Categories

Жалал-Абадда ыр кесе сынагы өткөрүлдү

Бүгүн, 29-сентябрь күнү Жалал-Абад шаарында Аймактарды өнүктүрүү жылынын алкагында уюштурулган республикалык ыр кесе телесынагы өттү.  Бул тууралуу Newtv.kg порталына өкмөттүн Жалал-Абаддагы өкүлчүлүгүнүн аппаратынын басма сөз кызматы билдирди.

Аталган иш-чарага Өкмөттүн Жалал-Абад облусундагы ыйгарым укуктуу өкүлү Кыянбек Сатыбалдиев, шаар башчылары, мекеме-ишканалардын жетекчилери, шаар тургундары менен бирге Ысык-Көл, Нарын облустарынан келген атайын коноктор күбө болушту.

Эске салсак, ыр кесени буга чейин теңир тоолуу, наркы бийик Нарын облусу  уюштуруп,эрежеге ылайык  эстафетаны Жалал-Абадга өткөрүп берген. 

 Ушуну менен кезектеги ыр кесе Ысык-Көл өрөөнүндө өтөт.

 
Categories

Аксынын кайналысы Европага экспорттолууда

Кайналы (кара өрүк) кеңири өскөн өрөөндүн бири катары Аксы району эсептелет. Кара өрүктүн жалбырагы адамды радиациядан мыкты коргойт. Айрыкча “сөөк чучукту” – ак кан оорусунан сактайт дейт окумуштуулар. Мөмөсү диабетке каршы, ичеги-карын оорууларына,муун ооруларына, ревматизмге абдан жакшы. Бул аймактын калкынын эң кирешелүү тармагынын бири да дал ушул мөмө.

Негизинен Орусияга экспорттолуп,былтыркы жылдан баштап Германияга дагы жөнөтүлүүдө. Ага Германиянын Нюрнберг шаарында болуп өткөн, Бүткүл дүйнөлүк органикалык продукция жарманкеси себеп болгон. Ошондон тартып Европага чейин жогорку баада экспорттоло баштаган.

Жерге-Тал айылынын тургуну, “Аксы био” товардык сервистик кооперативинин директору Жуманазар Карбосов көп жылдардан бери кайналы менен алектенет. Ал буга чейин кара өрүктү жеке фермасында кургатып,базарга алып чыкчу. 2017-жылдан бери GİZ программасынын негизинде немецтер менен кызматташып,биринчи жолу экспорттогон.

Аксынын кайналысы Германияда лаборотрияда текшерүүдөн өтүп, Европанын органикалык сертифкатына ээ болгон. Ушундай эле сертифкатты быйыл да алган.

“Биз немецтер менен былтыркы жылдан бери 3 жылга келишим түзүп иштеп жатабыз.Алар кара өрүктүн органикалык тазалыгына кызыкдар. Былтыр 1кг кайналынын 35 сомдон алып 58 тонна алып кеткен. Быйыл да лабороторияда таза чыккандыктан 250-300 тонна алууну пландашууда. Мурунку жылга салыштырмалуу 5сомго баасы көтөрүүлүсү мүмкүн.Ал эми жергиликтүү ишкерлер 1кг кайналыны 11-13 сомдон алып жатат”- дейт Карбосов.

Кара өрүк дагы майда чоң болуп сортко бөлүнөт. Ошого жараша баасы чечилет.Немецтер да өздөрүнүн стандартына ылайык сатып алышат. Аксыда талапка жооп берчү кургатуучу ишкана жоктугунан улам, үзүп эле алып кетип Жалал-Абадда стандартка жооп берчү кургатуучу жайда кургатып,андан ары Европага экспорттолууда.

Ошондой эле Аксыда да талапка жооп берчү ишкана курулуп жаткандыгын Жуманазар Карбосов билдирди.

 
Categories

Жалал-Абадда жер астынан өтүүчү өтмөк пайдаланууга берилди

Бүгүн, 27-сентябрь күнү Жалал-Абад шаарынын Н.Айтматова жана Ленин көчөлөрүнүн кесилишинде курулган жер астынан өтүүчү өтмөктүн кызыл тасмасы кесилип, пайдаланууга берилди. Бул тууралуу NewTV каналынын аймактык кабарчысы Тазагүл Шамшиева билдирди.

