АЙМАК – NewTV

ИСФАНАДАГЫ АЭРОПОРТКО ИСХАК РАЗЗАКОВДУН ЫСЫМЫ ЫЙГАРЫЛДЫ

Акылай Акыналиева - 12:14, 08.12.202028

Баткен облусунун Исфана шаарындагы аэропортко белгилүү мамлекеттик ишмери Исхак Раззаковдун ысымы ыйгарылды. Бул тууралуу премьер-министрдин милдетин аткарып жаткан биринчи вице-премьер-министр Артем Новиков 7-декабрда Баткен облусундагы жумуш сапарында аэропорттун жаңы аэровокзалынын ачылышында билдирди. «Мындай аэропорттордун ишинин жанданышы менен биздин өлкөнүн аба майданы бардык өлкөлөр үчүн ачык экенин айтууга болот. Жыл сайын республикада эки миллиондон ашуун адам авиациялык тейлөөнү колдонот жана 22 миң тонна жүк ташылат. Республиканын авиакаттамдарынын географиясы кеңейүүдө. Бүгүнкү күндө дүйнөнүн 31 өлкөсүнөн учак каттап жатат жана бул багыттагы иштер улантылат», – деди Новиков. Ал Исфана шаарындагы Исхак Раззаковдун эстелигине гүл коюп, анын музейине да барды. Новиков ошондой эле Баткен облусунун Кадамжай шаарындагы жугуштуу оорулар ооруканасынын курулушунун жүрүшү менен таанышты.

АЙМАК

Кен байлыктарга кең мамиле

Jamalidin Saitburkanov - 19:08, 14.09.202044

Өкмөт башчысы Кубатбек Боронов өлкөбүздүн кен байлыктарын иштетүүгө элдин көпчүлүгү туура түшүнүү менен мамиле кылып баштады деп билдирди Президент Сооронбай Жээнбеков менен онлайн кеңешмеде.
Премьер-министр жакында Аксы, Ала-Бука, Чаткал райондорундагы кен иштеткен ишканаларды кыдырып көрүп жүргөн учурда жергиликтүү элдин кен байлыктарды иштетүүгө түшүнүү менен мамиле кылып баштагандыктарын белгиледи.
Ошол тоо кен ишканаларындагы жумушчу орундарга көбүнчө жергиликтүү калктын тартылып жатышы, жумушсуздук маселеси чечилип жаткандыгын элибиз билип баштады дейт Боронов.

Жээнбеков Кен байлык

АЙМАК Коом

Президент Нарында

Jamalidin Saitburkanov - 11:56, 19.08.202091

Өлкө башчысы Сооронбай Жээнбеков аймактарды кыдыруусун улантууда.

Бүгүн эртең 19-20 августта Нарын облусун кыдырып чыкмакчы.

Президент жумушчу сапарынын алкагында аймактагы ички жолдордун абалын көрүп чыгат.

Ошондой эле билим берүү тармагы, санариптештирүүнүн абалы менен таанышат. Андан сырткары пандемиянын кесепетин жоюудагы иштерди да көрмөкчү.

АЙМАК Айыл чарба Коом

Дарбыз, биз да барабыз

Jamalidin Saitburkanov - 07:54, 19.08.202081

Акыркы эки жылдан бери өлкөбүздүн бир катар аймактарында дарбыз өстүрүү далалаты күч болууда.
Атап айтканда мурда эзели дарбыз айдалбаган Нарын облусунун Жумгал районунда, Талас облусунда, Ысык-Көл облусунда дыйкандар аз-аздан дарбыз эгип башташты.
Албетте аталган аймактардын баарында эле бул жаңылык дароо ойдогудай болуп кетпегени менен «кылса болот экен» дегенчелик түшүм алышууда.
Ошондой эле түштүк жергесинде мурда дарбыз айдабаган Ала-Бука районунда да акыркы эки жылдан бери дарбыздан мол түшүм алышууда.
Андан сырткары түштүктүн айрым райондорунун эзели дарбыз экпеген айылдарында да кызыгып айдашып, мол түшүм, арбын киреше табышууда.
Негизи дарбызды жакшы карап, өстүрүп, мээнет кылса жакшы киреше берээри анык.
Ошол үчүн дүйнө жүзүндө кай жерде дарбыз өстүрүүгө ылайык климат болсо баары дарбыз өстүрүүгө далалат кылышат.
Жер шарында жашаган элдердин бүт баары дарбыз жешет.
Ааламда дарбызды жебеген адамдар саналуу эле болсо керек…

АЙМАК Кырсык

Дагы жер силкинди

Jamalidin Saitburkanov - 10:22, 17.08.202055

Улуттук сейсмология институтунун маалыматына ылайык 16- августта саат 03-58 де Кыргызстандын Кытай менен чектешкен Алай районун аймагында Нура айылына 9 чакырым жерде күчү 5 баллга жеткен жер титирөө болду.

Бактыга жараша эч кандай кыйроолор катталган жок.

