Чүй облусунун Молдовановка айылында жайгашкан Жаза аткаруу боюнча мамлекеттик кызматка караштуу №27 колониядан качууга аракет кылган эки адамдын бирөө өлтүрүлдү. Бул тууралуу аталган кызматтын басма сөз катчысы Элеонора Сабатарова кабарлады.

25-майдан 26-майга караган түнү абакта жаза мөөнөтүн өтөп жаткан 1963-жылы жана 1999-жылы туулган жарандар тосмодон секирип, качууга аракет кылышкан. Колонияны кайтарган аскер кызматкерлери алгач абага ок аткан.

Кийин ок атуу уланып, качып бараткандардын бирөө каза болуп, экинчиси кармалган. Экөө тең адам өлтүрүү, жашы жете электерди зордуктоо боюнча оор кылмышка айыпталып, он жылдан 21 жылга чейин мөөнөткө камалгандар болгон.

Ыкчам тергөө тобу качууга аракет кылган учурду иликтей баштады. Окуя кылмыш жана жазалардын бирдиктүү реестрине катталды.

If you have found a spelling error, please, notify us by selecting that text and pressing Ctrl+Enter.