Categories

ЖОГОРКУ ОКУУ ЖАЙЛАРЫ КАЧАН АЧЫЛАТ?

Кыргызстандагы жогорку окуу жайлар жаңы жылдан кийин иштей баштайт. Бул тууралуу вице-премьер Эльвира Сурабалдиева өзүнүн соцтармактагы баракчасы аркылуу билдирди.

Жогорку окуу жайларын жаңы жылдан кийин ачабыз, бир аз сабыр кылып туруңуздар, шаарда бала бакчаларды ачуу маселеси каралууда, баардык жолдорун караштырып жатабыз. -деп жазылган маалыматта


Билим берүү министирлиги буга чейин жогорку окуу жайларында окууну жандандыруу боюнча маселе каралып жатканын кабарлаган.

 
Categories

МУГАЛИМДЕРДИН ЖҮГҮ ЖЕҢИЛДЕЙТ

Мектеп мугалимдеринин кагаз иштерин азайтуу үчүн Билим берүү жана илим министрлигинде атайын комиссия түзүлдү. Бул тууралуу ведомство жетекчиси Алмазбек Бейшеналиев Facebook аркылуу түз эфир учурунда колдонуучулардын суроолоруна жооп берип жатып айтты. “Бул маселе боюнча кайрылгандар абдан көп. Ансыз да түйшүгү арбын мугалимдерибиздин жүгүн жеңилдетиш үчүн комиссия түзүлүп, кагаз иштерин кыскартуу боюнча иштеп жатышат”, – деди министр. Белгилей кетсек, мектептерде мугалимдер убактысынын көпчүлүгүн кагаз иштерине короторун айтып, нааразы болгондор аз эмес. Бул көйгөйдү өлкө жетекчилигине чейин айтып, мугалимдердин “Кут Билим” гезити аркылуу даттануулар байма-бай жарыяланып турат.

 
Categories

БАСМАКАНАЛАРДЫН БАА ЖЕТКИС ЭМГЕКТЕРИ

Дүйнө жүзүндөгү эң алгачкы басмакана 1445-жылы Иоганн Гутенберг тарабынан ойлоп табылган. Ал биринчилерден  болуп басма станогун жасап, андан соң  массалык түрдө китептер басылып чыга баштаган. А бирок айрым тарыхчылар буга чейин эле жапырт түрдө китептер чыкпаганы менен бирин-экин басылмалар болгон деп да айтып келишет. Ошол кездеги станоктор  жаңыланып олтуруп бүгүн  заманбап басмаканалар орун алууда. Алардын бири борбор калаада жайгашкан  «Улуу тоолор» басмаканасы. Ишкана жылына 100 миңдеген китептерди басып чагарат. Басымдуу бөлүгү адабий чыгармалар.  Алты жылдык тарыхы бар басмакананы акын, жазуучу  Жумадин Кадыров жетектеп келет. Өзүнө максималдуу талаптарды, татаал тапшырмаларды кое билген Жумадин Кадыровдун кол алдында  50 адам эмгектенет. Жамааттын жараткан ийгиликтери да арбын. Кеп жөн гана мактоо баракчаларында  эмес, кыргыз адабиятын ааламга  таратууга болгон салымда.

 
Categories

ОКУУЧУЛАР АРАЛЫКТАН ОКУЙТ

Кыргызстанда окуучулардын бардыгы мурдагыдай аралыктан окууга кайтууда. Бул тууралуу Билим берүү жана илим министрлигинин маалымат кызматы кабарлады. Ага ылайык, учурда мекеме тиешелүү буйрукту даярдап жатат. “Министрлик мектепте окууну жандантууну өлкөдө абал турукташкандан кийин карап баштайт”, — деп айтылат маалыматта. Эске сала кетсек, буга чейин 1-класстарды, андан кийин 2-класстан 6-класска чейинки окуучуларды мектепке бардырууга уруксат берилген.

 
Categories

Билим берүү министрлиги 6-октябрдан тартып 2-6-класстарды мектепте окутуу жөнүндө буйрук чыгарды

Билим АКИpress – Билим берүү жана илим министрлиги 2020-жылдын 6-октябрынан тартып менчигинин түрүнө жана формасына карабастан, Кыргызстандагы мектептердин 2-6-класстарынын окуучулары үчүн билим берүү процессин реалдуу режимде уюштуруу жөнүндө буйрук чыгарды.

Министрликтин басма сөз кызматы билдиргендей, буйрук Кыргыз Республикасынын «Билим берүү жөнүндө» мыйзамына ылайык, 2020-жылдын 30-сентябрындагы Республикалык штаб тарабынан кабыл алынган чечимдин негизинде чыгарылды.

Буйрук менен окуучуларды мектепке кабыл алууга даярдануу максатында 2020-жылдын 5-октябрында массалык дезинфекциялык иш-чараларды жүүргүзүү тапшырмасы берилди.