АЙМАК Кадр дайындоо

Түлөбаев Түптүн акимин алмаштырды

Jamalidin Saitburkanov - 11:00, 12.08.202099

Ысык-Көл облусунун башчысы Балбак Түлөбаевдин кызматка келгенине араң эле эки жума болду.
Эки жума ичинде Ысык-Көл району менен Түп райондорунун акимдерин алмаштырды.
Кезекте дагы үч район турат дейт.
Ал эми өзүнүн орун басарлары менен жардамчыларын эки күндөн кийин эле алмаштырган.
Балбак мырза бул жүрүшүндө облустагы жетекчилердин баарын түгөтөт өңдөнөт.
Кыйын жетекчи өз командасын толук алып келбей эле ошол иштеп аткандарды команда кылып алуусу менен кыйындыгын көрсөтөт.
Албетте арасында чабалдар болсо аларга айла жок.
Көп катуу кете берип, көлдү толкутуп албаңыз Балбак мырза!..

АЙМАК Коом

Президент түштүктү кыдырат

Jamalidin Saitburkanov - 09:47, 12.08.2020125

Мамлекет башчысы Сооронбай Жээнбеков 12-13-августта Баткен, Ош, Жалал-Абад облустарына жумушчу сапары менен болот.
Эки күндө аталган облустардагы жол, өнөр жай курулуштары ошондой эле иригациялык курулмалардын абалын көрүп, таанышып чыгат.
Ошондой эле таажылуу вирус пандемиясы менен күрөшүүдөгү иштерди көрмөкчү.

АЙМАК Айыл чарба Коом

Учурда чөп кымбат, кышта кандай болоор экен…

Jamalidin Saitburkanov - 09:09, 11.08.2020106

Быйылкы жыл жаанчыл болгону менен түнкү аба жылуу болбой, чөптүн өсүмү жакшы болбоду.

Андыктан азыр чөп кымбат.

Чүй өрөөнүндө бир түк чөптүн баасы 180 сомдун айланасында болсо, түштүк аймагында 200 сомдон жогору.

Учурда фермерлердин, мал кармагандардын шашкылары кете баштады.

Эми эле баа ушунча болуп, тоют аз болуп жатат, кыштын аягында не кылабыз дешип.

Эгер арпа, буудайдын саманын талаага калтырбай жыйнап албаса кышында абал оор болчудай.

Баягы 2011- дылдагыдай малга жут болуп, бир түк чөптүн баасы 800-1000 сомго чыкпаса болду.

АЙМАК Айыл чарба Экономика

Кант кызылчасы аз айдалды. Шекердин баасы кандай болот?

Jamalidin Saitburkanov - 11:29, 03.08.2020158

Айыл чарба министрлигинин маалыматына ылайык быйыл былтыркы жылга салыштырмалуу кант кызылчасы 43 пайызга аз айдалган.
Өткөн жылы 14 000 гектарга айдалса, быйыл 8000 гктардан бираз көбүрөөк айдалган.
Анын себеби былтыр кызылча айдаган дыйкандар жыйнаган түшүмүн кант заводдоруна арзан баада өткөрүп зыян тартышкан.
Анткени кант заводдору менен дыйкандардын алдынала түзүлгөн келишимдерди бир тараптуу завод тарабынан бузулуп, келишимде көрсөтүлгөн баадан 30 пайызга жакын төмөн болгон.
Ананда мурда завод кызылчаны кабыл алууда дыйкандарга жарымын шекер кылып, жарымын акчалай кайтарыш керек болсо 70 пайыз шекер, 30 пайыз акчалай берип, дыйкандарды күйдүргөн.
Ошол себептен быйыл көпчүлүк дыйкандар кант кызылчасын айдабай коюшкан.
Арийне, кант заводдорун түшүнсө да болот.
Анткени алардын айтымында биздин өлкө ЕАЕБке киргенден кийин Орусиядан, Белоруссиядан арзан шекер келип, биздин базарларды каптап кеткен.
Элге кайсынысы арзан болсо ошону ала беретда.
Атамекендик өндүрүштү колдоодо биздин мекенчилдик сезимибиз жетиштүү болбой жаткандыгы өкүндүрбөй койбойт.
Биздеги эки кант заводу “Кайыңды”, “Кошой” экөө тең Кыргыз-Орус фондунан насыя алышып, заводдор заманбап модернизацияланган.
Эми алар да кантип кредиттерин кайтарууга баш орутушуп олтурат.
Албетте мындай учурда Өкмөт билмексен болбошу керек.
Тескерисинче жагдайды туура баалап, чечкиндүү чараларды көрүүсү зарыл.
Антпесе биздин ички рыногубуз корголбой, дыйкан да, завод да зыян тартат.
Натыйжада өлкөнүн экономикасына кедергисин тийгизет.
Жыйынтыктап айтканда биздин дыйкандар кант кызылчасын көп же аз айдагынан шекрдин баасы анчалык көз каранды болбой калды.
Анткени импорттук шекердин баасы арзан келип жатпайбы…

АЙМАК Кырсык

Дагы сел жүрдү

Jamalidin Saitburkanov - 09:05, 29.07.2020175

Кечээ түштөн кийин нөшөрлөп жааган жамгырдан кийин Ош – Сары-Таш – Эркеч-Там жолунун үч бөлүгүндө катуу сел жүрүп, бийиктиги эки метрге чейин агындылар топтолгон.

Кечээ караңгы түн ортосуна чейин транспорт жана жолдор министрлигинин техникалары иштеп, жол толук тазаланды.

Акыркы жумада өлкөбүздүн бир катар аймактарында сел жүрүп, ондогон ички чарбалык көпүрөлөрдү бузуп, ички жолдоргода зыян алып келди.

Айрым турак үйлөрдү сел каптап, көптөгөн короо жайларды сел каптаган.

Бактыга жараша чоң кыйроолор жок.