Categories

Бишкекте жоогазындар гүлүн ачты

Бишкекте жашыл чарба” муниципалдык ишканасы тарабынан былтыр күздө тигилген жоогазындар гүлдөй баштады. Бул тууралуу мэриянын басма сөз кызматы билдирди.

Маалыматка ылайык, шаардагы 25 клумбага жоогазындын 18 түрү тигилген. Гүлдөр  Курманжан датканын эстелигинин, Токтогул Сатылганов атындагы Кыргыз улуттук филармониясынын алдына, Түштүк магистралга, Ахунбаев менен Шабдан баатыр көчөлөрүнүн кесилишине, Ибраимов — Жумабек, Гоголь — Чүй, Масалиев көчөлөрүнө, өкмөттүн имаратынын алдына жана башка коомдук жайларга тигилген. Алар толук гүл ачкандан кийин жоогазындын түбү жерден казылып, кургатылып, күзүндө кайрадан отургузулат.

Жоогазындын ордуна 28 түр бир жылдык гүлдөр тигилет.

 
Categories

Ташкентте 50 ашпозчу 8 тонна сүмөлөк жасашты

Өзбекстандын Ташкент шаарында 50 ашпозчу бир чоң тай казанда сүмөлөк жасашты. Бул туурасында өзбек басылмалары жазды.

Ашпозчулардын айтымында,иш-чараны кайрымдуулук кылуу үчүн уюштурушкан. 8 тонна сүмөлөк бышкандан соң, балдар жана карылар үйлөрүнө таркатылып, калганы шаар тургундарына да берилген. 

Сүмөлөк жасоого жети тонна ун, үч миң литр суу кеткен. Андан сырткары, түрдүү татымалдар кошулган.

 
Categories

Муфтий М. Токтомушев Чечен Республикасынын Муфтийи С. Межиев менен жолугушту

Азирети Муфтийи Максатбек ажы Токтомушев Чечен Республикасынын Азирети Муфтийи Салах-Хаджи Межиев менен жолугушту. Бул тууралуу муфтияттан кабарлашты.

Эки тараптуу жолугушуунун алкагында Салах-Хаджи Межиев кыргыз элине 1944-жылдары көрсөткөн меймандостугуна ыраазычылыгын билдирип, эки өлкөнүн Дин Башкармалыгы ортосундагы кызматташуугу бекемдөө жаатында пикир алышты.

Ал эми Азирети Муфтий Максатбек ажы Токтомушев Салах-Хаджи Межиевдин жылуу кабыл алгандыгына ыраазычылыгын билдирип, эки тараптуу кызматташууга Кыргызстан Мусулмандарынын Дин Башкармалыгы даяр экендигин билдирди.

Муну менен катар тараптап салттуу Исламды жайылтууда жана  экстремизм, терроризмдин алдын алууда тыгыз байланышта иш алып барууну талкуулашты.

Жолугушуунун акырында эки тарап бири-бирине белектерин тапшырышып, ыраазычылыктарын айтышты.

Эскерте кетсек, Эл аралык «Ислам мээримдүүлүктүн жана тынчтыктын дини» конференциясы 28-мартта Москвада башталып, 43-мамлекеттен келген 250 делегат катышууда. Учурда бул Эл аралык конференция Грозный шаарында уланууда.

 
Categories

Орусия: жарандык алуу кыргызстандыктарга жеңилдетилди

Орусиянын жарандыгын жөнөкөйлөтүлгөн схема менен ала турган мыйзам күчүнө кирди. Бул тууралуу “РБК” маалымдады.

  “Жарандыкты алуунун жөнөкөйлөтүлгөн түрү боюнча мыйзамга ылайык жашаган жеринин болушу жана акыркы беш жылда Орусияда үзгүлтүксүз жашап жүргөндүгү боюнча талаптар каралбайт. Бир жылдан 3 айга чейин жашаганы жетиштүү”,-деп айтылат маалыматта.

Бул оңдоолорго ылайык коомдук-саясий жана экономикалык жагдайы кыйын, режим алмашкан, куралдуу конфликтер болгон өлкөлөрдөн келген жарандарга жөнөкөйлөтүлгөн схема менен сунуштоо каралган.