Билим берүү процессин уюштурууда Билим берүү жана илим министрлиги менен Саламаттыкты сактоо министрлигинин 2020-жылдын 1-октябрындагы биргелешкен буйругу менен бекитилген коронавирус инфекциясынын жайылышын алдын алуу боюнча санитардык-гигиеналык, эпидемияга каршы чараларды сактоо боюнча иш-аракеттердин алгоритмин жетекчиликке алуу тапшырылды. Билим берүү башкармалыктарына жана бөлүмдөрүнө окуучулардын сабакка катышуусуна мониторинг жүргүзүү, ар бир мектеп боюнча окуучулар жана мугалимдер арасында респиратордук оорулар көбөйгөндүгү аныкталган учурларда ыкчам түрдө аймактык саламаттыкты сактоо органдарына токтоосуз маалымдоо үчүн жооптуу адамдарды дайындоо боюнча тапшырма берилди.

Жалпы билим берүү уюмдары жайгашкан жерлерде эпидемиологиялык кырдаал начарлап кеткен учурлар байкалса, жергиликтүү өз алдынча башкаруу органдары жана саламаттыкты сактоонун аймактык органдары менен биргеликте коронавирус инфекциясынын жайылышын алдын алуу менен аралыктан (онлайн) окутууга өтүүгө чейинки чараларды көрүү зарыл.

Мектеп жетекчилерине ар бир окуучунун ата-энеси (аларды алмаштыруучу жактар) менен окуу процессин уюштуруу жөнүндө келишим түзүү тапшырылды.

 
Categories

Республикалык штаб: 6-октябрдан тарта 1-6-класстын окуучулары салтуу түрдө мектептерде окуй баштайт

  • 2020-жылдын 6-октябрынан тарта 1-6-класстын окуучулары жалпы билим берүү мекемелеринде салттуу түрдө  окуй баштайт. Мындай чечим Республикалык ыкчам штабдын отурумунда кабыл алынды. 

Белгилүү болгондой, 2020-2021-окуу жылында 1-6-класстын окуучулары үчүн билим берүү процессин реалдуу режимде жандандырууда санитардык-гигиеналык нормаларды сактоо боюнча иш-аракеттердин алгоритми иштелип чыкты.

Ага ылайык, билим берүү уюмдарында мугалимдердин дене табы өлчөнүп турууга жана бет кап режимин сактоого тийиш. Ошондой эле кызматкерлердин үй-бүлө мүчөлөрүнүн ден соолугу, аларда илдеттин белгилеринин бар же жогу боюнча анкета толтуруп турушун уюштуруу шарт.

Ал эми мектеп балдар келгенге чейин дезинфекцияланууга тийиш. Бирок бул иш-чарада пайдаланыла турган каражаттардын концентрациясы белгиленген өлчөмдө гана колдонулат. Ошондой эле билим берүү жайларынын желдетүү тутумунун иштөөсүн жана класстык бөлмөлөрдө тыныгуу учурунда абанын алмашуусун камсыз кылуу боюнча иштер уюштурулмакчы.

Муну менен катар окуучулардын жана мугалимдердин ден соолугун медицина кызматкерлери көзөмөлдөп турат.

Окуучулар окуу процессинде аралыкты сактоо менен отургузулат. Алар колдорун бат-бат жууп турушу үчүн тиешелүү каражаттар менен камсыз кылынат.

Муну менен катар мектептерде ар кандай иш-чаларды өткөрүүгө жана ата-энелер менен башка уюмдардын өкүлдөрүнүн имаратка кирүүсүнө уруксат жок.

Окуучулар, ата-энелер жана кызматкерлер арасында өздүк гигиенаны сактоо жана жеке коргонуу каражаттарын колдонуунун зарылдыгы жөнүндө түшүндүрүү иштери жүргүзүлөт.

Эгерде мектепте окуучулардын саны 200гө чейин болсо, план боюнча  бекитилген жүгүртмөгө(расписание) ылайык кадимки режимде окуу процесси уюштурулат. Ал эми балдардын саны 350гө чейин болсо, ийкемдүү жүгүртмө боюнча (мисалы: сабактардын башталышы жана тыныгуулар  ар кандай убакытта, мисалы, 1-2-класстарда сабактын башталышы   8.00дө, 3-4-класстарда 8.30.да   ж.б.),  500гѳ чейин болсо,  кезектешүү (сменалык) негизде (мисалы,   1,2,3- класстар – 1-кезметте 4,5,6-класстар 2-кезметте окушат. Ашканада тамактануу процесси да кезек-кезек менен)  уюштурулат.

Штабдын отурумунда Билим берүү жана илим министрлиги менен жергиликтүү бийлик өкүлдөрүнө бекитилген алгоритмди так аткарууну көзөмөлдөө тапшырмасы берилди.