Иш-чарага КРнын вице-премьер-министри А.Өмүрбекова, Жогорку Кеңештин депутаттары А.Назаров, Т.Масабиров, М.Исаков, М.Эгембердиев, КРнын Өкмөтүнүн Жалал-Абад областындагы ыйгарым укуктуу өкүлү К.Сатыбалдиев, Жалал-Абад шаарынын мэри М.Тагаев, шаардык кеңештин депутаттары, облустук-шаардык мекеме ишканалардын жетекчилери жана шаар тургундары катышты.

Эскерте кетсек, аталган өтмөктүн узундугу 30, туурасы 6 метр. Курулушуна жергиликтүү бюджеттен 13 миллион сом акча каражаты ажыратылган.

 

 
Categories

Аксыда грепплинг боюнча облусттук турнир болуп өттү

Аксы районундагы Мукур айылында 25-cентябрь күнү Аймактарды өнүктүрүү жылына жана журналист Исмаил Мамытовдун жаркын элесине арналып, грепплинг боюнча облусттук турнир болуп өттү. Бул тууралуу newtv.kg сайтына уюштуруу тобу билдирди.

Турнирге 30 кг салмактан баштап 85 кг салмакка чейинки спортчулар катышкан.Ага дүйнө чемпиону Манас Эркул уулу конок болуп,спортчуларга ийгилик каалады.

Аталган иш-чараны Кыялбек Ильяс уулу уюштуруп, женүүчүлөр диплом жана акчалай сыйлыктар менен сыйланышты.

Турнирди өткөрүү идеясы Ильяс улуу менен маркум Исмаил Мамытовго таандык болгон. Оюндун соңунда Исмаил Мамытовдун арбагына багышталып куран окулду.

 

 
Categories

Жалал-Абаддыктар дүйнө чемпиону Бакировго аргымак мингизди

Бүгүн, 27-сентябрда Жалал-Абад шаарынын борбордук стадионунда ийгиликтерди багындырган спортчуларды сыйлоо иш-чарасы өттү. Бул тууралуу NewTV каналынын аймактык кабарчысы Тазагүл Шамшиева кабарлады.

Анын айтымында Словакиянын Трнава шаарында дүйнө чемпиону болгон Эрбол Бакировду, Индонезиянын Джакарта шаарында чоңдор арасында өткөн жайкы Азия оюндарында коло медалды тагынган Амантур Исмаиловду Жалал-Абад шаардык стадионунда салтанаттуу күтүп алышты.

Калаа башчысы шаардык бюджеттин эсебинен Эрбол Бакировго 400 миң сом, анын машыктыруучусу Алтынбек Саалаевге 120 миң сом, Амантур Исмаиловго 500 миң сом жана машыктыруучу Чыңгыз Пиримкуловго 150 миң сом сыйлыкты расмий тапшырды. Мындан сырткары, эки спортчу машыккан залга 500 миңдук спорттук килемдер тапшырылды

Жаштар иштери, дене тарбия жана спорт боюнча мамлекеттик агенттиги менен өкмөттүн Жалал-Абад облусундагы өкүлчүлүгү биргеликте Эрбол Бакировго аргымак тартуулады. Дүйнө чемпиону «мени ушул даражага жеткирген атам аргымакты минсин» деп, атасы — эл өкүлү жана грек-рим күрөшү боюнча чебер Эгембердиев Максатка тартуу кылды

Саамалыкка өкмөттүн Жалал-Абад облусундагы өкүлү Кыянбек Сатыбалдиев, Жалал-Абад шаарынын мэри М.Тагаев, Жогорку Кеңештин жана шаардык кеңештин депутаттары жана спортчулардын күйөрмандары катышты.

