Categories

Ак-Ордо конушунун балдарына спорттук оюн аянтчасы салынды

Бишкек шаарынын Ак-Ордо жаңы конушунда конуштун жаштарынын демилгеси менен балдар үчүн спорттук жана оюн аянтчасынын ачылыш аземи болуп өттү. Бул тууралуу «Роза Отунбаеванын демилгеси» Эл аралык коомдук фондусунун маалымат кызматы билдирди.

Бул жаштардын демилгеси 2018-жылдын май айынан тарта Бишкектин 10 жаңы конушунда Бириккен Улуттар Уюмунун үч агенттиги: ЮНФПА/ЮНИСЕФ/УНП жана «Роза Отунбаеванын демилгеси» Эл аралык коомдук фонду менен биргелешкен «Социалдык жана гендердик теңчиликти илгерилетүү аркылуу ынтымакты бекемдөө» долбоорунун алкагында ишке ашырылды. Ак-Ордо, Ак-Тилек, Ак-Бата, Бакай-Ата, Жеңиш, Калыс-Ордо, Көлмө, Мурас-Ордо, Рухий-Мурас жана Эне-Сай конуштарынын жаштары конуштарга социалдык объектилерди салуу боюнча долбоор жазышып, ал колдоого алынган.

Ак-Ордо конушунун 14500 жашоочунун 2 миңге жакыны жаш балдар. Алар үчүн тилекке каршы бала бакча, балдарды өнүктүрүүчү борборлор, эс алуучу, спорттук жайлар, парктар, ата-энелер үчүн балдары менен убактысын өткөргөнгө ыңгайлуу аянтча жок болчу.

 
Categories

Мексика чек арасындагы ата-кыздын өлүмүнөн кийин Трамптын миграция саясаты сынга алынды

Америка Кошмо Штаттарында америка-мексика чек арасындагы Рио-Гранде дарыясын сүзүп өтүүгө аракет жасаган сальвадорлук ата-кыздын өлүмүнөн кийин Дональд Трамптын миграциялык саясаты сынга алынды. Бул тууралуу БОрбордук Азия жаңылыктар кызматы жазды.

Сүрөттөн 25 жаштагы Оскар Альберто Мартинезди жана анын футболкасынын астында атасын мойнунан кучактаган кызды көрүүгө болот. Аны алгач мексикалык La Joranda гезити жарыялаган, кийинчерээк сүрөт дүйнөлүк агенттиктер арасында тараган. Маркумдун аялы Таня Ванесса Авалос дарыянын Мексика бөлүгүндө аман калган.

Сальвадор атайлап киши өлтүрүү, манзат жана кылмыштуулук боюнча дүйнөдө биринчи орунда турат.

Президент Трамп шайлоо алдында мыйзамсыз миграция менен күрөшүүгө убада берген. Анын администрациясы ырааттуу түрдө миграция эрежелерин катаалдаштыруу боюнча реформаларды жасоо аракетинде. Трамп АКШнын Мексика менен чек арасына дубал тургузуу менен Түштүк жана Борбордук Америкадан келген миграциялык агымды токтоткусу келет.

 
Categories

Москвада Кыргызстандын документтерин колдонгон учур аныкталды

ИИМдин Россия Федерациясындагы Өкүлчүлүгү менен Россиянын ИИМдин аймактык түзүмдөрүнүн бөлүмү Кыргызстандын жасалма паспорттору менен айдоочулук күбөлүктөрүн колдонгон кезектеги учурду аныкташты. Бул тууралуу ИИМдин Басма сөз кызматы билдирди.

2019-жылдын июнь айында жүргүзүлгөн ыкчам-издөө иш-чараларынын жүрүшүндө коңшу өлкөнүн жараны (аял киши) 1978-жылы туулган Х.К. аттуу адам, сый акы берип такталбаган жарандар менен макулдашып алып,  Кыргызстандын жаранынын паспортун (ID-card) өзүнө мыйзамсыз алган. Андан соң ал Россия Федерациясынын аймагында жүрүү үчүн миграциялык каттоого турган. Бирок, паспортто көрсөтүлгөн маалыматтар паспорт ээсинен 10 жаш кичүү болгон Кыргызстандын жаранына таандык экендиги аныкталган.

Жогорудагыдай кызматтарга баруу менен жарандар кылмыш кылып жатышат. Мыйзамды билбегендик кылмыш жоопкерчилигинен бошотпойт

 
Categories

Жээнбековдон “жабыркаган” Кара -Кулжалыктар

Трайбализм -бул, кыргыздын душманы. Мындай илдет элди бөлүп-жарып, бири-бирине   душман гана кылбастан мамлекетттүүлүккө терс таасирин тийгизүүдө. XXI кылымда мындай суроонун улам көтөрүлүп, аны саясатчылардын курал катары колдонуусу акылга сыйбаган көрүнүш.

 
Categories

Кыргыз спортчулары алты айда 371 медалга ээ болушту

Үстүбүздөгү жылдын биринчи жарымында Кыргызстанда 70 спорттук иш-чара өткөрүлдү. Кыргызстандын курама командалары 73 эл аралык мелдешке, 81 окуу-машыгуу чогулмаларына катышты. Алты айдын ичинде кыргыз спортчулары 371 медалга ээ болушту. Анын ичинен 97си алтын, 100ү күмүш, 174ү коло медаль. Бул маалыматты Жаштар иштери, дене тарбия жана спорт боюнча мамлекеттик агенттигинин директору Канат Аманкулов журналисттер менен болгон жыйында билдирди.

