Categories

Атамбаевдин жан сакчысы 5 жылга эркинен ажыратылды

Свердлов райондук соту экс-президент Алмазбек Атамбаевдин жан сакчысы Дамир Мусакеевди 5 жылга эркинен ажыраттыБул тууралуу КСДП партиясынын төрагасынын орун басары Кундуз Жолдубаева билдирди.

Маалыматка ылайык, Мусакеев сот залында камакка алынып, 70 миң сом айып пул төлөөгө да милдеттендирилди.

Эске салсак, буга чейин Дамир Мусакеевге Кылмыш кодексинин 320-беренеси (“Кызмат абалынан кыянаттык менен пайдалануу”) боюнча кылмыш иши козголгон. 

 
Categories

Тажикстан абагындагы жаңжал: 29 кылмышкер менен 3 кызматкер өлтүрүлдү

Тажикстандын Дүйшөмбү шаарындагы абактардын биринде жекшембиге караган түнү жаңжал чыгып, түрмөнүн 3 кызматкери менен 29 кылмышкер өлтүрүлдү.

Маалыматка ылайык, чыр Дүйшөмбүдөн 15 чакырым алыстыктагы колониядан чыккан. Анда ДАИШ экстремисттик уюмуна мүчө болгон адамдар өздөрүн бошотууну талап кылып, чатак чыгарган.

Түрмө жетекчилиги соттолгондор менен сүйлөшүүгө аракет кылган. Бирок кылмышкерлер аларга кол салып, кызматкерлердин айрымдары жаракат алган.

Мындай жаңжалдан кийин абак күчөтүлгөн тартипте иштеп баштаган.

 

 
Categories

Агасын аткан 23 жаштагы жаран кармалды

Чүй облусунда 23 жаштагы жаран  51 жаштагы агасын атып салды Бул тууралуу аталган облустун ички иштер башкы башкармалыгынын маалымат кызматы билдирди.

Маалыматка ылайык, 13-майда милиция бөлүмүнө атышуу боюнча билдирүү келип түшкөн. Агасы менен жээни уруша кетишип, бирөөсү октон жарадар болгон. Жаракат алган жаран аткан жарандын атасынын бир тууганы.

Кылмыш иши козголуп, кылмышка шектүү убактылуу кармоочу жайга киргизилди. Тергөө иштери жүрүүдө.

 
Categories

Кытайда абакта отурган эки кыргыз жараны алынып келинди

Кытайдын абактарынын биринде узак убакыттан бери жаткан эки кыргыз жараны бүгүн 15-майда Бишкекке алынып келинди. Бул тууралуу  Тышкы иштер министрлиги маалымдады.

Аларды Кытайдын жаза аткаруу кызматы 14-май күнү Үрүмчү шаарында Кыргызстандын Жаза аткаруу кызматкерлеринин колуна өткөрүп берген.

Маалыматта алардын Кытайда абакка кандай жол менен түшүп калганы тууралуу айтылган эмес.

Бүгүнкү күндө Кытайдын түрмөлөрүндө кыргызстандык 17 жаран бар.

 
Categories

Букаларды уурдаган жаран кармалды

ИИМдин КМКнын 2-башкармалыгынын ыкчам кызматкерлери Чүй облусунун Аламүдүн РИИБдин КМКнын кызматкерлери менен биргеликте букаларды уурдаган жаранды кармашты. Бул тууралуу ИИМдин Басма сөз кызматы билдирди.

Кармалган жаран ушул жылдын январь, февраль, март жана апрель айларында Чүй облусунун Аламүдүн районунун аймагынан ири мүйүздүү малды уурдоого шектелүүдө. Шектүү Сокулук районунун Жаңы-Пахтинск айыл өкмөтүнүн жашоочусу 1987-жылы туулган Э.К. аттуу жаран болуп чыккан жана ал мурда каракчылык, тоноо, мал уурулук боюнча соттолгон. Учурда Бишкек ШИИББдин убактылуу кармоочу жайына киргизилди.

Жакында ички иштер органдарына Аламүдүн районунун бир нече жашоочусу түнкү маалда сарайларынан малдарын белгисиз адамдар уурдап кетишкендиги тууралуу арыз менен кайрылышкан. Жабырлануучулардын бардык арызы Кылмыштардын жана жоруктардын бирдиктүү реестрине катталган. Азыркы учурда Чүй облусунун Аламүдүн РИИБдин Тергөө кызматы мал уурулук фактысы боюнча сотко чейинки иликтөөлөрүн жүргүзүп жатат. Кармалган жарандын Чүй облусунун Аламүдүн районунун аймагында жогорудагыдай фактылар боюнча дагы 7 кылмыш ишине тиешеси бар экендиги териштирилүүдө.

 
Categories

Суталинов: Апрель окуясында жабыркагандардын энелеринен кечирим сураймын

Бүгүн абактан чыккан Мурат Суталинов апрель окуясында жабыркагандардын энелеринен кечирим сурады. Бул туурасында ал журналисттердин суроолоруна жооп берип жатып билдирди.

“Мени абдан көп кишилер колдоду, кечирди. Элиме ыраазымын. Мен сотто да кечирим сураганмын, азыр дагы жабырлануучулардын апаларынан, кыргыз элимен кечирим сураймын. Өзүмдүн моралдык күнөөмдү азыр да сезип жатам, мурун да бир нече жолу айтканмын. Бирок ошол кайгылуу окуяларды токтотууга күчүм жетпеди, токтотуп кала алган жокмун. Мындан ары дагы канча өмүрүм калды билбеймин. Эми калган өмүрүмдү туура жашаймын. Эч каякка барбаймын. Кээ бирөөлөр ойлошот чет өлкөгө кетет деп. Эч кайда барбайм, үйдө эле болом”, – деди Суталинов.