 

 
Categories

Кытай коомдук илимдер академиясында Кыргыз-кытай мамилелери талкууланды

Кытай коомдук илимдер академиясынын (ККИА) астындагы Россия, Чыгыш Европа жана Борбордук Азияны изилдөө институтунда “Кыргыз-кытай мамилелеринин абалы жана келечеги” темасында  тегерек стол өткөрүлдү. Бул тууралуу ТИМден кабарлашты.

Иш-чарада Кыргызстандын Кытайдагы Элчиси К.Бактыгулова,  илимий чөйрөнүн өкүлдөрү, анын ичинде ШКУ коомдук дипломатия институту катышты.

Жолугушуунун мүчөлөрү ошондой эле үстүбүздөгү жылда эки жакка тең күтүлүүчү жогорку жана эң жогорку деңгээлдеги сапарлардын жана чаралардын темасын козгоп кетишти.

Андагы маалыматтарга караганда, акыркы үч жылдын жыйынтыгы боюнча Кытай Кыргызстандын соода жүгүртүүсүндө жана КРнын экономикасына инвестицияларды илгерилетүүдө башка өлкөлөрдүн арасында биринчи орунду ээледи. Азыркы учурда ар кандай өрчүү фазасында транспорт, энергетика, саламаттыкты сактоо, ирригация ж.б. чөйрөлөрүндөгү долбоорлор ишке ашырылууда. Тараптар ошондой эле КРнын экологиялык таза айыл чарба азыктарын КЭРге экспортоосу боюнча тийиштүү жумушту алып барууда.

Жолугушууда кыргыз тарап өлкөбүздүн инвестициялык жагымдуулугу жана туристтик дарамети тууралуу айтып берди. КРнын Президенти С.Жээнбеков 2019-жылды региондорду өнүктүрүү жана жана санариптештирүү жылы деп атоосунан улам, кыргыз тарап кытай өнөктөштөрү менен региондор аралык кызматташтыкты бекемдөөгө ниет кылат.

Профессор Сунь Чжуанчжи кезектеги эки тараптуу саясий кызматташтыкка да жогорку баа берди. Ошону менен бирге Кытай Кыргызстандын эң негизги соода жана инвестициялык өнөктөшүн эске алып, кытай тарап экономикалык кызматташтыкты күчөтүүнүн керектигине басым кылды. КРда инвестициялык чөйрөнү жакшыртууга жана кытай компанияларынын иштөөсүнө жагымдуу шарттарды түзүүнүн маанилүүлүгүн белгиледи.

 
Categories

Максим Бакиев алтын медал жеңип алды

Мурдагы президент Курманбек Бакиевдин уулу Максим Бакиев Лондондо жөн жатпаптыр. Спорт менен алектенип, ишкерлигин да жасайт. Азырынча канча байлыгы бар экени тууралуу так маалымат болбогон менен дүйнөдөгү байлардын балдарынын арасынан таасирдүүлөрдүн алдыңкы катарында экен.

Кечээ чыккан маалыматтарга караганда, Максим Бакиев Лондондо Carlson Gracie Surrey залынын атынан 88,3 кг салмакта күч сынашып, джиу-джитсу боюнча турнирде алтын медаль жеңип алган.

 
Categories

Корея Кыргызстанды санариптештирүүгө салым кошот

Кыргызстандын  Корея Республикасындагы Атайын жана Ыйгарым Укуктуу Элчиси Динара Кемелова Сонгюнгван (Sungkyunkwan University) университетинин Деканы Тай Менг Чунг мырза менен жолугушту. Бул тууралуу ТИМдин маалымат кызматы билдирди.

Элчи Д. Кемелова өлкөбүздү санариптештирүү, ошондой эле  адам ресурстарын өнүктүрүүгө багытталган мамлекеттик курсту белгилеп, Кыргызстан үчүн билим берүү программаларын көбөйтүүгө көмөк көрсөтүүнү өтүндү.

