Categories

Спирт ичимдиктерин саткан дүкөндүн мечитке жакын жайгашканын жарыялаган блогер сабалды

Анжиян облусунда 18-февралда блогер Отабек Нуритдиновду спирттик ичимдиктерди саткан дүкөндүн ээси жана анын эки уулу катуу сабап кетишти. Блогердин оозу жырылган. Бул факт боюнча териштирүү иштери башталды. Бул тууралуу боРБОРДУК Азия жаңылыктар кызматы жазды.

Блогер “Фейсбуктагы” баракчасында билдиргендей, буга анын спирттик ичимдиктерди саткан дүкөндүн мечитке жакын жайгашканы жөнүндө социалдык түйүндөрдө пикир калтырганы себеп болгон. 18-февралда Отабек Нуритдинов ден соолугуна келтирилген зыяндын деңгээлин аныктоо үчүн соттук-медициналык экспертизага кайрылган. Асака райондук ички иштер бөлүмүнүн кызматкери блогер сабалганын тастыктады. “Бардык күнөөлүү кишилерге карата чара көрөбүз”, – деди ал.

Былтыр 30-декабрда Отабек Нуритдинов жалаа жабуу, кемсинтүү жана майда бейбаштык айыбы менен 15 суткага камалып, айып пулга жыгылган. Ага каршы Анжиян облусу менен Асака районунун башчылары, райондук мектептин директору жана облустук элдик билим берүү башкармалыгынын жетекчиси арыз жазган. Анын алдында блогер “Фейсбуктагы” баракчасына жергиликтүү бийлик өкүлдөрү бюджеттик каражатка кол салып жатканы тууралуу билдирүү жазган.

 
Categories

Тажик бийлиги  генерал Абдулло Навжувоновдун сөзүнө тарыхчылар баа бериши керектигин айтты

Тажик бийлиги буга чейин Кыргызстандын жеринин бүтүндүгүнө шек келтирген  генерал Абдулло Навжувоновдун сөзүнө түшүндүрмө берди. Бул тууралуу Тажикстандын тышкы иштер министри Сирожиддин Мухриддин басма сөз жыйынында айтты.

Ал айтылган сөздөр  генерал Абдулло Навжувоновдун жеке пикири экендиги, расмий бийликтин көз карашын билдирбегендигине токтолду.

Сирожиддин Мухриддин: “Ал сөздөр мамлекеттик иш-чарада айтылган жок. Андыктан жеке пикир. Айтылган сөздөргө тарыхчылар баа бериши керек”,-деди.

Эске сала кетсек, генерал Абдулло Навжувонов 12-февралда Хожентте өткөн басма сөз жыйынында  «Баткен эч качан Кыргызстандын жери болгон эмес» деген.

 
Categories

Тышкы иштер министрлигине Тажикстандын Кыргызстандагы элчиси Назирмад Ализода чакыртылды

Кыргызстандын Тышкы иштер министрлигине Тажикстандын өлкөбүздөгү элчиси Назирмад Ализода чакыртылды. Бул тууралуу аталган министрликтин маалымат кызматы билдирди.

Анда кыргыз элчилиги Тажикстандын Согди облусундагы ички иштер башкармалыгынын жетекчиси Абдулло Навжувоновдун чек ара тууралуу айткан сөзү эки элдин ынтымагына доо кетирип жаткандыгы айтылган. Ошондой эле калп айтуу менен тарыхты бурмалоого жасалган аракет деп эсептейт. Андыктан расмий Дүйшөмбүдөн жооп күтөрүн билдирген.

Эске сала кетсек, интернетте тараган маалыматтарга караганда, милициянын генерал-майору Абдулло Навжувонов “Баткен эч качан кыргыздын жери болгон эмес” деп айткан.

 
Categories

Казакстандын  Кордай районундагы талкаланган турак жайларды бийлик кайрадан салып берет

Казакстандын  Кордай районундагы калайман мушташтан улам талкаланган турак жайларды бийлик кайрадан салып берет. Бул тууралуу Казакстандын  вице-премьер-министри Бердибек Сапарбаев маалымдады.

Сапарбаев: “Эч кандай чагымчылдарга алдырбагыла. Баардык бүлүнгөн үйлөр бийлик тарабынан калыбына келтирилет. Жабыркаган үй бүлөлөргө материалдык жардамдар көрсөтүлөт. Учурда адистер келтирилген чыгымдарды изилдеп жатышат. Биз Кыргызстандагы жашуучларга кайрылабыз. Үйлөрүңөргө кайткыла”.-деди.

 
Categories

Кордайдан келгендер мечиттерге жана үйлөргө жайгаштырылууда

Казакстандын Кордай районунда болгон калайман мушташтан улам кыргыз-казак чек арасынан Кыргызстандын аймагына өткөндөрдүн саны уланууда. Айрым маалымат булактардын билдиргенине караганда кечээ 4500дөй киши өткөн. Азырынча расмий маалыматтар бериле элек.

Кыргыз тараптын маалыматына караганда, алар  коронавируска текшерилгенден кийин гана өткөрүлүп жатат. Көбүнчөсү аялдар, кары- картаңдар  жана жаш балдар. Жергиликтүү тургундар аларды тосуп алышып, тамак аш беришүүдө. Келгендер үйлөргө жана мечиттерге жайгаштырылууда.