Ал өмүрүндө дарыгер болбой калганына өкүнөрүн маалымат берип жатып кошумчалады.

Ошондой эле, бүгүн абактан бошотуларын күтпөгөн.

“Бүгүн соттун чечимине абдан таң калдым. Абдан ыраазы болуп жатамын. 9 жылдан бери менин ишим боюнча бир канча отурумдар болду. Акыйкатты көргөн жокпуз, биринчи жолу болуп жатат”,-деди Суталинов.

Эске салсак, УКМКнын мурдагы башчысы Мурат Суталинов 2010-жылдагы 7-апрель окуясы боюнча 20 жылга эркинен ажыратылган эле.

 

 
Categories

Мурат Суталинов эркиндикке чыкты

Улуттук коопсуздук кызматынын мурдагы башчысы Мурат Суталиновду Бишкек шаардык соту бүгүн, 7-майда мөөнөтүнөн мурда шарттуу түрдө эркиндикке чыгарды.

Эске салсак, Суталинов 2010-жылдагы 7-апрель окуясы боюнча  20 жылга эркинен ажыратылган эле.

 
Categories

Батир алдамчылыгына шектелген аял кармалды

2019-жылдын апрель айынын ортосунда отуз сегиз жаштагы Чүй облусунун жашоочусу арыз менен кайрылып, алдамчылык жолу менен ири курулуш компаниясы куруп жаткан үйдөн батир алып берүүнү убада кылып,  6 600 АКШ долларын алган “Чолпон” аттуу чала тааныш аялга карата тиешелүү чараларды көрүп берүүлөрүн суранган. Бул тууралуу ИИМдин Басма сөз кызматы билдирди.

Алдын ала болжолдуу маалымат боюнча жабырлануучу чет өлкөдө жүрүп, эки жыл аралыгында шектүүгө акча каражатын которуп турган. Андан соң гана алдамчылардын курмандыгы болгонун түшүнгөндөн кийин милицияга кайрылган. Ал эми батирди сунуштаган аял курулуш компаниясына эч кандай тиешеси жоктугу аныкталган.

Андан сырткары, 2019-жылдын апрелинде ушундай эле арыз менен ички иштер органдарына элүү беш жаштагы Чүй облусунун жашоочусу алдамчылык иш-аракеттерин жасаган жогорудагы аял кишиге чараларды көрүп берүүлөрүн суранып кайрылган. Арызда, 2016-жылы күзүндө чала тааныш аял алдоо жолу менен ишенимге кирип, курулуп жаткан үйдөн батир алып берүүнү убадалап,  4 500 АКШ долларында акча каражатын алган. Жабырлануучунун айтуусунда шектүү аял аз камсыз болгон үй-бүлөөлөргө жакында бюджеттик батирлер берилгени жатат, ал үйдү төмөн баада алуу үчүн тезмеге кошуп берем деп айткан.

Жогоруда көрсөтүлгөн кылмыш иши КЖБРге катталып, Бишкек шаарынын Биринчи май РИИБи тарабынан Жазык кодексинин 204-беренесинин 2-бөлүмү (Алдамчылык) менен сотко чейинки иликтөөлөр башталган. Сотко чейинки иликтөөнүн алкагында ИИМдин КМКнын 2-башкармылыгынын кызматкерлери ыкчам-тергөө иш-чараларын жүргүзүшкөн.

Жогорудагы кылмыш ишине шектүү катары Бишкек шаарында жашаган 1959-жылы туулган С.Ч. аттуу жаран (аял киши) кармалып, Бишкек ШИИББдин убактылуу кармоочу жайына киргизилди. Кармалган жарандын ушул сыяктуу башка дагы кылмыш иштерине тиешеси бардыгы териштирилүүдө. Иликтөө жүрүп жатат. ИИМдин Криминалдык милиция кызматынын 2-башкармалыгынын кызматкерлери жарандарга кайрылып, С.Ч. аттуунун колунан жабыркагандар жөнүндө кандайдыр бир маалымат билсеңиздер ИИМдин КМКнын нөөмөт бөлүгүнө 0132 266261, же 0706545656, 0552102909 телефон номурларына кайрылсаңыздар болот.

 
Categories

Венесуэлада түрмөдөн 60ка жакын кылмышкер качып кетти

Венесуэланын Нуэва-Эспарта штатындагы түрмөдөн 60ка жакын туткун качып кетти. Бул тууралуу “Noticias Venezuela” маалымат порталы жазып чыкты.

Маалыматка ылайык, 60ка жакын качкан кылмышкерлер алгач күзөтчүлөргө кол салган. Анын кесепетинен 2 кызматкер оор жаракат алып, ооруканага жеткирилген. 

Качкындар күзөт жериндеги куралдарды алып, сыртка чыгып кетишкен.

Учурда качкан кылмышкерлерди издөө иштери улантылууда.

 
Categories

Абактагы 15 миң адамдын 300ү кургак учук менен ооруса, 11и рак

Кыргызстандын абак жайларында ар түрдүү жугуштуу ооруларга чалдыккандардын саны арбын. Бул туурасында  Жаза аткаруу мамлекеттик кызматынын маалымат катчысы Элеонора Сабатарова билдирди.

Маалым болгондой, 15 миңге чукул жаза өтөөчү болсо анын ичинен 300ү кургак учук менен жабыркап, дагы 11и рак илдети менен ооруйт. Алардын ичинде УКМКнын мурдагы жетекчиси Мурат Суталинов дагы бар.

Алар өз убагында медициналык кароодон, химиялык дарылануудан өтүп турушат. Арасында дары-дармектерден баш тарткандары да бар.