-энелерди азыртан дистанттык билим берүү процессине даярдана берүүсүн максатка ылайыктуу деп эсептейт.

Азыркы учурда тажрыйбалуу методисттерден, педагогдордон жана эксперттерден турган команда теле сабактардын мазмунун, жадыбалын, өткөн практиканы  карап чыгып, аларды тартууга киришти.

Ал эми кырдаал жакшы жагына өзгөрүүсү менен окуучулар мектепке реалдуу режимде окууга келишет.

 
Categories

Эң жогорку балл- 229. ЖРТ жыйынтыгы чыкты

Жалпы республикалык тестирлѳѳнүн жыйынтыгы менен жогорку упай алган 53 бүтүрүүчү “Алтын сертифкатка” ээ болушту.

Жогорку балл алгандардын 28и Бишкек шаарында, үчөө Ош шаарында, алтоо Чүй облусунда, экөө Ош облусунда, экөө Талас облусунда, алтоо Баткен облусунда, төртөө Ысык-Көл облусунда жана Нарын, Жалал-Абад облустарында бирден окуучу.

Эң жогорку баллды Алай районунун Кабылан-Көл айылындагы Мурзаев атындагы орто мектебинин окуучусу Акмарал Нурбек кызы алды. Анын баллы – 229 болгон.

2020-жылы жогорку окуу жайларга (ЖОЖ) абитуриенттерди кабыл алуу бюджетке тапшыргандар үчүн негизги тесттин босого баллы жылдагыдай эле 110, предметтики 60 деп белгиленди. Ал эми окуу жайга келишимдик негизде тапшыруучуларга негизги тесттин босого баллы 105 болуп төмөндөтүлдү. Бирок бул төмөндөтүү медицина жана фармация адистиктерине тиешеси жок.

Быйылкы тестирлөөгө 41 727 бүтүрүүчү катталган.

 
Categories

Жогорку окуу жайына тапшырууга канча балл керек?

Билим берүү жана илим министрлиги ЖОЖдорго окууга тапшыруу үчүн босого чегин бюджеттик орундар үчүн 110 балл, ал эми контракттык орундарга 105 балл чегинде белгиледи.                                                                                                                                        Мындай чечим ЖКнын депутаттарынын, көпчүлүк ата-энелердин жана азыркы шартты эске алуу менен кабыл алынган.