Эске сала кетсек,  Казакстандын Кордай районундагы Масанчи, Сортөбе, Каракемер айылдарындагы мындан эки күн мурдагы калайман мушташтан сегиз адам каза болуп, эки полиция кызматкери октон жараат алган.

Бир нече ондогон  турак үй, 15 имарат жана 23 автоунаа талкаланган. Шектүү катары 90дой адам кармалган.

 
Categories

Кордай районуна өзгөчө кырдаал киргизилди

Казакстандын Кордай районунун Масанчи жана Сары-Төбе айылдарында жергиликтүү тургундардын ортосундагы калайман мушташтан улам Жамбыл облусунун акими Аскар Мырзахметов аталган райондун аймагында өзгөчө кырдаал жарыялады.

Өзгөчө кырдаал шарты кечээ, 8-февралда саат 21:00дөн баштап күчүнө кирди.

Эске сала кетсек, буга чейин Кордай районуна караштуу Масанчи, Сортөбе, Каракемер айылдарындагы калайман мушташтан сегиз адам каза болгондугу кабарланган.  Бир нече үй, имарат өрттөлгөн.

 
Categories

Казакстандын Кордай районунда калайман мушташ чыкты(видео)

Казакстандын Жамбыл облусунун укук коргоо мекемелери Кордай районуна караштуу Масанчи жана Сарытөбе айылдарындагы калайман мушташ тууралуу маалымат таратты. Ал эмес Казакстандын президентти Касым-Жомарт Токаев да бул көрүнүш тууралуу өз пикирин  “Твиттер” баракчасына жазды. Ал маалыматта учурда ал жерде укук коргоо органдары  бейбаштыкты көзөмөлгө алгандыгы, коомдук тартипти бузгандар такталып жаткандыгы, аны айрым бир күчтөр өз пайдасына пайдаланып жаткандыгы айтылат.

Ал эми Казакстандын ИИМинин маалыматына караганда, аталган эки айылда жергиликтүү тургундар арасында уруш чыккан.  Масанчи менен Сарытөбе Кыргызстан менен чек аралаш аймакта, Токмок шаарына тушташ жайгашкан Казакстандын айылдары.Бул айылдарда казактардан тышкары дунгандар да жашайт.

Кыргызстандын Чек ара кызматы Кордай районундагы башаламандыкка байланыштуу кыргыз-казак чек арасында кайтарууну күчөткөн.

 
Categories

Зордук-зомбулуктун 70 пайызы ичкиликке байланыштуу

Статистикалык маалыматтарга караганда, үй-бүлөлүк зомбулук боюнча ички иштер органдары тарабынан берилген коргоо ордерлеринин саны 2012-2018-жылдар аралыгында 2415тен 7114кө чейин өсүп жеткен. Ал эми сот тарабынан каралган үй-бүлөлүк зомбулук боюнча администрациялык укук саны 2012-жылы 716 болсо, 2017-жылы 2547ге жеткен же 3,6 эсеге өскөн.

Бул тууралуу Ички иштер министринин орун басары Памир Асанов Жогорку Кеңештин жыйынында билдирди.

Анын маалыматына караганда, зомбулук негизинен ичкиликке байланыштуу, андай жосундар 70 пайызды түзөрүн, зомбулуктар көбүнесе эркек адамдар тарабынан жасалып жатканын, статистика көрсөткөндөй, аялдар тарабынан жасалган зомбулуктар да жок эмес экенин билдирди.

Ички иштер министринин орун басары Памир Асанов: “Айрыкча чет өлкөлөрдө иштеп жүргөн эмгек мигранттарынын балдары зордук-зомбулукка көп кабылууда”, – деди.

 
Categories

Өткөн жылы 424, 145  метр тор кармалган

Балык кармоочу синтетикалык торлорго тыйуу салынат. Өткөн жылы 302 мыйзамсыз балык уулагандар боюнча кылмыш иши ачылган. 96 620 сомдук административдик айып салынган. Кармалган торлордун жалпы узундугу 424, 145  метр. Мындай пикиринЭкологиялык жана техникалык коопсуздук боюнча мамлекеттик инспекциянын директорунун орун басары Расул Артыкбаев Жогорку Кеңеште билдирди.

Расул Артыкбаев: “Өткөн жылы 4 240 синтетикалык сетка кармалган. Балыктарды ток менен кармоо боюнча 302 иш укук коргоо органдарына өткөрүлгөн. Анын ичинен 36 кайык кармалган”,-деди.

 
Categories

АКШ элчилиги Болот Темировго болгон кол салуу боюнча билдирүү таратты

Америка Кошмо Штаттарынын Бишкектеги элчилиги  FactCheck.kg сайтынын баш редактору Болот Темировго болгон 9-январдагы кол салууну сындайт. Биз, бул кол салууну сынга алып жана тез иликтөөгө чакырган президент Сооронбай Жээнбековдун аппаратына үндөш пикирдебиз.

Жалпыга маалымдоо каражаттары журналисттер коркутуп-үркүтүүгө кабылбай иш алып барган учурда гана экин болууга мүмкүндүк алышат. Окуянын так иликтенип жана кол салууга күнөөлүүлөрдүн кечиктирилбестен жоопко тартылышы, Кыргызстандын өз демократиялык баалуулуктарын жана эркин жана ачык прессаны коргоо салтын улантуусунда чоң мааниге ээ.