Жолугушуунун жүрүшүндө  тараптар “Маалымат технологиялар” багытында окууну каалаган Кыргыз Республикасынын жарандарына Сонгюнгван университетинде магистердик стипендиялык программаларды берүү мүмкүнчүлүгүн талкуулашты.

Жолугушуунун жүрүшүндө корея тарабы Кыргызстандын мектептеринде иштеп жаткан мугалимдерди, ошондой эле Жогорку окуу жайлардын маалыматтык-коммуникациялык технологиялар чөйрөсүндө окуп жаткан  студенттерди  окутуу жана билим менен алмашуу максатында Сонгюнгван университетинин профессордук жана студенттик курамындагы тобун  Кыргызстанга жиберүү планы жөнүндө маалымдады.

 
Categories

Сокулукта бут кийим чыгаруучу завод ачылды

Сокулук районунун  Манас айылында жайгашкан бут кийим чыгаруучу заводдун тушоо кесүү аземи болуп өттү.  Ага Жогорку Кеңештин “Өнүгүү – Прогресс” фракцисынын лидери Бакыт Төрөбаев баштаган бир топ депутаттар катышышты.

Бакыт Төрөбаев: “Кыргызстанда ачылган “Мариям”  жоопкерчилиги чектелген коомунда ата мекендик жайкы, кышкы үлгүдөгү бут кийимдер даярдалып, ички рынокту камсыздоодо. Андагы жумушчулар Түркиядан, Кытайдан келген чийки заттардан сапаттуу бут кийимдерди даярдайт.  Дизайны да кайталангыс өзгөчөлүккө ээ. Жагымсыз жыт – жыбыры да жок”,-деди.

Анын маалыматтарына караганда, “Өнүгүү – Прогресс” фракциясынын негизги иш пландарынын бири жумушчу орундарын ачууга көңүл буруу  болгондуктан,  бул багытта жакшы жылыштар жасалууда. Бул ишкана өндүрүшүн өркүндөтүүгө арналган 33 – долбоордун ишке ашырылыш.

“Кыргызсүт” долбоору иштелип жатат. Анын максаты,  айыл элине асыл турумдуу мал жандыктарын багууга жол көрсөтүү. Турмуш – тиричиликти жакшыртуунун айыл жергесиндеги абалы айыл чарбасына, анын ичинде мал чарбасына мүнөздүү.

 
Categories

Бишкек-Ош унаа жолу убактылуу жабылат

Бишкек-Ош унаа жолу убактылуу жабылат. Бул тууралуу ӨКМдин басма сөз кызматы шашылыш билдирүү таратты. 

 Маалыматка ылайык, аба ырайы кескин өзгөрүп, кар көчкү түшүү коркунучу пайда болгондугуна байланыштуу, Бишкек-Ош унаа жолу, “Сосновка”, “Арал” посттору жана Өтмөк ашуусунан,  29-март саат 22:00дөн 30-март саат 10:00гө чейин жабылат. 

Өзгөчө кырдаалдар катталган учурда 112 кызматына кайрылыңыздар!

 
Categories

Августтан тартып кефирдин аталышы өзгөртүлөт

Кыргызстанда август айынан тартып “кефир” сүт азыгы “кефир азыгы” деп атала баштайт. Бул тууралуу Экономика министрлигинин техникалык регламент жана метрология башкармалыгынын жетекчиси Бакыт Шабданов  билдирди.

Ал маалымдагандай, азыктын атынын өзгөрүшү Евразиялык экономикалык биримдиктин (ЕАЭБ) техникалык регламентинин талаптарына байланыштуу, ошондуктан коркуунун эч кандай кажети жок.

“12-августта сүт жана сүт азыктарынын техникалык регламент боюнча өткөөл мезгили аяктайт. Жаңы техникалык регламенттер күчүнө кирет. Бул датадан тарта кефирди өндүрүүдө стандарттык технологиялар колдонулат. Буга чейин сүт азыктарын өндурүүдө улуттук регламент болгон”,-деди Шабданов.

Кыргызстан ЕВЭБге 2015-жылы 12-августта толук кандуу мүчө болуп кирген.