«Коронавирус инфекциясын алдын алуу жөнүндө маалыматтык-окутуу материалдары мектеп имараттарына илиниш керек. Муну менен катар билим берүү жайлардын дезинфекциялоочу жана санитардык-гигиеналык каражаттар менен үзгүлтүксүз камсыздалышы шарт», – деди биринчи вице-премьер-министр Алмазбек Баатырбеков

Отурумдун соңунда тармактык мамлекеттик жана жергиликтүү бийлик органдарына мектептердин жылытуу маселесине өзгөчө көңүл буруу тапшырмасы берилди.

Республикалык штаб: 6-октябрдан тарта 1-6-класстын окуучулары салтуу түрдө мектептерде окуй баштайт

Республикалык штаб: 6-октябрдан тарта 1-6-класстын окуучулары салтуу түрдө мектептерде окуй баштайт
Республикалык штаб: 6-октябрдан тарта 1-6-класстын окуучулары салтуу түрдө мектептерде окуй баштайт
Республикалык штаб: 6-октябрдан тарта 1-6-класстын окуучулары салтуу түрдө мектептерде окуй баштайт
 
Categories

Кийинки этапта 2-6 класстын окуучулары окуп баштайт

Бүгүн өкмөт үйүндөгү өткөн маалымат жыйынында Кыргыз Республикасынын саламаттыкты сактоо министринин орун басары Нурболот Үсөнбаев учурда билим берүү жана илим министрлиги менен чогуу иш алып бара жаткандыктарын айтып, жакынкы күндөрү 2-6 класстын окуучулары окуп башталарын билдирди.
Ал үчүн атайын алгоритм иштелип жаткандыгын айтты.
Ошондой эле жеке менчик бала бакчалар иштеп жаткандыктан эми мамлекеттик бала бакчаларды да иштөөгө уруксат берүү маселеси чечилээрин белгиледи.
Бирок кайсы күндөн баштап иштээри так айтылбады.

 
Categories

ЖУМГАЛДАГЫ ҮЙ МЕКТЕП

ЖУМГАЛДАГЫ ҮЙ МЕКТЕП ЖУМГАЛДАГЫ ҮЙ МЕКТЕП ЖУМГАЛДАГЫ ҮЙ МЕКТЕП

Жумгал районунун Кең-Суу айылындагы “Дүйшөндүн мектеби” атка конгон карлик мектебин КР эмгек сиңирген мугалими Токтожума Стаханов 2015-жылы өзүнүн 2 бөлмөлүү үйүндө уюштуруп, башталгыч класстын окуучуларын бүгүнкү күнгө чейин окутуп келет.  Мындай жагдай 17 түтүн эл жашаган Кең-Суу айыл аймагында орто мектеп жок болуп, коңшу айылдарга балдарды ташып окутуу кыйынчылыгынан улам келип чыккан. Бүгүнкү күндө айылда мектеп курагындагы 30 бала бар болсо, алардын 11и карлик мектебинде бир гана мугалимден билим алат. Айыл тургундарынын айтымында, бул жердеги эң негизги көйгөй – электр энергиясынын буга чейин болбогондугу. Ошондой эле мобилдик байланыш начар, айыл тоо арасындагы шарты катаал аймакта жайгашкандыктан жаан жааган сайын тоодон таш кулап, жол каттамы үзгүлтүккө учурайт, айыл эли медицина кызматына да муктаж.

 
Categories

Чет өлкөдөн билим алышат

Быйыл Кыргызстандан чет өлкөлүк жогорку окуу жайлардан билим алууга 165 студент кабыл алынган.
Бул тууралуу билим берүү жана илим министри Каныбек Исаков билдирди.
Министрдин айтымында чет өлкөгө окууга сынактар ачык жүргүзүлгөндүктөн эч бир ата энеден арыз даттануулар болгон жок.
Бул жолу 70 студент Кытайга, 10 студент Белоруссияга, 75 студент Венгрияга, 5 студент Латвияга, 5 студент Казахстанага барып билим алышмакчы.
Кыргызстандыктардын аталган өлкөлөрдөн билим алуусу өкмөттөр аралык келишимдин негизинде ишке ашырылууда.

 
Categories

Октябряда мектептер ачылат

Бүгүн өлкө башчысы Сооронбай Жээнбеков билим берүү жана илим министри Каныбек Исаков менен онлайн кеңешме өткөрдү.
Анда министр Каныбек Исаков өлкөдөгү эпидемиологиялык абал турукташса октябрдан тарта окуучулардын мектепке баруулары боюнча сунуш бар экендигин айтты.
Буга президент каршы эместигин билдирип аны этап этабы менен ишке ашырууга болоорун белгиледи.
Адегенде төмөнкү класстардын окуучуларынан баштоо керектигин баса белгиледи Сооронбай Жээнбеков.