 

 
Categories

Ошто карылар күнүнө карата бир айлык жарыяланды

1-октябрь Карылар күнүнө карата Ош шаарынын мэри Таалайбек Сарыбашовдун буйругуна ылайык, “Карыларга көңүл буралы жана кам көрөлү” аттуу бир айлык акция жарыяланды. Бул тууралуу Ош шаардык мэриясынын маалымат кызматы билдирет.

“Жалпы мекеме-ишканаларды, шаардыктарды, жаштарды, коомдук уюмдарды бир айлык акциянын алкагында өткөрүлө турган иш-чараларга активдүү катышууга чакырабыз”, – деп айтылат маалыматта.

20-сентябрдан 20-октябрга чейин жардамга муктаж, мүмкүнчүлүгү чектелген карылардан, жалгыз бой ата, апалардан кабар алып, жакындан жардам көрсөтүлөт. Мындан тышкары, шаардагы мекеме-ишканаларда көп жыл бою үзүрлүү эмгектенген кадырлуу ардагерлер үчүн сый көрсөтүү аземдери уюштурулуп, “Өмүрү өрнөк инсандар” аталышындагы жаштардын, активисттердин ардагерлер менен жолугушуу кечелери өтөт. Ошондой эле, Ош шаарындагы узак жашаган тургундардын үйлөрүнө барып куттуктоо маршруту болот.

 
Categories

Ошто мрамор кесип чыгаруучу завод ачылды

Бүгүн, 24-сентябрь күнү Ош облусунун Кара-Суу районуна караштуу Жаны-Арык айылында мрамор таш кесип чыгарчу  жеке менчик завод ишке кирди. Бул туралуу өкмөттүн Оштогу өкүлчүлүгүнүн маалымат катчысы Newtv.kg порталына  билдирди.

Бул ишкана 40-50 адамды жумуш менен камсыз кылат. Ачылыш аземине КРнын вице-премьер-министри Замир Аскаров, өкмөттүн Ош облусундагы ыйгарым укуктуу өкүлү Узарбек Жылкыбаев Кара-Суу районунун акими Тилек Матраимов ошондой эле жергиликтүү тургундар менен  ишкана жетекчиси катышты.

Аталган заводдун курулуш иштери май айында башталып август айында аяктаган

 
Categories

Футбол федерациясы “Алай” клубуна кичи автобус белек кылды

Кечээ, 22-сентябрда Кыргызстан чемпиондугунун алкагында Ош шаарынын “Алай” командасы өз үйүндө Кара-Балта шаарынын “Кара-Балта” командасын кабыл алды. Бул тууралуу Ош шаардык мэриясынын басма сөз кызматы билдирди. 

Мелдештин тыныгуу учурунда КРнын Футбол федерациясы Оштун “Алай” футболдук клубуна кичи автобус белекке берди. Аталган федерациянын вице-президенти К. Маматов “Алай” командасына мындан ары чоң ийгиликтерди каалады.

“Алай” футболдук клубунун вице-президенти Сеит Аматов Федерациянын өкүлдөрүнө клубдун атынан ыраазычылык билдирди.

Беттеш 9:0 эсебинде “Алай” командасынын жеңиши менен аяктады.

 
Categories

Өзгөндө кырсыктарды алдын алуу боюнча машыгуулар өттү

Бүгүн, 22-сентябрда Өзгөн районунда өзгөчө кырдаалдарды алдын алуу боюнча машыгуулар өткөрүлдү. Бул туралуу өкмөттүн Оштогу өкүлчүлүгүнүн маалымат катчысы Айтмат Азамжан уулу Newtv.kg порталына  билдирди.

Машыгуулардын максаты: райондогу табигый кырсыктардын коркунучун төмөндөтүп,керектелүүчү техникалардын көргөзмөсү болуп, алардын даярдыгы жана техникалык абалы изилденди. 

Өзгөн районунун акими Алайчиев Бактыбек: “Районубуз тоолуу аймак болгондуктан, жер көчкү,зилзала, сел каптоо, суу ташкыны болуу коркунучтар көп. Ошондуктан, биздин калк үчүн мындай машыгуулар жана керектүү техникалардын даярдыгы өзгөчө мааниге ээ”.  

Аталган машыгуулар райондун алкагында 5-октябрга чейин уланат.