Канат Аманкулов билдиргендей, жаштардын маселелерин чечүүгө жалпы 1 млрд. 14 млн. сом каралып, ал 7 программа боюнча бөлүштүрүлгөн жана эл аралык уюмдар менен биргеликте жүзөгө ашырылат.

Мындан тышкары, Шераалы Сыдыков атындагы Олимпиадалык мектеп мындан ары спорттук коллеж макамына ээ болорун айтты.

Ошондой эле, Аманкулов өз сөзүндө 2020-жылы Токио шаарында өтө турган Олимпиада оюндарында кыргыз спортчулары тарабынан 21 лицензия алууга аракет жүрүп жатканын маалымдады.

 
Categories

Путин баалаган дүйнөлүк лидер

Орусиянын президенти Владимир Путин азыркы замандагы дүйнөлүк лидерлердин арасынан Франциянын мурунку президенти Жак Ширакты бааларын айтты. Бул тууралуу Британиянын FT басылмасына берген интервьсунда билдирди.

Басылманын маалыматына ылайык, жалпы дүйнөлүк лидерлердин арасынан Петр Iди бааларын айткан. Ал эми азыркы башчылардан таасир калтырган лидер катары Франциянын мурунку президенти Ширакты атаган.

Журналист Петр I жок экенин айтканда, Путин: «Анын жасаган иши тирүү болсо, ал да тирүү. Биздин жасаган эмгектерибиз бар экен, демек биз да барбыз. Эгер силер бүгүнкү күндөгү мамлекет башчыларынан айтып жатсаңар, мамиле жасаган инсандардан мени таң калтырганы Франциянын мурунку президенти Ширак мырза. Ал — чыныгы интелектуал, чыныгы профессор, кызыктуу, салмактуу инсан»,- деп жооп берди.

 
Categories

Ысык-Көлдө Өзбекстандык аял сууга чөгүп кетти

Ысык-Көлгө эс алуу үчүн келген Өзбекстандын жараны чөгүп кетти. Бул туурасында облустук милициядан билдирди.

Маалыматка ылайык, кырсык кечээ, 28-июнь күнү болжол менен саат 14:27де катталган. Каза болгон аял 69 жашта болгон. 

Маркумдун сөөгү моргго жеткирилип, тиешелүү экспертизалар дайындалган.

Аталган факты Кылмыштар менен жоруктардын бирдиктүү реестринде каттоого алынды.

 
Categories

Тоңдо музыкалык фестиваль өтөт

Бүгүн, 28-июнда Тоң районундагы Бел-Там боз үйлөр шаарчасында эл аралык «Kөl-Fest» музыкалык фестивалы башталат. Бул тууралу Тоң айыл аймагынын башчысы Болот Мамбетов билдирди.

28-июндан 30-июнга чейин мерчемделген үч күндүк иш-чарага Америка, Европа, Борбордук Азия континенттеринин 11 мамлекетинен өнөрпоздор чакырылган. Андан сырткары, жергиликтүү өнөрпоздор да катышып, жандуу музыкалык шоу, йога менен машыгуу, бий жана башка иш-чаралар камтылат.

«Жергебизге уюштуруп жаткан эл аралык музыкалык фестивалдын ачылышы кечки саат 16:00гө мерчемделди. Көрүүчүлөр үчүн алдын ала 400дөн ашык билет сатылган. Ошондой эле, жергиликтүү элге да эшик ачык. Чогулган каражат сахнаны жасалгалоо, конокторго сый көргөзүү сыяктуу иштерге жумшалат», — деди Мамбетов.

Белгилей кетсек, «Kөl-Fest» музыкалык фестивалы «Тоң Дестинациясы» уюмунун жана жергиликтүү өнөрпоздордун демилгеси менен Ысык-Көлдөгү туризмди өнүктүрүү максатында быйыл алгачкы жолу уюштурулуп жатат.

 
Categories

12 жыл наристе күткөн аял 3 эм төрөдү

Казакстандын Чымкент шаарында 12 жыл наристе күткөн аял 3 эм төрөдү. Бул туурасында казак басылмалары жазып чыкты.

Аида Баянболова аттуу 33 жаштагы аял жасалма уруктандыруу (ЭКО) жолу менен үч эмди жарыкка алып келди.  Ымыркайлар 21 күн дарыгерлердин көзөмөлүндө болуп, торолуп калган соң үйүнө чыгарылган. Алардын үчөөсү тең кыз.

Наристелерге ата-энеси Айзия, Айзере, Алуа деген ысымдарды ыйгарышкан. Учурда алардын абалы жакшы.

12 жыл зарыгып күттүргөн кыздарды жакындары эл көзүнөн оолак туталы дешип, эч кайда сүйүнчүлөбөгөн.

 

 
Categories

Маалымат департаментинин директору болуп Салкын Сарногоева дайындалды

Салкын Сарногоева Маданият, маалымат жана туризм министрлигине караштуу Маалымат жана массалык коммуникациялар департаментинин директорлугуна дайындалды. Тиешелүү буйрукка премьер-министр Мухаммедкалый Абылгазиев кол койду. Бул тууралуу аталган министрликтин басма сөз кызматы кабарлады.

Белгилей кетсек, бул кызматты 2014-жылдан бери аркалап келе жаткан Бактыгүл Норузбаева өз каалоосу менен кызматтан кеткен.

Салкын Сарногоева буга чейин аталган мекеменин директорунун орун басары кызматында иштеген.